AACRA

"IMEX America 2026" የማይስ ቱሪዝሞ ኤክስፖ ተሳትፎ ለከተማችን ያለው ፋይዳ ምንድነው! የአዲስ አበባ ከተማ በ “IMEX America 2026” መሳተፍ፣ ከአንድ ዓለም አቀፍ ኤክስፖ ተሳትፎ በላይ ትርጉም አለው። ከተማችን አዲስ አበባ ተመራጭ የኮንፈረንስ፣ የስብሰባ፣ የኤግዚቢሽንና የዝግጅት ቱሪዝም (MICE Tourism) ማዕከልነትን ለማስተዋወቅ፣ ኢንቨስትመንት ለመሳብና የከተማዋን ተወዳዳሪነት ለማሳደግ ትልቅ ዕድል ይፈጥራል። ዋና ዋና ፋይዳዎች፦ የከተማዋን ዓለም አቀፍ ገጽታ ማሳደግ፣ ዓለም አቀፍ ኮንፈረንሶችንና ዝግጅቶችን ወደ ከተማዋ መሳብ፣ ኢንቨስትመንትንና የግል ዘርፍ ተሳትፎን ይበልጥ ማሳደግ፣ የዓለም አቀፍ የቱሪዝም ንግድ ትስስርና የዕውቀት ልውውጥን ማላቅ እና የከተማዋን የቱሪዝም ሀብት ለዓለም የማስተዋወቅ ዕድል የሚፈጥር ነው። በአጠቃላይ፣ የIMEX America ተሳትፎ አዲስ አበባን በአፍሪካ የቱሪዝም ገበያ ውስጥ ያላትን ልዕልና ለማጠናከር፣ የከተማዋ ከዲፕሎማሲና ከፖለቲካ ማዕከልነቷ በተጨማሪ የንግድና የኹነት ቱሪዝም ማዕከል እንድትሆን ለማስቻል በእጅጉ ያግዛል።

"የስፖርት ዕድገት የሁላችንም የጋራ ኃላፊነት ነው። ዛሬ በስፖርት በመሳተፍ፣ ወጣቶቻችንን በመደገፍና የስፖርት መሠረተ ልማቶቻችንን በመንከባከብ የተሻለች አዲስ አበባን እንገንባ!"-ከንቲባ አዳነች አቤቤ

ስፖርት ለጤንነት፣ ለወዳጅነት፣ ለአንድነትና ለኢኮኖሚ ዕድገት! ዛሬ 16ኛውን የአዲስ አበባ ስፖርት ምክር ቤት ጉባኤ እያካሄድን እንገኛለን። ስፖርት ጤናችንን ያሻሽላል፣ አንድነታችንን ያጠናክራል፣ የወዳጅነት ድልድይ ይሆናል፤ እንዲሁም ለከተማችን የቱሪዝምና የኢኮኖሚ ዕድገት ዕድሎችን ይፈጥራል። አዲስ አበባን የስፖርት ቱሪዝም መዳረሻ ለማድረግ የሁላችንም ተሳትፎ ወሳኝ ነው። ወጣቶችን፣ ሴቶችን፣ አካል ጉዳተኞችንና ሁሉንም የማኅበረሰብ ክፍሎች በእኩልነት እናሳትፍ። ተደራሽና ጥራት ያላቸውን የስፖርት መሠረተ ልማቶች እናስፋፋ፣ እንንከባከብ፣ በኃላፊነትም እንጠቀም። የስፖርት ዕድገት የሁላችንም የጋራ ኃላፊነት ነው። ዛሬ በስፖርት በመሳተፍ፣ ወጣቶቻችንን በመደገፍና የስፖርት መሠረተ ልማቶቻችንን በመንከባከብ የተሻለች አዲስ አበባን እንገንባ! እናንተስ ለስፖርት ዕድገት ምን ማበርከት ትችላላችሁ? ፈጣሪ ኢትዮጵያንና ሕዝቦቿን ይባርክ! ከንቲባ አዳነች አቤቤ

አዲስ አበባ ከጠበቅሁት በላይ የተሻለች ሆና ተመልክቻለሁ- የአክራ ከተማ ከንቲባ አዲስ አበባ ከጠበቅሁት በላይ የተሻለች ሆና ተመልክቻለሁ ሲሉ የአክራ ከተማ ከንቲባ ገለጹ፡፡ የአክራ ከተማ ከንቲባ ማይክል ክፓክፖ አሎቴይ በአዲስ አበባ በነበራቸው ቆይታ የማይረሳ ጊዜ ማሳለፋቸውን ገልጸው፣ በመዲናዋ ለተደረገላቸው ደማቅ አቀባበል ምስጋና አቅርበዋል። ከንቲባው የአዲስ አበባ ከተማ ከንቲባ አዳነች አቤቤ፤ በከተማዋ ያስመዘገቧቸውን ስኬቶች አድንቀዋል፡፡ በተለይም የቀዳማይ ልጅነት ልማትን ጨምሮ የሕፃናት መጫወቻዎች፣ የትምህርት ቤቶች እና የመሠረተ ልማት ግንባታ ሥራዎች በተቀናጀ መንገድ እየተከናወኑ መሆኑን ገልጸዋል። አዲስ አበባ የለውጥና የተስፋ ከተማ መሆኗን ቀደም ብለው ያውቁ እንደነበር በመግለጽ፤ በአካል ተገኝተው ያዩት ግን ከጠበቁት በላይ የተሻለ ሆኖ መመልከታቸውን አረጋግጠዋል። በአዲስ አበባ የተመለከቷቸውን መልካም ተሞክሮዎች ወደ ጋና በመውሰድ በአክራ ከተማ ተመሳሳይ ለውጥ ለማምጣት እንደሚሰሩ ተናግረዋል። አዲስ አበባ ለአፍሪካ ከተሞች ትልቅ አርአያ መሆኗን ጠቅሰው፣ ከተማዋ በአሁኑ ወቅት እያከናወነች ያለችው የልማት ሥራ በሌሎች የአፍሪካ ሀገራትም ቢከናወን አህጉሪቱ በአጭር ጊዜ ውስጥ ትልቅ ደረጃ ላይ እንደምትደርስ ገልጸዋል። የአክራው ከንቲባ፤ አዲስ አበባ ማንም ሰው ሊጎበኛት የሚገባ፣ አስደናቂ ውበት ያላት መሆኗን በመግለጽም፣ ሌሎች አፍሪካውያን እህቶችና ወንድሞች መጥተው እንዲጎበኙ መልእክት አስተላልፈዋል።

What we have seen in Addis Ababa is more than what we have expected. We have seen that we have to think of how to adopt those experiances to Accra. -Michael Kpakpo Allotey : Mayor of Accra

በወንዝ ዳርቻ ልማት ፕሮጀክት ላይ ያፀዱትን ቆሻሻ ወደ ወንዝ የጣሉ 5 የጽዳት ሰራተኞች እያንዳንዳቸው 2,000 ብር እንዲቀጡ ተደርጓል። ​የአዲስ አበባ ከተማ አስተዳደር የደንብ ማስከበር ባለስልጣን በጉለሌ ክፍለ ከተማ ወረዳ 04 በሚገኘውና ወደ አፍንጮ በር በሚወርደው የወንዝ ዳርቻ ላይ የወረዳው የጽዳት አስተዳደር ሰራተኞች የጽዳት ስራ እያከናወኑ በነበረበት ወቅት ኃላፊነት በጎደለው ሁኔታ ያፀዱትን ቆሻሻ ወደ ወንዝ በመጣላቸው አስተዳደራዊ እርምጃ ተወሰደባቸው። ድርጊቱን በፈጸሙ 5 የጽዳት ሰራተኞች ላይ እያንዳንዳቸው 2,000 (ሁለት ሺህ) ብር፣ በድምሩ 10,000 (አሥር ሺህ) ብር የገንዘብ መቀጮ እንዲቀጡ ተደርጓል። ​ባለስልጣኑ የህብረተሰቡ የጋራ ሀብት የሆኑትን የወንዝ ዳርቻዎች፣ የአረንጓዴ ስፍራዎች እና የወንዝ ዳርቻ ፕሮጀክቶች አጠቃላይ የመሰረተ ልማት ደህንነትን ህብረተሰቡ በኃላፊነት እንዲጠብቁ መልዕክቱን አስተላልፏል። ​በከተማዋ ደንብ በሚተልፉ ማንኛውም ተቋም እና አካላት ላይ የሚወሰደው እርምጃ በቀጣይም ተጠናክሮ የሚቀጥል መሆኑን ገልፆ፤ ህብረተሰቡ ለማንኛውም የደንብ መተላለፍ ጥቆማዎችን በነጻ የስልክ መስመር 9995 በመደወል ጥቆማ እንዲሰጥ ጥሪ አቅርቧል።

አማራጭ የመንገድ ጥቆማ በከተማዋ ከጎሮ - ኮዬ ፈቼ - ቱሉ ዲምቱ አደባባይ በሚወስደው መንገድ ላይ እየተከናወነ በሚገኘው የኮሪደር ልማት ምክንያት፤ ከኮዬ ወደ ጎሮ አደባባይ የሚወስደው አስፋልት መንገድ ተቆርጦ የመሬት ውስጥ መሰረተ ልማት ዝርጋታ እየተሰራ መሆኑን መስከረም 29 ቀን 2019 ዓ.ም በተላለፈው ማስታወቂያ መገለፁ ይታወሳል፡፡ በአሁኑ ወቅትም በሥፍራው እየተከናወነ የሚገኘው የመንገድ መሰረተ ልማት የግንባታ ሥራ ተጠናክሮ የቀጠለ በመሆኑ ፤ ከቅዳሜ ጥቅምት 7 እና 8 ቀን 2019 ዓ.ም ከጎሮ ወደ ኮዬ አደባባይ የሚወስደው የመንገዱ የቀኝ ክፍል ለትራፊክ ዝግ የሚደረግ ይሆናል፡፡ ስለሆነም፡- • ከጎሮ አደባባይ ወደ ኮዬ ፈቼ አደባባይ እና አካባቢው ለሚጓዙ አሽከርካሪዎች፤ ከጎሮ - በቦሌ ኤርፖርት - ቡልቡላ የሚወስደውን አማራጭ መንገድ በመጠቀም ወደ ኮዬ እና አካባቢው መተላለፍ የምትችሉ መሆኑን ባለሥልጣን መስሪያ ቤቱ ይገልፃል፡፡ የተሻለ መንገድ፣ ለተሻለች አዲስ አበባ፤ የአዲስ አበባ ከተማ መንገዶች ባለሥልጣን

"አንችልም" ወይም "ጊዜ ይወስዳል" የሚሉ አሉታዊ አስተሳሰቦች የለወጠችው አዲስ አበባ የከተማችን የኮሪደር ልማቱ፣ የፓርኮች ግንባታ እና የከተማዋ ውበት እድሳት በነዋሪው ዘንድ አዲስ የመተማመን የመንሰራራት ስሜት ፈጥሯል። አዲስ አበባ የነዋሪዎቿን ክብርና ምቾት በሚጠብቅ መልኩ በመገንባቷ፣ ነዋሪው በከተማው የመኩራትና የባለቤትነት ስሜቱ እንዲያንሰራራ አድርጎታል። "አንችልም" ወይም "ጊዜ ይወስዳል" የሚሉ አሉታዊ አስተሳሰቦች ተስብረው፣ በአጭር ጊዜ ውስጥ ትልልቅ ፕሮጀክቶችን አቅዶ በጥራት ማጠናቀቅ እንደሚቻል በተግባር ያሳየችው አዲስ አበባ የብልፅግና ተምሳሌትና የዜጎቿን የነገ ተስፋን በእጅጉ በማጠናከር ማንሰራራትን በተግብር እየገለጠች ነው፡ ፡

What impresses me even more from Addis Ababa's developmental activities is that not only that of achieving the target they set; but also the quality with which the infrastracure has been bought, the quality of Toys that has been provided for children, the quality of food and nutrition program that accociated, the trainings of the teachers and is realy thinking to all aspect of this different interventions. So, Quality, Quantity, and Speed in which the Mayor is achieved in was surprising and is a lesson for other Cities. we have take this in our training programs as AMALI leadership. Edgar Pieterse -Co-chair of the AMALI Advisory Board & Director of African Centre for Cities

በኮሪደር መሰረተ ልማት ጉዳት ያደረሰ ተቋምና ግለሰብ 455,000 ብር ተቀጡ ​የአዲስ አበባ ከተማ አስተዳደር ደንብ ማስከበር ባለሥልጣን በአራዳ ክፍለ ከተማ ወረዳ 05 በኮሪደር ልማት የመሰረተ ልማት ላይ ጉዳት ባደረሱ አካላት ላይ 455,000 ብር የገንዘብ ቅጣት በመቅጣት አስተዳደራዊ እርምጃ ወሰደ ። ድርጊቱ ​በአራዳ ፓርክ ልዩ ቦታው መስታወት ድልድይ አጠገብ በተገነባው የሳይክል መንገድ ላይ ከባድ ተሽከርካሪ በማሽከርከር ጉዳት በማድረስና የደንብ ጥሰት የፈጸመና ዳግም ጥበብ ዲዛይኒንግና ሕንፃ ተቋራጭ ኃላፊነቱ የተወሰነ የግል ማኅበር እና ግለሰቦች ተጠያቂ መደረጋቸው ተገልጿል። ቅጣቱ ተቋም 400,000 (አራት መቶ ሺህ) ብር፣የተሽከርካሪው ባለቤት 50,000 (ኃምሳ ሺህ) ብር እና አሽከርካሪው 5,000 (አምስት ሺህ) ብር በድምሩ 455,000 አራት መቶ ሀምሳ አምስት ሺህ ብር እንዲቀጡ ተደርጓል። ባለስልጣን መስሪያ ቤቱ የህብረተሰቡ የጋራ ሀብት የሆኑ የኮርደር ልማት፣ወንዝ ዳርቻ፣ለህዝብ የተሰሩ አረንጓዴ ስፍራዎች እና የወንዝ ዳርቻ ፕሮጀክቶችንና በሌሎች አካባቢ የሚገኙ መሠረተ ልማቶች ደህንነት በመጠበቅ በሀላፊነት እንዲገለገል መልዕክቱን አስተላልፏል፡፡ በከተማዋ ደንብ በሚተላለፉ ተቋማትና ግለሰቦች ላይ የሚወስደውን እርምጃ አጠናክሮ የሚቀጥል ሲሆን ህብረተሰቡ ለማንኛውም የደንብ መተላለፍ ጥቆማዎችን በነፃ የጥሪ መስመር 9995 በመደወል ጥቆማ እንዲሰጡ ባለስልጣኑ ጥሪ አቅርቧል። የአዲስ አበባ ከተማ አስተዳደር ደንብ ማስከበር ባለሥልጣን

የአዲስ መሶብ አንድ ማዕከል አገልግሎት ለአንድ ሚሊዮን ተገልጋዮች ተደራሽ ሆኗል በአዲስ አበባ ከተማ የአዲስ መሶብ አንድ ማዕከል አገልግሎት ፈጣን፣ ቀልጣፋና ተደራሽ የሆነ የአገልግሎት እየሰጠ መሆኑ የአዲስ አበባ ከተማ አስተዳደር የበጀት አመቱን የ1ኛ ሩብ አመት የስራ አፈፃፀም ባከናወነበት ወቅት ተገለፀ። የአዲስ አበባ ከተማ ከንቲባ አዳነች አቤቤ በመድረኩ እንደገለፁት የአገልግሎቱ ዋና መሥሪያ ቤትን ጨምሮ በ11 ክፍለ ከተሞች አገልግሎት እየተሰጠ ሲሆን፣ ለአንድ ሚሊዮን ተገልጋዮች ፈጣንና ተደራሽ አገልግሎት በመስጠት 99 በመቶ የተገልጋይ እርካታ መመዝገብ መቻሉን አብራርተዋል። አገልግሎቱን ይበልጥ ለማስፋፋትና ወደ ተገልጋዮች በቀላሉ ለማድረስም የተንቀሳቃሽ አውቶቡስ አገልግሎትን በማስጀመር የቴክኖሎጂ መሠረተ ልማት ስራ ለተጠቃሚው በስፋት መዳረሱንም አንስተዋል፡፡ በተለይም በዲጂታል አገልግሎት ማስፋፊያ ረገድም ቀደም ሲል ዲጂታል የተደረጉ 392 አገልግሎቶችን የማጥራት ሥራ በማከናወን በተጨማሪም 324 አገልግሎቶች ወደ አዲስ መሶብ ዲጂታል አገልግሎት እንዲካተቱ ተለይተዋል ሲሉም ከንቲባዋ ተናግረዋል ። በተጨማሪም የአዲስ መሶብ አንድ ማዕከል አገልግሎት የዲጂታል ቴክኖሎጂን በመጠቀም የአገልግሎት አሰጣጥን በማዘመን፣ የተገልጋዮችን ጊዜና ወጪ በመቆጠብ እንዲሁም የሕዝብ እርካታን ለማሳደግ የሚያግዝ ከፍተኛ ስራ እየተሰራ መሆኑን ጠቅሰዉ ወደ ዲጂታል ስርዓት ያልገቡ ቀሪ አገልግሎቶችን ዲጂታላይዝድ ለማድረግ በትኩረት እየተሰራ መሆኑን ከንቲባ አዳነች አቤቤ ገልፀዋል፡፡

"IMEX America 2026" የማይስ ቱሪዝም ኤክስፖ በላስ ቬጋስ ኔቫዳ በይፋ ተከፍቷል! አዲስ አበባ ለመጀመሪያ ጊዜ የተሳተፈችበት "IMEX America 2026" የማይስ ቱሪዝም ኤክስፖ በላስ ቬጋስ፣ ኔቫዳ በደማቅ ሁኔታ ተከፍቷል:: ይህ የኮንፍረንስ ቱሪዝም ንግድ ኤክስፖ፣ በአለም ቀዳሚ ከሆኑ የኮንፍረንስ ቱሪዝም ኤክስፖ አንዱ ሲሆን፣ ከ150 በላይ የአለም ሀገራት የተውጣጡ ከ3,700 በላይ ተሳታፊ ድርጅቶችን ተገኝተዋል:: የአዲስ አበባ ከተማ አስተዳደር በዚህ ታላቅ የማይስ ቱሪዝም ኤክስፖ ላይ በመተሳተፍ የከተማዋን የቱሪዝም ኢንቨስትመንት ዕድሎች እና የቱሪዝም ሀብቶችን ለዓለም እያስተዋወቀ ይገኛል:: አዲስ አበባ ከቅርብ አመታት ወዲህ በርካታ አለም አቀፍ እና አህጉር አቀፍ ኮንፍረንሶችን በማስተናገድ በአፍሪካ ግንባር ቀደም ከሆኑ የኮንፍረንስ ቱሪዝም መዳረሻዎች መካከል አንዷ መሆኗን ተከትሎ፣ እንዲህ አይነቱ የቱሪዝም ንግድ ኤክስፖ ይበልጥ የከተማዋን የቱሪዝም ሀብት ለማስተዋወቅ እና በዘርፉ ካሉት ተዋናዮች ትስስር ለመፍጠር ያግዛል::

As Africa, Ethiopia makes us proud. Addis Ababa is a city transforming it's self. we have seen the capacity of Mayor Adanech Abiebie's transformative leadership. :-Mamphela Ramphele; Advisor of AMALI project

በከተማችን በአዲስ አበባ ባስተናገድነዉ የAMALI መሪዎች መድረክ ላይ ለአፍሪካ ከተሞች ከንቲባዎችና ባለድርሻ አካላት ያደረኩት የእንኳን ደህና መጣችሁ ንግግር My Welcome Address to Mayors of African Cities and Stakeholders at the AMALI Leadership Gathering Hosted in Addis Ababa. ከንቲባ አዳነች አቤቤ

የአፍሪካ ከተሞች ከንቲባዎችንና ባለድርሻ አካላትን በመስክ ሥራዎቻችን በማስጎብኘት፣ የከተማችንን የለውጥ ተሞክሮ አካፍለናል። We shared Addis Ababa’s transformation journey with mayors from across Africa and other stakeholders through field visits showcasing our development initiatives. ከንቲባ አዳነች አቤቤ

አዲስ አበባ ለአፍሪካ ከተሞች ተምሳሌት መሆን ጀምራለች! ዛሬ አዲስ አበባ ለሁለተኛ ጊዜ ያስተናገደችውን የአፍሪካ ከተሞች ከንቲባዎች አመራር ኢኒሼቲቭ (AMALI) የ2026 የአመራሮች ፎረም ተሳታፊዎችን ተቀብለናል። ይህ መድረክ ልምድ ለመለዋወጥ፣ እርስ በርስ ለመማማርና ከተማችን እያካሄደች ያለውን የለውጥ ጉዞ ለማካፈል ጠቃሚ ዕድል ፈጥሯል። የከተማችን የለውጥ ጉዞ በጠቅላይ ሚኒስትር ዶ/ር ዐቢይ አሕመድ አርቆ አሳቢነትና ለከተማዋ ባስቀመጡት ራዕይ የተቃኘ ነው። ይህንን ራዕይ ወደ ተጨባጭ የልማት ውጤቶች እየቀየርን ነው። በትራንስፖርት፣ በቤቶች ልማት፣ በቴክኖሎጂ የተደገፉ አገልግሎቶችና በትውልድ ግንባታ ላይ በምናከናውናቸው ሥራዎች የነዋሪዎቻችንን ተጠቃሚነት እያረጋገጥን ነው። በራሳችን የፋይናንስና የዕውቀት አቅም ላይ ተመሥርተን በመሥራታችን፣ የአዲስ አበባ ተሞክሮ ለሌሎች የአፍሪካና የዓለም ከተሞች ጠቃሚ ትምህርቶችን እያበረከተና አዳዲስ የልማት ዕድሎችን እያመላከተ መሆኑ ያስደስተናል። በተለይም አዲስ አበባን በአፍሪካ ህፃናትን ለማሳደግ ምርጥ ከተማ ለማድረግ ያለንን ጽኑ ቁርጠኝነት እያሳየን ነው። በሕፃናት እድገት (ECD) ላይ ያተኮሩ ተግባራትን በማጠናከር፣ የሕፃናትን ደህንነት፣ ትምህርትና የወደፊት ሕይወት በከተማችን የልማት አጀንዳ ማዕከል ላይ አስቀምጠናል። ከየአፍሪካ ከተሞች ከንቲባዎች አመራር ኢኒሼቲቭ (AMALI) መሪዎችና የፎረሙ ተሳታፊዎች ጋር በመሆን፣ በከተማችን በልዩ ሁኔታ የተገነባውንና ለፕሮግራሙ ከፍተኛ አስተዋጽኦ ባደረገችው ክብርት ሊዛ ዲዬጎ መታሰቢያ የተሰየመውን የሕፃናት እንክብካቤ ማዕከል መርቀን ለአገልግሎት ከፍተናል። ለዚህ መርሐ ግብር ስኬት አስተዋጽኦ ያደረጉትን የቢግ ዊን ፊላንትሮፒ መሥራች፣ ሊቀመንበርና ፕሬዝዳንት ጄሚ ኩፐርን፣ የፋውንዴሽኑን ዋና ሥራ አስፈጻሚ ዶ/ር ከሠተ አድማሱን፣ አማካሪዎችንና የፕሮግራሙን አመራሮች በሙሉ ከልብ አመሰግናለሁ። ፈጣሪ ኢትዮጵያንና ሕዝቦቿን ይባርክ Addis Ababa Is Emerging as a Model for African Cities! Today, we welcomed participants of the 2026 African Mayors Leadership Initiative (AMALI) Mayors Leadership Forum, hosted in Addis Ababa for the second time. The forum provides a valuable opportunity to exchange experiences, learn from one another, and share our city’s ongoing transformation journey. Addis Ababa’s transformation is guided by the forward-looking vision of H.E Prime Minister Dr Abiy Ahmed Ali . We are translating this vision into tangible development results. Through investments in transport, housing, technology-enabled public services, and the development of future generations, we are working to improve the lives of our residents. By building on our own financial and knowledge capacities, we are developing solutions that offer valuable lessons for cities across Africa and beyond, while opening new opportunities for urban development. Above all, we remain firmly committed to making Addis Ababa the best city in Africa to raise children. By strengthening our Early Childhood Development (ECD) initiatives, we have placed children’s well-being, education, and future opportunities at the heart of our city’s development agenda. Together with AMALI leaders and forum participants, we also inaugurated and opened for service a uniquely designed childcare center in Addis Ababa, named in memory of the Honorable Lisa Diego, whose contribution to the program has been invaluable. I extend my heartfelt appreciation to Jemmy Cooper, Founder, Chair, and President of Big Win Philanthropy; Dr. Kesetebrihan Admasu, CEO of the foundation; and all the advisors and program leaders for their valuable contributions to the success of this initiative. May God bless Ethiopia and its people! ከንቲባ አዳነች አቤቤ አአከኮቢ