AACRA

በመንገድ መሰረተ ልማት ዘርፍ የታየው ውጤታማ ሥራ የአዲስ አበባን ተወዳዳሪነት በጠንካራ መሰረት ላይ ገንብቷል አዲስ አበባ ባለፉት አምስት ዓመታት በከተማ ግንባታ ታሪኳ አዲስ ምዕራፍ ማየቷን የከተማዋ ከንቲባ ጽሕፈት ቤት ገለጸ። አዲስ አበባ ባለፉት አምስት ዓመታት የከተማዋን ገጽታ በከፍተኛ ደረጃ የቀየሩና ሁለንተናዊ እድገት ያረጋገጡ ዓበይት ተግባራትን አስመዝግባለች። በመሆኑም አመርቂ ውጤት ከተመዘገበባቸው እና የከተማዋን ዘመናዊነት ካረጋገጡ ዋና ዋና ዘርፎች አንዱ በመንገድ መሰረተ ልማት የታየው አፈጻጸም ነው። በእነዚህ ዓመታት የተከናወኑት የመሰረተ ልማት ግንባታዎችና የማስፋፊያ ስራዎች የትራፊክ ፍሰቱን ለማቃለል እና የህዝቡን የዕለት ተዕለት እንቅስቃሴ ለማቀላጠፍ ከፍተኛ አስተዋጽኦ አበርክተዋል። በዘርፉ ከተከናወኑት ዓበይት ተግባራት መካከል አዳዲስ የአስፓልት መንገዶች ግንባታ፣ የነባር መንገዶች ጥገና እና የጠጠር መንገዶች ዝርጋታ ተጠቃሾች ናቸው። ከዚህም በተጨማሪ የውስጥ ለውስጥ መንገዶችን የሚያገናኙ የኮብልስቶን ንጣፎች፣ ለእግረኞች ደህንነት የተገነቡ የእግረኛ መንገዶች፣ የሳይክል መንገዶች እንዲሁም የህዝብ ትራንስፖርትን የሚያፋጥኑ የፈጣን አውቶቡስ (BRT) መስመሮች ተዘርግተዋል። የመንገዶችን ዘላቂነት ለማረጋገጥና የጎርፍ አደጋን ለመከላከል የተገነቡት የድረኔጅ (የውሃ መውረጃ) መስመሮች እና የድጋፍ ግንቦችም የዚሁ አጠቃላይ የልማት እንቅስቃሴ አካል ናቸው። በተለይም ባለፉት አምስት ዓመታት ውስጥ በሁለት ምዕራፎች ተከፍለው የተተገበሩት የኮሪደር ልማት ፕሮጀክቶች የከተማዋን ገጽታ ወደ አዲስ ምዕራፍ አሸጋግረውታል። እነዚህ ፕሮጀክቶች የመንገድ ዝርጋታን ከአካባቢ ውበት፣ ከአረንጓዴ ልማት እና ከመንገድ መብራቶች ጋር በማቀናጀት የከተማዋን የኑሮ ምቹነት በከፍተኛ ደረጃ አሻሽለዋል። በአጠቃላይ በመንገድ መሰረተ ልማት ዘርፍ የተመዘገቡት እነዚህ ውጤቶች የአዲስ አበባን አህጉራዊ ተወዳዳሪነት በመጨመር ከተማዋ የአፍሪካ መዲናነቷን በጠንካራ መሰረት ላይ እንድትገነባ አስችለዋታል።

ቀናት ቀሩት! የአንድ ጀንበር ሀገራዊ ችግኝ ተከላ መርሃግብር ሐምሌ 27 ቀን 2018 ዓ.ም #ተስፋንእንትከል #አረንጓዴዐሻር DAYS LEFT! One Day National Tree planting campaign program August 3, 2026 #PMOEthiopia #GreenLegacy

የክብር መንደር፡ አዲስ አበባ የዜጎቿን ህይወት በተግባር የምትቀይርበት ታላቅ የትራንስፎርሜሽን ማሳያ የአዲስ አበባ ከተማ አስተዳደር መዲናችንን ለኑሮ ምቹ፣ ውብ እና የዜጎችን ሰብአዊ ክብር በላቀ ደረጃ የምትመጥን ስማርት ከተማ ለማድረግ የጀመረው ጉዞ እጅግ አስደናቂ ምዕራፍ ላይ ደርሷል። በተለይም በክረምት በጎ ፈቃድ መርሃ ግብር፣ ከተማዋን ለዘመናት ሲፈትኗት የነበሩ፣ የተጎሳቆሉ እና ለሰው ልጅ አኗኗር ፈጽሞ የማይመቹ አካባቢዎችን (እንደ ገዳም ሰፈር እና ጣልያን ሰፈር ያሉትን) ወደ ዘመናዊ የመኖሪያ መንደሮች ለመቀየር የተያዘው ራዕይ፣ የከተማዋን ሁለንተናዊ ዳግም ልደት በተግባር እያሳየ ይገኛል። ግንባታው በክብርት ከንቲባ አማካኝነት በይፋ የተጀመረው “የአራዳ የበጎነት መንደር” የዚህ ታላቅ ራዕይ አንጸባራቂ ማሳያ ነው። በዚህ ማራኪ ስፍራ የሚገነቡት ስምንት ባለ 9 ወለል የመኖሪያ እና ሁለት ባለ 4 ወለል የገበያ ማዕከል ህንፃዎች፣ የኮንክሪት ክምችት ብቻ ሳይሆኑ፤ የነዋሪውን የተሻለ አኗኗር የሚያረጋግጡ ዘመናዊ የጋራ መገልገያዎች፣ የተንጣለሉ አረንጓዴ ስፍራዎች፣ እና ህፃናት በነፃነት ቦርቀው የሚያድጉባቸው የስፖርት ሜዳዎችን ያካተቱ ናቸው። ከተማ አስተዳደሩ ዘንድሮ በክረምት በጎ ፈቃድ 2,500 ቤቶችን ለመገንባት አቅዶ ወደ ስራ የገባ ሲሆን፤ ይህ ግዙፍ ፕሮጀክት ሲጠናቀቅ በአካባቢው ይኖሩ የነበሩ ነዋሪዎች ወደ እነዚህ ዘመናዊ ቤቶች ተመልሰው ተጠቃሚ ይሆናሉ። የዚህ ዜጋ ተኮር ስራ ሌላው እጅግ አስደናቂ ገጽታ፤ የተቋማት፣ የባለሀብቶች እና የመንግስት የላቀ ቅንጅት የታከለበት መሆኑ ነው። የከተማዋ ባለሀብቶች የህዝብን አኗኗር ለመቀየር ለቀረበላቸው ጥሪ ቀና እና ፈጣን ምላሽ በመስጠት፤ በርካታ ተቋማትና ግለሰቦች እያንዳንዳቸው ግዙፍ ህንፃዎችን በጋራ ለመገንባት ቃል ገብተው ወደ ስራ ገብተዋል። ይህ ትብብር ከመሰረተ ልማት ግንባታ ባለፈ መተማመንን፣ አብሮነትን፣ ፅናትን እና ኢትዮጵያዊ ወንድማማችነትን በተግባር የሚያሳይ የብልፅግና መንገድ ነው። በአጠቃላይ የአዲስ አበባ የክረምት በጎ ፈቃድ ስራ በቤት ግንባታ ብቻ የተገደበ አይደለም። አካባቢን ማጽዳት፣ የጎርፍ መከላከያዎችን መገንባት፣ አቅመ ደካሞችን ማዕድ ማጋራት፣ ደም መለገስ፣ በአረንጓዴ አሻራ ችግኝ መትከል፣ የማጠናከሪያ ትምህርት እና ነፃ የህክምና አገልግሎት መስጠትን ያካተተ እጅግ ሰፊ ሀገራዊ የፍቅር ንቅናቄ ነው። አዲስ አበባ የዜጎቿን እንባ የምታብስ፣ ውበቷ ከሰብአዊነት ጋር የተዋሃደ፣ እና በተግባር የነዋሪዎቿን ህይወት ትራንስፎርም የምታደርግ ከተማ መሆኗን በጉልህ እያረጋገጠ ይገኛል። የአዲስ አበባ ከተማ ኮሙኒኬሽን ቢሮ

ከግንባታ ማዕከል የወጡ ተሽከርካሪዎች በጭቃ መንገድ በማበላሸታቸው 55 ሺህ ብር ተቀጡ በአራዳ ክ/ከተማ ወረዳ 01 ልዩ ቦታ አሮጌ ቄራ ተብሎ የሚጠራ ቦታ የቲኤንቲ /TNT CONSTRACTION/ ንግድ ስራዎች ድርጅት ከግንባታ ማዕከል የወጡ ተሽከርካሪዎች በጭቃ መንገድ በማበላሸታቸው ህጋዊ እርምጃ መወሰዱን የአዲስ አበባ ከተማ ደንብ ማስከበር ባለስልጣን አስታወቀ፡፡ የተቋሙ ተሽከርካሪዎች ድርጊቱን ከፈጸሙ በኃላ በወቅቱ የነበረውን ዝናብ ተገን በማድረግ በጊዜው ሊሰወሩ ቢችሉም የአራዳ ደንብ ማስከበር ጽ/ቤት ከልደታ ትራፊክ ማኔጅመንት በጋራ በመሆን መንገድ ያበላሹ መኪናዎችን 55 ሺህ ብር ቅጣት በመቅጣት አስተዳደራዊ እርምጃ ወስዷል ። ተቋማት ስራቸውን ሲያከናውኑ የህብረተሰቡ የጋራ ሀብት የሆኑ የኮርደር ልማትና በሌሎች አካባቢ የማገኙ የመንገድ መሠረተ ልማቶችን፣ለህዝብ የተሰሩ አረንጓዴ ስፍራዎች እና የወንዝ ዳርቻ ፕሮጀክቶችን ደህንነት በመጠበቅ በኃላፊነት መገልገል እንደሚጠበቅባቸዉ ባለስልጣኑ ለኤኤምኤን በላከዉ መረጃ መልዕክቱን አስተላልፏል፡፡ ጊዜው ክረምት በመሆኑ ማህበረሰቡ አደጋ ላይ የሚጥሉ እና ለመሠረተ ልማት ጥንቃቄ ባለማድረግ ደንብ የሚተላለፉ የግልና የመንግስት ድርጅቶች እና ግለሰቦች ላይ የሚወስደውን እርምጃ አጠናክሮ እንደሚቀጥልም የአዲስ አበባ ከተማ ደንብ ማስከበር ባለስልጣን አስታውቋል ።

አዲስ አበባ እየተዋበች፤ የዜጎች ፍትሃዊ ተጠቃሚነትም እያረጋገጠች የብልፅግና ማሳያ ከተማ እየሆነች ነው! ‎ዛሬ አዲስ አበባ አሮጌውን ሸማዋን እያወለቀች፣ አዲስ ብርሃን፣ አዲስ ተስፋ እና አዲስ ውበት በመጎናፀፍ ላይ ናት። ‎ ‎ጎዳናዎቿ አረንጓዴን እየለበሱ፣ ህንጻዎቿ በዘመናዊ ዲዛይን እየተቀየሩ ከምንም በላይ ደግሞ ለነዋሪዎቿ ህይወት መቀየር፣ ፍትሃዊ ተጠቃሚነት ላይ አትኩራለች። ‎ ‎የከተማችን የሰው ተኮር ልማት ስራዎች በአስከፊ ሁኔታ የሚኖሩትን ወገኖች አስታውሰው፤ ለህፃናቱም፥ ለአዋቂውም፥ ለድሃውም፥ ለሃብታሙም ፍትሃዊ ተጠቃሚነት እንዲረጋገጥ የሚያደርጉ ናቸው ። ‎ ‎ከነዚህ ሰው ተኮር ተግባራት ውስጥ አንዱ ትናንት በቆጥ ላይ ፣ በቆሸሸ ጎጆዎች፣ መፀዳጃ ቤት በሌላቸው፣ ክረምት ሲገባ በሚያፈሱ ቤቶች በኑሮም በጤናም እጅግ እየተቸገሩ ይኖሩ የነበሩ አቅመ ደካሞች እና የሀገር ባለውለታዎች ክብር ያለው ኑሮ እንዲኖሩ የመኖሪያ ቤት ለማቅረብ የተሰራው አኩሪ ተግባር በትልቁ ከሚጠቀሱት ውስጥ ነው ። ‌‎ ‎በተስፋ ብርሃን ምገባ ማዕከላት አረጋውያን ፥ ማህበራዊ ችግር ያለባቸው የሃገር ባለውለታዎች በቀን አንድ ጊዜ እየተመገቡ ይገኛሉ። በተመሳሳይ በትምህርት ቤቶች ተማሪዎች ቁርስ እና ምሳ ይመገባሉ። በቀዳማይ ልጅነት ልማት ፕሮግራም እድሜአቸው እስከ ስድስት ዓመት የሆኑ ህፃናት እና አነስተኛ ገቢ ያላቸው ወላጆች ተጠቃሚ ሆነዋል። ‎ ‎ይህ ሁሉ ለቀጣይ ትውልድ የተሻለ ከተማ፣ ንጹህ አካባቢ እና ተስፋ የተሞላ ህይወት የማኖር ተግባር ነው። ‎ ‎አዲስ አበባ እየተዋበች ብቻ ሳይሆን፣ ዜጎቿንም እየቀየረች ያለች የብልፅግና ማሳያ ከተማ እየሆነች ነው!

የኢትዮጵያውያን ክንድ ተባብሮ፣ በአንድ ጀምበር 800 ሚሊዮን ችግኞችን በመትከል ሌላ ታሪክ ለመስራት 5 ቀናት ብቻ ቀርተዋል! ውድ የሀገሬ ልጆች፤ በእነዚህ ቀናት አስፈላጊውን ዝግጅት እንድታደርጉ፣ በቁርጠኝነት እንድትነሱ እና በአንድነታችን የምናስመዘግበውን ድል እውን እንድናደርግ ጥሪዬን አቀርባለሁ። ‎በጋራ ተስፋን እንትከል!

አመራሩ ውጤታማነቱ ሊለካ የሚገባው በሰው ህይወት ላይ ባመጣው ለውጥ ሊሆን ይገባል- ከንቲባ አዳነች አቤቤ ሐምሌ 22 ቀን 2018 ዓ.ም፣ አዲስ አበባ፤ አንድ አመራር ወይም የስራ ኃላፊ ውጤታማነቱ የሚለካው በወረቀት ላይ በሚቀመጡ ሪፖርቶች ሳይሆን፣ በሰው ህይወት ላይ ባመጣው እውነተኛ ለውጥ መሆን እንደሚገባው የአዲስ አበባ ከተማ አስተዳደር ከንቲባ አዳነች አቤቤ ገልጸዋል፡፡ ከንቲባዋ ይህን ያሉት ከከተማ አስተዳደሩ አመራሮች ጋር የ2018 በጀት ዓመት እና የአምስት ዓመት ስትራቴጂክ እቅድ አፈፃፀም ግምገማ ወቅት ላይ ነው። ከሰው ተኮር ተግባራት አንፃር አመራሩ ሊኖረው በሚገባ እሳቤ ዙሪያ ያብራሩት ከንቲባዋ፣ በህዝብ እና በመንግስት የስራ ኃላፊዎች መካከል ያለው ርቀት መሰበር እንዳለበት እና መቀራረብ እንደሚገባ አስገንዝበዋል። የህዝብን ኑሮ እሳቤ እና ሮሮ ለመረዳት፣ ላይ ላዩን መሄድ ሳይሆን፣ ወደ ህዝቡ ቀረብ ማለት፣ ጓዳውን እና የዕለት ተዕለት ኑሮውን በቅርበት መመልከት እና የህዝቡን ህይወት መረዳት ያስፈልጋል ብለዋል። ይህ ሰው ተኮር እሳቤ በተግባር ሲተርጎም፣ ከተማሪዎች ምገባ ጀምሮ፣ የድሆችን ቤት መገንባትና ማደስ፣ የዜጎችን ኑሮ ማዘመን እና ከጎናቸው ቤተሰብ ሆኖ መቆምን እንደሚያካትትም ገልጸዋል። ስራዎቻችን የሚመዘኑት፣ ሰውን ተጠቃሚ አድርገዋል ወይ? ሰውስ ተረድቶታል ወይ? በሚለው መለኪያ ሊሆን ይገባል ያሉት ከንቲባዋ፣ አመራራችን በዚህ ደረጃ መለወጥና የህዝቡ አካል መሆን አለበት በማለትም ተናግረዋል፡፡ AMN

አመራሩ ውጤታማነቱ ሊለካ የሚገባው በሰው ህይወት ላይ ባመጣው ለውጥ ሊሆን ይገባል- ከንቲባ አዳነች አቤቤ ሐምሌ 22 ቀን 2018 ዓ.ም፣ አዲስ አበባ፤ አንድ አመራር ወይም የስራ ኃላፊ ውጤታማነቱ የሚለካው በወረቀት ላይ በሚቀመጡ ሪፖርቶች ሳይሆን፣ በሰው ህይወት ላይ ባመጣው እውነተኛ ለውጥ መሆን እንደሚገባው የአዲስ አበባ ከተማ አስተዳደር ከንቲባ አዳነች አቤቤ ገልጸዋል፡፡ ከንቲባዋ ይህን ያሉት ከከተማ አስተዳደሩ አመራሮች ጋር የ2018 በጀት ዓመት እና የአምስት ዓመት ስትራቴጂክ እቅድ አፈፃፀም ግምገማ ወቅት ላይ ነው። ከሰው ተኮር ተግባራት አንፃር አመራሩ ሊኖረው በሚገባ እሳቤ ዙሪያ ያብራሩት ከንቲባዋ፣ በህዝብ እና በመንግስት የስራ ኃላፊዎች መካከል ያለው ርቀት መሰበር እንዳለበት እና መቀራረብ እንደሚገባ አስገንዝበዋል። የህዝብን ኑሮ እሳቤ እና ሮሮ ለመረዳት፣ ላይ ላዩን መሄድ ሳይሆን፣ ወደ ህዝቡ ቀረብ ማለት፣ ጓዳውን እና የዕለት ተዕለት ኑሮውን በቅርበት መመልከት እና የህዝቡን ህይወት መረዳት ያስፈልጋል ብለዋል። ይህ ሰው ተኮር እሳቤ በተግባር ሲተርጎም፣ ከተማሪዎች ምገባ ጀምሮ፣ የድሆችን ቤት መገንባትና ማደስ፣ የዜጎችን ኑሮ ማዘመን እና ከጎናቸው ቤተሰብ ሆኖ መቆምን እንደሚያካትትም ገልጸዋል። ስራዎቻችን የሚመዘኑት፣ ሰውን ተጠቃሚ አድርገዋል ወይ? ሰውስ ተረድቶታል ወይ? በሚለው መለኪያ ሊሆን ይገባል ያሉት ከንቲባዋ፣ አመራራችን በዚህ ደረጃ መለወጥና የህዝቡ አካል መሆን አለበት በማለትም ተናግረዋል፡፡ AMN

አፋጣኝ ማስተካከያ በሚያስፈልጋቸው መንገዶች ላይ ወቅታዊ የመንገድ ጥገና ሥራ እየተካሄደ ነው ሐምሌ 22 ቀን 2018 ዓ.ም፣ (አ.አ.ከ.መ.ባ)፤ በተለያዩ የከተማዋ ክፍሎች በዝናብ ምክንያት ተቦርቡረው፣ ለትራፊክ እንቅስቃሴ ምቹ ያልሆኑ አቋራጭ መንገዶች በመጠገን ላይ ናቸው። ባለሥልጣን መስሪያ ቤቱ በቅርቡ ጥገና ከተደረገላቸው መንገዶች መካከል፤ ከውሃ ልማት - ካፒታል ሆቴል፣ ከብስራተ ገብርኤል - ምንአየ ህንፃ፣ ከእንግሊዝ ኤምባሲ - ድንበሯ ሆስፒታል፣ እንዲሁም በተለምዶ ላፍቶ በላይ ተብሎ የሚጠራው መንገድ ይገኙበታል። የክረምቱ ወቅት እስኪወጣ እና መደበኛው የመንገድ ጥገናሥራ እስኪጀመር ድረስ፤ በተለያዩ የከተማዋ ክፍሎች ለትራፊክ እንቅስቃሴ አስቸጋሪ የሆኑ መንገዶችን በጊዜያዊ ጥገና መፍትሔ የመስጠቱ ሥራ ተጠናክሮ የሚቀጥል ይሆናል።

የአፍሪካ ቼስ ኮንፌዴሬሽን ጉባዔ ተሳታፊዎች እና ዓለም አቀፍ ታዛቢዎች በአዲስ አበባ ያደረጉት የልማት ስራዎች ጉብኝት - በምስል

ከመላ አመራራችን ጋር በክረምት ወቅት የምንስራቸው የክረምት በጎ ፍቃድ ስራዎች፥ የቤት ግንባታ፣የጎርፍ አደጋን መከላከል ፥ የፅዳት ስራዎች፥ የአረጓዴ አሻራ፥ ማዕድ ማጋራት፥ የክረምት ማጠናከሪያ ትምህርት ፥ ደም ልገሳ፥ ተረጅነትና ድህነት ቅነሳ ወዘተ ስራዎች አፈፃፀምን ገምግመናል። በሁሉም መስክ ውጤታማ ተግባራት እየተፈፀሙ መሆኑን አረጋግጠናል።ሆኖም በክፍለ ከተሞች እና በተቋማት መካከል የአፈፃፀም ልዩነቶች ይታያሉ። በቀጣይም ልዩ ትኩረት ሰጥቶ በቅንጅት መመራት የሚገባቸው፡- 👉የጀመርናቸዉን የቤቶች ግንባታን ማፉጠን፣ 👉ዲቾችን ማፅዳት እንዲሁም አዳዲስ ዲቾችን መገንባት 👉ከፍተኛ ሀብት ፈሶባቸው የለሙ ቦታዎች መንከባከብ ፅዳታቸውን መጠበቅ 👉አጠቃላይ የከተማ ፅዳት ባህል እንዲሆን መስራት 👉 በግንባታ ምክንያት በተረፈ ምርቶች መንገዶችን የሚያበላሹ፥ ዲቾችን የሚዘጉ አካላት በአፋጣኝ ችግሩን እንዲያርሙ ተጠያቂም እንዲሆኑ ማድረግ 👉 በአረንጋዴ አሻራ የጀመርነው ውጤታማ ስራ ለጥራቱም ትኩረት መስጠት እንዲሁም የችግኝ ተከላ ስራ በአጠረ ጊዜ እና ከእቅድ በላይ ማሳካት 👉 የበጎ ፍቃድ አገልግሎት ሁሉም ዜጋ ባህል እንዲያደርገዉ የማስቻል ስራ መስራት 👉 ተማሪዎች ውጤታማ እንዲሆኑ የክረምት ማጠናከሪያ ትምህርት በልዩ ትኩረት መስራት 👉 የጎልማሶች ትምህርት ማጠናከር 👉 ከተረጅነት ለመሸጋገር የተጀመሩ የሰብዓዊ ስራዎች ለመተግበር መጋዘኖች በጥራት የተገነቡ ቢሆንም ቀጣይ ስራ የሚሆነው በቂ የሰብዓዊ ድጋፍ ቁሶች እንዲኖራቸው ማድረግ ትኩረት ሰጥቶ መስራት ሁሉም አመራር በጥብቅ የሚፈፅማቸው ናቸው። ፈጣሪ ኢትዮጵያንና ህዝቦቿን ይባርክ! ከንቲባ አዳነች አቤቤ ምንጭ፡- የአአከኮቢ

ከመላ አመራራችን ጋር በክረምት ወቅት የምንስራቸው የክረምት በጎ ፍቃድ ስራዎች፥ የቤት ግንባታ፣የጎርፍ አደጋን መከላከል ፥ የፅዳት ስራዎች፥ የአረጓዴ አሻራ፥ ማዕድ ማጋራት፥ የክረምት ማጠናከሪያ ትምህርት ፥ ደም ልገሳ፥ ተረጅነትና ድህነት ቅነሳ ወዘተ ስራዎች አፈፃፀምን ገምግመናል። በሁሉም መስክ ውጤታማ ተግባራት እየተፈፀሙ መሆኑን አረጋግጠናል።ሆኖም በክፍለ ከተሞች እና በተቋማት መካከል የአፈፃፀም ልዩነቶች ይታያሉ። በቀጣይም ልዩ ትኩረት ሰጥቶ በቅንጅት መመራት የሚገባቸው፡- 👉የጀመርናቸዉን የቤቶች ግንባታን ማፉጠን፣ 👉ዲቾችን ማፅዳት እንዲሁም አዳዲስ ዲቾችን መገንባት 👉ከፍተኛ ሀብት ፈሶባቸው የለሙ ቦታዎች መንከባከብ ፅዳታቸውን መጠበቅ 👉አጠቃላይ የከተማ ፅዳት ባህል እንዲሆን መስራት 👉 በግንባታ ምክንያት በተረፈ ምርቶች መንገዶችን የሚያበላሹ፥ ዲቾችን የሚዘጉ አካላት በአፋጣኝ ችግሩን እንዲያርሙ ተጠያቂም እንዲሆኑ ማድረግ 👉 በአረንጋዴ አሻራ የጀመርነው ውጤታማ ስራ ለጥራቱም ትኩረት መስጠት እንዲሁም የችግኝ ተከላ ስራ በአጠረ ጊዜ እና ከእቅድ በላይ ማሳካት 👉 የበጎ ፍቃድ አገልግሎት ሁሉም ዜጋ ባህል እንዲያደርገዉ የማስቻል ስራ መስራት 👉 ተማሪዎች ውጤታማ እንዲሆኑ የክረምት ማጠናከሪያ ትምህርት በልዩ ትኩረት መስራት 👉 የጎልማሶች ትምህርት ማጠናከር 👉 ከተረጅነት ለመሸጋገር የተጀመሩ የሰብዓዊ ስራዎች ለመተግበር መጋዘኖች በጥራት የተገነቡ ቢሆንም ቀጣይ ስራ የሚሆነው በቂ የሰብዓዊ ድጋፍ ቁሶች እንዲኖራቸው ማድረግ ትኩረት ሰጥቶ መስራት ሁሉም አመራር በጥብቅ የሚፈፅማቸው ናቸው። ፈጣሪ ኢትዮጵያንና ህዝቦቿን ይባርክ! ከንቲባ አዳነች አቤቤ ምንጭ፡- የአአከኮቢ

ሰላም የተወደዳችሁ የቴሌግራም ቻናላችን ቤተሰቦች ፤ ከላይ በምስሉ ላይ የምትመለከቱ መንገድ፤ ወደ ላፍቶ የሚወስደው እና በተለምዶ ላፍቶ በላይ ተብሎ የሚጠራው መንገድ ሲሆን፤ በተሰጠው ጥቆማ መሰረት መንገዱ ጥገና ተደርጎለት አገልግሎት እየሰጠ ይገኛል፡፡ በከተማዋ ሁሉም አካባቢዎች፣ ሁልጊዜም፣ ለህብረተሰባችን የመንገድ ዘርፍ አገልግሎት በትጋት እንሰራለን!