🌼O‘zim uchun qadrli :|🌿
Qolish - qolmaslik bu sizning ixtiyoringiz...
Show more1 580
Subscribers
-324 hours
-107 days
-1430 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
Photo unavailableShow in Telegram
Xudbin
Kelmang, yaqinlashmang, olmang xavotir,
Sizga ham yuqmasin kuyindi isi.
Bilmam, qachon bo’lgan bu yong’in sodir,
Men bir yonib ketgan uyman, azizim.
Sevgilim achindi va ketdi tashlab,
Ammo mahshargacha sovimaydi cho’g’.
To’g’ri, endi menda bo’lmaydi yashab,
Shukr, uning boshqa boshpanasi yo’q.
MehrNoz
❤ 13🔥 5😇 3😢 2
Oʻylab koʻring..
Alloh hech qachon bizni yolgʻiz qoldirmaydi.
Bizdan nimanidir olib, oʻrniga albatta yangi va biz uchun foydaliroq boʻlganini beradi.
Ketmoqchi boʻlganni hech qachon tutib qolishga harakat qilmang, qanchalik ogʻir boʻlmasin, hamma narsani qaytarish, saqlab qolish istagi qanchalik kuchli boʻlmasin, vaqti kelib , Alloh sizga zulm qilishdan holi Zot ekanini albatta tushunib yetasiz.
Oxir oqibat, kutishni bilgan insonga eng zoʻri nasib qiladi.
Shunchaki ishoning va qoʻyib yuborishni, unutishni, kechirishni, qadrlasg va sevishni oʻrganing.
https://t.me/farohun
❤ 17💋 3🍓 2
Photo unavailableShow in Telegram
Kimnidir kutasan intizor
To ertalab qadar
To kechga qadar
Yig‘lab kutasan
Kulib kutasan
Kitob o‘qiyotib
Kitob olayotib kutasan
Yo‘q, u kitob pulini berishi shart emas sira
Ammo kitob pulini beryotib xo‘rsinasan.
Kafega kirsang senga qo‘shilib xo‘rsinar horg‘in devorlar.
Uyga kirsang ham.
Xatomi umr...
Kimnidir kutasan
Go‘shak narisida
Goh unga o‘xshar odamlar
Gohi o‘xshamas
Lablaring qonar
Kesilgan barmog‘ing azobi kabi
Kunlaring o‘tar
Yolg‘onmi umr...
Kimnidir kutasan kaftingga boqib
Sajdaning so‘ngida pichirlab
Chalingan qo‘ng‘iroq ortida
Qismatga chap bermoq qasdida
Sendan baxtli
Sendan baxtli odamlar ortida
Odamlar ortida
Kutasan odam.
Armonmi umr...
- F Xayrullayeva
❤ 15😢 8
*
O‘zimga aza tutdim bugun.
Ko‘k kiydim, ro‘mol o‘rab,
Namoz o‘qidim ikki rakat farz,
Janoza namozin bilmasdim chunki.
**
Kechasi xona bo‘ylab kezib yuraman,
Qo‘limda bir piyola sovub qolgan choy, pechenye tishlab
Allaqaysi turkcha qo‘shiq satrlarini ming‘irlagancha,
Xolbuki, sal avval o‘kirib-o‘kirib yig‘lab olgandim.
Hayot shu, azizim, aslida.
***
Men istasam har narsani qilolardim bolaligimdan,
Momom qaymoq yedirib katta qilgandi,
Ayam ba'zan kaltak,
Dadam ba'zan ertak,
Bobom har kun ermak berardi xotiralarimga.
Bobomga ergashib bahor kunlari
Tuytuk terib yerdim,
Qoqio‘t yerdim,
Qo‘zi boqar dashtga chiqib,
Gazet o‘qirdim.
Nardada yutardim har kuni o‘n bor,
Qartaga pul tikmasdik qimor bo‘lar deb
Men har ne qilardim agar istasam,
Tog‘im bor edi beminnat, baland.
Odam bunday hayotni bir marta yashar,
Men go‘zal yashadim shukr tug‘ilib!
F. Xayrullayeva
❤ 14😢 1
Butun kecha o'ychan va sokin,
Xona ichra qolmishdik tanho.
Bir telbalik ruhimga hokim,
Shunday hokim ruhimga sen ham.
Ohang oqar. Devorda surat:
Moviy dengiz ustida kema...
Tanholigu o'rtada hurmat
Va sevgiga o'xshash bir nima.
Men o'ylayman, nedan boshlay gap,
Sen o'ylaysan, ne qilay javob.
Na kuladi, na yig'laydi qalb,
Qarashlarda yaxlagan sarob.
Butun kecha o'ychan va sokin,
Xona uzra qolmishdik tanho.
Men demadim: "Sevaman seni",
"Sevolmayman", - demading sen ham.
Rauf Parfi
❤ 17🔥 4