Concello de Bueu

📢 Tedes que facer ou renovar o DNI ou o pasaporte? O Equipo Móbil da Policía Nacional virá a Bueu nas seguintes datas: ☑️ 7 e 21 de setembro ☑️ 5 e 26 de outubro ✍️ Máis info e cita previa na Policía Local de Bueu

📢 CURSO DE INTRODUCIÓN Á LINGUA E Á CULTURA GALEGAS ☑️ O Concello de Bueu acolle en outubro un curso de introdución á lingua e cultura galegas, unha formación de vinte horas que pretende promover o emprego do galego e o coñecemento da cultura galega. ☑️A formación, que terá unha duración de vinte horas, organízase co apoio da Consellería de Cultura, Lingua e Xuventude, a través da Secretaría Xeral da Lingua e impartirase nas instalacións do IES Johan Carballeira os días 1,2,,6,7,8,9,13,14,15,16 de outubro 16:30 á 18:30 horas. ☑️ No curso poden participar persoas maiores de 16 anos, ou que os fagan no ano 2026, que desexen adquirir ou mellorar as súas competencias en lingua galega e os seus coñecementos sobre a cultura de acollida, e non se requiren coñecementos previos de galego, xa que as clases estarán adaptadas a diferentes niveis. ☑️ As inscricións ábrense o 7 de setembro e deberán formalizarse no segundo andar da Casa do Concello, e ao remate entregarase un diploma acreditativo.

📢O Concello de Bueu presentará este venres, 4 de setembro, o Plan Director da Banda do Río, un proxecto que marcará as liñas de actuación de cara á mellora integral para levar a cabo nos próximos anos neste barrio mariñeiro bueués. 🗒️ A proposta foi elaborada polas arquitectas María Fandiño e Miriam García, despois de que gañasen o concurso de ideas convocado polo Concello de Bueu coa colaboración do Colexio de Arquitectos de Galicia (COAG). Precisamente, o acto deste venres, no que participará María Fandiño, servirá como presentación e ao mesmo tempo poderase consultar na Sede Electrónica do Concello para que as persoas ou colectivos interesados poidan presentar as súas achegas de cara ao documento definitivo. Toda a info na web: https://concellodebueu.gal/o-concello-de-bueu-presenta-este-venres-o-plan-director-do-barrio-da-banda-do-rio/

📢 Tedes que facer ou renovar o DNI ou o pasaporte? O Equipo Móbil da Policía Nacional virá a Bueu nas seguintes datas: ☑️ 7 e 21 de setembro ☑️ 7 e 26 de outubro ✍️ Máis info e cita previa na Policía Local de Bueu

🏺 Bueu xa conta coa súa sala dedicada aos restos romanos e, concretamente, ás ánforas que converten esta vila na única de toda a Península Ibérica con presenza dun forno destes materiais, que é unha peza clave para comprender como se fabricaban os recipientes que se empregaban para exportar as salgaduras por vía marítima. 👌 A Sala do Bueu Romano de Pescadoira presentarase este xoves, 3 de setembro, nun acto público ao que se convida a toda a cidadanía a asistir. A xornada será ás 20.00 horas na mesma sala e nela incluirase unha charla a cargo de Juan Castro, arqueólogo responsable da escavación, e Iria Pazos, arquitecta autora do proxecto. Toda a info en: https://concellodebueu.gal/o-concello-de-bueu-organiza-este-xoves-a-presentacion-da-sala-do-bueu-romano-de-pescadoira/

🚶 Apetécevos coñecer Bueu a través da súa historia e cultura mariñeiras? Todos os martes organizamos uns percorridos que poñen en valor a relación da nosa vila cos recursos mariños e a importancia da carpintería de ribeira como patrimonio cultural. Aínda dispoñemos de ocos para a ruta deste martes, reservade a vosa praza en: 📧 turismo@concellodebueu.gal 📞 986 390 029, extensión 5

📢 Chega a fin de semana e temos por diante algúns eventos nos que vos convidamos a participar! ▪️ Venres 22.00 h, praia da Banda do Río: cinema na rúa. Organiza Ficbueu ▪️ Sábado 12.30 h, Aula da Natureza de Cabo Udra: obradoiro de Ecoprint para cativada de 5 anos en diante. Organiza Concello de Bueu ▪️ Domingo 10.00 h: ruta Intermareal de Agrelo. Organiza Asociación A Illa dos Ratos 10.30 h, Aula da Natureza de Cabo Udra: ruta circular por Cabo Udra. Organiza Concello de Bueu ▪️ Sábado e domingo Festas da Xuventude de Cela Toda a info na sección de eventos da nosa páxina web: https://concellodebueu.gal/categoria-evento/destacados/

📚 Dende o 31 de agosto ao 18 de setembro, a Biblioteca Municipal de Beluso permanecerá pechada. Lembrade que tedes dispoñible a Biblioteca Torrente Ballester de Bueu.

📽️ Este xoves organizamos a proxección do filme "Rondallas", un filme que conta a recuperación dunha rondalla nunha vila mariñeira que lle permitirá aos seus habitantes volver crer na ilusión. Debido ao mal tempo, a sesión será no Centro Social do Mar, e cremos que é un filme ideal para gozar en familia e despedir o "Cinema na rúa". 📆 Xoves, 27 de agosto ⌚ 22.00 horas 📍 Centro Social do Mar 💸 Entrada de balde ata completar capacidade

👌 Hoxe péchase o ciclo "Palabras que nos constrúen" organizado polo grupo O Mar por Diante e o Concello de Bueu. 🖌️ Francisco Rodríguez Pastoriza impartirá a charla “Maruja Mallo: entre verbenas e cloacas”, unha proposta que nos leva até a figura de múltiples vidas e renacementos que foi a pintora Maruja Mallo quen tanta vinculación tivo coa vila de Bueu. Para non perder! 📆 Mércores, 26 de agosto ⌚ 20.30 horas 📍 Centro Social do Mar

🚶 Apetécevos coñecer Bueu a través da súa historia e cultura mariñeiras? Todos os martes organizamos uns percorridos que poñen en valor a relación da nosa vila cos recursos mariños e a importancia da carpintería de ribeira como patrimonio cultural. Podedes reservar a vosa praza en: 📧 turismo@concellodebueu.gal 📞 986 390 029, extensión 5

📢🎩 Este martes rematamos co programa "Verán na rúa" e facémolo por todo o alto e cun espectáculo de maxia, que sabemos que vos gustan moito!! O Mago Noel visitaranos co seu espectáculo 'Que curioso!', que inclúe humor, maxia e circo coa combinación de malabares, música e ata poesía. 📆 Martes, 25 de agosto ⌚ 20.30 horas 📍 Centro Social do Mar (trasladámonos para este espazo debido á previsión de chuvia)

📢 🥳 Chega a fin de semana e dende o Concello de Bueu propoñémosvos varios plans! ▪️ Venres: ☑️ 20.00 h, Aula da Natureza de Cabo Udra: paseo ao solpor. Organiza Concello de Bueu. ▪️ Sábado: ☑️ 11.00 horas, saída do Centro Social do Mar: roteiro cultural e artístico sobre José Suárez con María Tula Méndez. Organiza Concello de Bueu e O Mar por Diante. ☑️ A partir das 17.00 h, aparcadoiro Banda do Río: Carnaval de verán. Organiza Concello de Bueu e hostalaría da Banda do Río ▪️ Sábado e domingo: ☑️ Festa de Ons. Organiza Concello de Bueu con diversas colaboracións. ☑️ Festas de Cela. Organiza Comisión de Festas de Cela. ☑️ Exposición “Pinceladas pola ELA”. Organiza Concello de Bueu e AGAELA. Toda a info na web, sempre na sección de eventos da nosa páxina web: https://concellodebueu.gal/categoria-evento/destacados/

🖌️ Este sábado, no marco das xornadas "Palabras que nos constrúen" teremos un roteiro artístico e cultural polo Bueu de José Suárez, que tanta vinculación tivo coa vila de Bueu. A camiñada sairá ás 11.00 horas dende o mural do Centro Social do Mar e será guiada pola arquitecta María Tula Méndez. As persoas que queiran participar deberán traer o seu propio material para debuxar e pintar durante o percorrido. Animádesvos?

📽️ 🍿 Este xoves continuamos co programa de "Cinema na rúa". Ás 22.00 h poderedes gozar no Torrecino de Cela de "Arco. O filme desenvólvese no ano 2075, cando a nena Iris ve caer do ceo un misterioso neno cun traxe do arco da vella, ao cal acollerá e ao que axudará a volver ao seu fogar.

🥳 Programación do Carnaval do verán ☑️ O Concello de Bueu e a hostalaría da Banda do Río organizan este sábado 22 de agosto o Carnaval de Verán, que se celebrará no aparcadoiro da zona e que incluirá diversas actuacións musicais, como DJs e outras actividades para todos os públicos, incluída a rapazada. ☑️ A xornada comeza ás 17 horas coa sesión vermú de DJ Gramola, e continúa ás 18.30 horas cunha festa infantil para nenos e nenas na que haberá música e diversión, e na que a hostalaría da zona organizará unha merenda. ☑️ Silvia Carballo, concelleira de promoción económica e turismo, salientou que nesta edición “temos actividades máis variadas, para todas as idades e públicos e das que adiantamos o horario co fin de garantir o descanso veciñal nocturno”.   ☑️ As actuacións musicais con DJs abranguerán todas as épocas, dende os anos 80, 90 e 2000 ata a máis actual. Así, as persoas asistentes poderán gozar de DJ Gramola pola tarde, DJ Michi (22 horas), DJ Alexg (23.30 horas) e Dj Rubén Díaz (01.00 horas).

✝️ Este mércores, o investigador local Arturo Sánchez Cidrás impartirá a charla “A pegada da historia na esculca: Santiago de Ermelo no tempo”, na que contará anacos desta historia e deste lugar tan noso. A xornada forma parte do proxecto "Palabras que nos constrúen", organizado polo grupo O mar por diante e o Concello de Bueu. Non a perdades! 📆 Mércores, 19 de agosto ⌚ 20.30 horas 📍 Centro Social do Mar

📢😍 Continuamos co "Verán na rúa". Hoxe a proposta será “Tachán” de Inventi Teatro, que vén cargado de maxia, circo e moita diversión. Podederes gozar del ás 20.30 horas na Praza Massó. Despois dunha xogada do destino os protagonistas desta historia, afogados polas débedas e pola precariedade inmobiliaria, deciden facerse coas pertenzas dun antigo circo para probar sorte no mundo do espectáculo. Grazas á ilusión e á súa amizade inquebrantable converteranse nos artistas máis sorprendentes da pista.