Concello de Bueu

🚫 Debido a tarefas de pintado e conservación da sinalización, estará prohibido o estacionamento dende o 30 de xuño ás 20.00 horas nas seguintes rúas: ▪️ Johan Carballeira ▪️ Santán ▪️ José María Estévez ▪️ López Cortizo “Ferrolán”

📆 As concellerías de Cultura de Bueu, Moaña e Cangas estrean BuMoCa, unha nova aplicación creada para reunir nun único espazo a programación cultural e de entretemento dos tres concellos. ☑️ A plataforma, dispoñible en bumoca.com, nace co obxectivo sinxelo de facilitar que calquera persoa poida saber que ocorre cada día no Morrazo e axudar, ao mesmo tempo, a que asociacións, entidades, programadores e creadores culturais poidan dar maior difusión ás súas actividades. ☑️ O nome BuMoCa responde ás iniciais de Bueu, Moaña e Cangas, e resume a filosofía do proxecto: entender o Morrazo como un territorio cultural compartido. Toda a info na web: https://concellodebueu.gal/os-tres-concellos-do-morrazo-unense-pola-cultura-cunha-nova-aplicacion-de-eventos/

🏊‍♀️ Cursos de natación na Piscina Municipal de Bueu para este verán. A Piscina Municipal de Bueu comeza en xullo con diversos cursos de natación, para os que se abren as inscricións este luns 29. 👆 Teremos cursos para bebés e infantís, de iniciación e perfeccionamento e de premamá en diversos horarios. En total serán 110 prazas, polo que aquí vos deixamos a información para que miredes o que máis vos interese e vos apuntedes. Que vos parece?

📢 Ante as devastadoras consecuencias do grave terremoto que afectou a Venezuela e que deixa tras de si unha gran cantidade de vítimas mortais e numerosas persoas feridas, dende o Concello de Bueu sumámonos á convocatoria da FEGAMP e este venres, 26 de xuño de 2026, ás 12:00 horas, teremos un minuto de silencio diante da Casa Consistorial.

💡 Avisos corte electricidade en varios lugares de Bueu. Debido a tarefas de mantemento da rede eléctrica, o Grupo Naturgy realizará cortes no subministro o 8 de xullo en diversos lugares. Consúltaos na imaxe.

📢👏 Chega a fin de semana e, coma sempre, compartimos con vós algunhas actividades para estes días. ▪️ VENRES 20.00 h, Centro Social do Mar: charla “Retratar o mar” con Xaime Toxo e Arturo Sánchez Cidrás. Organiza Concello de Bueu no marco do Ano José Suárez. ▪️ SÁBADO 12.00 h, Sala Amalia Domínguez Búa: presentación do libro “Tras da mirada de José Suárez” de Olaia Sendón e intervención artística. Organiza Concello de Bueu no marco do Ano José Suárez. ▪️ DOMINGO 17.00 h, Centro Social do Mar: XVI Festival Escolas Retrouso. Organiza Asociación Retrouso. Toda a info sempre na sección de eventos da nosa páxina web: https://concellodebueu.gal/categoria-evento/destacados/

🖼️🌊 Continuamos coas actividades para poñer en valor o legado do fotógrafo José Suárez e a súa vinculación con Bueu. Hoxe será a quenda de Xosé Luis Suárez Canal, sobriño do artista , e Manuel Sendón, que impartirán a charla “Importancia de Mariñeiros na vida e obra de José Suárez”. 📆 Xoves, 18 de xuño ⌚ 19.00 horas 📍 Centro Social do Mar Para non perder!

🫶 Hoxe comezamos coa semana de actividades para lembrar ao fotógrafo José Suárez. 🖼️ 🎨 E facémolo cun contacontos ilustrado da man de Colectivo Xurelo destinado aos máis pequenos e pequenas e ás súas familias. Nesta proposta contarase a historia deste artista que inspirou parte da súa obra en Bueu e no noso mar e, coma sempre, haberá un obradoiro de debuxo. Animádesvos? 📆 Mércores, 17 de xuño ⌚ 18.00 horas 📍 Sala de Exposicións Amalia Domínguez Búa

🌊 Neste Ano de José Suárez, o Concello de Bueu organiza un monte de actividades para poñer en valor o legado deste artista moi vinculado a Bueu a través da súa serie fotográfica "Mariñeiros". Esta semana teremos contacontos, charlas, presentación dun libro e intervencións artísticas. Ademais, temos aberta a exposición na Sala Amalia Domínguez Búa, por se vos presta ver as fotos que se inspiraron en xentes e espazos de Bueu. Aquí vos deixamos o programa completo 👇

📢🧑‍🍼O Concello de Bueu publica o anuncio de persoas admitidas para o programa “Concilia Bueu 2026”, que se desenvolverá do 22 de xuño ao 4 de setembro de 2026. A efectos de informar sobre a organización e xestión do programa, convócase a aos pais/nais dos/as nenos/as admitidos/as a unha REUNIÓN, que terá lugar O XOVES 18 DE XUÑO DE 2026, ÁS 17.00 HORAS, NO CENTRO SOCIAL DO MAR. Tedes a info ao completo na nosa web dende hoxe 👇 https://concellodebueu.gal/listaxes-admitidos-as-concilia-bueu-2026/

📢 Tedes que facer ou renovar o DNI ou o pasaporte? Aquí vos deixamos as datas nas que virá o equipo móbil a Bueu. Lembrade solicitar cita previa na Policía Local.

🏋️ Actividades dirixidas na Piscina Municipal de Bueu no verán Xa podemos anunciar as actividades dirixidas e os horarios que teremos na Piscina Municipal de Bueu durante o verán. As inscricións deberán facerse de forma presencial a partir deste luns, 15 de xuño, nas instalacións da piscina. 👁️‍🗨️ Botádelle unha ollada ás imaxes e ide pensando nas que máis vos interesan, xa que teremos pilates, aquagym, acondicionamento, tonificación, GAP, pilates ou mantemento. Os cursos de natación comezarán en xullo, e agardamos darvos información nos vindeiros días.

📢 ✌️ Chega a fin de semana e aquí vos deixamos algunhas actividades que poden interesarvos para estes días: ▪️ Venres ☑️ 21.00 h, Centro Social do Mar: proxección da película “Cenizas del cielo” de José Antonio Quirós, polo Día do Medio Ambiente. Organiza Cineclub Bueu ▪️ Sábado ☑️ 11.00 a 13.00 e de 18.00 a 20.00 h, Sala Amalia Domínguez Búa: exposición “Mariñeiros” de José Suárez. Organiza Concello de Bueu ☑️ 13.00 h, diante do Concello de Bueu: presentación equipo traiñeiras Club do Mar Bueu Simei ▪️ Todo o día, Campo de Fútbol da Graña: III Torneo de Fútbol Concello de Bueu benxamín e alevín. Organiza CD Bueu ▪️ Sábado e domingo, recinto A Morada de Meiro: Festas San Antoniño de Meiro. Organiza Comisión de Festas de Meiro Toda a info sempre ao detalle na sección de eventos da nosa web: https://concellodebueu.gal/categoria-evento/destacados/

📚⌚ Horario de verán nas bibliotecas municipais Dende o 15 de xuño e ata o 15 de setembro, as bibliotecas de Bueu e Beluso terán horario de verán, polo que só abrirán pola mañá. Aquí tedes a información completa 👆

♻️ Dende a Mancomunidade de Concellos do Morrazo deixouse un lote de compost no aparcadoiro de Pescadoira. Se o precisades, podedes recollelo alí xa dende este venres.

📖 Hoxe seguimos cos "Contos na biblioteca" e teremos contacontos “O secreto da biblioteca” de Trémola Teatro. Trátase dun contacontos participativo no que a través de xogos, pistas e libros que falan, nenas e nenos descubrirán o segredo mellor gardado do reino das historias. Acompañádesnos? 📆 Mércores, 10 de xuño ⌚ 18.00 horas 📍 Biblioteca Municipal Torrente Ballester de Bueu

📢🏊‍♀️ Aviso peche provisional piscina Debido a tarefas de desinfección no vaso, a piscina municipal de Bueu permanecerá pechada dende o venres 5 de xuño ata o luns á media mañá. Desculpade as molestias