စစ်သည်တော်

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တရုတ်ပြည်သူ့သမ္မတနိုင်ငံ သံအမတ်ကြီးအား လက်ခံတွေ့ဆုံသည်။(ဇူလိုင်လ ၄)

PDF အမည်ခံ အကြမ်းဖက်သမားများက တောင်သာ - နွားထိုးကြီး သွားကားလမ်းပေါ်၌ သွားလာလျက်ရှိသည့် “ပိုင် TTA” ခရီးသည်နှင့်ကုန်စည်ပို့ဆောင်ရေးမော်တော်ယာဉ်များကို လုယက်ယူဆောင်သည်။(ဇူလိုင်လ ၃)

အကြမ်းဖက်သောင်းကျန်းသူများက လားရှိုးမြို့အတွင်းသို့ ရှော့တိုက်ဒုံးများဖြင့် အကြောင်းမဲ့ ပစ်ခတ်တိုက်ခိုက်ခဲ့မှုကြောင့် အသက် (၁၂)နှစ်နှင့် အသက် (၁၄)နှစ်အရွယ် ကလေး ၃ ဦး အပါအဝင် ဒေသခံပြည်သူ ၆ ဦး သေဆုံးသည်။(ဇူလိုင်လ ၃)

မိုးလေဝသနှင့်ဇလဗေဒညွှန်ကြားမှုဦးစီးဌာနမှ ရေကြီးခြင်းသတိပေးချက်နှင့် ရေကြီးမှုအခြေအနေ ထုတ်ပြန်ချက်များ။(ဇူလိုင်လ ၃)

မြစ်ကြီးနားမြို့၌ မြစ်ရေပြန်လည်ကျဆင်းသွားပြီး စုပေါင်းသန့်ရှင်းရေးလုပ်ငန်းများ ဆောင်ရွက် ၊ ဗန်းမော်မြို့နယ် ၊ ရွှေကူမြို့နယ်နှင့် ခန္တီးမြို့တို့ရှိ ရပ်ကွက် ၊ ကျေးရွာများမှ ရေဘေးသင့်ပြည်သူများအား ရေဘေးကင်းလွတ်ရာသို့ ကူညီရွှေ့ပြောင်း ၊ စားသောက်ဖွယ်ရာများ ထောက်ပံ့ပေးအပ်သည်။(ဇူလိုင်လ ၃)

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ၊ နိုင်ငံတော်ဝန်ကြီးချုပ်၏ဇနီး ဒေါ်ကြူကြူလှ ၂၀၂၄ ခုနှစ် မြန်မာအမျိုးသမီးများနေ့အခမ်းအနားသို့ တက်ရောက်ချီးမြှင့်သည်။(ဇူလိုင်လ ၃)

ဒီစခန်းကိုရခဲ့ရင် အောင်‌ မြေ တဝက်နင်းထားနိုင်ပြီဆိုတဲ့ စိတ်နဲ့ တိုက်စစ်ဖွင့်လာတဲ့ ခံစားချက်နဲ့ တချိန်လုံး ခံစစ်ပြင်၊ တချိန်လုံး စိုးရိမ်စိတ်နဲ့ လုံခြုံရေး စည်း မပေါက်စေဖို့ အမြဲလိုလို ကင်းလိုက်စစ် ပြီး နေရတဲ့ ခံစားချက်က ဘယ်လိုမှ မတူဘူး။ စခန်း တခု ပါသွားတယ်။ လက်နက်ခဲယမ်းဆုံးရှုံးတယ်။ ဒါမျိုးမြင်ပါများလာရင် မြေပြင်မှာ တကယ်တိုက်နေသူတွေအတွက် စိတ်ခွန်အား မရတော့ဘူး။ ငါသေမှ ငါ့စခန်းရမယ်ဆိုတဲ့စိတ်နဲ့ အသေခံတိုက်တဲ့သူလည်း ရှိသလို နောက်ချန်မိသားစုကိုငဲ့ရတဲ့ သူမျိုးလည်း ရှိနိုင်တယ်။ သူရဲဘောကြောင်ပြီး လက်နက်ချတဲ့သူလည်း ရှိနိုင်တယ်ဆိုတာ ထည့်ပြီး စဉ်းစားရမယ်။ အိမ်တအိမ်မှာ အိမ်ထောင်ရှင်မကောင်း တယောက်ရှိရင် အိမ်ထောင်ဦးစီးက စီးပွားရှာဖို့ စိတ်ဖြောင့်ဖြောင့် ထားနိုင်တာ ထုံးစံပဲ။ ခုလက်ရှိ မြောက်ပိုင်းမဟာမိတ်အဖွဲ့တွေ တိုက်စစ်ဖွင့်နိုင်တယ်ဆိုတာ အချက် ၃ ချက်က အဓိက ကျတယ်။ (၁) အချက်က ဒီစစ်ပွဲမှာ သူတို့ ဌာနချုပ်၊ သူတို့ လူမျိုးတွေက ဘာထိခိုက်မှု မှ မရှိနေဘူး။ နယ်မြေကျူးကျော်ပြီး စစ်တိုက်နေလည်း ပြည်မထဲရောက်နေတဲ့ သူတို့ လူမျိုးတွေကို ဗမာလူမျိုးတွေက ဘာဖိအားမှ မပေးကြဘူး။ ဒဲ့ပြောရရင် လောက်ကိုင်၊ နမ့်ဆန်နဲ့ လိုင်ဇာက ဗုံးဒဏ် ကင်းလွှတ်နေတယ်။ (၂) အချက်က ရှမ်းမြောက်ကနေ MNDAA က လာကူတယ်။ ဝ လည်း ပါနိုင်တယ်ဆိုတဲ့ သုံးသပ်ချက်ရှိတယ်။ ဒီလောက် ထောက်ပို့လမ်းကြောင်း ရှည်လျားတာကို ကိုယ်တွေ ဖက်က ထောက်ပို့လမ်းကြောင်း မဖြတ်တောက်နိုင်ဘူး။ မိုးကုတ်ပါကျရင် မတ္တရာနဲ့ ချိတ်သွားတော့မယ်။ အဲ့ဒီအခါ မန္တလေးကို ဖြတ်စရာမလိုပဲ နဂိုကတည်းက ဆိုးပါတယ်ဆိုတဲ့ မြင်းခြံ၊ နွားထိုးကြီး အညာနဲ့ ချိတ်သွားလိမ့်မယ်။ (၃) အချက်က ကိုယ်တွေက တရုတ်မျက်နှာကြည့်ပြီး ဟိုဂင်နေသလောက် ရန်သူ့ဘက်က ဘယ်သူ့မျက်နှာမှ မထောက်တာ တွေ့ရတယ်။ လက်ရှိ တိုက်ပွဲ ဖြစ်နေတဲ့ ကျောက်မဲ၊ နောင်ချို၊ သီပေါနဲ့လားရှိုးက ၁၀၂၇ ရဲ့ နောက်ဆက်တွဲ စစ်ပွဲ မဟုတ်ဘူးလား။ ဒါကို ဘယ်သူက အရင်စတိုက်သလဲ ဆိုတာ ရှင်းရှင်းလေးပဲ။ တရုတ်ဘက်က အထူးကိုယ်စားလှယ်တွေ မကြာခဏ လာကြတယ်။ သူတို့အကျိုးစီးပွား မထိခိုက်ဖို့ လာလာ ဆွေးနွေးပြီး ပြန်ကြတယ်။ အကျိုးဆက်ကတော့ မြင်တဲ့အတိုင်း ကြိုးတုပ်ပြီး စစ်ဖြစ်နေရသလို ခံစားရတယ်။ ခုမြင်တွေ့ရသလောက်ကတော့ လားရှိုးကို ပတ်ပတ်လည် ပိတ်ထားသလို တွေ့ရတယ်။ စစ်ကူ မလာနိုင်အောင်လည်း လမ်းမှန်သမျှ မြေတူးဖျက်စီးထားတာ တွေ့ရတယ်။ ကိုယ်တယောက်တည်း အမြင်ကတော့ ခဲကျရာ နေရာပဲ မကြည့်စေချင်တော့ဘူး။ ခဲလာရာ နေရာတလျှောက်လုံးကို ပြင်းပြင်းထန်ထန် ချေမှုန်းပစ်စေချင်ပြီ။ NCA ငဲ့ရအောင်လည်း ခုမျောက် ၃ ကောင်က နဂိုကတည်းက ပါမှမပါဘဲ။ အဓိက ကတော့ သူတို့ နောက်ချန်နေရာတွေကို ဗုံးကြဲပါ။ ထောက်ပို့လမ်းကြောင်း တွေကို ဖြတ်တောက်စေချင်မိတာပါပဲ။ ။ ။ (နရီမိုး)