ERA ኢትዮጵያ መንገዶች አስተዳደር

የቦኖሻ -አጫሞ ከተማ የመንገድ ፕሮጀክት አስፋልት ወደ ማንጠፍ ምዕራፍ ተሸጋገረ አዲስ አበባ፣ ሰኔ 2፣ 2017 (ኢ መ አ) ፡- በማዕከላዊ የኢትዮጵያ ክልል የሚገኘው የሃድያ፣ የሀላባ እና የስልጤ ዞንን የሚያገናኘው የቦኖሻ - አጫሞ የአስፋልት ኮንክሪት መንገድ በጥሩ እንቅስቃሴ ላይ የሚገኝ ሲሆን በአሁኑ ወቅት 68.6 በመቶ አፈጻጸም ላይ ደርሷል ። 23.3 ኪሎ ሜትር የሚሸፍነው ይኸው የመንገድ ግንባታ ፕሮጀክት ጅማሮውን ቦኖሻ ከተማ ላይ ያደርግና እስከ አጫሞ ቀበሌ ድረስ የሚዘልቅ ይሆናል። የአፈር ቆረጣና ሙሌት ስራ 96.51% ፣ የ 15.16 ኪ.ሜ የፍካ ስራ (የግንብ ዲች) እና 48 የፓይፕ ካልቨርት ስራ በአጠቃላይ 81.32% የዉሃ ማፍሰሻ ፍካ ስራ፣ 6 ቦክ ካልሰርት እና 1 ድልድይ ፣ የ16 ኪ.ሜ የሚሸፍን የሰብ ቤዝ ስራ፣3 ኪ.ሜ የሚሆን የቤዝ ኮርስ እና የ2.0 ከ.ሜ የአስፍልት ንጣፍ ፣19% የእግረኛ መንገድ ፤ 34% የዲች ኪዳን ማስቀመጥ እና 12 ኪ.ሜ ካርሸ ስቶን ስራ እና በርካታ የስትራክቸር ስራዎች እየተከናወኑ ይገኛል። ለግንባታ ማስፈጸሚያ የሚውለውን ገንዘብ 682,155,064.23 (ስድስት መቶ ሚሊየን አንድ መቶ ሃምሳ አምስት ሺህ ስልሳ አራት ብር ከሃያሶስት ሳንቲም) ብር የሚሸፍነው የኢትዮጵያ መንግስት ነው ። የመንገድ ግንባታ ፕሮጀክቱን እያከናወነ የሚገኘው አገር በቀሉ ይርጋለም ኮንስትራክሽን የስራ ተቋራጭ ሲሆን የማማከርና የቁጥጥር ስራውን ደግሞ ብርሃን የኮንስትራክሽን እና ዲዛይን አማካሪ ድርጅት እያከናወነው ይገኛል። ከተማዋ በፈጣን ዕድገት ላይ የምትገኝ በመሆኗ የመንገዱ መገንባት ከፍተኛ ማህበራዊ እና ኢኮኖሚያዊ ፋይዳ አንፃር በአስፋልት ኮንክሪት ደረጃ ነው እየተገነባ የሚገኘው ። መንገዱ ተገንብቶ ሲጠናቀቅ ከሆሳና ወደ ሀላባ እንዲሁም ሃዋሳ ኣና አካባቢው ወዳሉ ሌሎች ከተሞች የሚደረገውን ጉዞ ያቀላጥፋል፡፡ በአካባቢው ድንች ፣ ቦቆሎ ፣ በርበሬ ፣ ቦሎቄ እና ሌሎች የግብርና ምርቶች በሰፊው የሚመረቱ በመሆኑ የመንገድ ግንባታው መጠናቀቅ እነዚህን የግብርና ምርቶች በቀላሉ ወደ ማዕከላዊ ገበያ በማድረስ አርሶ አደሩ ከምርቱ እንዲጠቀም ያስችለዋል፡፡ ግንባታው ሲጠናቀቅ ሻሼጎ ወረዳ (ቦኖሻ ከተማ እና ዶሻ ታዳጊ ማዘጋጃ ቤት)፣አና ሌሞ ወረዳ (አጫሞ ቀበሌ)፣ዉልባረግ ወረዳን በአስፋልት ኮንክሪት የሚያገናኝ ይሆናል። ከዚህ ቀደም በተሽከርካሪ ለመጓዝ ይወስድ የነበረውን የሁለት ሰዓት የጉዞ ጊዜ ግንባታው ሲጠናቀቅ ወደ ሰላሳ ደቂቃ ያሳጥረዋል ይህም የአንድ ሰዓት ከሰላሳ ጊዜን ይቀንሳል። የመንገድ ግንባታ ፕሮጀክቱ የጎን ስፋት ትከሻን ጨምሮ በወረዳ በከተማ 21.5 ሜትር፣ በቀበሌ 12 ሜትር ሲሆን በገጠር 10 ሜትር ስፋት እንዲኖረው ተደርጎ በመገንባት ላይ ነው። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

ዒድ ሙባረክ!!

ለ20ኛው የዓለም የሥራ ድርጅት አህጉራዊ ጉባኤ መሳካት አስተዋጽኦ ላበረከቱ አካላት የእውቅና ስነ-ስርዓት ተካሄድ አዲስ አበባ፣ ግንቦት 27፣ 2017 (ኢ መ አ) ፡- ለ20ኛው የዓለም የሥራ ድርጅት አህጉራዊ ጉባኤ መሳካት አስተዋጽኦ ላበረከቱ አካላት የእውቅና ስነ-ስርዓት በትላንትናው ምሽት በኢንተር-ሌግዤሪ ሆቴል ተካሂዷል፡፡ ሀገራችን በቅርቡ ያካሄደችው 20ኛው የአለም ሥራ ድርጅት አህጉራዊ ጉባኤ በስኬት እንዲጠናቀቅ በእውቀት፣ በጉልበትና በገንዘብ ድጋፍ ላበረከቱ አካላት የእውቅና ሽልማት ተበርክቶላቸዋል፡፡ ሽልማቱ ለአጋሮች፣ ለስፖንሰሮች፣ ለብሔራዊ አዘጋጅ ኮሚቴ አባላት፣ ለሚዲያ ሙያተኞችና ተቋማት እንዲሁም ለጽሑፍ አቅራቢዎች የተበረከተ ሲሆን በሽልማት ስነ-ስርዓቱ ላይ የከተማ እና መሰረተ ልማት ሚኒስትር ጫልቱ ሳኒን ጨምሮ ከፍተኛ የመንግስት የሥራ ኃላፊዎች እና ጥሪ የተደረገላቸው እንግዶች ተገኝተዋል፡፡ የከተማ እና መሰረተ ልማት ሚኒስትር ጫልቱ ሳኒ፤ ጉባኤው ኢትዮጵያ እያከናወነች ያለችውን ግዙፍ የልማት ሥራዎችን አፍሪካዊያንና የዓለም አቀፉ ማህበረሰብ እንዲመለከት እድል የሰጠ መሆኑን አሳውቀው፣ ለኮንፈረንሱ ስኬት በገንዘባቸው፣ በእውቀታቸውና በጉልበታቸው ድጋፍ ላበረከቱ አካላት ምስጋና አቅርበዋል፡፡ የከተማ እና መሰረተ ልማት ሚኒስትር ዴኤታና የብሔራዊ አዘጋጅ ኮሚቴ ሰብሳቢ የትምጌታ አሥራት ከዝግጅቱ ጀማሮ አንስቶ እስከ ፍጻሜው ድረስ አስተዋጽኦ ላበረከቱ ሁሉ ምስጋና አቅርበው፣ መድረኩ ከተባበርንና ከተጋገዝን የማይቻል እንደሌለ ያየንበት ክስተት ነበር ብለዋል፡፡ አያይዘውም ያለንን አቅም ለሀገራዊ ልማትና ብልጽግና በክቡር ጠቅላይ ሚኒስትራችን መርህ መሰረት ተደምረን አስተዋጽኦ ማበርከታችንን እንቀጥላለን ብለዋል፡፡ የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱራህማን፤ ጉባኤው ለመሰረት ልማት ዘርፉ አስፈላጊ የምርምር ውጤቶች ቀርበው ውይይት የተደረገባቸው መሆኑም አስታውሰው፣ የተገኙ ተሞክሮዎችና ልምምድ ልውውጦች ለሀገራችን መንገድ ልማት እጅግ ጠቃሚ መሆናቸው ገልጸዋል። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

በድሬዳዋ - መልካ ጀብዱ መንገድ ፕሮጀክት የአስፋልት ንጣፍ እየተከናወነ ነው ድሬዳዋ፣ ግንቦት 22፣ 2017 (ኢ መ አ):- በድሬዳዋ ከተማ አስተዳደር 7 ነጥብ 2 ኪሎሜትር በሚረዝመው የድሬዳዋ - መልካ ጀብዱ መንገድ ፕሮጀክት የአስፋልት ንጣፍ እየተከናወነ ነው። የመንገድ ፕሮጀክቱ ከዚህ ቀደም በሀገር በቀል የሥራ ተቋራጭ ሲከናወን ቆይቶ ከወሰን ማስከበር ጋር በተያያዘ ችግር ግንባታው ተቋርጦ እንደነበር ይታወቃል። አሁን ላይ ችግሩ በመፈታቱ የግንባታውን ቀሪ 2 ነጥብ 1 ኪሎሜትር ሥራ ማጠናቀቅ እንዲቻል በኢትዮጵያ መንገዶች አስተዳደር የድሬዳዋ መንገድ ጥገና ዲስትሪክት ፕሮጀክቱን ተረክቦ እየሠራ ይገኛል። በአሁኑ ወቅት ከአስፋልት ንጣፍ ሥራው በተጨማሪ የአፈር፣ የሰብቤዝ፣ ቤዝኮርስ እና የውኃ መፋሰሻ ቱቦ ሥራዎች በመከናወን ላይ ናቸው። የመንገድ ግንባታውን አበረታች አፈጻጸም በማስቀጠል በሚቀጥሉት ጥቂት ወራት ውስጥ ሙሉ በሙሉ ለማጠናቀቅ ዕቅድ ተቀምጦ በትኩረት እየተሠራ ይገኛል። በኮንክሪት አስፋልት ደረጃ እየተገነባ የሚገኘው የመንገድ ፕሮጀክቱ በሁለት አቅጣጫ መኪናዎችን ከማስተላለፉም ባለፈ የእግረኛ እና የብስክሌተኞች እንዲሁም የአረንጓዴ ሥፍራን ጨምሮ 50 ሜትር የጎን ስፋት ይኖረዋል። ለመንገድ ፕሮጀክቱ የተመደበው 1 ነጥብ 7 ቢሊዮን ብር በፌደራል መንግስት ይሸፈናል። ቤዛ ኢንጅነሪንግ ሊሚትድ ኬኒያ የማማከር እና የቁጥጥር ሥራውን ያከናውናል። የመንገዱ መገንባት የኅብረተሰቡን የመሠረተ-ልማት ጥያቄ ከመፍታቱም ባለፈ የድሬዳዋ ከተማን የማኅበራዊ እና የምጣኔ ሀብታዊ ዕድገት የሚያፋጥን ነው። በተጨማሪም መንገዱ ከድሬዳዋ ኢንዱስትሪ መንደር፣ ከኢትዮ - ጅቡቲ ምድር ባቡር ጣቢያ እንዲሁም ከድሬዳዋ ነጻ ንግድ ቀጠና ጋር የተገናኘ በመኾኑ የምጣኔ ሀብት ትስስሩን ያጠናክራል። መንገዱ በራስ-ኅይል እንደመገንባቱ መጠን በቀጣይ ለሚኖሩ ሥራዎች በርካታ ልምድ እና ተሞክሮ የተገኘበት መኾኑም ተመልክቷል። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የጉደር-አምቦ ከተማ የመንገድ ፕሮጀክት በማጠናቀቂያ ምዕራፍ ላይ ይገኛል። በኦሮሚያ ክልል ምዕራብ ሸዋ  የሚገኘው  የጉደር -አምቦ የአስፋልት  ኮንክሪት መንገድ እየተሰራ ሲሆን በአሁኑ ወቅት  የፕሮጀክቱ አጠቃላይ አፈጻጸም  88.66 በመቶ ደርሷል። ከጉደር ከተማ በመነሳት አምቦ ድረስ የሚዘልቀውን ይኸው የመንገድ ፕሮጀክት ግንባታ 19.132  ኪሎ ሜትር ይሸፍናል። በእስካሁኑ የመንገድ ግንባታ ስራ  የአስፋልት ንጣፍ፣ አፈር ቆረጣ እና ሙሌት ፣  የድሬኔጅ ስራዎች፣ ሰብ ቤዝ ንጣፍ ፣ ቤዝ ኮርስ ንጣፍ ፣ እንዲሁም የስትራክቸር ስራዎች እየተከናወኑ ይገኛል። ለግንባታ  ማስፈጸሚያ የሚውለውን ገንዘብ  1,038,722,506.06 (አንድ ቢሊዮን፣ሰላሳ ስምንት ሚሊዮን፣ሰባት መቶ ሃያ ሁለት ሺህ፣አምስት መቶ ስድስት ብር፣ከስድስት ሳንቲም) ብር የሚሸፍነው  የኢትዮጵያ መንግስት ነው ። የመንገድ ግንባታ ፕሮጀክቱን እያከናወነ የሚገኘው  አገር በቀሉ ኦሮሚያ ኮንስትራክሽን ኮርፖሬሽን የስራ ተቋራጭ ሲሆን የማማከርና የቁጥጥር ስራውን ደግሞ ፕሮሚነንት ኢንጅነሪንግ ሶሉሽን እያከናወነው ይገኛል። መንገዱ ካለው ዘርፈ-ብዙ ኢኮኖሚያዊ እና ማህበራዊ ፋይዳ አንፃር በአስፋልት ኮንክሪት ደረጃ ነው እየተገነባ የሚገኘው ። የመንገድ ግንባታ ፕሮጀክቱ ሲጠናቀቅ በጉደር ከተማ ያለውን ትልቅ የገበያ  ትስስር በመፍጠር አርሶ አደሩን ተጠቃሚ ያደርጋል። መስመሩ ሀገር አቋራጭ የመንገድ መስመር በመሆኑ የጉዞ ጊዜን  በማሳጠር ወደሚፈለግበት መዳረሻ ለመድረስ ያስችላል።  ግንባታው ሲጠናቀቅ ቶኬ ኩታዬ ቀበሌዎችን እና በአምቦ ወረዳ ጉደር እና አምቦ ከተማን በአስፋልት ኮንክሪት የሚያገናኝ ይሆናል። ከዚህ ቀደም በተሽከርካሪ ለመጓዝ ይወስድ የነበረውን  የአርባ አምስት ደቂቃ  ግንባታው ሲጠናቀቅ ወደ ሃያ ደቂቃ በማሳጠር የጉዞ ጊዜን ያቀላጥፋል።  የመንገድ ግንባታ ፕሮጀክቱ  የጎን ስፋት ትከሻን ጨምሮ   በከተማ 23.8 ሜትር፣ ሲሆን በገጠር 19.5 ሜትር ስፋት እንዲኖረው ተደርጎ በመገንባት ላይ  ነው። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

20ኛው የዓለም የሥራ ድርጅት አህጉራዊ ጉባዔ ተጠናቀቀ አዲስ አበባ፣ ግንቦት 15፣ 2017 (ኢ መ አ):- ከግንቦት 11 - 15 በአዲስ አበባ ሲካሄድ የቆየው 20ኛው የዓለም የሥራ ድርጅት አህጉራዊ ጉባዔ በስኬት ተጠናቅቋል። የዘንድሮው ጉባዔ በከተማ እና መሠረተ ልማት ሚንስቴር፣ በኢትዮጵያ መንገዶች አስተዳደር እና የዓለም አቀፉ የሥራ ድርጅት የጋራ ትብብር መካሄዱ ይታወቃል። በጉባዔው ማጠቃለያ ላይ በወጣው መግለጫ፣ ኢትዮጵያ የተሳካ ጉባዔ ማካሄዷ ተገልጿል። በሩዋንዳ ኪጋሊ በተካሄደው 19ኛው ጉባዔ ላይ የተነሱ የአረንጓዴ ኢኮኖሚ ግንባታ፣ የሥራ ዕድል ፈጠራ፣ ምቹ የሥራ ምህዳር ላይ ያተኮሩ ጉዳዩች ላይ መድረኩ በስፋት ተወያይቷል። ከጥናት እና ውይይት በዘለለ በሥራ ዕድል ፈጠራ፣ ጤናማ የሥራ ከባቢ በመፍጠር እንዲሁም ማኅበራዊ ፍትህን በማረጋገጥ ረገድ የአፍሪካ ሀገራት በጋራ መሥራት እንደሚገባቸው የአቋም መግለጫው አሳስቧል። ከዚህም ባለፈ ብልሹ አሠራር እና ሙስናን እንዲሁም ኢ-ፍትሀዊነትን በመዋጋት ረገድ ሀገራቱ በጋራ መቆም እንደሚኖርባቸው ተጠቅሷል። በጉባዔው ላይ በርካታ ጠቃሚ ልምዶች መገኘታቸውን የገለጹት የከተማ እና መሠረተ ልማት ሚንስትር ጫልቱ ሳኒ፤ ለተግባራዊነቱ ሁላችንም ኃላፊነት አለብን ብለዋል። ጉባዔው በስኬት እንዲጠናቀቅ ያልተቆጠበ ድጋፋቸውን ያደረጉትን የአዲስ አበባ ከተማ አስተዳደር፣ የአፍሪካ ሕብረት፣ የዓለም ባንክ እና ሌሎች አጋር ድርጅቶችን ሚንስትሯ አመስግነዋል፡፡ ከ2ሺህ በላይ ተሳታፊዎች በዘንድሮው ጉባዔ የተካፈሉ ሲኾን፣ ከመድረኩ ጎን ለጎን በአዲስ አበባ ከተማ እየተከናወኑ ያሉ በርካታ የልማት ሥራዎችን ተዘዋውረው ተመልክተዋል ። በመጨረሻም ዛምቢያ ከሁለት ዓመት በኋላ የሚካሄደውን 21ኛውን የዓለም የሥራ ድርጅት አህጉራዊ ጉባዔ እንድታዘጋጅ በመድረኩ ተመርጣለች። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads