ERA ኢትዮጵያ መንገዶች አስተዳደር

የነቀምት - ቡሬ ሎት 3 አጋምሳ - ቡሬ የመንገድ ግንባታ ፕሮጀክት 63 ነጥብ 49 በመቶ ደረሰ። አዲስ አበባ፤ ህዳር 24፤ 2018 (ኢመአ)፦ የአማራ እና የኦሮሚያ ክልሎችን የሚያገናኘው የነቀምት - ቡሬ ሎት 3 አጋምሳ - ቡሬ የአስፋልት ኮንክሪት የመንገድ ግንባታ ፕሮጀክት 63 ነጥብ 49 በመቶ ደርሷል፡፡ 84.55 ኪ.ሜ ርዝመት ባለው በዚህ የመንገድ ፕሮጀክት ግንባታ ላይ እስካሁን የአፈር ሙሌት ፣ የቆረጣ ፣ የአነስተኛ ድልድይና የቱቦ ቀበራ፣ የቤዝ ኮርስና የአስፓልት ጠጠር መፍጨት፣ የድጋፍ ግንብ ፣የሰቤዝ ፣ የቤዝኮርስ እና 43.13 ኪ.ሜ የሚሆን አስፋልት ንጣፍ ሥራ በመከናወን ላይ ናቸው። የፕሮጀክቱ ሥራ በቻይናው ቾንግቺንግ ኢንተርናሽናል ኮንስትራክሽን ኮርፖሬሽን እየተከናወነ ነው። የማማከርና ቁጥጥር ሥራው ደግሞ በኩንሃ ኢንጅንሪንግና ኮንሰልቲንግ፣ ኮሪያ ኤክስፕረስዌይ ኮርፖሬሽን እና ኢትዮ ኢንፍራ አንጅነሪንግ በትብብር እየተካሄደ ይገኛል። መንገዱን ለመገንባት 2,291,551,346.32 ሁለት ቢሊዮን ሁለት መቶ ዘጠና አንድ ሚሊዮን አምስት መቶ ሃምሳ አንድ ሺህ ሦስት መቶ አርባ ስድስት ብር ወጪ የሚሸፈነው ከዓለም ባንክ በተገኘ ብድር ነው። የመንገዱ አጠቃላይ የጎን ስፋት በወረዳ 21.5 ሜትር፣ በቀበሌ 14 ሜትር፣ በገጠር ደግሞ 10 ሜትር ተደርጎ በመገንባት ላይ ነው። የፕሮጀክቱ ግንባታ ሲጠናቀቅ በአማራ ክልል የምዕራብ ጎጃም ዞን የቡሬ ወረዳ እና በኦሮሚያ ክልል ሆሮ ጉዱሩ ወለጋ ዞን አምሩ ወረዳ መካከል የህዝብ ለህዝብ ግንኙነቶችን በይበልጥ ያጠናክራል። እንዲሁም የጎዳ ማሩ፣ ሚግር፣ ጆጊ፣ ጣቦ፣ ሶንቶም፣ ቁጭ፣ ዛልማ፣ ባሲ እና አለፋ ቀበሌዎችን ያገናኛል። በተጨማሪም በአካባቢው የሚመረቱ እንደ ቡና፣ ሰሊጥ፣ ቦሎቄ፣ በርበሬ፣ ፍራፍሬዎች፣ የግራናይትና ማርብል ማዕድናት እና ሌሎች የግብርና ምርቶች ያለምንም መስተጓጎል ለገበያ እንዲቀርቡ በማድረግ ለክልሎቹ ኢኮኖሚ ትልቅ አስተዋፅዖ ይኖረዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የደብረማርቆስ - ደብረኤሊያስ - ተምጫ እና ጭምት መገንጠያ - ጭምት ከተማ መንገድ ግንባታ ዳግም ተጀመረ አዲስ አበባ፣ ኅዳር 20፣ 2018 (ኢ መ አ) :- በአማራ ክልል ምሥራቅ ጎጃም ዞን ከሁለት ዓመታት በፊት ግንባታው ቆሞ የነበረው የደብረማርቆስ - ደብረኤሊያስ - ተምጫ እና ጭምት መገንጠያ - ጭምት ከተማ መንገድ ግንባታ ዳግም ተጀምሯል። የመንገድ ፕሮጀክቱ በ2012 ተጀመሮ ሲከናወን የቆየ ቢኾንም ከ2 ዓመታት በፊት የግንባታው አጠቃላይ አፈጻጸም 52 ነጥብ 8 በመቶ ከደረሰ በኋላ በጸጥታ ምክንያት ሙሉ በሙሉ ቆሞ እንደነበር ይታወቃል። ተቋማችን ችግሩን ለመቅረፍ እና ግንባታውን ለማስቀጠል ከየአካባቢው የጸጥታ መዋቅር እና የመስተዳድር አካላት እንዲሁም ግንባታውን ከሚያከናውነው ፋል ጠቅላላ ሥራ ተቋራጭ እና አማካሪ መሀንዲሱ ጋር የተቀናጀ ጥረት ሲያደርግ ቆይቷል። ጥረቱ በመሳካቱም ግንባታውን ዳግም ማስጀመር ተችሏል። አሁን ላይም የመንገድ ዳር የዲች ሥራ በመከናዎን ላይ ሲኾን፥ ግንባታውን በሙሉ አቅም ለማስቀጠል የሚያስችሉ የቅድመ ዝግጅት ሥራዎች በመጠናቀቅ ላይ ናቸው። የመንገድ ፕሮጀክቱ 80 ነጥብ 9 ኪሎሜትር የሚሸፍን ሲኾን፥ ለግንባታው 1 ነጥብ 2 ቢሊዮን ብር በፌደራል መንግስት በጀት ተይዞለታል። የማማከር እና የቁጥጥር ሥራውን ኢንጅነር ዘውዴ እስክንድር እና ኩባንያው በማከናወን ላይ ይገኛል። የመንገድ ግንባታው ሲጠናቀቅ በነባሩ ጠባብ የጠጠር መንገድ ይወስድ የነበረውን 6 ሰዓት የጉዞ ጊዜ ወደ 1 ሰዓት ተኩል ያሳጥረዋል። ምርታማ የኾኑትን የጎዛመን እና የደ/ኤሊያስ ወረዳዎችን ምርት በቀላሉ ወደ ገበያ ለማቅረብ ያስችላል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የጅማ - ጭዳ  የመንገድ  ግንባታ  ፕሮጀክት ለማፋጠን በትኩረት እየተሰራ ነው አዲስ አበባ፣ ህዳር 17፣ 2018 (ኢመአ) የኦሮሚያና  የደቡብ  ምዕራብ  ኢትዮጵያን  ክልሎችን  የሚያስተሳስረው  የጅማ - ጭዳ  የአስፋልት  ኮንክሪት  የመንገድ  ግንባታ  ፕሮጀክት  ለማፋጠን በትኩረት እየተሰራ ነው፡፡ 80  ኪሎ ሜትር  ርዝመት  የሚሸፍነው ይኸው የመንገድ ግንባታ ፕሮጀክት  በአሁኑ  ወቅት  አጠቃላይ  አፈፃፀሙ  46.16  በመቶ  ደርሷል፡፡ በእስካሁኑ  የግንባታ  ሂደትም  የአፈር ጠረጋ ፣ ቆረጣና  ሙሌት፤ የውሃ   ማስወገጃ   ፉካዎችና  ስትራክቸር፣ የሰብ ቤዝ ፣ ቤዝ ኮርስ ፣  20.3 ኪሎ ሜትር የአስፋልት  ንጣፍ  ሥራ  ለማከናወን  ተችሏል፡፡ ግንባታውን  እያከናወነ የሚገኘው  ቻይና  ቲሲጁ  ሲቪል  ኢንጅነሪንግ  ግሩፕ  የተባለ  የሥራ ተቋራጭ  ሲሆን  የማማከርና  የቁጥጥሩን  ሥራ  ኪዮንግዶንግ ኢንጅነሪንግ ፣ኦረንትያል  ኮንሰልቲንግ  ግሎባል እንዲሁም  ኮር ኮንሰልቲንግ  ኢንጅነርስ  በጋራ  በመሆን እያከናወኑት ይገኛሉ፡፡ መንገዱን ለመገንባት 2,422,629,267 ብር (ሁለት ቢሊዮን አራት መቶ ሃያ ሁለት ሚሊዮን ስድስት መቶ  ሃያ  ዘጠኝ  ሺህ  ሁለት መቶ  ስልሳ  ሰባት  ብር ) ከአፍሪካ  ልማት ባንክ  እና  ከጃፓኑ  ዓለም  ዓቀፍ ተራድዖ  ድርጅት  (JICA) በተገኘ  የፋይናንስ  ድጋፍ  የተሸፈነ  ነው፡፡ የመንገዱ  የጎን ስፋት  በገጠር 10 ሜትር ፣ በቀበሌ 12 ሜትር ፣ በከተማ 17 ሜትር  እንዲሁም  በወረዳ 21.50  ሜትር ነው፡፡ የግንባታ ግብዓት  አቅርቦት እጥረት  መኖሩ እንዲሁም የወሰን ማስከበርና ተያያዥ  ችግሮች በፕሮጀክቱ አፈፃፀም ላይ አሉታዎ ተፅዕኖ አሳድሯል። የኢትዮጵያ  መንገዶች  አስተዳደር  ከሚመለከታቸው  ባለድርሻ  አካላት  ጋር ተቀናጅቶ  እነዚህን  ችግሮች  በመፍታት  የፕሮጀክቱን የአፈፃፀም  ሂደት ለማፋጠን በርካታ ሥራዎችን  እየሰራ ይገኛል። መንገዱ ተገንብቶ ሲጠናቀቅ እንደ ቡና ፣ ሰሊጥ ፣ በቆሎ ፣ ማሽላ እና ከፍተኛ  የፍራፍሬ  ምርቶች እንዲሁም የተለያዩ  የግብርና ውጤቶችን በአፋጣኝ ወደ ገበያ  እንዲደርሱ በማድረግ አምራች ሸማቹን ተጠቃሚ የሚያደርግ ነው። በተጨማሪም መንገዱ  ለኢንዱስትሪ ግብዓት ወሳኝ የሆነ የከሰል ድንጋይ በሚወጣበት አካባቢ የሚገኝ ከመሆኑም ባሻገር ፣ ወደ ኮይሻ የኤሌክትሪክ ሃይል ማመንጫ ፕሮጀክት የግንባታ ግብዓት የሚያመላልሱ ከባድ ተሽከርካሪዎች የሚጠቀሙት  እንዲሁም የጨበራ ጩርጩራ ዝሆን ዳና ሎጅ እና  ሃላላ ኬላን ለመሳሰሉ  የቱሪስት  መስህብ  ስፍራዎች  አማራጭ መዳረሻ  በመሆን  የሚያገለግል  መሆኑ ኢኮኖሚያዊ ፋይዳውን ከፍተኛ ያደርገዋል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

በጋምቤላ ክልል በግንባታ ሂደት ላይ ያሉ የመንገድ ፕሮጀክቶችን የሥራ አፈጻጸም ለማሻሻል የሚያስችል ምክክር ተካሄደ። አዲስ አበባ፣ ህዳር 15፣ 2018 (ኢመአ) በጋምቤላ ክልል ውስጥ በግንባታ ሂደት ላይ የሚገኙ የመንገድ ፕሮጀክቶችን የሥራ አፈጻጸም ለማፋጠን፣ ለማሻሻል እንዲሁም የተጓተቱ ፕሮጀክቶችን ማስቀጠል ላይ ትኩረት ያደረገ ምክክር ተካሂዷል። በምክክሩ ላይ የጋምቤላ ክልል ርዕሰ መስተዳድር ወይዘሮ አለሚቱ ኡሞድ፣ የኢመአ ዋና ዳይሬክተር ኢንጂነር መሐመድ አብዱራህማንን ጨምሮ ሌሎች የፌዴራልና የክልሉ ከፍተኛ አመራሮች ተገኝተዋል። ውይይቱ በክልሉ በተለያዩ ምክንያቶች የግንባታ ሂደታቸው የተጓተቱ ፕሮጀክቶችን በተለይም በአፈፃፀም ችግር ምክንያት የተቋረጡትን በማስጀመር እንዲሁም እየተከናወኑ ያሉትን በማጠናከር በህብረተሰቡ ዘንድ የሚነሱ የመንገድ መሠረተ ልማት ጥያቄዎችን ምላሽ መስጠት ላይ ያተኮረ ነው። በዚህም መሰረት በጋምቤላ ክልል በግንባታ ላይ ያሉ ፕሮጀክቶች አጠቃላይ አፈፃፀም ግምገማ ተደርጓል። ግምገማውን ተከትሎ የአቦቦ -ሜጢ - ኩቢጦ መገንጠያ የመንገድ ፕሮጀክትን ጨምሮ የሌሎች ፕሮጀክቶችን ግንባታ ለማፋጠን እና የቆሙትን ለማስቀጠል የሚያስችል የጋራ መግባባት ላይ ተደርሷል። የኢመአ ዋና ዳይሬክተር ኢንጂነር መሐመድ አብዱራህማን በአፈፃፀም ችግር የተቋረጡትን ፕሮጀክቶች ማስቀጠል ቅድሚያ የሚሰጠው ጉዳይ እንደሆነ ገልጸው ለመንገድ ልማት ጥያቄዎች ተገቢውን ምላሽ ለመስጠት በትኩረት እየሰሩ መሆኑን አስታውቀዋል። አያይዘውም ለፕሮጀክቶቹ ስኬት የክልሉ መንግስት ድጋፍ ተጠናክሮ እንዲቀጥል ጥሪ አቅርበዋል። ርዕሰ መስተዳድር ወይዘሮ አለሚቱ ኡሞድ በበኩላቸው የፌዴራል መንግስትን በክልሉ የሚያደርገውን መንገድን የማስፋፋት ጥረት አድንቀዋል፡፡ በተወሰኑ ፕሮጀክቶች ላይ የሚስተዋሉትን የአፈጻጸም ችግሮችን ለመፍታት ብሎም በግንባታ ሂደት ላይ ያሉ መንገዶችን ግንባታ ለማፋጠን እና የተቋረጡትን ለማስቀጠል የክልሉ መንግስት ድጋፍ ከምንጊዜውም በላይ ተጠናክሮ እንደሚቀጥል አረጋግጠዋል። ዉይይቱ በጋምቤላ ክልል ከመንገድ መሠረተ ልማት አኳያ የሚታዪ ክፍተቶችን በቀጣይ ለመቅረፍ እንደሚያስችል ይታመናል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የጋሸና - ላሊበላ - ብልባላ - ሰቆጣ የአስፋልት ኮንክሪት የመንገድ ግንባታ ፕሮጀክት በመልካም አፈጻጸም ላይ ነው አዲስ አበባ፣ ህዳር 14፣ 2018 (ኢመአ)፣ በአማራ ክልል ውስጥ የሚገኘው የጋሸና - ላሊበላ እና የ15 ኪ.ሜ የላሊበላ ተለዋጭ መንገድ እንዲሁም የብልባላ - ሰቆጣ የመንገድ ፕሮጀክት ቀሪ ስራዎችን ማጠናቀቂያ በመልካም አፈፃፀም ላይ ይገኛል ። በእስካሁኑም የሥራ አፈፃፀም የተለያዩ የቅየሳ ስራዎች፣ የአፈር ጠረጋ፣ የቆረጣ እና የሙሌት፣ የሰቤዝ መንገድ ንጣፍ፣ የመንገድ አካፋይ እና የድጋፍ ግንብ ግንባታ፣ የውሃ ማፋሰሻ ቱቦ ቀበራ፣ የአስፋልት ማቅለጫ ማሽን እና የድንጋይ ወፍጮ ማሽን ተከላ ስራዎች ተሰርተዋል። ከዚህ ቀደም አብዛኛው የመንገዱ ግንባታ በሰሜኑ ጦርነት ከመቋረጡ በፊት የተከናወነ ሲሆን ከቀሪው 23.32 ኪ.ሜ ውስጥ በአሁኑ ወቅት 5 በመቶ ያህሉን የማጠናቀቂያ ሥራ ለማከናወን ተችሏል፡፡ መንገዱ በሚገነባበት አካባቢ በተፈጠረው ተደጋጋሚ የፀጥታ ተግዳሮት ምክንያት የግንባታ ግብዕቶች፣ ማሽነሪዎች እና መሳሪያዎች በበቂ ሁኔታ ለማቅረብ የሥራ ተቋራጩ መቸገሩ እንዲሁም ክፍያ የተፈጸመባቸው ንብረቶች በወቅቱ አለመነሳትም ተደራራቢ ችግር አስከትሏል። ችግሩን ለመቅረፍ እና ፕሮጀክቱ በተያዘለት ጊዜ እንዲጠናቀቅ የኢትዮጵያ መንገዶች አስተዳደር የቅርብ ድጋፍና ክትትል እያደረገ ነው።ይህንኑ ታሳቢ በማድረግ ከአካባቢው አስተዳደር፣ ከማህበረሰቡ እና ከሚመለከታቸው አካላት ጋር በትብብር እየሠራ ነው። ይህ መንገድ በከተማ ከ19 እስከ 30 ሜትር የጎን ስፋትና 2.5 ሜትር የእግረኛ መንገድ ያለው ሲሆን በገጠር ደግሞ 7 ሜትር የጎን ስፋትና 3 ሜትር የመንገድ ትከሻን አካትቷል፡፡ ለፕሮጀክቱ ማስፈጸሚያ የሚውለውን ገንዘብ 5,119,831,284.27 (አምስት ቢሊየን አንድ መቶ አስራ ዘጠኝ ሚሊዮን ስምንት መቶ ሰላሳ አንድ ሺህ ሁለት መቶ ሰማንያ አራት ብር) በኢትዮጵያ መንግስት የሚሸፈን ነው። ግንባታውን የሚያካሂደው የሥራ ተቋራጭ ህብር ኮንስትራክሽን ኮርፖሬሽን ከዘመን ኮንስትራክሽን ኮርፖሬሽን ጋር በጋራ በመሆን ነው። የጋሸና - ላሊበላ የመንገድ ክፍል የማማከርና የቁጥጥር ሥራን ኢንጂነር ዘውዴ እስክንድር እና ኃ/የተ/የግ/ማህበር ከዋይ ኤል ኤስ ኢንጂነሪግ ጋር በመተባበር እየሠሩት ሲሆን የብልባላ - ሰቆጣ የመንገድ ክፍል ደግሞ ቤዛ ኮንሰልቲንግ ኢንጅነርስ ኃ/የተ/የግ/ማህበር ከቤዛ ኢንጂነሪንግ ኬኒያ ሊሚትድ ጋር በአጋርነት እያከናወኑት ነው። የመንገዱ ግንባታ የክልሉን የመንገድ ሽፋን ከማስፋት ባለፈ የሰቆጣ -ላሊበላ እንዲሁም ከጋሸና - ወልድያ- ደሴ ያለውን የትራንስፖርት እንቅስቃሴ በከፍተኛ ሁኔታ ያቀላጥፋል። በተጨማሪም ለላሊበላ ከተማ፣ ለላስታ፣ መቄትና ዋድላ ወረዳዎች እንዲሁም በዋግ ኽምራ ዞን ለሚገኙ ነዋሪዎች ማህበራዊና ኢኮኖሚያዊ አገልግሎቶችን በቀላሉ እንዲጠቀሙ ከማድረጉም በላይ የሰሜን ወሎንና የዋግ ኽምራ ዞኖችን በብቸኝነት ያስተሳስራል። ከዚህም ባሻገር በዓለም የቅርስ መዝገብ (UNESCO) የተመዘገቡትንና ከፍተኛ የቱሪስት ፍሰት ያለባቸውን የላሊበላ ፍልፍል አብያተ ክርስቲያናት በቀጥታ ተደራሽ የሚያደርግ በመሆኑ የመንገዱን አስፈላጊነት በእጅጉ ይጨምረዋል። በሌላ በኩል በአካባቢው የሚመረቱ እንደ ዘንጋዳ፣ ገብስ፣ ባቄላ፣ ጤፍ፣ ማር እና ሌሎች የእንስሳት ተዋፅኦዎችን ያለምንም መስተጓጎል ለገበያ እንዲቀርቡ በማድረግ ለክልሉ ኢኮኖሚ ታላቅ አስተዋፅዖ ይኖረዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የአዳማ - አዋሽ መልካሳ መንገድ መልሶ ግንባታ እየተደረገለት ነው አዳማ፣ ኅዳር 08፣ 2018 (ኢ መ አ) ፡- ከፍተኛ የትራፊክ ፍሰት የሚያስተናግደው የአዳማ - አዋሽ መልካሳ ክፍል አንድ መንገድ መልሶ ግንባታ እተደረገለት ነው፡፡ ነባሩ መንገድ ስፋቱ ከ7 ሜትር ያልበለጠ እና ለትራፊክ እንቅስቃሴ ምቹ ያልነበረ እንዲሁም በአገልግሎት ብዛት በእጅጉ የተጎዳ ሲሆን፣ አሁን ላይ በየጊዜው እየጨመረ የመጣውን ከፍተኛ የትራፊክ ፍሰት በበቂ ሁኔታ ማስተናገድ በሚያስችል መልኩ የመልሶ ግንባታ እየተደረገልት ይገኛል፡፡ የመልሶ ግንባታ ሥራው 17 ነጥብ 56 ኪሎሜትር የሚሸፍን ሲሆን፣ የመንገድ አካፋይ እና የእግረኛ መንገድን ጨምሮ አጠቃለይ 34 ሜትር የጎን ስፋት ይኖረዋል፡፡ አሁን ላይም የአፈር፣ የጠረጋ፣ የሰብቤዝ እና የውኃ መፋሰሻ ሥራዎች በመከናውን ላይ ናቸው፡፡ የመንገድ ግንባታውን መንግስታዊው የልማት ድርጅት ኢትዮ ኢንጅነሪንግ ኮርፖሬሽን በ4 ነጥብ 3 ቢሊዮን ብር ወጪ በማከናወን ላይ ይገኛል፡፡ ወጪው በፌደራል መንግስት ይሸፈናል፡፡ መከላከያ ኮንስትራክሽን ዲዛይን ድርጅት የማማከር እና የቁጥጥር ሥራውን በማከናወን ላይ ይገኛል፡፡ የመንገዱ መገንባት የትራፊክ ጭንቅንቁን በእጅጉ ከማቅለሉም ባሻግር በምሠራቅ ሸዋ ዞን የሚገኙትን በርካታ ወረዳዎች በማስተሳሰር ሁለንተናዊ ዕድገት የሚያፋጥን ይሆናል፡፡ የአዳማ-አሰላ መንገድ አካል ሲሆን፣ ወደ አሰላ፣ በቆጂ: ባሌ ሮቤ እና ባሌ ጎባ የሚደረገውን ጉዞ የሚያቀል ነው፡፡ በተጨማሪም የሃገሪቱን የግብርና ምርቶች ስንዴ፣ ገብስ እና ሌሎቹም የወጪ እና ገቢ ንግድን ከሚያሳልጡ አውራ መንገዶች አንዱ ነው። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የሺሺንዳ ቴፒ የመንገድ ግንባታ ፕሮጀክት ስራ ዳግም ተጀመረ አዲስ አበባ ህዳር 06፣ 2018 (ኢመአ) ከፋ እና ሸካ ዞኖችን የሚያገናኘው 77 ኪሎ ሜትር የአስፋልት ኮንክሪት የመንገድ ግንባታ ፕሮጀክት ወደ ግንባታ ስራ ገብቷል፡፡ ከዚህ ቀደም የመንገዱን ግንባታ ሲያካሂድ የነበረው የቻይናው CRCC ካምፓኒ የነበረ ሲሆን የስራ ተቋራጩ በነበረበት የአቅም ውስንነቶች እንዲሁም ከወሰን ማስከብር እና ተዛማጅ ጉዳዮች ጋር በተያያዘ የመንገዱ የግንባታ ሂደት ተቋርጦ ቆይቷል። ይህንን ችግሮች ለመፍታት ይቻል ዘንድ አዲስ የሥራ ተቋራጭ ተመርጦ ሥራውን እንዲያስቀጥል ተደርጓል፡፡ አሁን ላይ የፕሮጀክቱን የግንባታ ሂደት በማካሄድ ላይ የሚገኘው አገር በቀሉ ሱር ኮንስትራክሽን የስራ ተቋራጭ ሲሆን የማማከር እና የቁጥጥር ስራ ውን በማከናወን ላይ የሚገኘው ደግሞ ክላሲክ ኮንሰልቲንግ ነው ። አሁን ላይ ከሚመለከታቸው ባለድርሻ አካላት ጋር በመሆን ለአዲሱ የሥራ ተቋራጭ የሥራ ቦታውን በማስረከብ ስራው በይፋ ተጀምሯል፡፡ በእስካሁኑ የፕሮጀክቱ አፈጻጸም የአፈር ቆረጣ እና ሙሌት ፣ የማፋሰሻ እና የስትራክቸር ፣ የሰብ ቤዝ እና የቤዝ ኮርስ እንዲሁም አስር ኪሎሜትር የአስፋልት ንጣፍ ስራዎች ተከናውነዋል ። ፕሮጀክቱን ለማካሄድ ጥቅም ላይ የሚውለው ከ1,556,000000 (አንድ ቢለየን አምስት መቶ ሀምሳ ስድስት ሚሊዮን ብር) በላይ የግንባታ ወጪ ሙሉ በሙሉ በኢትዮጵያ መንግስት የተሸፈነ ነው ። መንገዱ በገጠር 7 ሜትር ፣ በቀበሌ 12ሜትር ፣ በወረዳ ደግሞ 19 ሜትር ስፋት እንዲኖረው ተደርጎ ነው በመገንባት ላይ የሚገኘው፡፡ ፕሮጀክቱ ሲጠናቀቅ በመስመሩ የሚገኙትን ሺሺንዳ ፣እና ቴፒ ከተሞች ኢኮኖሚያዊ እና ማህበራዊ መስተጋብር ይበልጥ ያጠናክራል ተብሎ ይታመናል። በአካባቢው እንደ ቡና ፣ ሙዝ ፣ አቮካዶ ፣ ማር ፣ እንደ ቁንዶ በርበሬ እና ኮረሪማ ያሉ የተለያዩ ቅመማ ቅመሞች በስፋት የሚገኙ ሲሆን የመንገዱ መገንባት እነዚህን ምርቶች ወደ ማዕከላዊ ገበያ በፍጥነት እና በቀላሉ በማድረስ ረገድ ከፍተኛ ፋይዳ ይኖረዋል።

የኢትዮጵያ መንገዶች አስተዳደር ከኢትዮጵያ ዜና አገልግሎት ጋር በመተባበር የኪነ-ጥበብ ምሽት አካሄደ አዲስ አበባ ህዳር 05 ፣ 2018 (ኢ .መ.አ ) የኢትዮጵያ መንገዶች አስተዳደር ‘’መንገድ እና ሃገር” በሚል መሪ ቃል ከኢትዮጵያ ዜና አገልግሎት ጋር በመተባበር የኪነ ጥበብ ምሽት አካሂደዋል፡፡ በመርሃ ግብሩ ላይ በሚኒስትር ማዕረግ የዲሞክራሲ ሥርዓት ግንባታ ማስተባበሪያ ማዕከል ኃላፊ እና የኢዜአ የስራ አመራር ቦርድ ሰብሳቢ ዶክተር ቢቂላ ሁሪሳ ፣ የኢትዮጵያ መንገዶች አስተዳደር ዋና ዳሬክተር ኢንጅነር መሐመድ አብዱራህማን ፣ የኢትዮጵያ ዜና አገልግሎት ዋና ስራ አስኪያጅ አቶ ሰይፈ ደርቤ ፣ ሌሎች ከፍተኛ የስራ ኃላፊዎች እና የመርሃ-ግብሩ ተሳታፊዎች ታድመዋል፡፡ በኪነ-ጥበብ ምሽቱ ላይ የኢትዮጵያ ዜና አገልግሎት ዋና ስራ አስፈፃሚ አቶ ሰይፈ ደርቤ ባደረጉት የመክፈቻ ንግግር ኢዜአ ላለፉት 75 ዓመታት ተቋሙ በመንገድ ዘርፍ የሚያከናውናቸውን ተግባራት ፣ የተገኙ ውጤቶች ፣ ፋይዳዎች እንዲሁም ተግዳሮቶችን ጭምር በስፋት የሚዲያ ሽፋን እንዲያገኙ በማድረግ በህብረተሰቡ ዘንድ ተገቢ የግንዛቤ ማስጨበጫ ስራዎችን ስለመስራቱ ገልፀዋል፡፡ ሁለቱ ተቋማት ያላቸውን የረጅም ጊዜ ግንኙነት በማስቀጠል በቀጣይም ሰፊ ስራዎችን በጋራ እንደሚያከናውኑ ተናግረዋል፡፡ የኢትዮጵያ መንገዶች አስተዳደር ዋና ዳይሬክተር ኢንጅነር መሐመድ አብዱራህማን በበኩላቸው ከፍተኛ መዋለ ነዋይ የሚፈስበት የመንገድ መሰረተ ልማት ጉዳት ሳይደርስበት ተገቢውን አገልግሎት ለመስጠት ይችል ዘንድ የኪነ ጥበብ ባለሙያዎች በህብረተሰቡ ዘንድ የባለቤትነት መንፈስ የመፍጠር አቅሙ እንዳላቸው ገልጸዋል፡፡ የኪነ ጥበብ ባለሙያዎች ይህን አቅማቸውን በመገንዘብ ውድ የሀገር ሀብት የፈሰሰበትን የመንገድ መሰረተ-ልማት በጋራ በመጠበቅ የዜግነት ግዴታቸውን ሊወጡ እንደሚገባ አሳስበዋል፡፡ ከዚህም ባሻገር የተቋሙ የቀድሞ ከፍተኛ የስራ ኃላፊ የነበሩት አቶ አለማየሁ መንገሻ የኢትዮጵያ መንገዶች አስተዳደር ላለፉት 75 ዓመታት ያካበተውን ልምድ በአግባቡ በመጠቀም በቀጣይም ኃላፊነቱን በብቃት እንደሚወጣ እተማመናለሁ ብለዋል፡፡ በዚህም ረገድ የሀገሪቱን የተፈጥሮ ሃብት በበለጠ ቅልጥፍና ለመጠቀም ፤ የኢኮኖሚ ዕድገት እና ውህደትን ለማጠናከር ፤ የትምህርት እና የጤና እንዲሁም የከተሞች ልማትን በላቀ ሁኔታ ለማስፋፋት ፣ የግብርና ኢንዱስትሪ ፍጆታዎችን በወቅቱ እና በብቃት ለማቅረብ እንዲሁም የማህበራዊ እና ባህላዊ ግንኙነቶች እንዲዳብሩ ለማስቻል የኢትዮጵያ መንገዶች አስተዳደር ሚና ይበልጥ ጎልቶ ሊወጣ ይገዋል ብለዋል፡፡ አክለውም የአገራችን የውጭ ንግድ ዕድገት ይበልጥ እንዲጠናከር እና በአፍሪካ እና በዓለም አቀፍ ደረጃ ተወዳዳሪነቷ እንዲጎለብት ለማስቻል መንገዶች ከሎጂስቲክስ ፍላጎት ጋር በተቀናጀ መልኩ በተጠናከረ መልኩ ሊስፋፉ እና ሊሻሻሉ እንደሚገባ ገልጸዋል፡፡ በመርሃ-ግብሩ ላይ ሙዚቃዊ ተውኔት እና የተለያዩ ስነ-ጽሁፋዊ ዝግጅቶች ቀርበዋል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et

የአቦምሳ - አሰኮ - ዲቡ ወንዝ መንገድ ግንባታ በተሻለ እንቅስቃሴ ላይ ይገኛል አዲስ አበባ፣ ኅዳር 04፣ 2018 (ኢ መ አ):- በምዕራብ አርሲ ዞን የአቦምሳ - አሰኮ - ዲቡ ወንዝ ክፍል አንድ መንገድ ግንባታ በተሻለ እንቅስቃሴ ላይ ይገኛል። የመንገድ ፕሮጀክቱ 60 ነጥብ 91 ኪሎሜትር የሚሸፍን ሲኾን፥ የአቦምሳ - አሰኮ - በደዩ ጨለለቃ መንገድ ፕሮጀክት ትስስር የመጀመሪያው ክፍል ነው። አሁን ላይ ከፕሮጀክቱ አጠቃላይ የግንባታ ሥራ 59 ነጥብ 46 በመቶው ተጠናቅቋል። እየተከናወኑ ከሚገኙ የግንባታ ሥራዎች መካከልም የአስፋልት፣ ሰብ ቤዝ፣ ቤዝ ኮርስ፣ የአፈርና ድንጋይ ቆረጣ፣ የተመረጠ አፈርና ድንጋይ ሙሌት እንዲሁም የውኃ ማፋሰሻ ቱቦ የምርት ሥራዎች ይጠቀሳሉ። የሦስት ድልድዮች ግንባታም በፕሮጀክቱ ተካትቷል።  የመንገድ ግንባታውን ሀቨሪም ጠቅላላ ሥራ ተቋራጭ ከዓለማየሁ ከተማ ጠቅላላ ሥራ ተቋራጭ ጋር በጥምረት ያከናውናሉ። በተመሳሳይ መታፈሪያ ኮንሰልቲንግ ኢንጅነርስ እና ኤልዳ የምህንድስና አማካሪዎች የፕሮጀክቱን ጥራት ቁጥጥር እና የማማከር ሥራ በጋራ ያከናውናሉ። ለግንባታው ማስፈጸሚያ 2 ነጥብ 2 ቢሊዮን ብር በፌደራል መንግስት በጀት ተይዟል። በግንባታው ሂደት ላይ የገጠሙ ከወሰን ማስከበር እና ከጸጥታ መደፍረስ ጋር የተያያዙ ችግሮችን ለመቅረፍ ተቋማችን የአቦምሳ እና አሰኮ ወረዳዎች የጸጥታ እና የመስተዳድር አካላት እንዲሁም ማኅበረሰቡን ያማከለ የሦስትዮሽ ጥረት በማድረግ ላይ ይገኛል። የመንገድ ፕሮጀክቱ ሲጠናቀቅ በነባሩ የጠጠር መንገድ ከአቦምሳ - አሰኮ ድረስ ለመጓዝ ይወስድ የነበረውን 2 ሰዓት የጉዞ ጊዜ ወደ 30 ደቂቃ ያሳጥረዋል። እንዲሁም ከአሰኮ ዲቡ ወንዝ ለመጓዝ ምንም ዓይነት መንገድ ባለመኖሩ በእግር ይደረግ የነበረውን አድካሚ ጉዞ በማስቀረት በ20 ደቂቃ መድረስ ያስችላል። ከዚህም ባሻገር በሥፍራው በስፋት የሚመረቱትን የጤፍ፣ ስንዴ፣ ገብስ፣ የበቆሎ፣ ሽንኩርት እና የጫት ምርት ውጤቶችን በቀላሉ ወደ ማዕከላዊ ገበያ እንዲደርሱ በማስቻል የአርሶ አደሩን ኢኮኖሚያዊ ተጠቃሚነት ይጨምራል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et