Historyja

Вялікае Княства Літоўскае і Карона Польская ўжо як Рэч Паспалітая, XVI ст.

Час ідзе, а расейская/савецкая прапаганда не змяняецца Адзін са шматлікіх прыкладаў. У 1939 годзе саветы і СССР напалі на фінаў і Фінляндыю. Так, напаў не сам Сталін, як некаторыя сёння пішуць пра Пуціна, а СССР на Фінляндыю. Мінула амаль стагоддзе, а старыя камуністычныя прапагандыскія шаблоны далей актуальныя ў расейскай рыторыцы: "антысавецкія базы", "заходні" проксі, "фашысцкі рэжым", Фінляндыя, якая "заўсёды была Расеяй" і "ніколі не была сапраўднай краінай", і якая таксама "забівала свой народ" і яе трэба было "ратаваць". І нават таксама прапагандысцкае RT.

Może chto spytaje: hdzież ciapier Biełaruś? Tam bratcy, jana hdzie nasza mowa żywieć: jana ad Wilna da Mazyra, ad Witebska za małym nia da Czarnihawa, hdzie Grodna, Mińsk, Mahiloŭ, Wilnia i szmat miasteczkaŭ i wiosak… "Dudka białaruskaja", 1891

Сёння дзень памяні Францішка Багушэвіча

28 красавіка 1859 года нарадзіўся Кіпрыян Кандратовіч – генерал ад інфантэрыі, член Народнага сакратарыяту БНР. У 1917 годзе на з'ездзе воінаў-беларусаў Заходняга фронту генерал ад інфантэрыіі Кіпрыян Кандратовіч быў абраны ў Цэнтральную Беларускую Вайсковую Раду, дзе ўзначаліў бюро па арганізацыі беларускага войска. З 1918 года – Міністр абароны БНР. Пры канцы 1918 года ў Горадні Кандратовіч сфарміраваў штаб – Беларускую камендатуру і Першы беларускі полк. Кандратовіча пахавалі ў тым самым мундзіры, у якім быў паранены ў 1905 годзе.

Кароткі, але вельмі істотны фрагмент, які часткова паказвае сутнасць "беларускіх" камуністаў, ці дакладней камуністаў у Беларусі, якія былі і засталіся татальна антыбеларускія і прарасейскія, не толькі ў палітычным, але таксама, ці нават перад усім, культурным плане. Хаця ў дачыненне апошняга такія з'явіліся і ў "новай" апазіцыі.

Валеры Булгакаў пракаментаваў агістарычны артыкул на "Нашай Ніве" у стылі "калі б" пра Пазняка і яго нібыта "памылкі". Сяргей Навумчык таксама адказаў на артыкул - адказ тут. Фрагмент: "Па шчырасьці не ўяўляю, як пасьля «какмпрамісу» з камуністамі Пазьняк здолеў бы ўтрымацца на чале Фронта. І як увогуле хто-небудзь з такой ідэяй мог бы прэтэндаваць на лідарства ў БНФ узамен яго. Аўтар публікацыі не ўлічвае фактар, які заўсёды адыгрывыае вельмі важную і вызначальную ролю, але часта не бярэйцца ў разьлік: настроі грамадзтва і эмацыйны фон. Нмагчымы ябылі ніякія «кампрамімсы» з камуністамі ў тым іх выглядзе, якімі яны былі ў Беларусі. Гэта азначала б толькі адно: зьнікненьне БНФ як палітычнай арганізацыі (...) «Ціха спрыяць захаваньню ўлады Кебічам» -- гэта тое самае, як ў 2020 годзе прапанаваць «ціха спрыяць захаваньню ўлады Лукашэнкі»".

Беларусы не беларусы, калі не маюць грамадзянства СССР/РБ? Не. Некаторыя лічаць, што грамадзянства амаль сінонім нацыянальнасці, аднак гэта памылка. З сучасных прыкладаў можна прывесці беларусаў на Падляшшы ці Віленшчыне, якія маюць адпаведна польскае і літоўскае грамадзянства. Аднак яшчэ лепшы прыклад – гэта хваля эміграцыі беларусаў, асабліва актыўных, якія былі вымушаныя ўцякаць перад камуністамі пад канец Другой сусветнай вайны. Многія з якіх апынуліся ў ЗША, Вялікабрытаніі ці Канадзе (але не толькі) ды там працягвалі беларускую дзейнасць. У той самы час халоднай вайны ў Беларусі было выслана шмат расейцаў, у тым ліку савецкіх вайскоўцаў, якія пасля распаду сваёй рускай савецкай родины атрымалі грамадзянства РБ ды некаторыя нават зрабілі кар'еру ў лукашэнкаўскай сістэме. Такім чынам можна задаццы рытарычным пытаннем - дык расеец з пашпартам РБ - беларус, а беларус з пашпартам іншай дзяржавы - не беларус? Каб прыхільнікі выпісваць з беларусаў за адсутнасцю пашпарту РБ з часам не здзівіліся, што хутка стануць ахвярамі свайго падыходу.

Гісторыя - гэта фундамэнт, на каторым будуецца жыцьцё народу. I нам, каб адбудаваць сваё жыцьцё, трэба пачаць з фундамэнту, каб будынак быў моцны. А фундамэнт у нас важны, гісторыя наша багата Вацлаў Ластоўскі

Kresowa матрёшка З'явілася навіна, што нейкае бізнэсовае аб'яднанне "Zjednoczony Wschód" хоча адчыніць польска-беларускія пераходы. На старонцы пазначана, што адзін з трох членаў аб'яднання - гэта Babushka bistro, якое месціцца на Падляшшы ў Гайнаўцы. Той самай, дзе шмат беларусаў. Рэстаран фірмуе kresową кухню пад расейскімі матрошкамі, хахламой і самаварамі. Сімвалічна. Прынамсі добра, што ёсць нашы калдуны, а не толькі расейскія пельмені як у новых белорусских пельменных у Польшчы. І гэта не адзіны падобны "фруска-маскоўскі" выпадак на Падляшшы.