መጋቤ ሐዲስ ሚኪኤለ ገ/ክርስቶስ(ኢ/ር)

ኩሉ ክሰምዖ ዝግባእ https://youtu.be/CNk9CJEjddc የድምፁ

ሰላም ደሓን ዶ ውዒላትኩም

ሰላም ከመይ ውዒላትኩም

እግዚኦ ዘብል እዚ እዩ በሰንኪ ናይ ሃገረ ስብከት ሰራሕተኛታት 3+ ደቀይ ሞይቶም በቢመዓልቱ ብፖሊስ የቐጥቅጡኒ ነይሮም ፍትሒ ሓቂ ዝረሓቖ ጉዕዞ https://youtu.be/01CcVhzHCX0 ልቢ ኢልኩም ኣድምፁዎ

ሰላም ከመይ ውዒላትኩም

ንሕና ዘይበልናይ እዩ ተባሂሉ በቲ መግለፂ ኣይተሰማማዕናን መግለፂ ክልተ ሊቃነ ጳጳሳት ሓደ ጳጳስ ህይወቱ ናብርኡ እንታይ ክመስል ኣለዎ https://youtu.be/TfC-7CblfCw የድምፁ

ኩሉ ከሰንገድፎ ኢሎም ኣትዮም ዘይገደፉዎ መንገዲ ኣብ 12 ዙፋን ተቐሚጦም ዝፈርዱ https://youtu.be/SuWqXOKytxA የድምፁ

✔️ ሓባጥ ጎባጥ ልቦና እንተ ሃልዩናኻ ፦ (( ኢነጸረ እግዚአብሔር ልዕለ እገለ ፡ እገለ )) እዩ ዝኸውን ። እግዚአብሔር ኣብ ልዕሊ እገለ እገሊት መሥዋእቲ ኣይተቐበለን ። መባእ ነቕርብ  ኢና ፡ ምጽዎት ንህብ ኢና ፡ ሓባጥ ልቦና እንተ ሃልዩና ፡  ርኵሰት እንተ ሃልይዎ እቲ ልቦናና  ኣይቕበሎን  እግዚአብሔር ። ስለዚ እንታይ ክንገብር ኣለና ከነፅርዮ ኣለና ፦ ክንፅሊ እንከለና መሥዋእቲ እዩ ። ✔️ እቶም ዓበይቲ ጸሎትና ዝባሃሉ ፦ አቡነ ዘበሰማያት ኣብ ቤተ ክርስቲያና ኣብ ዝኾነ ይኹን መእሰሪ ናይ ጸሎታትና እዩ ። ዓቢ ጸሎት እዩ ። ዓቢ ጸሎት ስለ ዝኾነ ኢና ንኣስሮ ዘለና ። ✔️ መዝሙር ዳዊት ክድገም እንከሎ ሐዚ ኣብ ቤተ ክርስቲያን ካብቶም ስሩዓት  ናይ ጸሎታት ሓደ መዝሙረ ዳዊት እዩ ኣብ ኣብ ቤተ ክርስቲያን  ዝተፋላለየ  ። ኣትዩ ዘሎ መዝሙረ ዳዊት እዩ። ካባኡ ኸ" ውዳሴ ማርያም  ፡ ዓነቀጸ ብርዓን ፡ ይወድስዋ ፡ መልክአ ማርያም ፡ መልክአ ኢየሱስ ፡ ኣሎ ፡ ካልኦቶም ዘለዉ ኸ ? በቢ ጊዜኡ ንሳተፈሎም እዮም ። ✔️ እቲ ዓብዪ ጸሎት ግን ፦ ✔️ ንመልከት ፦ እግዚአብሔር ከምዙይ ኢልኩም ጸልዩ ኢሉ  (( አቡነ ዘበሰማያት  )) ሰርዐ ኣብ ኹሎም ጸሎታት  መእሰሪኦም (( ኣቡነ ዘበሰማያት  )) እዩ ። ክንደየናይ ጥቕሚ ከም ዘለዎ ክንደየናይ ዓቢ ከም ዝኾነ  እዚ ጸሎት እዙይ ። ናይቲ ምንኣሱ ጥራሕ ኣይንርአ  ፡ኣብ ውሽጡ ዘሎ ምሥጢር ንርኣዮ ። ✔️ ሓደ ኣቦ ይጽልዮ ነይሩ እዩ ንዚ ጸሎት ። አቡነ ዘበሰማያት ፡ አቡነ ዘበሰማያት ፡ አቡነ ዘበሰማያት ፡ አብነ ዘበሰማያት ፡ ((ይቀደስ ስምከ)) ኣይብልን ።ደሓር መልኣኽ መፅኡ ኣንታ ኢልዎ ኣቤት ፡ ንምንታይ ኢኻ አብነ ዘበሰማያት ጥራሕ ትብል ስገሮ እንዶ ((አቡነ ዘበሰማያት ይቀደስ ስምከ  )) እንዶ በል ከምኡ ገይርካ እንዶ ኺድ ምስ በሎ             ✔️ ኣይ ! ኢሉ " ንስኻትኩም ንፁሃን መላእኽቲ ኢኸኹም ኣነ ግን ንዙይ ማዓስ መንየዮ ፡ ማዓስ በፂሐዮ ፡ ጣዕሙ እኮ ካብ ኣፈይ ኣይተፈለየን ። ናብዚስ ማዓስ ክሰግር  ከመይ ገይረ ክሰግር ኢልዎ ። ዝጽልዮ ዝነበረ ጸሎት (( አቡነ ዘበሰማያት ጥራሕ እዩ)) ኣይሰግርን (( ይትቀደስ ስምከ ትምጻእ መንግስተከ )) ኣይብልን ። (( አቡነ ዘበሰማያት)) እቲ ጣዕሚ ንሱ ካብ ኣንደበቱ ኣይተፈለየን  ኣይበፃሕኽዎን እዩ ዝብል ዘሎ ናብቲ (( ይቀደስ ስምከ )) ዝብልሲ ደረጃ ኣይበፃሕኹን አነ ሓጢአተኛ እየ ! ንባዕሉ እኮ እዩ ዘዋርድ ዘሎ   ንባዕሉ ትሕት ትሕት ዘብል ዘሎ  ✔️ስለዚ እግዚአብሔር ጸሎትና መሥዋእትና ክቕበለልና እንተ ኾይኑ ኣብ ልቦናና ዘሎ ርስሓት አወጊድና ብውነና ፡ብትሕትና ክንጽልዮ ይግባአና  ። ✔️ ንመምህርና ፡ ቃለ ሕይወት የስመዐልና ። ✔️ወስብሐት ለእግዚአብሔር ።

✔️ እኽሊ እንተ በሲሉ እዩ ንኸብድኻ ዘፅግበካ ፡ ካብኡ ኸ" ሓይሊ ይህበካ ፡ ጽንዒ ፡ ጉልበት ይህበካ ፡ ወዲ ሰብ ብመንፈስ ቅዱስ እቲ ናይ መንፈስ ቅዱስ ስራሕና እውን ከነዕብዮ ኣለና እንዳ በሰለ ክኸይድ ኣለዎ ። እንዳ ዓበየ ክኸይድ ኣለዎ ። ናይ ነብስና ምግቢ ቃለ እግዚአብሔር እዩ ። ✔️ መላእኽቲ ምግቦም ምስጋና እዩ ኢልናዮ ኢና  ። ናይ ነፍስና ምግቢ እውን ምስጋና ስለ ዝኾነ እዚ ምስጋና እዙይ እዩ ከዕብየና ዘለዎ ክንዓቢ ይግበአና ✔️ መላእክት   በቢ ማዓልቲ ሓይሊ እዩ ዝዋሃቦም ንመልከት ፦ ✔️ በቢ ማዓልቲ ሓይሊ ✔️ በቢ ማዓልቲ ፅንዒ ✔️ በቢ ማዓለቲ ጸጋ ✔️ በቢ ማዓልቲ ጣዕሚ ኣብ ልዕሊ ጣዕሚ እዩ ዝውሰኸሎም ፡  ብዘመስገንዎ ቑፅሪ እንዳ ተወሰኸሎም እዩ ዝነብር  ፦ ንሕና እውን እንዳ ተወሰኸልና በቢ ማዓልቱ እኮ ንምገብ ኣለና እዚ ዝዋሃበና ዘሎ ኣለና ጣዕሚ እኮ እዩ ✔️  ክብሪ እኮ ጸጋ እኮ ፡ በቢ ማዓልቱ እዩ ዝውሰኸልና ዘሎ ።  ቃለ እግዚአብሔር ንንገር ዘለና ክብሪ እዩ ።  ስለዚ እዙይ እንዳ ሓዝናዮ ክንኸድ እዩ ዘለና እዩ ፡ እቲ ነብስና እውን እንዳ ጎልበተት እንዳ ዓበየት እዩ ክኸይድ ዘለዎ ካባኡ ኸ? ✔️ ናብ መንግስተ  ሰማይ ዘእትወና ንስራሕ ፡ ኣብቲ ዓብዪ ደረጃ እንተ በፅሕና ጽቡቕ እንተ ዘይኮይኑ እቲ ዘድልየና ሒዝና ንኺድ  ። ✔️ ብኻሊእ ምሥጢር ፦ (( ከማሁ በምድር ሲሳየ ዘለለ ዕለትነ ሀበነ ዮም )) ✔️ ቅዱስ ሥጋኻ ፡ ✔️ክቡር ደምካ ፡ ✔️ ንስሓ ፡ ✔️ትምህርቲ ✔️ዓስቢ  ጸሎትና ሃበና በሉኒ ማለት እዩ ። ✔️(( ሕድግ ለነ አበሳነ ወጌጋየነ ከመ ንሕነኒ ንሕድግ ለዘአበሠ ለነ )) ይብል ። ✔️ ንሕና ንዝበደሉና ይቕረ ንኽንብል ፡ በደልና ይቕረ በለልና  ማለት እዩ ። ✔️ ኣብዙይ ሐዚ ሓደ ሓደ ጊዜ ከም ምትህልላኽ ዝመስለና ምንፅፃር ዝመስለና ኣለና ✔️ በደሎም ከም ዝሓደግናሎም በደልና ሕደገልና  ኢልና ንትርጉሞ ሓቀይ ? ወይ ካዓ በደሎም ክንሓድገሎም ሕደገልና እዩ ፦ እዙይ ምትህልላኽ ኣይኮነን ። ✔️ሓደ ሰብ ንዝበደሉ  ይቕረ በለለይ ወይ ካዓ  ኣነ እከለ በዲለዮ እየ  ይቕረ በለለይ  በሎ ። ✔️ በዲልካዮ ጥራሕ ዘይኮነስ ወላ በዲሉካስ ባዕልኻ  ይቕረ በለሉ እዩ ትሕትና እዩ  እዙይ ። በዲልካ እንዳ ሃለወ ኸይድካ ይቕረ በለሉ እቲ በደል ናቱ እንተ ወሲድካዮሲ ፦ ካብ እግዚአብሔር ይቕሬታ ተቐቢልካ ማለት እዩ ።  ምሕረት ተቐቢልካ ማለት እዩ ። ዝበለፀ ዓስቢ ወሲድካ ማለት እዩ ። ✔️ በሊጽካዮ ኣለኻ ንዕኡ ፦ ንሱ ታዓብዪ ኣነ በዲለዮ እንዳ ሃለኹ እዙይ ይቕረ ኣይብለሉን እንተ ኢሉኳ እኳ ፡ ባዕልኻ ከይድካ ይቕረ በለለይ ፡ በዲለካ እየ ፡ ኣነ እየ ተሳሓሒተይ ይቕረ በለለይ ፡ንፋቐር እንተ ኢልናዮ ንሰብ እንታይ ንጉዳእ ንሕና ፡  ምንም ብፍጹም ኣይንጉዳእን ዋላ ንሱ ወቒዑና እንዳ ሃለወ  ተቐይምናዮ ንኸይንነብር ኣይ ኣነ እየ ንኽትወቕዐኒ ገይረካ በዲለካ እየ ፡ እንተ ኢልካዮ ንሓደ ሰብ ቅድስና ረኺብካ ኣለኻ ማለት እዩ ትሕትና እዩ እዙይ ። ✔️ ንሰብ በዲልካዮ ፦ ይቕረ በለለይ እንተ ኢልካዮ ግዲታኻ እዩ ። ✔️ በዲልካ እንዳ ሃለወ ፦ ተመሊስካ ንስኻ ይቕረ በለለይ እንተ ኢልካዮ ግን ፦ ትሕትና ይባሃል ። ቅድስና ይባሃል ፣ ናቱ ቅድስና  ከይተረፈ  ጸጋ እዩ ዝውሰኸልካ ዘሎ ። ✔️ ስለዚ መፅሓፍ እውን ኸምዙይ እዩ ዝብለና ዘሎ ። በደሎም ከም ዛሓደግናሎም በደልና ሕደገልና ስለዚ እግዚአብሔር ክንደይ ጊዜ በደልና ሓዲግልና እዩ ። ንሕና ኸ" ክንደይ ጊዜ ናይ ደቂ ሰባት በደል ሓዲግና ንኸውን ክንደይ ጊዜ ይቕረ ኢልናሎም ?ነፍስና ንሕተት ። ✔️ ቅፅል ኣቢሉ እንታይ ይብል (( ኢታብአነ እግዚኦ ውስተ መንሱት )) ይብል ✔️ ንመልከት ፦አቤቱ ፡  ናብ ሓጢኣት ፡ ናብ ክሕደት ፡ ናብ መንከራ ፡ ናብ ጋሃንም ፡ ኣይተእትወና በሉኒ  ማለት እዩ ። ክንትርጉሞ እንከለና ቀጠታ ናብ መንከራ ኣይተእትወና ኢና ንብል ። ✔️ ምሥጢሩ ግን ንመልከት ፦ ጎይታ ኣቦና እግዚአብሔር ናብ ሓጢኣት ኣይተእትወና ፡ ናብ ክሕደት ኣይተእትወና ፡ ናብ መንከራ ኣይተእትወና ፡ ናብ ጋሃንም ኣይተእትወና በሉኒ ፡ ይብል ✔️ ካብኡ ቐፅሉ ድማ ፦ ((አላ አድሕነነ ወባልኀነ እም ኵሉ እኩይ )) ካብ ሓጢኣት ፡ ካብ ክሕደት ፡ ካብ  ጋሃንም ፡ ኣድሕነና እንበር በሉኒ በለ ። ✔️ ቐፅሉ ፦ (( እስመ ዚአከ ይእቲ መንግሥት )) መንግስተ ሰማያት ገንዘብካ እያ እሞ ፡ ይብል ✔️ ቐፅሊ ፦ (( ሐይል ወስብሐት ለዓለመ ዓለም )) ካሃሊነት ፡ ጎይትነት ፡ ንዘልዓለም ገንዘብካ እዩ ። ኣሜን ይብል ። ✔️ ኣሜን ፦ ማለት ባሓቂ ፡ ሓሶት ዘይብሉ ፡  ክሕደት ዘየብሉ ፡ ዕልወት ዘየብሉ ፡ ምንም ምልውዋጥ ዘየብሉ ፡  ባሓቂ ማለት እዩ  ✔️ ኣየናይ  እዩ እቲ ሓቂ ፦ (( እስመ ዚአከ ይእቲ መንግሥት ሐይል ወስብሐት )) ሓይሊ ፡ ካሃሊነት   ጎይትነት ኩሉ ናትካ እዩ ። ገባሬ ኵሉ ፡ ካሃሌ ኵሉ ፡  መጋቤ ኵሉ ። ኹሉ ትገብር ኣምላኽ ንስኻ ኢኻ ፡ ስለዚ  እዙይ ካዓነይ ጥርጣሬ ዘይብሉ ብሓቃዊ ምኻኑ ንሕና ናኣምን  ኢና ። ✔️ ስለዚ (( አቡነ ዘበሰማያት ምሥጢሩ )) እዙይ ይመስል ። ✔️ ስለዚ እግዚአብሔር ንሐዋርያት እዙይ ኢልኩም ጸልዩ ክብሎም እንከሎ ፡ ካብፍቶም ኣብ መፅሓፍ ቅዱስ ስለ ጸሎት ዘምሃረሉ ፡ ✔️እዙይ ፦ ዓንቀጸ ጸሎት ይባሃል እዙይ  ። ✔️ ስለዚ ፦ ጸሎት ልቦናኻ ስብስብ ኣቢልካ  ካብ ልቦናኻ ንፁህ  ስርናይ ከተውፅእ ኣለካ ወይ ካዓ ንፁህ ቃል ከተውፅእ ኣለካ  ምንም ዘየብሉ እግዚአብሔር እውን እዘይ እዩ ዝደልዮ ስለ ዝበዝሐ ኣይኮነን ዝደልዮ እግዚአብሔር ሕፅር ኢሉ ንፁህ እንተ ኾይኑ እቲ ቓልካ ወይ ካዓ እቲ ኣንደበትካ ፡ ኣብ ልቦናኻ ዘሎ ኹሉ  ኣወጊድካ ብንፁህ ልቦና ክትቐርቦ እንከለኻ ናብ እግዚአብሔር እግዚአብሔር ደስ ይብሎ ። ✔️ ንመልከት ፦ አቤል ፡ ቃኤልን ፡ መስዋእቲ ክገብሩ እንከለዉ (( 🌅ኢነጸረ እግዚአብሔር ላዕለ ቃኤል ወላዕለ መሥዋእቱ )) እግዚአብሔር ናብ ቃኤልን ናብ መሥዋእቱን ኣይተመልከተን ።  ✔️ ናብ ናይ አቤል ከ'? ((🌅ነጸረ እግዚአብሔር ላዕለ አቤል ወላዕለ መሥዋእቱ  )) እግዚአብሔር ናብ ኣቤልን መሥዋእቱን ተመልከተ ። ✔️ አቤል እንታይ እዩ ነይሩ ? እግዚአብሔር ፁሩይ ባህሪ እዩ ። ስለዚ ንእግዚአብሔር ዘድልዮ ነገር ፁሩይ እዩ ኢሉ ካፍቶም ፁሩያት ፁሩይ መሥዋእቲ ኣቕሪብሉ እዩ ። ✔️ ቃኤል ግና እንታይ እዩ ገይሩ ፦ እግዚአብሔርሲ ካብ ፀረየ ፡ ኣይፀረየ ፡ እግዚአብሔር ኣይበልዖ ኣይሰትዮ ስለዚ ካብ ኩሉ ገፊጠይ ዘይገብር ኢሉ ፡ ስርናይ ምስ ኽርዳድ  ገይሩ መሥዋእቲ ገይሩ እዩ ። ስለዚ እዙይ ምስ ገበረ ናይ ልቦናኡ ሕብጠት ፡  ስለ ዝተመለከተ እግዚአብሔር (( ኢነጸረ እግዚአብሔር ላዕለ ቃኤል ወላዕለ መሥዋእቱ )) እዩ ዝብል ✔️ እግዚአብሔር ናብ ቃኤልን ናብ መሥዋእቱን ኣይተመልከተን ባህ ኣይበሎን እግዚአብሔር ማለት እዩ ። ✔️ ስለዚ ንሕና  እውን ልቦናና ፡  እቲ ነቕርቦ ጸሎት መሥዋእቲ እዩ ። ብኑፁህ ልቦና እንተ ቐሪብካዮ እግዚአብሔር ባህ ኢልዎ ይምለከተካ ይርኤካ ፡ ጸሎትና ይሰምዖ ፡ ይቕበሎ ፡ ውኩፍ ይገብሮ ፡

መቐፀልታ ! ✔️ (( ወይኩን ፈቃድከ በከመ በሰማይ )) ኢልና ደው ኣቢልና ነይርና ። ✔️ ((" ወይኩን ፈቃድከ በከመ በሰማይ")) ✔️ " ወይኩን ፈቃድከ በከመ በሰማይ  ከማሁ በምድር ")፦ ቀጥታ ትርጉሙ እንታይ ማለት እዩ ፍቓድካ ኣብ ሰማይ ይኹን ፦ ከምቲ ፍቓድካ ኣብ ሰማይ ዝኾነ ማለት እዩ ፦ ካባኡ ኸ" (( ከማሁ በምድር ")) ✔️  ኣብዙይ ግን እቲ ትርጓሜኡ ክንወስዶ እንከለና ፦ (( ወይኩን ፈቃድከ በከመ በሰማይ  )) ይብል ፦ መላእክት ፡ ኣብ ሰማይ   ንኸመስጉኑኻ  ፍቓድካ ከም ዝኾነ ። ንሕና እውን ንኸነምስግናካ ፍቓድካ ይኹን ይብል ። ✔️ ብኻሊእ ምሥጢር ፦ ንመልከት ደሓር ሞይትና ፣ ተሲእና ከነመስግነካ ፍቓድካ ይኹን  ። እንታይ ማለት እዩ ? ✔️ ደሓር ሞይትና ተሲእና ነኸነመስግነካ ማለት ? ኣብዚ ምድሪ እዙይ ንሰርሖ ፡ ዕዮ ኣለና ፡ ዕዮ ገዛ ዝተውሃበና ። እዚ ዕዮ እዙይ ኣብ ምድሪ እዩ ዘለና ፡ ኣብ ሰማይ ኣይኮነን ንዓዮ ፣ ኣብ ምድሪ ምስ ዓየናዮ ኢና ናብ ሰማይ ክንሰግር ንኽእል ። ወይ ካዓ ገነት ኢልና ናብ መንግስተ ሰማያት ክንሻጋገር  ስለዚ እቲ ዝሃብካና ዕዮ ፡ ድሕሪ ሞት  ፡ ኣብ መንግስተ ሰማያት ((🌅 ሐዩው ከመ መላእክት ))ኰይንኩም ከተመስግኑኒ ኢኹም ። ምስ መላእክት ሕብረት ክትፈጥሩ  ኢኹም ። ((ፅንዓ ነፍስ )) ተዋሂቡና እዩ ፡ ሓድነት ምስ መላእኽቲ ተዋሂቡና ። ✔️ ስለዚ  ሓድነት ምስ መላእኽቲ ተዋሂቡኩም ኣብ መንግስተ ሰማያት  ፡ናዓይ እንዳ ኣመስገንኩምኒ ክትነብሩ ኢኹም ኢልካና ኢኻ እሞ ፦  እዙይ ንኽን ገብርሲ እቲ ኣብ ምድሪ  ንገብሮ ዘለና ዕዮ ወይ ካዓ  ፡ ወይካዓ ንገብሮ ዘለና ተጋድሎ ፡ ወዲእና ናባኡ ንኽንሳጋገር ፍቓድካ ይኹነልና ። ወይካዓ ብምሕረትካ ሓግዘና ማለት እዩ ። ✔️((" በከመ ምሕረተከ አምላክነ ወአኮ በከመ አበሳነ ")) 🌅 ብምሕረትካ እንበር ብበደልና ኣይኹን ። ✔️ ብኻሊእ ምሥጢር ንመልከት ፦ መላእክት ኣብ ሰማይ ኣመስጊኖምካ  እቲ ምስጋና ንሱ  ምግቢ ኾይንሎም ከም ዝነብሩ ይብል' (( ከማሁ በምድር )) ✔️(( ከማሁ በምድር ሲሳየነ ዘለለ ዕለትነ ሀበነ ዮም ይብል 🌅 )) ናዓና እውን ኣብዚ ዓለም እዙይ እንዳ ሃለና ናይ ዕለት ምግቢ ሃበና በሉኒ ። ንመልከት ኣብ ሰማይ መላእኽቲ እንታይ እዮም ዝገብሩ  ኣብ ሰለስተ ሰማይ ዘለዉ መላእኽቲ ማለት እዩ ንግዚአብሔር ምስ አመስገንዎ እቲ ምስጋና ንሱ ምግቢ እዩ ዝኾኖም ። ✔️ ንሕና እውን ኣብዚ ምድሪ እዙይ እንዳ ሃለናሲ ናይ ዕለት ምግብና ሃበና በሉኒ እዩ ዝብለና ዘሎ ። ((🌅 ከማሁ በምድር ሲሳየ ዘለለ ዕለትነ ሀበነ ዮም )) ✔️ ኣብዙይ ሊቃውን እውን ታሓባቢርሎም እዩ  ። ፡ ቅዱስ ያዕቆብ ኣብ ኦሪት 28:20  ክንርኢ እንከለና ((🌅እምከመ ረከብኩ እክለ ዘእበልዕ ዘእሴሰይ ወልብሰ ዘእትአረዝ ዘእለብስ ይከውነኒ እግዚአብሔር አምላኪየ )) ይብል ። እንድሕር ዝበልዖ እኽሊ ፡ ዝኽደኖ ኪዳን ረኺበይሲ እግዚአብሔር ኣምላኸይ ክኾነኒ እዩ ይብል ። ✔️ ቅዱስ ጳውሎስ ((1ይ ጢሞ6፣8))  ክልእኽ እንከሎ እንታይ ኢሉ ነይሩ ይመስለኩም ((🌅1ይ ጢሞቴዎስ 6 :8 እምከመ ረከብነ ሲሳየነ ወዐራዘነ  የአክለነ። )) ምግብናን ኪዳናን እንተ ረኺብናሲ ይኣኽለና እዩ ። ✔️ሰለስቱ ምእት ዝበልዎ መነኮሳት ነዙይ ኣታሒዞም እንታይ ኢሎም ነይሮም  ፦ (( ኢትኩን መፍቀሬ ብሩር ዘእንበለ በአምጣነ ዘየአክል ለሕይወትከ ለሲሳይከ ወለዐራዝከ በዐቅም ። )) ብሩርን ወርቅን ፈታዊ ኣይትኹን ።  ብመጠን ድኣ ይኹን እንበር ንምንታይ ? ንሕይወትካ ዝኸውን ፡ ንምግብኻ ዝኸውን ፣ ንኽዳንካ ዝኸውን ድኣ እንበር ፡  እዙይ እንተ ርኢናዮ ሐዚ  ናይ ዕለት እንጀራና ሃበና ኢልና ንፅሊ ኢና ኣብዚ ምሥጢር ክንሕዞ ኣለና ብደንቢ ክንርደኦ ኣለና ።  ሓደ ሰብ  ኣብዚ ዓለም እዙይ ዝነብር ናይ ዕለት እንጀራይ እዚኣ ትኣኽለኒ እያ  ። ኢሉ ኹሉ ንብረቱ ንነዳያን ክምጽዎት የብሉን ከማኡ ኣይኮነን ፡  ወላ ኣብ ዝኾነ ጥርጣሬ ኣቲና ምስ እግዚአብሔር ከይንባኣስ ✔️ ምሥጢር ኣለዎ ፣ መፅሓፍቲ ትርጓሜ ኣለዎም ንብሎ ዘለና እውን ንዙይ እዩ ፦ ናይ ዕለት ዕንጀራና እንተ ሂብካና ይኣኽለና እዩ ይብል ኣሎ ፦ ወዲ ሰብ ንፍጹማን እዩ ዝብል  ንፍጹማን ንዝኾኑ ካብዚ ዓለም እዙይ ንዝኸዱ ናይ ዕለት እንጀራኦም እንተ ሒዞም ናይ ዓመት ክዳኖም እንተ ሒዞም ይኣኽሎም እዩ ይብል ንዚኦም ይኣኽሎም እዩ ። ንፅባሕ ኽብሉ የብሎምን ፡ ንመን ? እቶም ፍጹማን ንምንታይ ካብ ዓለም ተፈልዮም እዮም ዘለዉ ። ✔️ ኣብ ዓለም ንዝነብር ግን ፦ ናይ ዓመት ክዳኑን ፡ ናይ ዓመት ምግቡን እዩ ክሕዝ ዘለዎ  ካባኡ ንዳሓር እዩ ክህብ ዘለዎ ። ምኽንያቱ ወዲእኻ እንተ ሂብካዮ ንሓደ ሰብ ፡ ዝዘራእኻዮ ኩሉ እንካ  እግዚአብሔር ክህበኒ እዩ ኢልካ ስቕ ኢልካ ብሓደ ጊዜ እንተ ሂብካዮ ኣብ ጥርጣሬ ኣቲኻ ምስ እግዚአብሔር ክትባኣስ ትኽእል ኢኻ ። ✔️ ስለዚ ኣብ ፍጹምነት ደረጃ ኣይበፃሕኻን ዘለኻ ፦ ዓንተዎ እንታይ ኢልና ነይርና ✔️ ጀማሪ ✔️ማእኸላይ ✔️ ፍጹም ኢልና ነይርና ፦ ✔️ ኣብ ፍጹምነት ስለ ዘይበቓዕኻ ፦ ባሓደ ጊዜ ንላዕሊ ስር ትብል እንተ ኾይንካ ትወድቕ ኢኻ ። ፈተና ክመፀካ እንከሎ ልዕሊ ዓቕመይ ድዩ ዘሎ እዚ ፈተና ኢልካ  ተማርር ኢኻ ✔️ ኣብዚ ጊዜ እኮ ንሪኦ ዘለና ፦ ፈተና ክመፅእ እንከሎ ምስ እግዚአብሔር ዝተብኣሰ ብዙሕ እዩ ።  ዘቕረምረመ ብዙሕ እዩ ። ንእግዚአብሔር ዝረገመ እውን ኣሎ ። ✔️ ስለዚ ኣብዙይ ኣፋላላይ ኣለዎ ፦ ስለዚ እንታይ በለ መላእክት ኣብ ሰማይ ስምካ ፀዊዖም  እቲ ምስጋና ንሱ ምግቢ ኮይንዎም ከም ዝነብሩ ፡ ንሕና ኣብዚ ምድሪ ንዘለና እውን ምግብና ሃበና ይብል ኣሎ ። ናዓና ዝኸውን ፡ በቢ መጠና ፡ በቢ ዝምልከተና ፡ ✔️ ንጀማሪ  ፡ ከም ጀማራይነቱ ✔️ ንማእኸላይ ፡ ናይ ማእኸላይነቱ ✔️  ንፍጹም ካዓ ፡ ናይ ፍጽምነቱ ። ✔️ ፍጹም እንታይ እዩ ዝግበኦ ፡ ናይ ዕለት እንጀራ እዩ ዝግበኦ  ፡ ናይ ዓመት ፡ ናይ ሰሙን ፡ ናይ ወርሒ ኣይኮነን ናይ ዕለት ። ፅባሕ ኸ" ፍጹም ስለ ዝኾነ ምሳኻ ተዛራሪቡ መፍትሒ የምፅእ እዩ ። ✔️ አነን ፤ ንስኹምን ግን ፦ ምስ እግዚአብሔር ዘይንዛራረብ መፃሕፍቲ ዝሓንጎጉልና ኢና ሒዝና ንኸይድ ። ✔️ ገለገለና መፅሓፍ ባዓልትና እንዳ ተርጎምና ንኸይድ ኢና  ሐዚ ሓደ ሓደ ጊዜ ኩልና እንብሎ ኣይትፍረድ ከይፍረደካ እንብሎ ጥቕሲ ናብ መማህራን ከይተረፈ እንዳ ኸድና ብድፍረት ፣ ንቶም ብመፃሓፍቲ ዝበሰሉ በላዕቲ መፅሓፍ ዝባሃሉ ኣቦታት ከይድና ሲ ኣይትፍረድ ከይፍረደካ ንምንታይ እኻ ከምዙይ ኢልካ እንብሎም ሰባት ኣለና ። ✔️ ንሳቶም ኣስተንቲኖም ኣብሲሎም ፡ ተረዲእዎም ፡ በሊዖምዎ እዮም መፅሓፍ ይብላዕ እዩ ። ቅዱስ ሕዝቅኤል እኳ እንተ ርኢናዮ መፅሓፍ ብላዕ ይብል ዝበልዕዎ ኣቦታት ኣለዉ ። ሊቃውንቲ ዝበሰሉ ፡ ምሥጢር ዘራቕቑ ኣለዉ ፡ ናብዚኦም ከይድካ (( ማቴ )) ዘሎ ኣይትፍረድ ከይፍረደካ ፡ ብዝሰፈርካዮ ይስፈረልካ እዩ ። እንታይ ማለት እዩ እዙይ  ?  ከም ዘይ እንዳ በለ ዝኸይድ ሰብ  ኣሎ   ምሥጢሩ ንሓዞ ፡ ንረዳኣዮ ፡ ንፍለጦ ፡ ንብሰል ። 

ኣብቲ ዝተውሃበ መግለፂ መንበረ ሰላማ ዝተልዓሉ ሕቶታት መንበረ ሰላማ ዘይመለሶ ሕቶ እንታይ እይ? subscribe https://youtu.be/Jg1eURRUrqc የድምፁ

በሀክሙ ከመይ ውዒልኹም ከመይ አምሲኹም

መግለፂ መንበረ ሰላማ https://youtu.be/h49hTrnrCB0

ሙሉእ ብሙሉእ ዝተቓፀለ ቤተ ክርስቲያን ደም ንፁሃት መራሕቲ ሃይማኖት: ጥሜት ኣዴታት ስደት መናእሰይ ኩሉ ከድምፆ ዝግባእ ሰፊሕ ትምህርቲ እዩ #subscribe ብምባል https://youtu.be/fmfS7uLyyIg የድምፁ

✔️ እግሪ ናይ ኣቦታት ፡ ናይ ደቂ ሰባት እግሪ እንዳ ሓፀበ ዝነብር ኣሎ እዙይ ንባዕሉ ፡ ንዕኡ ዝተውሃቦ ትሕትና ጸጋ እዩ ። ✔️ ዝሰብኽ ካዓ ኣሎ ፦ ንዕኡ ዝተውሃቦ ጸጋ እዩ ። ✔️ ዝቕድስ ኣሎ ፥ ንዕኡ  ዝተውሃቦ ጸጋን እዩ ። ✔️ ማህሌት ዝቈውም ኣሎ መርጌታ  ፡ ንዕኡ ዝተውሃቦ ጸጋ እዩ ። ✔️ጸጋና ኣይተረደአናን ዘሎ ናይ እንዳ ማትና ጸጋ እንዳ ወሰድና ኢና  ንጠፍእ ዘለና ። ✔️ ስለዚ እቲ ዝተውሃበና ጸጋ ንሓዞ ። ውልድነት ፦ ማለት ዝተውሃበካ ጸጋ ናይ ባዕልኻ ጸጋ ሒዝካ ምጓዓዝ እዩ ። ✔️ ኣብ ዓለማዊ ትምህርቲ እኳ እንተ ርኢናዮ  ኣብ ፦University ትምህርቲ ክዋሃብ እንከሎ ነናይ ባዕልኻ (( ዲፓርትመንት _ Department))  ሒዝካ ኢኻ ትማሃር ። ✔️Civil Engineering (( ሲቪል ኢንጅነሪግ)) ✔️Chemical Engineering (( ኬሚካል ኢንጅነሪግ )) ✔️ Electrical Engineering (( ኤሌክትሪካል ኢንጅነሪግ)) ✔️ Medicine (( መዲሽን)) ✔️ Agriculture (( ኣግሪካልቸር)) ✔️  Computer science (( ኮምፒዩተር  ሳይነስ)) ✔️Software Engineering (( ሶፍትዌር ኢንጅነሪንግ )) ✔️ ዝተፋላለየ ኣሎ ፦(( ሐዚ  ብኬሚካል ኢንጅነሪግ )) ዝተምሃረ ኣብ ናይ ኤሌክትሪካል ኢንጅነሪግ  ወይ ካዓ ናብ ናይ ዶክተር ((MD)) ኣትዩ ከመይ ገይሩ እዩ ክሰርሕ ዝኽእል ? የቕፅዐካ እዩ ኣብ ዓለማዊ ። ከይተምሃርካ መምህር እየ ኢልካ ናብ ቤት ትምህርቲ ከይድካ ንተምሃሮ  ክትምህር ኣይትኽእልን ። ✔️ ንምንታይ ? ዘይኮነ ኢኻ ከተምህሮም ። ✔️ ኣብ ቤተ ክርስቲያን እውን ከማኡ ዓይነት ጸጋ ኣሎ ። ኣብ ዘይዋዓልናዮ ኣይንውዓል ። ኣብዘይ ምልከተና ኣይንእቶ ። ጸጋ እዩ ✔️ እዚ ውልድነት ይዋሃበና ዝብለና ዘሎ  እውን  እቲ ((ብ40 ማዓልትን ብ80 ማዓልትን )) ዝተውሃበና ውልድነት እንታይ እዩ ? እግዚአብሔር ዝሾመና እግዚአብሔር ዝሓረየና ኸ" ንምንታይ እዩ ? ✔️ እታ መንግስተ ሰማያት ንሳ ትገለጸልና በሉኒ ይብል ኣሎ ። ስለዚ (( ትምጻእ መንግስትከ )) ኢልና መንግስትኻ ትገለጸልና መንግስተ ሰማያት  ((አቡነ ዘበሰማያት )) ክንብል እንተ ኾይና ፡  ከመይ እንተ ገይርና እዩ ? በበይ እንተ ኸይድና እዩ ?  ምሳኡ ኣብቲ ቅድስናኡ ክንሳተፍ እንተ ኾይና ኣበይ እንተ ኣቲና እዩ ? እዙይ እኰእዩ ዘድልየና ዘሎ ሐዚ ፦ እዙይ ክንሕዞ ይግበአና ። ክትሕዝዎ ኣለኩም ክፈልጥዎ ኣለኩም እዩ  ዝብለና ዘሎ ። ኣምላኽና እግዚአብሔር ። ✔️✔️ ስለዚ (( ትምጻእ መንግስትከ)) ኢሉ ((ወይኩን ፈቃድከ በከመ በሰማይ )) ይብል ።              ✔️✔️ ወይኩን ፈቃድከ በከመ በሰማይ ። ✔️✔️ ይቕፅል......... ✔️✔️ ንመምህርና ቃለ ሕይወት የስመዐልና ።

ተኸቲልካዮ ካሊእ ዶ እንታይ ይገብር እዩ ንሱስ መፅኡ እኮ ፡ ንእግዚአብሔር ኽሓድ ስኸር ይብለካ ፡ ኣብ ዝሙት እንተ ወዲቕካ ተኸቲልካዮ ፡ እንተ ሓሲኻ ተኸቲልካዮ ፡ እንተ ሓሚኻ ተኸቲልካዮ ፡ 666 ዝባሃል ድኣ ሰይጣን ድኣ ካብዚ ናዓቐብ  እንታይ ይገብር ፡ ገለ ገለና ፡ ግን እዙይ እኮ ምልክት እዩ ኣብዙይ  ኣብ ኪዳን  እኮ ከምዙይ ኣሎ ንብል ። ንሱ ኣይኮነን ፡ ልቦናኻ ረአዮ እስኪ ፡ ንባናና ንርኣዮ እስኪ ኣበይ ኣለና ሰይጣን ኣይተኸተልናን ዶ ? ናይ ዲያብሎስ ግብሪ ኣይገበርናን ዶ ? እዙይ ኢና ክንሓስበሉ ዘለና ፡ ውልድነት ካ ሸንዲኻ ፡ እግዚአብሔር  ኣየድልየንን ኢልካ እቲ ዝሃበካ ዘኽበረካ ኣምላኽ ገዲፍካ ናብ ኣይሓሰርካን ዶ ? ጥራሕ ዝባና ኣይከድናን ዶ ? ካብዚ ናዓቐብ እንታይ ኣለዎ ድዩ ንሱ ጥራሕ ዝባና እዩ ዘስድድ ። ✔️ ወዮ ስለ ዘይመፀ እዩ እንበር እኮ ፡ ስለ ዘይራኣናዮ ባኣካል እቲ ኣርውየ ዝባሃል ወይ ካዓ እቲ ሓሳዊ መሢሕ ዝባሃል ስለ ዘይራኣናዮ ጊዜና ስለ ዘይበፅሐ ዘይራኣናዮ እንበር ፡ ከምዚ ሐዚ ዝግበር ዘሎ ኩሉ ከምኡ እዩ ዝገብሮ ።  አዐርዩ ኩሉ እቲ ሰብ እዩ ናብኡ ዘእትዎ ኾይኑ እንበር ፡ እቲ ሐዚ ዝግበር ዘሎ ተግባራት ናቱ እዩ ፡ እቶም ልእኻት ዘለዉ ሐዚ ኣጋንንቲ ንዕኡ መንገዲ ይፀርጉ ፡ የዛጋጅውሉ እዮም ዘለዉ ። ነቲ ሰብ እንዳ ኣረዩ ፡ እንዳ ለቐሙ ፡  ቃለ እግዚአብሔር ካብ ልቡ እንዳ ኣርሓቑ ፡ መንፈስ ርኵስ ናብ ልቦናና ፡ እንዳ አእተዉ ...ውልድነትና ፍሒቑና ሸንዲና ባዓልትና ፡ ምስ እግዚአብሔር ዝነበረና ፡ ኣቦይ እንብሎ ዝነበርና  ፡ ንእግዚአብሔር ኣይፈልጦን ኢልና ረጊፅናዮ ፡ ክንሓልፍ ዝገብሩና ዶ ኣይኮኑን ። ንሱ እኰእዩ ዘሎ ሐዚ ንሱ እዩ ዝንሄ እቲ ሞት ✔️ እንበር ኣብ ሓሳዊ መሢሕ  ከይክተል ዘይኮነ ፡ ኣብ ሓሢዊ ንኽተል ኣለና ሐዚ ፡ ክንወፅእ ኣለና ካብዙይ ። ✔️ ትስዕስዕ እንተ ኾይንካ ጥራሕ ዝባንካ ምስናታቶም ትኸይድ እንተ ኾይንካ  ኣቲኻ  ኣለኻ ካብዚ ናዓቐብ እንታይ ኣሎ ። ረሲሕና ኣለና  ። ረኺሥና ኣለና ፡ መንፈስ ርኵስ ዝባሃል እዙይ እዩ ። ብትዕቢት ተዋጣጢርካ ንማንም ዘይትሰምዕ ቃለ እግዚአብሔር  ንከይንሰምዕ  እኳ ተዓቢና ፡ ኣብ ወንበር ተቐሚጥካ ኣነ ዝበልክዎ ትብል እንተ ኾይንካ ፡ ኣቲኻ ኣለኻ ኣባኡ ። ✔️ ብፍላይ እቲ ሐዚ ጊዜ እኮ ዘሕዝን ነገር እንታይ ድዩ ? እቲ ናይ ሓሳዊ መሢሕ መንገዲ ዝፀርጉ እንተ ርኢናዮም ብቤተ ክርስቲያን እዮም ዝጅምሩ ✔️ መምህራን ፡ ይኾኑ  ፣ ዲያቆናት ክንኮውን ኢና ኢሎም ፡  መምህራን ፡ ይኾኑ ። መምህር  ኩሉ ኾይኑ ኣሎ ሐዚ ፡ ፅባሕ ከውድቐካ እዩ ። ብሥነስርዓት መምህር መን እዩ ? ኣብ ቤተ ክርስቲያን ዘሎ መን እዩ ስለ ስነ ሥርዓት ፡ ስለ ጸሎት  ክንፈልጥ ኣለካ ። ስለ መምህራን ክትፈልጥ ኣለካ  እንታይነቶም ክርደአካ ኣለዎ ። ✔️ ስለዚ  ምንም ዘየብሉ ፡ ክልተ ማዓልቲ ፡ ሰለስተ ማዓልቲ ኣንብብ ፡ ኣንብብ ኣቢሉ ኣነ መምህር እገለ እየ ከምዙይ እየ ኢሉ ትምህርቲ ይጅምር ፡ ሞት እዩ እዙይ ። እዙይ ኢና ከነጥፍኦ ዘለና ። ✔️ ስለዚ ኣነ ኣብቲ እግዚአብሔር ዝሃበኒ ውልድነት ኣለኹ ዶ ? እታ  መንግስተ ሰማያት ንሳ ንኽኣትዋ ናይ መንግእተ ሰማያት ስራሕ ይሰርሕ ኣለኹ ዶ ? ✔️ ትዕቢት እኰእዩ  ንኹልና ንላዕሊ ዘደይበና ዘሎ ። ካብ መን ዶ ንኢሰ እየ ኣነስ ፡ የምህር እንዶ የለን ፡ ተምህር  እንዶ የላን ይዝምር እንዶ የለን ፡ ትዝምር እንዶ የላን ✔️ ኣነስ ካብ መን ዶ ንኢሰ እየ ፡ ዘይዝምር ፡ ካብ መን ዶ ንኢሰ እየ ናብ መድረኽ ዘይወፅእ ። ✔️ ካብ መን ንኢሰ እየ ኹሉ ሰብ ዘየንጨብጭበለይ ፡ ዕልልል ዘይባሃለለይ ፡ ቃለ ሕይወት የስመዐልና ዘይባሃለለይ እንብል ፡ ንሱ ኣይኰነን ።  ✔️ እቲ ዓለም ኹሉ ቃለ ሕይወት የስምዐልና እንተ በለሲ እንታይ እዩ ትርጉሙ ? ትርጉም የብሉን ። ✔️ እግዚአብሔር ከይፀልአካ  ። እግዚአብሔር ናዓ ናባይ ንኽብለካ ጥራሕ ኢኻ ክትፅዕር ዘለካ ። ✔️ ኣቦታትና ቃለ እግዚአብሔር በቒዖም እንዳ ሃለዉ  ፈሊጦምዎ እንዳ ሃለዉ ኣይፈልጥን እዮም ዝብሉ ነይሮም ✔️ ናይ ሎሚ ትውልዲ ዝተፈለና ኢና ዝወፃእና ኢና ካባኡ ብሱሩ ። ኹሉ እኰእዩ ሐዚ ኣብ ቤተክርስቲያን ውዒሉ ሓዲሩ ዘይፈልጥ ፡ ስለ ቤተ ክርስቲያን ተማሂሩ ዘይፈልጥ እኰእዩ   ኣብ መድረኽ ወፅኡ ዝምህር ዘሎ ✔️ ካበይ ኣምፂኢዎ ? እንታይ እዩ  ምሥጢሩ ? እንታይ እዩ ዝብል ዘሎ ? እንታይ ኢና ንብል ዘለና ?  ቃለ እግዚአብሔር መን እዩ ሚሂርና ? ✔️ ኣማሃህራ ስልቲ ኣለዎ እኮ ። ቅዱስ ጳውሎስ ምስ መፀ ሰለስተ ዓመት ምሉእ ንመልከት ፦ እግዚአብሔር ብመብረቕ ምስ ወቕዖ ሰለስተ ዓመት ምሉእ ጾይሙን ፣ ጸልዩን ተማሂሩ ። ✔️ ሐዋርያት እንተ ርኢናዮም መንፈስ ቅዱስ ምስ ወረደሎም ፡ ናብ ስብከት ኣይኮኑን ተጓይዮም ፆይሞም ፡ ጸልዮም እዮም ። ትምህርቲ  ተረዲእዎም ። ✔️ ስቕ ኢልካ ኣብ FB ያ ይማሃር ኣሎ ኢልካ ኣይኰነን ዝማሃር ፡ ኣብ ሚድያ ያ ! ይዝረብ ኣሎ ኢልካ እይኮነን ዝዝረብ ቃለ እግዚአብሔር ክብሪ ኣለዎ ። ✔️ ዓሰርተ ፍለጦ ናይ መምህርነት ጸጋ እንተ ዘየብልካ ክትምህር የብልካን ። ኣይተገበአካን ። ✔️ ሐዚ ታሓዋዊሱ እዩ ዘሎ ፡ መን እዩ ቐሺ ፣ መን እዩ ፡ ዲያቆን ፡ መን እዩ ዓለም ፡ መን እያ ጓል ፡ መን እዩ ወዲ ? ሕውስውስ ኾይንና ዘሎ ፡ እቲ ምሥጢር ስለ ዘይተረደአና እዩ ። እቲ ሕይወት ንሱ ስለ ዘይተረደአና እዩ ። ናበይ ንይኸይ ኣለኹ ፡ ከመይ ይኸይድ ኣለኹ ፡  ስለ ዘይበሰልና እዩ ። ✔️ ንማሃር ኣለና በቢጊዜኡ ፡ መማህራን ግን በዚሖም ኣለዉ ፡ ኣየኒኦም እውን ምፍላይ ይኣብየና ኣሎ ፡ ✔️ ስለዚ ዘይተምሃርኻ ኣካል ፡ ጸጋ ዘየብልካ ናይ መምህርነት ኣይተምህር ፡፡ ቅድስት ቤተ ክርስቲያን መምህር ዘየበልትካ ኣይተምህር ። ቅድስት ቤተ ክርስቲያን ናይ ዘማሪነት ዘይሃበትካ ኣይትዘምር  ። ዲያቆን ዘይኮንካ ዲያቆን እየ ኣይትበል ። ቀሺ ዘይኮንካ ቀሺ እየ ኣይትበል ፡ ዘይናትካ ሽሞት ኣይትድለ ። ገለገሊኡ እኮ ብሽሞት ኣብ ዓለም ዘሎ ጥራሕ ብሽሞት ዝጓየ ይመስሎ  ፡ ኣብ  ቤተ ክርስቲያን ክንደይ ሽሞት ድዩ  ዝጓየና ዘሎ ? ዘይናቱ ዘሎ ክንደይ እዩ ። ኣብ ናይ እንዳማቱ ሥልጣን እንዳ ኣተወ ዝሕምዙቕ ዘሎ ፡ ኣብ ናይ ዲያቆን ቦታ ኣትዩ ፡ ኣብ ናይ ካህን ቦታ ኣትዩ ፡  ኣብ ናይ መተርጉማን ኣቦታት ኣትዩ ፡ ኣብ ዝተፋላለየ ቦታ እንዳ ኣተወ ዘባለሹ ዘሎ ክንደይ እዩ ። ✔️ ዘይተረደኦ እዩ ፦ ናይ መንግስተ ሰማያት ምሥጢር ዘይተረደኦ እዩ ። ኣብ መንግስተ ሰማያት  በቢ ደረጃኻ በቢ ማዓርግካ ኢኻ ጥቕመጥ ። ኣብ ምድሪ እውን በቢ ማዓርግካ ተፀበዮ ንእግዚአብሔር ።  ህልውና ክህልወካ እንተ ኾይኑ ፡ ናይ እግዚአብሔር ሕይወት ክትረክብ እንተ ኾይንካ ብትሕትና ዝተብሃለካ ስማዕ ። ✔️ ቅዱስ ጳውሎስ እኮ ንኹሉ ኢሉ ፦ ናይ መምህርነት ጸጋ ዘለዎ ኣሎ ፡ ናይ ስብከት ጸጋ ዘለዎ ኣሎ ፡ ናይ ዝማሬ ጸጋ ዘለዎ ኣሎ ፡ ናይ ትግዕግስቲ ጸጋ ዘለዎ ኣሎ ።  ናይ ትሕትና ጸጋ ዘለዎ ኣሎ ፡ ✔️ ንመልከት ትሕትና ንባዕሉስ ጸጋ የድልዮ ፡ ትሕትና ዓርሱ ዝኻኣለ ጸጋ እዩ ። ትዕግስቲ እንሄ ፡ ግለ ሰብ ዝቑጣዕ ኣሎ ። በፍጹም ተቈጢዑ ዘይፈልጥ ሰብ ካዓ ኣሎ ፡ እዙይ ንባዕሉ ጸጋ እዩ ፡