پێشەوا قازی محەممەد

ژنە نیاندەرتاڵەکەی شانەدەر قسە بۆ خەڵکی کوردستان دەکات ‌‌ئەو ژنەی ٧٥ هەزار ساڵ پێش ئێستا لە ئەشكەوتی شانەدەر ژیاوە لەڕێگەی زیرەكی دەستكردەوە قسەدەكات و باسی ژیانی خۆی دەكات.

«ژیاننامەی #مامۆستا_قانع» @peshaWaqaZimuhammad

نان تورکی بوو مەیخۆن ئاو تورکی بوو مەیخۆنەوە پێڵاو تورکی بوو لەپێی مەکەن جل تورکی بوو لەبەری مەکەن ئەو کاناڵانە تف باران کەن کە گەلی #کوردستان بە درامای تورکی دەتورکێنن! ✍#عەبدوڵڵا_پەشێو ئەگەر کوردی بەشداری ئەو کاناڵانە بکەن تایبەت بۆ کورد و کوردستان بۆ بینینی شێعر و پەند و وتە بە نرخەکانی گەورە کەسایەتییەکانی کورد تەنها پێویستە گرتە بکەنە سەر نووسراوەکە👇👇

تاکوو ژن ئازاد نەبێ، سەرچاوەکەی ژین، لیخنە دایکی زانایە کوڕی ئازا دەنێرتە خەبات من گوتم، توش تێبگە، ناگاتە دەریایە زنە..! #هێمن پێڕستێک لە کاناڵە فەرهەنگی و ئەدەبییەکانیی کوردستان فەرموون لەگەڵمان بن.‎ 

‌ ‌ ‌ نامەی #شەهید_فەرزاد_کەمانگەر لەزیندانەوە بۆ قوتابیەکانی.. @peshaWaqaZimuhammad سڵاو منداڵینە زۆر دڵتەنگم بۆتان ، لێرەدا شەو و ڕۆژ بە بیرەوەریە شیرینەکانی ئێوەوە شێعری ژیان دەچڕم ، ھەموو ڕۆژێ لەبری ئێوە بەیانی باش لە خۆرەتاو دەکەم، لەنێو ئەم چواردیوارە بەرزانەوە لەگەڵ ئێوەدا هەڵدەستم ، لەگەڵتاندا پێدەکەنم و لەگەڵتاندا دەنووم. ھەندێک جار " شتێکی لەشێوەی دڵتەنگی " سەرتاپێی بوونم دادەگرێ. خۆزگە دەکرا بە وێنەی جاران کە لە گەشت و گەڕان دەھاتینەوە و بەم گەرانەشمان دەگوت گەشتی زانستی ، شەکەت و ماندوو ، خۆڵ و تۆزی ماندویەتیمان چەشنی زوڵاڵی ئاوی کانیاوان ھاوکات لەگەڵ دێدا بەفەرامۆشی دەسپارد. چەشنی ڕابردو گوێچکەکانمان بە (دەنگی پێی ئاو) و جەستەشمان بە لاوانەوەی گوڵ و گیا دەسپارد و ھاوکات بە سەمفۆنیای جوانی سروشت ، وانەمان ئامادە دەکرد. خۆزگە دەکرا کتێبی بیرکاریمان بەھەموو نەزانراوەکانیەوە ، خستبا بن بەردێکەوە ، چونکە کاتێ باوکە نەتوانێ نانێک بۆ خێزانەکەی بنێتە سەر سفرە چ جیاوازیەکی ھەیە مرۆڤ بەدوای سێ دابەش چواردەوە بێت یان سەد دابەش چواردە. وانەی زانستمان بەھەموو گۆڕِانە کیمیایی و فیزیکیەکانی دونیاوە خستبا ئەولاوە و بە ئومێدی گۆڕانکاریەک لە جۆری " عیشق و موعجیزە " پەڵە ھەورەکانی ئاسمانمان لەگەڵ نەسیمێکدا بەڕێ دەکرد و چاوەڕوانی گۆڕانکاریەکمان دەکرد کە کۆرشی ھاوپۆلتان لە قوتابخانەوە بەڕێ نەکەنە کرێکاری و لە تافی لاویدا لە بەرزایی باڵەخانەیەکەوە نەکەوێتە خوارێ و بەجێمان نەھێڵیت. چاوەڕوانی گۆڕانکاریەک کە بۆ جەژنی نەورۆز دەستێک جلوبەرگی نوێ و جووتێک پێڵاو و سفرەیەکی پڕ لە نوقڵ و شیرینی بۆ ھەموان بەدەستەوە بێت. خۆزگە دەکرا جارێکیتر و بەدزیەوە و دوور لە چاودێرە تووڕە و تۆسنەکەی قوتابخانە ئەلفوبێی کوردیمان خوێندبا و شێعرمان بە زمانی دایک بۆ یەکتر خوێندباوە و گۆرانیمان گوتبا و دواتر دەست لەنێو دەست ھەڵپەڕیباین ھەڵپەڕیباین ھەڵپەڕیباین. خۆزگە دەکرا دووبارە لەنێو قوتابیەکانی پۆلی یەکدا بوبامەوە گۆڵچی و ئێوەش بە خەون و خولیای بوون بە ڕۆناڵدۆوە ، گۆڵتان لە مامۆستاکەی خۆتان کردبا و یەکترتان لە ئامێز گرتبا. بەڵام بەداخەوە ئێوە نازانن کە لە وڵاتی مەدا ئاوات و خۆزگەکان بەر لە پشکوتن دەژاکێن. ئەی خۆزگە دەکرا جارێکی تر بوبامە پێی جێگیری مامەی زنجیرھۆنی کچانی پۆلی یەک ، ھەمان ئەو کچانەی کە دەزانن دوای چەند ساڵێکی تر بەدزیەوە لەسووچێکی دەفتەری یادگاریەکانیاندا دەنووسن :(خۆزگە بە کچ نەھاتبامە دونیاوە). دەزانم گەورە بوونە ، سبەی مێرد دەکەن ، بەڵام لای من ھەمیشە ئەو فریشتە پاکەن " کە جێ ماچی ئاھورەمەزدا" لەنێوان چاوە جوانەکانتاندا بەدی دەکرێ ، ڕاستی کێ دەزانێ کە ئێوەی فریشتە ئەگەر زادەی ھەژاری نەبان ، کاغەز بەدەست بۆ کەمپەینی ژنان واژۆتان کۆ نەدەکردەوە ، یان ئەگەر لە سووچێکی ئەم (خاکە فەرامۆش کراوەی خودادا) نەھاتبانە دونیاوە ناچار نەدەبوون لە تەمەنی سێزدە ساڵیەوە و بە چاوانی پرِ لە فرمێسک و حەسرەتەوە (لە ژێر تۆڕی سپی ژن بووندا) بۆ دواھەمین جار ماڵاوایی لە قوتابخانە بکەن و چیرۆکی تاڵی (ڕەگەزی دووەم) بەتەواوی بوونتانەوە بچێژن. کچانی وڵاتی ئاھورا ئەگەر سبەی ویستتان لە داوێنی سروشتدا (پونە) بۆ ڕۆڵەکانتان بچێنن یان تاجێکیان لە وەنەوشە و گوڵان بۆ دروست بکەن ، حەتمەن دەبێ یادێک لەسەردەمی منداڵیتان بکەنەوە. کوڕانی بە سروشت خۆرەتاو دەزانم کە ئیدی بۆتان ناکرێ لە گەڵ ھاوپۆلەکانتاندا دانیشن و بخوێننەوە و پێبکەنن چونکە دوای (بەڵای پیاو بوون) ئیدی (خەمی نان) بەرۆکتان بەرنادا. بەڵام لەبیرتان بێت پشت نەکەنە شیعر و ئاواز و لای لایە و خەونەکانتان ، منداڵەکانتان فێرکەن بۆ وڵاتەکەیان و بۆ ئەمڕۆ و بۆ سبەینێ ببنە ڕۆڵەیەک لە جۆری (شیعر و باران). ئیدی بە خۆرەتاو باتان دەسپێرم و تا سبەینێیەک _ کە ھێندە دوور نییە _ وانەی عیشق و ڕاستی بۆ وڵات بڵینەوە. @peshaWaqaZimuhammad

کوردی؟ هەستی کوردایەتیت هەیە؟ ئەگەر کوردن خۆتان لەو کاناڵانە بێبەش مەکەن پێویستە ئەو کاناڵانەتان هەبێت لە تێلێگرامەکەتاندا فەرموون بەشدار بن.👇👇👇👇

هـــەدا  نادەم  ڕۆژ  و  شــەوێ خـۆم  بسـرەوم  دڵ  ناسرەوێ تاکــوو  هــەلم  دەس دەکەوێ دنیا گشـتــی سـەر یەک کەوێ لێـم بـبـــڕن خــۆراک و خەوێ کـــوردم و کــوردستانـم دەوێ هیـــوای بــەرزم قـەت نانـەوێ تاکــوو قـۆناخـی سـەربـەستی ئــەسپــی خـــەباتـم ناوەستێ تا  دەرنـەچـم  لە  ژێـر دەستی نامـەوێ سـەرمایــەی هـەستی مـەرگ، نەک ژینی ژێر دەستی کـــوردم و کــوردستانـم دەوێ هیـــوای بــەرزم قـەت نانـەوێ بــۆ  ئازادی و خــودمــوختاری بــۆ  سـەربـەخــۆیی و ڕزگاری بـە  ســەربــەرزی  و بەختیاری بـە  گیان  دەکــەم  فیــداکاری تا  دەبــڕم  کـلـکـــی  زۆرداری کـــوردم و کــوردستانـم دەوێ هیـــوای بــەرزم قـەت نانـەوێ کـلـکــی   زۆردار  دەقــرتێـنـم قــەڵای ســەختی دەڕووخێنم بــەردی  بنـاخــەی  دەردێـنــم وەک دێڵــەســەگ دەیتــۆپێنم کــە  نـەشتـــۆپا  دەیــڕەتێنــم کـــوردم و کــوردستانـم دەوێ هیـــوای بــەرزم قـەت نانـەوێ دەیــڕەتـێـنـــم تا کـێــوی قاف جیهانــی پــێ دەکـــەم تەواف بەبــێ گاڵتــە و لاف و گـەزاف شـەرتە نەکـەم وەعـدە خیلاف یا بـمــــرم  یا  بسـتـێـنــم ماف کـــوردم و کــوردستانـم دەوێ هیـــوای بــەرزم قـەت نانـەوێ دەستـێـنـمـەوە  مافی  خـوراو بـۆ  نیشتـمانــی بــەش کـــراو هـــەزاران دایکـی زگ سووتاو هـــەزاران  لاوی  ســەر  بــڕاو دەژیـەنمـەوە وەک گوڵ بە ئاو کـــوردم و کــوردستانـم دەوێ هیـــوای بــەرزم قـەت نانـەوێ مـن  ناهێڵـم  نـەسلــی بـەدکار وەک هـەڵـۆ لێـی دەکەومە کار بچـتـە ئاسمان نایـکــەم قـوتار لە ژێر زەوی بۆی دەچمە خوار لێـی ناهێڵـم یـەک جـووقـەوار کـــوردم و کــوردستانـم دەوێ هیـــوای بــەرزم قـەت نانـەوێ جـــووقـــەواری  لـێ  ناهـێـڵـم وڵاتـی پـــێ  بـەجـــێ  دێـڵـــم خاکــی خــۆم بـۆ خۆم دەکێڵم ســوودی  بـزن  و مـەڕ و چێڵم چیدی  نایدەم  بە  فڕ  و  فێڵم کـــوردم و کــوردستانـم دەوێ هیـــوای بــەرزم قـەت نانـەوێ تا  کـەی  خـەزێنە و نەوتەکەم بە  بـووکــۆڵە  و  فیتفیتە دەم؟ خـەڵک شاد و من دڵ بـە خـەم لە  ســەر  گـەنجــی  وڵاتەکـەم خاکــی  خــۆشــم  ئاوارەکــەم کـــوردم و کــوردستانـم دەوێ هیـــوای بــەرزم قـەت نانـەوێ ✍ #مەلا_ئاوارە

🔔ئاگاداری ئاگاداری‼️ سڵاو هاوڕێیان کاناڵە کوردی و جوانەکانی تێلێگرام گوڵبژێر‌ کران و بۆم لەو پێرستە کۆ کردوونەتەوە پێویستە هەموو کوردێک ئەو کاناڵانەی هەبن ئەگەر کوردی فەرموون بەشدار ببە.👇👇👇

من درەختی ئەو ژیانەم تۆ لەو لاوە من دەبڕیت و لەو لای دیکە من دێمەوە... ✍ #شێرکۆ_بێکەس بە بۆنەی ساڵڕۆژی ئیمپراتۆری شێعر مامۆستا #شێرکۆ_بێکەس شێعرێک لە مامۆستا کە لاتان جوانە بۆمان بنووسن.... #کۆمێنت @peshaWaqaZimuhammad

@peshaWaqaZimuhammad ١٢ی بانەمەڕ ساڵڕۆژی لەدایک بوونی #مامۆستا_شێرکۆ_بێکەس پیرۆز بێت. @peshaWaqaZimuhammad