ИБРАТЛЫ СӨЗЛЕР...

Қарақалпақ елиниң көрнекли ғайраткери Елимизди ел қылған ел басшы атамыз Қаллибек Камалов 100 жасында әлемнен өтти. ХОШ БОЛ АТАЖАН !. Еңиреген елимди қатарға қосып , Қуўандым халық болып дәрьядай тасып . Дийханшылық етип тың жерлер ашып , Халқым қарны тойған еди Атажан . Шүтик шыралардан пүтин ўаз кешип , Сәўирдиң самалы жағымлы есип . Пахта , салы егип суўларды кешип , Халықты жанландырып едиң Атажан . Жаслардың билимли болмағы ушын , Илимнен үйренип қалмағы ушын . Университет Нөкистен салмағы ушын , Көп мийнетлер етип едиң Атажан . Темир жол әкелип Нөкис орайға , Көп имарат қурдың келсе қолайға . Қаҳарманлық жулдыз тақтың талайға , Мийнетлерин баҳаладың Атажан . Гүллендирдиң аўыл менен қаламды , Шарўадан жайнатып алтын даламды . Қутлықладың милионыншы балаңды , Бахтың жанып турған ўақта Атажан . Өмир ушын тарттың дәўир кәрўанын , Халқымның енгизип диңке - дәрманын . Орынлаттың келешектиң әрманын , Жайың мудам төрден сениң Атажан . Ар намысы ушын шаптың елим деп , Суўлар сорап теңизим деп көлим деп . Гүлленгей деп ана журтым жерим деп , Халқың ушын бир тынбадың Атажан . Аўыр сынақларды бастан кеширип , Қоймақ болды жарық күнди өширип , Ҳақыйқатлық сәл ийбенди кешигип , Зол зардапты жеңип келдиң Атажан . Сиз баслаған кәрўан жоллар гүл болды , Жаңа заман дүзеп көрсетти жолды . Қарақалпақ ели қандай ел болды , Бәри сизиң арқаңызда Атажан . Бир әсир жасапсыз санаўлы бармақ , Төрт қатар диздим мен сол ушын арнап . Кимге несийип етер 100 жасқа толмақ , Жәннетий екенсиз билсем Атажан . Халқың тур ғайраты күште билекте , Тартынбас мийнети болса керекте . Әўлад есте сақлар мудам жүректе , Тирениш тахтымыз хош бол Атажан !!! Жайыңыз жәннеттен болғай !. Жаңабай Баймуратов Қанлыкөл районы. 11 - февраль 2026 жыл. https://t.me/ibratli_sozler

КЕЎИЛ БИЛДИРИЎ !!! ~~~ Ассалаўма әлейка ! Қәллибек ата, Қарақалпақ халқы, қайғыда ата, О дүньяда жайың жәннет болсын-деп, Путкил халық дуўа, қылмақта ата. Қәллибек Камалов дүньядан өтти, Жасаған дәўири, жүз жасқа жетти, Шерек әсир Қарақалпақты басқарып, Ел перзенти болып, келди де кетти. Қарақалпақ халқының ардақлы улы, Туўылдың, жигирма алтыншы жылы, Ел ағасы болып жүз жылды жасап, Дүньяны тәрк етти, Алланың қулы. 'Ел хызмети' китабы, тарыйқы дастан, Тек халықты ойладың, әўели бастан, Қарақалпақ халқына әдиўли перзент, Деген атты халық "Қәлби" не жазған. Ел перзенти деген Сиздей болады, Соңғы аўладларың, өрнек алады, Өзин емес халық ғамын ойлаған, Әлбетте 'жәннет' тен орын табады. Хызметлериң, "садахаий" жәрия, Еткен исиң, "шәриятлық" тәрбия, Қуранда саўапқа жәннет жазылған, Бейиштен несийбе бергей о дүнья. *** Ардақлы нураный; Нур. Иман ҳажы. Иманалиев Хожели 12.02.2026-жыл. https://t.me/ibratli_sozler

#пикир Жаксылық кылыўдың үш факти .  Статистикаға қарағанда адамлар арасында Мақсетли жақсылық 60% Дəмели жақсылық 30% Бийғарез жаксылық 10% болып бөлинеди екен . Дослар соның ушын ҳәр биримиз жақсылық етейик бир биримизге жаксылыктын үшинши түри бийғарез жаксылық етиуди əдет кылайық, бул əдетимиз өзимизге əумет перзентлеримизге бахыт келтирсин. Усы бийғарез жаксылық қылыуды инсанлар сизден уйренетуғын болсын. М.Айбосынов. https://t.me/ibratli_sozler

ҚУЛЕН БОЛЫСТЫҢ БЕРДАҚ ШАЙЫР МЕНЕН ОЙЛАСЫЎЫ Қулен болыс пайғамбар жасына шыққанлығына (өз жасына шыққанының) той бермекши болыпты. Тойды еки мәнисте бермекши болыпты. Биринши, пайғамбар жасына шыққанлығына қуўанғанлығы болса, екиншиси, және оны болыслыққа сайланатуғын ўақыты келип қалыпты. Және халық оны сайлайма, сайламайма соның ушын соған және сайланыў ушын халықтың кеўлин алып, елге, халыққа және бир нәрсе жегизип, және бир рет сайланбас па деген де ой болыпты. Адамларды жыйнап тойдың мәсләҳәтин өткерипти. Мәсләҳәтке көп жағымпаз адамлар Қуленге: "Енди сен көп жыллар болыс болдың, пайғамбар жасына болса шықтың, сен жақсылап турып той бер. Тойға Бердақ шайырды да алдыр. Тойда оған өзиңди мақтат. Оған азы-кем сарпай берерсең" — деп кеңес берипти. Бул Қулен болысқа да мақул түсипти. Қулен болыс бир күни өзи Бердақ шайырға: "Ойласық келип кет", — деп адам жиберипти. Бердақ шайыр келипти. Қулен Бердақ шайырға той берейин деп атырғанлығын, оны тойға шақыратуғынын айтты. "Сонда бизди мақта, Көп бий, бай, болыс, ақсақалларды мақтаған елде қосықлар бар. Бирақ сонша жыл кимсең Қулен болыс болсақ та биз туўралы ҳеш жерде мақтаған бир қосық жоқ. Бақсылық қылып тойымды өзиң атқарып бер!"—депти. Сонда Бердақ шайыр Қулен болысқа: — Бул бизге аўыр болды ғой!—депти. Сонда болыс: — Аўыр болса саған ат миндиремен, жеп-жеңил боласаң. Жетегиңе саўын жетелетемен сүт, қатық ишип кеўилиң ағарар, үстиңе сарпай жабаман"—депти. Сонда Бердақ Қулен болысқа: — Тойда қуры мақтай беремиз бе, я дурысын айтамыз ба?— деп сорапты. — Дурысын айт, дурысын!—депти Қулен болыс. Ол ойлапты мақтағаннан кейин бизиң болыслығымыз сән-салтанатын дурыс мақтайды екен деп, бул гәптен кейин "Болады!"—деп оған Бердақ шайыр келисим берипти. Қулен болыс тойды баслапты. Сол күни Бердақ шайыр да тойға келипти. Мерекеде Бердақ тойға жыйналған халықтың көз алдында Қуленниң жаўызлығын әшкаралапты. Соның ушын халық басшысы ҳадал, ҳақ адам болыўы шарт деп дәлийилепти. Буны Бердақтан еситкен Қулен болыс жүдә пәнт жепти. Ашыўланып Бердаққа сарпай бермепти. Бердаққа анаў-мынаў деп бир нәрсе дейин десе, халық оны жақлап тойда бир ойқан болып жүрер деп қорқып Қулен болыс ҳеш нәрсе қыла алмапты. Бердақ тойдан үйине қайтып баратырғанда, тойға келген бир болыс Бердақ шайырға: "Сарпайыңды алып кетпейсең бе!?"— деген екен Бердақ оған: — Мен сарпайды оған кийгиздим!—деп жуўап берипти. Бердақтың Қулен болыс туўралы тойда айтқан қосығынан кейин адамлар оны болыслыққа сайламай таслапты. Кейинги сайлаўда халық Қуленди болыслыққа сайламай көтерилис шығарғаныда сол екен дейди. Ә. пахратдинов, К. пахратдинов "Бердақ шайыр ҳаққында легендалар, әпсаналар ҳәм ҳақыйқатлар" https://t.me/ibratli_sozler 👉 https://t.me/ibratli_sozler

#Мағлыўмат 📜 Ораз Мухаммед бий, аталық. XIX әсирдиң орталарында Қоңырат улусында ел басқарған журт ағаларының бири Ораз Мухаммед бий, аталық. Оның қарамағында Есим каналы, Көк өзек, Дәў қара, Қуўаныш жарма, сондай-ақ Ерназар қала, Серен қалалар болған. Ораз аталықтың ҳәм оның баласы Әўез ақсақалдың қәбирлери Қараөзектеги «Өтеген әўлийеде» жайласқан. Ораз аталықтың шежиреси: Базар бий аталық (1) — Хажигелди (2) — Султан бий (3) — Карабас (4) — Ешан (5) — Чияз бий (6) — Ораз Мухаммед (7). Ораз Мухаммед бийдин Арзымбет ҳәм Әўез деген еки баласы болады (8). Арзымбеттен Мамыт, Әўезден Қабыл (9), Туйылақ, Қабылдан Бабаназар (10) ҳәм т. б. ӨМИРБЕК ЛАҚҚЫ Қарақалпақстан ҳәм Хорезм халықлары арасында әпсанаға айланып кеткен Өмирбек лаққы тарийхый адам. Ол қарақалпақтың қуйын руўының шыққан. 1831-жылы Шымбайда туўылған. Ол халқының руўҳый жақтан өсиўине өзиниң ҳәзил, күлкилери менен тәсерин тийгизген. Ел арасындағы даў-жәнжел, урыс-тартысларды әдил шешетуғын, сөзге шешен адам болған. Ережеп (тентек) бий менен дайылы жийенли болғанлықтан олардың көп дәкеклескенлери халық арасында әпсанаға айланған. https://t.me/ibratli_sozler

ҚАРАҚАЛПАҚ ХАЛЫҚ НАҚЫЛ-МАҚАЛЛАРЫ Жалғыз жүрип жол танығанша, Көпшилик пенен адас. Көптей тентек болсаң да, Көпке тентек болма. Ерден аспақ болса да, Елден аспақ жоқ Бағды қуртсаң балаңа қәўип, Елди жаманласаң өзиңе қәўип Телпек кийгенниң ары бир, Кемеге мингенниң жаны бир Халқыңды, журтыңды жаманлама, Халық табады миниңди Ўатан күннен сулыў, Алтыннан қымбат Ел басына түскен ис Ер басына түскени Көп билсең де, Көптен артық билмейсең Халық бир тислемнен берсе тойдырар, Бир муштан берсе өлтирер Ел сөзи - теңиз толқыны https://t.me/ibratli_sozler

БИЗЛЕР ҲЕШҚАШАН САМАЛДЫҢ БАҒЫТЫН ӨЗГЕРТЕ АЛМАЙМЫЗ, БИРАҚ ЖЕЛҚОМЛАРДЫ ДУРЫС ҚОЙЫЎ БИЗИҢ ЕРКИМИЗДЕ. 🌟  Лао Дзы Қайырлы түн әзизлер... Аллахым түнниң тынышлығын бергей. Уйқыңыз пүтин болып, жақсы түслер көриң.  Ертеңги таңды жақсы нийет етип, сизлер менен бирге күтип алыў несийп етсин жақсыларым !!! ❤️🙏❤️🙏❤️🙏❤️🙏 https://t.me/ibratli.sozler