ИБРАТЛЫ СӨЗЛЕР...

Әдебиятымыздың дүрдана дөретпелери Сейдемет ХОЖАМЕТОВ (Бүлбүлзибан) КӨЗМОНШАҚ МӘЛИЙКА ҲӘМ ТАҚЫЎА ЖИГИТ           (Дәстанның даўамы) Бир ўақ нәҳән жылан тойды, Түйени емгенин қойды, Жаздырылып жерге түсти, Хош корип бир шуқыр-ойды. Түйе болса кетти бәдер, Көрген адам буған не дер? Тойып болып не қылажақ, Мына үлкен бәле-мәтер?! Сур жылан салып "ыс-ыс" ты, Гөзлеп бир төбешик тусты, Әстен жылжып,кеўли айнып, Емген сүттиң бәрин қусты. Тойган болса керек аса, Сөйтти де көзден болды таса, Аўырыў ағаң айтты өзине: "Қәне я өл,яки жаса! Имканият болмас бундай, Айдап келген шығар қудай, Тап ғана өлеғояйын, Жутып жылан қусқан уўды-айй!!!..." Усындай қыялға кетип, Өз өзине қаслық етип, Дәрриў муқ қаппақшы болды, Иниси келгенше жетип. Қараңыз байғус ар-сарды, Жер тырнап еңбеклеп барды. Жыланның қусығын ишти, Өз шыбын жанынан кешти. Соң еплеп жылысып кейин, Иниси келгенге дейин, Өлеғойсам қәнекей деп, Күним питти минекей деп, Жатырған орнына барды, Аяйсаң-аў бирадарды! Кеңейгендей жәҳән бирден, Иси питип қара терден, Жылан уўы тәсир етти, Ҳәз етип уйқыға кетти. Бир қушақ отын арқалап, Иниси де келип жетти. Шапанының шаңын қақты, Алыстырып отын жақты, Шай қайнатып ағасына, Қарап қояр ўақты-ўақты. Пақырлады қара қуман, Нан таплады урман-пурман, Оянар деп уйқысынан, Жүрген болды арман-берман. Ағасы дым сылт етпейди, Я қозғалып қылт етпейди, Бундай мәҳәл ойыңызда, Қандай шубҳа жылт етпейди. Таялыңқырап қасына, Қолын сап көрди басына, Ыссылық жоқ,ентигиў жоқ, Аўнады ол жанбасына. Усылай үш саат жатты, Қурылдап силеси қатты, Нәр татпастан бас ушында, Иниси қылды ибадатты. Алладан ол тилеп тилек, Дуўаға көтерди билек, "Я Тәңирим шыпасын бер, Ағажаным маған керек. Жүрегимде дәртим қат-қат, Масканда жүрмен ғайры-жат, Өзиң абырай берегөр..." деп, Солқылдап етти минажат. Ҳақ кеўилден урсаң дабыл, Сорағаның болар қабыл, Ойда жоқта көзин ашты, Тикейип ағасы Абыл. Үңилип бирине бириси, Таңырқанды жан иниси, Қалай қуўантпас ағасының, Күндей жадырап күлиси. Екеўи теңнен аңырап, Егиз қозыдай маңырап, Бостанға дөнгендей болды, Кеўиллери қалған қаңырап. Шадықоррам шүкир қылып, Жақсы нийет пикир қылып, Ҳәлленисип жолға түсти, Жалғыз Ҳақты зикр қылып. Абыл шыйрақланып кем-кем, Ҳақ жиберди ғайыптан ем, Ешегиде ғурыжланды, Шадлықтан алғандай сетем. Қашанғы ғрийплер солсын, Буларда бир тасып-толсын, Өзимдағы тилеклеспен, Ақыйры қайырлы болсын. Деп жырау қамшылап атты, Сөй дегенде күнде батты, "Миймансарай"ға жөнетти, Көзмоншақ қып рухсатты.      Даўамы бар... https://t.me/ibratli_sozler

#нәсият 📙        Шүкир ет! Адамларды сөгип кеўлине тийме, өмирде сөйлей алмайтуғын да инсанлар бар. 🔸 Аўқатқа мин тағып ҳәсиге кетпе, өмирде жеўге нан табалмай аш отырған адамлар көп. 🔸 Өмирлик жолдасыңның кеўлине тийме, кеше биреў‌, зайыбынан айырылған болыў‌ы мүмкин. 🔸 Үйим тар деп налыма, үйсиз далада баспанасыз жүргенлер көп. 🔸 Балларымнан шаршадым деме, перзент көре алмай жүргенлер қаншама. 🔸 Жумысым қыйын деп өкинбе,   қанша адамлар жумыс таба алмай қыйналып жүр. 📝📝📝 @Ibratli_sozler https://t.me/ibratli_sozler

#Даналық Денсаўлық - уллы жеңис, Қанаат - уллы байлық, Исеним - ең жақсы дос. ©Будда https://t.me/ibratli_sozler https://t.me/ibratli_sozler

#ҳикмет       – Ең гөззал жаратылыс не? – Адам. Себеби, оны Аллаҳ таала гөззал сүўретте жаратқан. – Ең тез нәрсе не? – Ақыл. Ол ҳәмме нәрсени изде қалдырады. – Ҳәммеден дана ше? – Ўақыт. Себеби, жалғыз ўақыт ғана ҳәмме нәрсени айдынластырады. – Ҳәмме ушын ең улыўмалық нәрсе не? – Үмит. Себеби, ол ҳеш нәрсеси жоқларда да бар. – Ең күшли нәрсе не? – Зәрүрлик. Себеби, ол ҳәмме нәрсениң үстинен ҳүкимранлық қылады. – Ең қыйын нәрсе не? – Өзликти аңлаў. – Ең аңсат нәрсе ше? – Басқаларға мәсләҳәт бериў. – Кимди бахытлы санаў мүмкин? – Физикалық саламат, руўҳый қәтержам ҳәмде қәбилетин раўажландыра алған адамды. – Бахытсызлыққа шыдаўдың аңсат жолы не? – Душпанлардың сеннен де жаман аўҳалға түсип қалғанына гүўа болыў. Каналымызға ағза болыўды умытпаң! https://t.me/ibratli_sozler https://t.me/ibratli_sozler

#Қайырлы_таң АССАЛАЎМА ӘЛЕЙКУМ, ҚӘДИРДАНЛАРЫМ! Бүгинги Жума таңы бәршеңизге берекетли болсын!     Ҳәр таңымыз Бисмиллаҳ пенен басланып, ҳәр күнимиз Әлҳәмдуллаҳ пенен жуўмақлансын! Бәршемизге дүнья  ҳәм ақыретимизди жақсылыққа баслайтуғын қайырлы әмеллер етиў несип етсин!      Жаратқан Ийем ҳәр биримиздиң шаңарағымызға пайыз ҳәм берекет, кең пейил ҳәм кетпес дәўлет, сыйласық ҳәм  аўызбиршилик, аманлық ҳәм  бахыт инәм етсин! ҚАЙЫРЛЫ ТАҢ!     Ҳәсет айының 5-сәнеси. Каналымызға ағза болыўды умытпаң! https://t.me/ibratli_sozler https://t.me/ibratli_sozler

⚡️ Шоманай районындағы туўыў үйинде ҳәмиледар ҳаял қайтыс болғаны распа? Бул ҳаққында толық мағлыўматлар берилди👇 Толық мағлыўмат Толық мағлыўмат