ሐዋሳ ዩኒቨርሲቲ ሪፈራል ግቢ ግቢ ጉባኤ (OFFICIAL)

ክፍል 2 ✨ እንደምን ሰነበታችሁ የእግዚአብሔር ቤተሰቦች🙌🥰 ይሄው እንግዲ በሳምንቱ ተመልሰናል።

👉 ነገረ ገድል የሚለው ትምህርታችን አልቆ ነውን⁉አላለቀም። ሆኖም ግን ጷግሜ ስለገባች ትልቅ ምስጢር ስላላትም ስለዚች ወር ሳያነሱ ማለፍ ከባድ ነው። ዛሬ ስለጷግሜ ትንሽ ነገር ተባብለን በቀጣይ ሳምንት ነገረ ገድልን እንቀጥላለን።

ወርኀ ጷግሜ (ፖግሚን) ⭐ ጷግሜ ማለት ጭማሪ፣ተውሳክ፣ትርፍ ማለት ነው ። 👉 በኢትዮጲያ የቀን አቆጣጠር 13ተኛዋ እና ጥቂት ቀን ያላት ወር ናት። ♦️ ጥቂት ቀን ያላት ግን ብዙ ምስጢር የያዘች ወር ብንላት ውሸት አይሆንብንም። 👉 ጷግሜ ጭማሪ ወር ናትና አባቶች እግዚአብሔር እድሜ ለንስሐ እንደጨመረላችሁ አስባችሁ ንስሐ ግቡባት በትሩፋት አሳልፏት ይላሉ።

⚡ አንተ ሰነፍ ፍያታዊ ዘየማን በ3ሰዓታት ተጠቅሞ በንስሐ ተመልሶ ገነት ገባ፣ለአንተ ግን 5ቀናት፣ በአራት ዓምት አንዴ 6ቀናት፣በ600ዓመት አንዴ 7ቀናት ተሰቶሐል እንዴት በንስሐ መመለስ ይከብድሐል። ጊዜ አጥሮኝ ነው እንዳትል በ3 ሰዓት የተመለሰ አለ። ምን ይሆን ማመካኛችን? ምንስ ይሆን ለዚህ ጥያቅቄ መልሳችን?

🎯 ዓመቱን ሙሉ ከንስሐ፣ከሥጋ ወደሙ ርቀን በሚጠበቅብን ልክ ትሩፋት(ጾም፣ጸሎት፣ምጽዋት...) ሳንሠራ ያሳለፍን ሰዎች እንኖራላን። እግዚአብሔር ግን ያሰብነውን እና የሚጠበቅብንን እንድንሰራባት ይችህን ወር ጨምሮልናል እንጠቀምባት።

♦ አይደለም በ5 ወይም በ 6 ቀናት ይቅርና በ3 ሰዓት መቀየር/መመለስ/ይቅርታን/ምህረትን ማግኘት እንደሚቻል አይተናል። የ 3 ቀን የነነዌ ጾምና መልካም ውጤቱ፣የዮዲት ጾምና ያገኘችው ድል። ታድያ እኛ 5 እና 6 ቀናት ተሰቶን ብንሰራበት/ብንጾምበት ምን ያህል እንጠቀም ይሆን⁉

🌟 ጷግሜ የዳግም ምጽአት ምሥሌ ናት። በዚህች አጭር ወር ዳግም ምጽአትን እናስብባታለን። እንዴት?👇

፩, ጷግሜ ከአሮጌው ዓመት ወደ ሐዲሱ አመት መሸጋገርያ ጊዜ ነው = ዳግም ምጽአትም ከሚያልፈው ዓለም ወደማያልፈው ዓለም የመሸጋገርያ ጊዜ ነው። ፪, ጷግሜ የአሮጌው ዓመት ኑሮ አልቆ እራሳችንን ለሐዲሱ አመት የምናዘጋጅበት ጊዜ ነው = ዳግም ምጽአትም የዚህ ዓለም ኖሮ አብቅቶ ወዴሌላኛው ዓለም የምንሸጋገርበት ነው።

⭐ አማናዊው ዳግም ምጽአት ቢሆን ኖሮ ለቀኝ ቁመት የሚያበቃ ሥራ ሠርተናል?🤔 ከበጎቹ ጋር ወይስ ከፍየሎቹ ጋር እንቆም ይሆን?ወደ መንግስተ ሰማይ ወይስ ወደ ገኀነመ እሳት እንጣል ይሆን?🥲 ♦ እግዚአብሔር በቸርነቱ ዐይን ሁላችንን ይመልከተን ወርኀ ጷግሚውን የምንጠቀምበት ያድርግልን🙏🙏🙏 ይቀጥላል......