ADYRNA.KZ

⚡️ Құрманғазы атындағы Қазақ ұлттық консерваториясынан күтпеген жерден шу шықты, деп хабарлайды “Адырна” ұлттық порталы. Өнер ордасындағы даудың басы – ректорлық лауазым. Құрманғазы атындағы Қазақ Ұлттық консерваториясына 2023 жылдың қараша айында ғана жоғары жақтан арнайы жеткен басшылық Ректордың уақытша міндетін атқаратын Нүркен Ашировты ұжымға таныстырып, алдағы жұмысына сәттілік тілеп, тағайындап кеткен. Жаңа ректорды консерватория ұстаздары мен студенттері ғана емес, күллі республика жұрты асқан қуанышпен қабылдағанының айғағы әлеуметтік желіде біраз уақыт есіп тұрды. Алайда, араға бес ай өтпей осы жерге ректорлыққа конкурс өткізіліп, басқа ректор келетіні туралы мәлім болады. Ең жұмбағы – ол конкурсқа Ашировтың қатыстырылмай қалғандығы. Мәселе “бармақ басты, көз қыстымен” шешілді деп есептеген консерваторияның бірқатар профессорлары мен Халық артистері Қазақстан Республикасы Президенті Қ.Тоқаевтың атына Ашық хат та жөнелтіпті. 📌Толығырақ adyrna.kz сайтынан оқыңыз.

1951 жылы, 29 сәуірде Үрімжіде Оспан батыр атылды. Оспан батырдың соңғы сәті жайлы Хокс-Холмстың естелігінде былай делініпті: «Мен жүректегі ауыр күрсініспен, көше бойымен атуға әкеле жатқан Оспан батырға қарап тұрдым. Оның шаштары, сақалы мен мұрты күтімсіз еді. Киімі де өте лас әрі жұпыны болды. Батырдың байлаулы екені көрініп тұрды. Қолдары артқа қайырылып байлаулы болғанына қарамастан, ол басын тік ұстады. Жүзінде қорқыныш деген мүлде болмады. Ол өзінің ерлігін де, өрлігін де жоғалтпағаны айқын көрініп тұрды. Оны тіпті батырдың әрекеті мен қимыл-қозғалысы да дәлелдегендей еді. Тіпті сырт көзге ол өзінің өліміне емес, жас жігіттің үйлену тойына асыққанындай әсер қалдырды". Батыр бабамыздың топырағы торқа, жаны жәннатта болсын! Суретте бірқатар ақпарат көздері “Оспан батырды тұтқындау сәті” деп жариялаған фото. Кей азаматтар “бұл сурет Оспан батырдың тұрағында түсірілген соңғы суреттерінің бірі, тұтқындау сәті емес” дейді.

💸 Жамбыл облысында 111 миллион теңгеге салынған спорт зал қаңырап бос тұр, деп хабарлайды “Адырна” ұлттық порталы “Хабар 24”-ке сілтеп. Жаңа жыл қарсаңында Жуалы ауданы Кәріқорған ауылындағы спорт залы салтанатты түрде көпке таныстырылған. Дене шынықтыру мекемесі ондаған жыл қараусыз қалған ғимараттан ашылып еді. Оның құрылысына “Ауыл – ел бесігі” бағдарламасы бойынша 111 миллион теңгеден астам қаржы жұмсалғаны белгілі болды. Дегенмен ғимаратты тексеріс кезінде жөндеу сапасыз жүргізілгені анықталды. 📌Толығырақ adyrna.kz сайтынан оқыңыз.

Бұрынғы Ішкі істер министрі ұсталғанын Бас прокуратура растады, деп хабарлайды “Адырна” ұлттық порталы ҚазТАГ агенттігіне сілтеп. Бас прокуратура Қазақстанның бұрынғы ішкі істер министрі Ерлан Тұрғымбаевтың ұсталғанын растады. «Қазақстан Республикасының Бас прокуратурасы 2022 жылғы қаңтар оқиғасына қатысты қылмыстық істерді тергеуді жалғастыруда. 29 сәуірде лауазымдық өкілеттіктерін асыра пайдаланған бұрынғы Ішкі істер министрі Е.З.Тұрғымбаев ҚР ҚК 128-бабына сәйкес қамауға алынды. Қылмыстық істе мемлекеттік құпияны құрайтын мәліметтер бар екенін ескере отырып, сотқа дейінгі тергеп-тексерудің басқа деректері жария етілмейді», - деп хабарлады сейсенбіде Бас прокуратураның баспасөз қызметі. Экс-министрдің қаңтардағы қайғылы оқиғаға байланысты қылмыстық іс бойынша ұсталғанын Nege.kz басылымы мәлімдеген. 📌Толығырақ adyrna.kz сайтынан оқыңыз

Жайық өзеніндегі су деңгейі көтеріліп жатыр, деп хабарлайды “Адырна” тілшісі ҚазАқпаратқа сілтеп. Өзеннің су деңгейі Ақжайық ауданы Тайпақ ауылы тұсында бір тәулікте 32 сантиметрге көтерілген. «Қазгидромет» РМК БҚО филиалының мәліметінше, 30 сәуір күнгі сағат 08.00-де Тайпақ гидробекетінде су деңгейі 665 сантиметрге жеткен. Ал оның қауіпті шегі – 850 см. 📌Толығырақ adyrna.kz сайтынан оқыңыз.

Қазақстандық әнші Қайрат Нұртас қауіпсіздік белдігін тақпағаны үшін әкімшілік жауапкершілікке тартылды. Сәуірдің 29-ы күні әншінің көлік тізгіндеген видеосы желіде тараған болатын. Кадрлардан оның қауіпсіздік белдігін тақпағаны байқалады.

Бүгін - қазақ музыкасының Гималайы – Ахмет Жұбановтың туған күні. Ахмет Жұбанов - 1906 жылдың 29 сәуір күні Ақтөбе облысы Темір ауданында дүниеге келген. Ол – қазақ музыкасының зерттеушісі, көрнекті ғалым, әрі әйгілі композитор. Дирижерлік өнері де бір төбе.