BAQ.kz

🏘️ «Қазақстан халқына» қоры ақмолалықтарға 87 үй салып береді ▫️ «Қазақстан халқына» ҚҚ мен Ақмола облысының әкімдігі су тасқынынан зардап шеккен азаматтарға тұрғын үйлер салу туралы меморандумға қол қойды. Тұрғын үйлер Ақмола облысы әкімдігі ұсынған типтік жоба бойынша қордың қаржысына салынады. ▫️ Меморандум барлық рәсімнің ашықтығын және құрылыс жұмыстарының бүкіл көлемін құжаттамалық қамтамасыз етуді сақтай отырып, қысқа мерзімде қайырымдылық мақсатқа жету үшін бірлескен тәсілдерді, тараптардың жауапкершілігін және функцияларды бөлуді анықтайды. ▫️ Тұрғын үй құрылысына қатысты барлық материалдар қордың ресми сайтында «Су тасқыны-2024» бөлімінде жарияланады. @baq_kz

🐎Батыс Қазақстан облысында бір үйір жылқы суға батып кете жаздады 🧑🏼‍🚒Жайық өзенінде Ақжайық ауданының жылқылары судың тұтқында қалып қойған. Жайылым кезінде жылқышылар жылқылардан көз жазып қалған. Құтқарушылар жергілікті атқарушы органдармен бірге жануарларды суға батып кетуден құтқарып, қауіпсіз жерге айдап шығарған. Барлығы 365 жылқы, оның ішінде 31 құлын құтқарылды. 🛶Құлындар үшін судың тереңдігі қауіпті болғандықтан олар қайықпен тасымалданды. Алғашында жануарлар келген құтқарушылардан үркіп қашқанымен, кейін қайыққа апаратын жолмен жүре бастаған, осылайша бір үйір жылқы аман-есен құрлыққа шығарылды. @baq_kz

🗣️ Баламның тәрбиесіннен қателестім. Бишімбаевтың сотында экс-министрдің анасы Альмира Нұрлыбекова сөз сөйледі.

Өмірімнің соңына дейін тәрбиемде қай жерден олқылық жібергенімді талдап, түсінуге тырысамын. Кез келген ана баласын соңына дейін қорғайды. Менің баламның сөздері, айғақтары мен хат-хабарлары расталады деп ойлаймын. Тергеу Салтанаттың өлімінің себебі мен уақытын анықтаған жоқ, – дейді Альмира Нұрлыбекова.

@baq_kz

🔥 Өскеменде жеке тұрғын үй өртенді Құтқарушылар шақырту орнына келген кезде үйдің шатыры мен ағаш ғимараттың бір бөлігі өртке оранған. Өрт сөндірушілердің үйлесімді әрекеттерінің арқасында өрттің жалпы ауданы 55 ш.м. аумаққа таралуына жол берілмеді. Өрттің алдын ала себебі - электр жабдықтарын орнату және пайдалану кезінде өрт қауіпсіздігі талаптарын сақтамау. @baq_kz

🔹 Республика бойынша 8 189 тұрғын үй мен 2 988 аула аумағынан судың бағыты бұрылып, су сорылды. 🔹 14 млн астам текше метр еріген қар суы сорып шығарылды. 🔹 7,7 млн қапшық және 1,5 млн астам тонна инертті материал төселді. 🔹 Өңірлерге әуе, теміржол және автокөлікпен 7 мыңға жуық тонна гуманитарлық көмек жеткізілді. @baq_kz

✍️ Қазақстан Республикасы Үкіметінің қаулысымен Аслан Сабазұлы Абдраимов бұрынғы қызметінен босатылып, су ресурстары және ирригация вице-министрі қызметіне тағайындалды. @baq_kz

⚡️ Бұдан былай жеке куәлікте қазақстандықтардың жынысы көрсетіледі Қазақстанда жеке куәліктің дизайны өзгеруі мүмкін. Ішкі істер министрлігінің жобасы Ашық НҚА порталында жария етілді. Қоғамдық талқылаулар 21 мамырға дейін жалғасады. Қазақстан азаматының жеке куәлігінің беткі жағында фотосы, қолы және дербес деректері: тегі, аты, әкесінің аты (бар болса), туған күні, жынысы және жеке сәйкестендіру нөмірі орналасады. Ал артқы жағында штрих код түрінде кодталған ЖСН, микросхеманың байланыс бөлігі мент қазақ және орыс тілдерінде туған жері, ұлты, азаматтығы көрсетіледі. @baq_kz

⚡️Алматы облысында жалған полицей ұсталды Тәртіп сақшысының киімін киген ер адамның күдікті әрекеттері алдымен әлеуметтік желілерде жарияланған. Көп ұзамай Талғар ауданында полиция 31 жастағы жергілікті тұрғынды ұстады, ол жанармай құю бекеттерінің біріне полиция формасын киіп барғанын мойындады. Жауап алу барысында жігіт қаладағы әскери киім дүкендерінің бірінен арнайы форманы сатып алғанын айтты. Жалған полицей қолданыстағы заңнамаға сәйкес жауапқа тартылады. @baq_kz

Мемлекет басшысына Қарулы Күштердің, басқа да әскери құрамалардың ұшақтары мен тікұшақтарының, жауынгерлік және арнаулы техникаларының жаңа үлгілері таныстырылды ✔️Қасым-Жомарт Тоқаев авиабазадағы бірқатар инфрақұрылымдық нысанды аралап көрді. Ішкі істер министрінің орынбасары – Ұлттық ұланның Бас қолбасшысы Еркін Ботақанов жауынгерлік тапсырмаларды өз деңгейінде орындау үшін базада барлық жағдай жасалғанын мәлімдеді. ✍️ Президент әскери қалашықтың Даңқ залына барып, Құрметті қонақтар кітабына қолтаңба қалдырды. ▪️Авиабазаның Астана әуе айлағында орналасуы жеке құрам мен техниканы қажет жеріне уақытылы жеткізуге мүмкіндік береді. Сондай-ақ әуеден барлау жүргізу, зардап шеккендерді эвакуациялау кезінде Ұлттық ұланның бөлімшелеріне авиациялық қолдау көрсетеді. @baq_kz

Мемлекет басшысы әскеріміздің сапында өз ісінің нағыз кәсіби мамандары қызмет ететінін жеткізді ✔️Президенттің айтуынша, Қазақстанның әскери қызметшілері БҰҰ аясындағы түрлі халықаралық миссияларға қатысып, бітімгерлік борыштарын табысты атқарып келеді. Биыл олар өз міндеттерін Голан жоталарында алғаш рет дербес орындауға кірісті. Бұл әскеріміздің дайындық деңгейінің жоғары екенін және еліміздің әлемдік аренадағы беделінің өсіп келе жатқанын анық көрсетеді.

– Халқымыз ержүрек жауынгерлерін қадір тұтқан, оларға құрмет көрсеткен. Мен Ұлттық құрылтайдың Атыраудағы отырысында Талдықорған қаласындағы әскери авиабазаға жерлесіміз, Кеңес Одағының екі мәрте батыры Сергей Луганскийдің атын беру туралы тапсырма бердім. Алматылық даңқты ұшқыштың өнегелі өмірі ұрпаққа әрдайым үлгі болуы керек. Мұндай бастама ұлттық әскеріміздің беделін арттыра түсетіні сөзсіз. Ел үшін жасалған ерлік ешқашан ұмытылмайды, – деді Мемлекет басшысы.

@baq_kz