ኦርቶዶክስ ተዋህዶን እንወቅ

“ይኵነኒ ” : እንደ : ቃልህ : ይደረግልኝ እመቤታችን ቅድስት ድንግል ማርያም እጅግ የምታምንና ታዛዥ ነበረች ሕይወቷ ሁሉ “ይኵነኒ ” በከመ ትቤለኒ - እንደ ቃልህ ይደረግልኝ ” በሚል የተመላ ነው ፡፡ ወላጆቿ ለቤተ እግዚአብሔር ቢያስረክቧት “ይኵነኒ ” ፡፡ ካህናት “ቤተ መቅደሳችንን ታረክስብናለች” ብለው ቢያስወጧት “ይኵነኒ” ፡፡ “በድንግልና ፀንሰሽ በድንግልና ትወልጃለሽ” ስትባል “ይኵነኒ” “ከሦስቱ ቅዱስ አንዱን ቅዱስ በበረት ትወልጂዋለሽ” ስትባል “ይኵነኒ” ፡፡ “የስዱዳን ተስፋቸውን አዝለሽ ትሰደጃለሽ” ስትባል “ይኵነኒ” ሽፍቶች ቢያስደነግጧት “ይኵነኒ”ማየ ሕይወትን አዝላ ውኃ ቢጠማት ልጇም ቢጠማው “ይኵነኒ” ፡፡ አባቶቿ 40 ዓመት የፈጀባቸውን መንገድ በልጅነት ዕድሜዋ “ልጅ አዝለሽ ትሔጃለሽ” ስትባል “ይኵነኒ” ፡፡ “ሄሮድስ ሞቷልና ተመለሺ” ስትባል “ይኵነኒ” ። አንዱን ልጇ ሲያሰቃዩባት ሲገርፉባትና ሲገድሉባት “ይኵነኒ”፡፡ ርኅሪኅተ ኅሊና የሆነችው እመቤታችን ታዛዥነቷ ከአዕምሮ የሚያልፍ ነው በሕይወታችን “ይኵነኒ” ማለትን መልመድ ግን ጸጋ እግዚአብሔርን በሕይወታችን ማትረፍረፍ ነው ፡፡ ©✎﹏ዳዊት ተስፋዬ ሐምሌ 21 2018 ዓ.ም

ቀሚሷን : እየጎተተ : እናቴ : ነይ : በርቺ : ገድላችንን : እንፈጽም : አላት !!! #ቅዱስ_ቂርቆስና_ቅድስት_ኢየሉጣ ንጉስ ላስቀረጸው ለጣኦት አንሰግድም ብለው ወደ እሳት ብረት ጋኑ የሚጣሉበት ሰዓት በቀረበ ጊዜ ኢየሉጣ ግን ልቧ ፈራ የልጇን ዐይን እያየች ሆዷ ባባ ፤ በፍርሃትም ታወከች ። ልጇም « እናቴ ሆይ አትፍሪ ልብሽም አይጠራጠር ዳዊትን ከጎልያድ ሰይፍ ፣ ዳንኤል ከአናብስት አፍ ፣ አናንያን አዛርያንና ሚሳኤልን ከእቶን እሳት ፣ሶስናን ከክፉ ረበናት ያዳነ አምላክ እኛንም ያድነናል ። ከዚህ እሳትን ከታቀፈ ከብረት ጋኑ ግርማ የተነሣ አትፍሪ ከሚያልፈው ጭንቀትና መከራ ለመዳን ብለሽ በዘለዓለም እሳት ለመቀጣት ትመርጫለሽን ? እናቴ ሆይ ! ዛሬ ገድላችንን ፈጽመን ገጸ እግዚአብሔርን እንመልከት አምላካችንንም ደስ እናሰኘው ‹‹ ከክርስቶስ ፍቅር የሚለየን ማነው ? ›› የሚለው የቅዱስ ጳውሎስ ቃል ትዝ ይበለሽ ፡፡ ( ሮሜ 8 ፥ 35 ) እናቴ ! አይዞሽ አትፍሪ ኋላ በአብርሃም እቅፍ ለመግባት የሕይወትን አክሊል ለመቀዳጀት የብርሃን መጎናጸፊያ ለመጎናጸፍ አሁን በዚህ እሳት ውስጥ ማለፍ ይኖርብናል ፡፡ አንድ ሰዓት ለማትሞላ መከራ ብለሽ ለዘለዓለም መከራ አንዳረግ ይልቅስ የአንድ ሰዓት መከራ ተቀብለን ለዘለዓለም በመንግሥተ ሰማያት ከብረን ገነን እንኖር ዘንድ ጨክኚ መከራውን አትሰቀቂ መቀነትሽን አጥብቂ በትውልደ ጻድቃን ስትወደሺ እንድትኖሪ ዛሬ መከራውን ድፈሪ » አላት ። « ደግሞም በሥጋ ብንሞት በነፍስ ሞት የለብንም » እያለ መረጃ እየጠቀስ አጽናናት ይህም አልበቃ ቢለው ቀሚሷን እየጎተተ « እናቴ ነይ በርቺ ገድላችንን እንፈጽም » አላት ። ሆኖም እናቱ ኢየሉጣ ፍርሃቷ በቀላሉ ሊለቃት አልቻለም በዚህ ጊዜ ሕፃኑ ቂርቆስ ወደ እግዚአብሔር እንዲህ ሲል ጸለየ ‹‹ አቤቱ አምላኬ ሆይ ይህቺን ባርያህን ከርስትህ የምትለያት ከሆነ ከባለሟልነትህ አውጣኝ ከሕይወትህ መዝገብ ፋቀኝ አቤቱ አዝመራውን አቃጥለህ ፍሬውን ልትባርክ ትወዳለህን ይህን እንዳታደርግ ቸርነትህ ትከለክልሃለች ። እንጨቱን ቆርጣችሁ አንድዱት ቅጠሉን ግን ጠብቁት ብለህ ልታዝ መለኮታዊ ባሕርይህ አይደለም እንደዚሁ ልጅን አጽንተን እናትን መተው ባሕርይህ አይደለም እንጨቱን ከእነቅጠሉ ትጠብቃለህ እንጂ ። ከጌታ ይልቅ እኔ በረታሁ ፤ ቅዱሳኖቹን ድል ነሣሁ ከመንጋውም አንድ በግ ቀማሁ በማለት ጠላት እንዳይደነፋ ለእናቴ ኀይለ መንፈስ ቅዱስን አሳድርባት ›› ብሎ ጸለየ ። ያን ጊዜ ኢየሉጣ የብረት ጋኑ ለምለም ሣር መስሎ ታያት በምንጭ ላይም እንደሚወርድ ጠል መሰላት የልጇን ምዕዳን ሰምታ ቃሉንም አክብራ በፍጹም ልቧ ጨክና እናትና ልጅ ተያይዘው ወደ እሳት ውኃ ገቡ ፡፡ እስከ ሞት የታመኑለት በዐላውያን ነገሥታት የመሰከሩለት እውነተኛው አምላክ ሊቀ መላእክት #ቅዱስ_ገብርኤልን ላከላቸው እግዚአብሔር ዘግይቶም ቢነሣ የሚቀድመው የለምና መልአኩ ገብርኤል እየበረረ መጥቶ የጋለውን የብረት ጋን በበትረ መስቀሉ ቢባርከው ውኃው ቀዘቀዘላቸው ። ልብሳቸው ሳይሰበሰብ ሰውነታቸው ሳይሸበሸብ ልክ እንደሚስማማ ሙቅ ውኃ ሆኖላቸው ደስ እያላቸው ታጥበው ወጥተዋል እግዚአብሔርን አመስግነዋል በዚያ የተሰበሰቡም እጅግ አደነቁ ። ኢየሉጣም በልጇ ገድልና ምክር ተደስታ እንዲህ አለችው « ልጄ በሥጋ ብወልድህም በግብርና በገድል አባቴና መምህሬ ነህ » ብላ መሰከረችለት ። ባሕረ ጥበባት ቅዱስ ያሬድ « እናትና ልጅ በሃይማኖት ተባበሩ » ሲል ይገልጣቸዋል ። የቅዱስ : ገብርኤል : እና : የቅድስት : ኢየሉጣ ቅዱስ : ቂርቆስ : ምልጃና : ጸሎታቸው : ይጠብቀን ። ©✎﹏ዳዊት ተስፋዬ ሐምሌ 18 2018 ዓ.ም

ኢትዮጵያ የምትመክረው የአርሴማ ገዳምን እና መነኮሳቷን በድሮን ለማውደም ነው እንዴ?

ሰበር አሳዛኝ መረጃ!! በኢትዮጵያ ኦርቶዶክስ ተዋሕዶ ቤተ ክርስቲያን የደቡብ ወሎ ሀገረ ስብከት የዓባይ ቅድስት አርሴማ ገዳም 7(ሰባት) መነኮሳት በድሮን ሕይወታቸውን አጡ። ዛሬ ሐምሌ 15 ቀን 2018 ዓ.ም ዓባይ በረሃ ያለችዋ ቅድስት አርሴማ ገዳም መነኮሳት በፀሎተ ቅዳሴ ላይ እያሉ በደረሰባቸው የብልጽግና ድሮን ድብደባ ሰባት መነኮሳት ወዲያውኑ ሕይወታቸው ሲያልፍ 10 መነኮሳት ደግሞ በከባድ ሁኔታ ቆስለዋል። ዓለም በቃኝ ብለው የመነኑ ገዳማውያን ጭምር ለመጨፍጨፍ ርኅራኄ የሌለው አረመኔው የብልፅግና አገዛዝ ተመሳሳይ የዘር ማጥፋት ወንጀሎችን በቤተ ክህነቷ አባቶች፣ መናንያን እና ምእመናን ላይ እንዲሁም በአማራ ሕዝብ ላይ በጅምላ መፈፀም ከጀመረ ዓመታትን አስቆጥሯል። ይህንን ስርዓት መታገል ሀገርን እና ሕዝብን ማዳን ነው። ©Fentahun Belay

ው ዳ ሴ : ማ ር ያ ም ና ፡ ሶ ር ያ ዊ ው ፡ ሊ ቅ አ ፈ ፡ በ ረ ከ ት : ቅ ዱ ስ : ኤ ፍ ሬ ም #ሐምሌ_15_ቀን አፈ በረከት ቅዱስ ኤፍሬም በጾምና በጸሎት በምናኔና በትኅርምት በወንጌል አገልግሎት እየተጋደለ ከኖረ በኋላ ከዚህ ዓለም በክብር ያረፈበት ቀን ነው ። በየዘመኑ የተነሡ ቅዱሳን የእመቤቴ ምስጋና በዝቶልኝ እንደ ምግብ ተመግቤው እንደ ውኃ ጠጥቼው እንደ ልብስ ተጎናጽፌው እያሉ ተመኝተዋል ምኞታቸውም ተፈጽሞላቸዋል ፡፡ ስለ እመቤታችን ዘምረዋል ፣ ተቀኝተዋል ፣ ጽፈዋል ፣ አመሥጥረዋል ፣ ተርጉመዋል ከእነዚህም መካከል አንዱ አባት #ቅዱስ_ኤፍሬም_ነው ። #ቅዱስ_ኤፍሬም በእመቤታችን ፍቅር ከሚቃጠሉ ቅዱሳን አባቶች አንዱ ነው የቤተ ክርስቲያን ሊቃውንት እንደሚናገሩት ቅዱስ ኤፍሬም ሞ ብርሌ መርጠብ ብርጭቆ ኩዝ ካቦ እየሠራ ያንን እየሸጠ የዓመት ልብሱን የዕለት ጉርሱን እያስቀረ ለነዳያን ይመጸውት ነበረ ። ሲመጸውት ግን በጻድቃን ፣ በሰማዕታት ፣ በመላእክት ስም አይመጸውተውም በእመቤታችን ስም ብቻ ይመጸውት ነበር ። ምነው ጻድቃን ፣ ሰማዕታትን ፣ መላእክትን ንቆ አቃሎ ነውን ቢሉ ንቆ አቃሎ አይደለም የእመቤታችን ፍቅር አላደርስ ብሎት ነው እንጂ ከፍቅሩ ጽናት የተነሣ ከሉቃስ ወንጌል « ወበሳድስን እና ጸሎተ እግዝአትነ ማርያምን » አውጥቶ በዕድሜዋ ልክ በቀን በቀን #ስልሳ_አራት ጊዜ ይጸልየው ነበር ። የእመቤቴ ምስጋና እንደ ሰማይ ከዋክብት እንደ ባሕር አሸዋ በዝቶልኝ እንደ ምግብ ተመግቤው እንደ ውኃ ጠጥቼው እንደ ልብስ ተጎናጽፌው ምነው በኖርኩ እያለ ሲመኝ ይኖር ነበር ። መንፈስ ቅዱስም የተመኙትን መግለጥ ልማዱ ነውና መንፈስ ቅዱስ ገልጦለት እልፍ ከአራት ሺህ ድርሰት አድርሷል #የጸጋህን_ሞገድ_ግታልኝ እስከ ማለት ደርሷል ። ቅዱስ ኤፍሬም ስለ እመቤታችን ዐሥራ ዐራት ሺ ድርስት ጽፎ በመጨረሻ የእመቤታችን ምስጋና የላይና የታች ከንፈር ባለው በዚህ በሥጋ አንደበት ተነግሮ በሥጋ እጅ ተጽፎ እንደ ማያልቅ በድርስቱ ላይ አስፍሮታል ቅዱስ ኤፍሬም ከደረሳቸው ድርስቶቹ አንዱ ውዳሴ ማርያም ነው ። #ውዳሴ_ማርያም ምሥጢሩ የረቀቀ የጸሎቱ ኀይል የመጠቀ የጸሎቶች ሁሉ እምብርት ነው ምክንያቱም ስሙ ውዳሴ ማርያም ይባል እንጂ ከጸሎቱ ባሻገር የምሥጢሩ ይዘት በአብዛኛው ስለ ምሥጢረ ሥጋዌና ስለ ምሥጢረ ሥላሴ አጉልቶ የሚያስረዳ ረቂቅና ምጡቅ የሆነ የጸሎትና የትምህርት መጽሐፍ ነው ። ከጸሎቱ ልዕልና የተነሣ ቤተ ክርስቲያናችን ውዳሴ ማርያም ሳትደግም የምታከናውነው አምልኮት የላትም በልዩ ልዩ የማኅበር ጸሎት ላይ መዝጊያና መክፈቻ በመሆን ያገለግላል ። ሶርያዊው ሊቅ አፈ በረከት #ቅዱስ_ኤፍሬም በርቱዕ አንደበቱ ወንጌልን ሰብኳል ፣ አምልኮተ እግዚአብሔርን አስፋፍቷል ። በቅዱሳት እጆቹ በርካታ ቅዱሳት መጻሕፍትን ጽፏል ፣ በእግሮቹ እየተዘዋወረ ምእመናን እያሳመነ አጥምቋል ባጠቃላይ በመላው ሕዋሳቱ እግዚአብሔርን ደስ ያስኘ ታላቅ ሊቅ ነው ከታላቁ : ሊቅ : ከአፈ : በረከት : ከቅዱስ : ኤፍሬም በረከቱና : ረድኤቱ : በአገራችን : በኢትዮጵያና : በመላው : ሕዝበ : ክርስቲያን : ላይ : ትይደር ። ©✎﹏ዳዊት ተስፋዬ ሐምሌ 15 2018 ዓ.ም

ሐምሌ-9-አቡነ_እስትንፋሰ_ክርስቶስና ቃል ኪዳኑ ሐምሌ ዘጠኝ በዚህች እለት ለአቡነ እስትንፋሰ ክርስቶስ #ጌታችን ቃልኪዳኑን የሰጠበት ዕለት ነው፡፡ አቡነ እስትንፋሰ ክርስቶስ አባታቸው መልአከ ምክሩ እናቱ ወለተ ማርያም ይባላሉ፡፡ የተወለዱበት ልዩ ቦታው ወሎ ክፍለ ሀገር ዳውንት ነው፡፡ በተወለዱ ዕለት ተነሥተው በእግራቸው ቆመው ሦስት ጊዜ ስብሐት ለ #አብ ስብሐት ለ #ወልድ ስብሐት ለ #መንፈስ_ቅዱስ ብለው ፈጣሪያቸውን አመስግነዋል፡፡ የስማቸው ትርጓሜ የ #አብ የ #ወልድ የ #መንፈስ_ቅዱስ እስትንፋስ አንድም የ #ክርስቶስ እስትንፋስ ማለት ነው፡፡ ቅዱስ #ሚካኤል እየጠበቃቸውና በመንገዳቸው ሁሉ እየመራቸው ነው ያደጉት፡፡ #መንፈስ_ቅዱስ ልቡናቸውን ብሩህ አድርጎላቸው በ5 ዓመታቸው የቅዱሳት መጻሕፍት ቃላትን፣ ብሉያትንና ሐዲሳትን፣ ድርሳናትንም ጠንቅቀው ዐውቀዋል፡፡ በተወለዱ በ14 ዓመታቸው ወደ አቡነ ኢየሱስ ሞዐ ደብረ ሐይቅ ገዳም ሄደው ከባሕር ዳር ቆመው የ ቅዱስ ሙሴን ጸሎት ወደ #እግዚአብሔር በጸለዩ ጊዜ የታዘዘ መልአክ መጥቶ ባሕሩን አሻግሯቸው ወደ ቤተ ክርስቲያን ገብተዋል፡፡ ለ3 ዓመታት ያህል በኃይቅ ገዳም ለመነኮሳት እንጨት በመልቀምና ውሃን በመቅዳት ለአባቶች መነኮሳት ምግብ የሚሆናቸው ዓሣ ከባህር ውስጥ በማውጣት አገልግለዋል፡፡ አባታችን እስትንፋሰ ክርስቶስ 40 መዓልትና 40 ሌሊት ከጾሙ በኋላ ምንም እህል ሳይቀምሱ #ጌታችን_ኢየሱስ_ክርስቶስ አስቀድሞ ለሙሴ በደብረ ሲና እንደሰጠው ለአባታችንም ወደ እርሳቸው መጥቶ ዓሥሩን ቃላተ ኦሪትና ስድስቱን ቃላተ ወንጌል በውስጣቸው የተጻፈባቸው ሁለት ጽላቶችን ሰጥቷቸዋል፡፡ አቡነ እስትንፋሰ ክርስቶስ ቤተ ክርስቲያን ከሠሩ በኋላ ዕለቱን ስንዴ ዘርተው፣ ወይን ተክለው፣ ጽድን ወይራንና ግራርን ተክለው በአንዲት ቀን ለቤተክርስቲያን አገልግሎት ዕለቱን አድርሰዋል፡፡ ስንዴውን ለመሥዋዕት ወይኑን ለቍርባን በተአምራት አድርሰዋል፡፡ አባታችን በጸሎት ላይ እንዳሉ መልአኩ ቅዱስ ሚካኤል ተልኮ መጥቶ አባታችንን በደመና ጭኖ ወስዶ ከ #ጌታችን ከ #መድኃኒታችን ከ #ኢየሱስ_ክርስቶስ ፊት አቆማቸው፡፡ #ጌታንም በቅዱሳኑ ሁሉ እንዲባረኩ ካደረጋቸው በኋላ መልአኩን "ወደ ተወለድኩባትና ወደ ኖርኩባት ቦታ ወደ ኢየሩሳሌም አድርሰው" ብሎት ኢየሩሳሌምን አሳልሞ ሀገራችን መልሶ አምጥቷቸዋል። አባታችን ሁሉንም የኢትዮጵያን ቅዱሳት ገዳማትን ተዘዋውሮ ሲጎበኙ በሕይወተ ሥጋ የሌሉት የየገዳማቱ ቅዱሳን ሁሉ በአካል ይገለጡላቸው ነበር፡፡ ጎጃም ውስጥ እያስተማሩ፣ እያጠመቁ፣ የታመሙትን እየፈወሱ፣ የዕውራንን ዐይን እያበሩና ሙታንን እያሥነሱ ብዙ ካገለገሉ በኋላ ለዘጠኝ ዓመታት በባሕር ውስጥ ገብተው ቁልቁል ተዘቅዝቀው ለኢትዮጵያ ጸልየው የምሕረት ቃልኪዳን በዚህች ዕለት ተቀብለዋል፡፡ ከዘጠኝ ዓመት በኋላ #ጌታችን መጥቶ "ከመነኮሳት ሁሉ ብልጫ ያለህ ወዳጄ ሆይ ኢትዮጵያንና ሕዝቦቿን ምሬልሃለሁ ከዚህች ባሕር ውጣ" በማለት በሞት የሚያርፉበትን ቦታ ነግሯቸዋል፡፡ ጻድቁ ወደ ደብረ አሰጋጅ በሚሄዱበት ጊዜ ጸሐይ ልትገባ ስትል "በ #ጌታችን በ #ኢየሱስ_ክርስቶስ ስም አውግዤሻለሁ ለመስፍን ኢያሱ በገባኦን እንደቆምሽ አሁንም ቀጥ ብለሽ ቁሚ" ብለው ገዝተው ፀሐይን አቁመዋል፡፡ አቡነ እስትንፋሰ ክርስቶስም ደብረ አሰጋጅ ሲደርሱ ፀሐይ አፍ አውጥታ "አቡነ እስትንፋሰ ክርስቶስ ሆይ እገባ ዘንድ ፍታኝ" ስትላቸው " #እግዚአብሔር ይፍታሽ" ባሏት ጊዜ ጠልቃለች፡፡ ጻድቁ ሌላው በእጅጉ የሚታወቁበት አንድ ትልቅ ቃል ኪዳን አላቸው፡፡ በ #አምላክ ልቡና የሚገኝ፣ በ #እመቤታችን በ #ቅድስት #ድንግል_ማርያም ልቡና የሚገኝ፣ በ #ቅዱስ_ሚካኤልና በ #ቅዱስ_ገብርኤል ልቡና የሚገኝ እንደ መልክአ #መድኃኔዓለም ያለች እጅግ አስገራሚ ጸሎት አለቻቸው፤ እርሷን ጸሎት በጸለዩ ጊዜ እልፍ ነፍሳትን ከሲኦል ያወጣሉ፡፡ ጸሎቷም የ #መድኃኔዓለምን የሰውነት ክፍሎች በሙሉ እየጠቀሰች እያንዳንዱ የሰውነት ክፍሎቹ የተቀበሉትን ጸዋትዎ መከራዎች ሁሉ ታዘክራለች፡፡ በእያንዳንዱ ክፍልም የጸሎት ማሳረጊያ አቡነ ዘበሰማያት ይደግማሉ፡፡ ንስሓ የገባ ኃጢአተኛ ሰው እንኳን ቢሆን ይህችን የአቡነ እስትንፋሰ ክርስቶስን ጸሎት በጸለየ ጊዜ ሺህ ነፍሳትን ከሲኦል እንደሚያወጣ #ጌታችን በማይታበል ቃሉ ለአባታችን ነግሯቸዋል፡፡ እያንዳንዱን የ #መድኃኔዓለምን የሰውነት ክፍሎች በሙሉ እየጠቀሰች መከራዎቹን የምታዘክረውን ይህቺን በ #አምላክ ልቡና ያለች ግሩም የሆነች ጸሎት ነፍሳትን ከሲኦል አታወጣም ብሎ የሚጠራጠር ቢኖር መንግስተ ሰማያትን አያያትም፡፡ (ይህንን የአቡነ እስትንፋሰ ክርስቶስን ጸሎት የምናገኘው ከገድላቸው ላይ ነው፡፡) ጻድቁ ታኅሣሥ 8 ቀን ተወልደው ሚያዝያ 9 ቀን በታላቅ ክብር ዐርፈዋል፡፡ #ለእግዚአብሔርም ምስጋና ይሁን እኛንም በጻድቁ አቡነ እስትንፋሰ ክርስቶስ ጸሎት ይማረን በረከታቸውም ከእኛ ጋር ትኑር ለዘላለሙ አሜን። ምንጭ:- የዕለቱ ስንክሳር!

"+ እንኩዋን ለአጋእዝተ ዓለም #ሥላሴ አመታዊ በዓል አደረሳቹ "+ #ሥሉስ_ቅዱስ +" =>በአንድነቱ ምንታዌ (ሁለትነት): በሦስትነቱ ርባዔ (አራትነት) የሌለበት የዘለዓለም አምላክ: የፍጥረታት ሁሉ ፈጣሪ #እግዚአብሔር ነው:: #አብ : #ወልድ : #መንፈስ_ቅዱስ በስም: በአካል: በግብር ሦስትነት: በባሕርይ: በሕልውናና በፈቃድ አንድነት የጸኑ ናቸው:: በዚህ ጊዜ ተገኙ: በዚህ ጊዜ ያልፋሉ አይባሉም:: መጀመሪያም መጨረሻም እነርሱ ናቸውና:: +ርሕሩሐን ናቸውና በእናት ሥርዓት " #ቅድስት_ሥላሴ " እንላቸዋለን:: የሚጠላቸው (የማያምንባቸውን) አይጠሉም:: የሚወዳቸውን ግን እጽፍ ድርብ ይወዱታል:: በቤቱም መጥተው ያድራሉ:: +ከፍጥረታት ወገን ከእመቤታችን ቀጥሎ የአብርሃምን ያህል በሥላሴ ዘንድ የተወደደ ፍጡር የለም:: አባታችን #ቅዱስ_አብርሃም የደግነት ሁሉ አባት ነውና በኬብሮን በመምሬ ዛፍ ሥር ሥላሴን ተቀብሎ አስተናግዷል:: ሥላሴ አኀዜ ዓለም (ዓለምን በእጁ የያዘ) ነው:: ነገር ግን በፍቅር ለሚሻው በፍቅር ይመጣል:: +አባታችን አብርሃም በ99 ዓመቱ: እናታችን ሣራ በ89 ዓመቷ ሥላሴን በድንኩዋናቸው አስተናገዱ:: አብርሃም እግራቸውን አጠበ:: (ወይ መታደል!) በጀርባውም አዘላቸው:: (ድንቅ አባት!) ምሳቸውንም አቀረበላቸው:: እንደሚበሉ ሆኑለት:: በዚያው ዕለትም የይስሐቅን መወለድ አበሠሩት:: #ቅድስት_ሣራ ሳቀች::እንደ ዘንድሮ ወገኖቻችን የማሾፍ አይደለም:: ደስታና ጉጉት የፈጠረው እንጂ:: ሥላሴ "ምንት አስሐቃ ለሣራ በባሕቲታ" ብለው ነበርና በዚህም ምክንያት ነው " #ይስሐቅ" የተባለው:: +ሥላሴን ያስተናገደች ድንኩዋን (ሐይመት) የድንግል እመቤታችን ማርያም ምሳሌ ናት:: በድንግል ላይ #አብ ለአጽንኦ: #መንፈስ_ቅዱስ ለአንጽሖ: #ወልድ በተለየ አካሉ ለሥጋዌ በእርሷ ላይ አርፈዋል / አድረዋልና:: =>የሥላሴ ቸርነት: የአብርሃም ደግነት: የአበው አባ ጊዮርጊስና አባ ሲኖዳ በረከት ከሁላችን ጋር ይሁን:: "+ እግዚአብሔርም ለአብርሃም ተስፋ በሰጠው ጊዜ:- 'በእውነት እየባረክሁ እባርክሃለሁ:: እያበዛሁም አበዛሃለሁ' ብሎ ከእርሱ በሚበልጥ በማንም ሊምል ስላልቻለ በራሱ ማለ:: እንዲሁም እርሱ ከታገሠ በሁዋላ ተስፋውን አገኘ:: + "+ (ዕብ.6:13) "+ የጌታ የኢየሱስ ክርስቶስ ጸጋ: የእግዚአብሔርም ፍቅር: የመንፈስ ቅዱስም ሕብረት ከሁላችሁ ጋር ይሁን:: አሜን:: +"+ (ቆሮ. 13:) @ortodoxtewahedo

ሥርዓተ ማህሌት ዘ ሀምሌ ሥላሴ 👉 ከፈኖተ ህይወት ገፅ የተወሰደ

አሐዱ በመስቀል ተሰቅለ ቁልቁሊተ ወካልዑ ተመትረ ክሳዶ ክብርተ ፍጡር ቢከብር ከወላዲተ አምላክ ከእመቤታችን ከቅድስት ድንግል ማርያም ቀጥሎ የእነዚህን ቅዱሳን ያህል የሚከብር አይኖርም።! . . ሁሉን ትተው ጌታችን አምላካችን መድኃኒታችን ኢየሱስ ክርስቶስን የተከተሉ . . እውነትን ይዘው እውነትን አስተምረው ለእውነተኛይቱ ኃይማኖት እራሳቸውን አሳልፈው የሰጡ ቅዱሳን ሐዋርያት ለእናት ኦርቶዶክሳዊት ቅድስት ቤተ ክርስቲያናችን ያልሆኑላት ያልከፈሉላት ምንም ነገር የለም።!እርሷም አክብረዋት በሆኑላት በከፈሉላት መስዕዋትነት የተነሳ ብርሃኖቼ! . . ዐይኖቼ! . . ዕንቁዎቼ! ብላ ያከበሯትን በአደባባይ ልጆቿን ሰብስባ በክብር ታስባቸዋለች።! ብርሃናተ ዓለም ቅዱስ ዼጥሮስ ወዻውሎስ በረከቶሙ ወጽንዐ ገድሎሙ ይሕድር ላዕሌነ ለዓለመ ዓለም አሜን !!