ecogovaz

Anım Günü ilə əlaqədar ağacəkmə tədbiri keçirilib 27 sentyabr - Anım Günü ilə əlaqədar Ekologiya və Təbii Sərvətlər Nazirliyi və Azərbaycan Respublikası Minatəmizləmə Agentliyinin birgə təşkilatçılığı ilə Müşfiqabad qəsəbəsində ağacəkmə aksiyası keçirilib. Aksiyada Azərbaycan Respublikası Ekologiya və Təbii Sərvətlər Nazirliyi və Minatəmizləmə Agentliyinin kollektivi, eləcə də ekokönüllülər iştirak edib.   Vətən müharibəsində Azərbaycanın ərazi bütövlüyü uğrunda qəhrəmancasına döyüşərək canlarını fəda etmiş şəhidlərimizin əziz xatirəsinə dərin ehtiram əlaməti olaraq keçirilən ağacəkmə aksiyası çərçivəsində Müşfiqabad qəsəbəsində, ərazinin torpaq-iqlim şəraitinə uyğun Eldar şamı və zeytun ağacları əkilib.

Otman Bozdağ Palçıq Vulkanında püskürmə baş verib Bakı şəhəri, Qaradağ rayonu ərazisində yerləşən Bakı və Abşeron yarımadasının palçıq vulkanları qrupu Dövlət Təbiət Qoruğuna daxil olan Otman Bozdağ Palçıq Vulkanında 26 sentyabr 2026-cı il tarixində saat 07:32 radələrində püskürmə hadisəsi qeydə alınıb. Püskürmə güclü alovlanma ilə müşayiət olunub. Bunu Bakı və Abşeron yarımadasının palçıq vulkanları qrupu Dövlət Təbiət Qoruğunun direktoru Ceyhun Paşayev bildirib. Onun sözlərinə görə, hazırda ərazidə vulkanın aktivliyi və püskürmə nəticəsində yaranmış geoloji dəyişikliklərlə bağlı ilkin müşahidə və qiymətləndirmə işləri aparılır.

📌 26 sentyabr Qızılağac Milli Parkının yaranması günüdür Qızılağac Milli Parkı xüsusi mühafizə olunan təbiət əraziləri şəbəkəsinin genişləndirilməsi, bioloji müxtəlifliyin qorunub saxlanılması, təbii resurslardan səmərəli istifadə və ekoturizmin inkişaf etdirilməsi məqsədilə Azərbaycan Respublikası Prezidentinin 2018-ci il 26 sentyabr tarixli Sərəncamı ilə yaradılıb. 📍Yerləşməsi: Lənkəran, Masallı və Neftçala rayonları 🗺️ Sahəsi: 99 060 ha 🗾 Landşaftı: su-bataqlıq ərazisi, Xəzər dənizi sahili 🪷 Rast gəlinən bitki növləri: Xəzər şanagüləsi, ağ suzanbağı, üçyarpaq oxyarpaq, qamış, dəniz lığvəri, ciyən, ətirli yovşan, gəngiz, Xəzər şahsevdisi, Xəzər sarıbaşı və s. 🦩Rast gəlinən heyvan növləri: qamışlıq fərəsi, kiçik ağ vağ, boz vağ, adi qaranaz, cüllüt, adi ərsindimdik, adi turac, bildirçin, fitçi ördək, qamışlıq pişiyi, çöl donuzu, canavar, gürzə və s. 📕 “Qırmızı Kitab”a daxil olan növləri: qızılqaz, ağqaş qaz, göydimdik, mərməri ördək, adi bəzgək, Xəzər şanagüləsi və s. ℹ️ Qeyd edək ki, Qızılağac Milli Parkı (böyük və kiçik Qızılağac körfəzləri) mühüm su-bataqlıq ərazisi kimi 2001-ci il mayın 21-də “Əsasən su quşlarının yaşama yerləri kimi beynəlxalq əhəmiyyəti olan sulu-bataqlıq yerlər haqqında” Ramsar Konvensiyasının “Ramsar siyahısı”na daxil edilib. Qızılağac Milli Parkı 2019-cu ildə dünya sularının qorunması baxımından mühüm əhəmiyyət daşıyan “Hope Spot” (Ümid Yeri) kimi də seçilib. “Hope Spot”lar “Mission Blue” təşkilatının beynəlxalq mühafizə kampaniyası çərçivəsində müəyyən etdiyi, ekoloji baxımdan unikal olan dəniz əraziləridir.

📌 26 sentyabr Qızılağac Milli Parkının yaranması günüdür Qızılağac Milli Parkı xüsusi mühafizə olunan təbiət əraziləri şəbəkəsinin genişləndirilməsi, bioloji müxtəlifliyin qorunub saxlanılması, təbii resurslardan səmərəli istifadə və ekoturizmin inkişaf etdirilməsi məqsədilə Azərbaycan Respublikası Prezidentinin 2018-ci il 26 sentyabr tarixli Sərəncamı ilə yaradılıb. 📍Yerləşməsi: Lənkəran, Masallı və Neftçala rayonları 🗺️ Sahəsi: 99 060 ha 🗾 Landşaftı: su-bataqlıq ərazisi, Xəzər dənizi sahili 🪷 Rast gəlinən bitki növləri: Xəzər şanagüləsi, ağ suzanbağı, üçyarpaq oxyarpaq, qamış, dəniz lığvəri, ciyən, ətirli yovşan, gəngiz, Xəzər şahsevdisi, Xəzər sarıbaşı və s. 🦩Rast gəlinən heyvan növləri: qamışlıq fərəsi, kiçik ağ vağ, boz vağ, adi qaranaz, cüllüt, adi ərsindimdik, adi turac, bildirçin, fitçi ördək, qamışlıq pişiyi, çöl donuzu, canavar, gürzə və s. 📕 “Qırmızı Kitab”a daxil olan növləri: qızılqaz, ağqaş qaz, göydimdik, mərməri ördək, adi bəzgək, Xəzər şanagüləsi və s. ℹ️ Qeyd edək ki, Qızılağac Milli Parkı (böyük və kiçik Qızılağac körfəzləri) mühüm su-bataqlıq ərazisi kimi 2001-ci il mayın 21-də “Əsasən su quşlarının yaşama yerləri kimi beynəlxalq əhəmiyyəti olan sulu-bataqlıq yerlər haqqında” Ramsar Konvensiyasının “Ramsar siyahısı”na daxil edilib.

Xüsusi Rabitə və İnformasiya Təhlükəsizliyi Dövlət Xidməti əməkdaşlarını peşə bayramı münasibətilə təbrik edirik.

Rəşad İsmayılov: Azərbaycanın kritik mineral xammal üzrə beynəlxalq dəyər zəncirində rolunu gücləndirmək üçün geniş imkanları var Ekologiya və təbii sərvətlər naziri Rəşad İsmayılov II Azərbaycan Beynəlxalq İnvestisiya Forumu çərçivəsində keçirilən “Kritik xammal materialları və qlobal iqtisadi təhlükəsizlik” mövzusunda panel sessiyada çıxış edib. Nazir çıxışında kritik mineralların hasilatı və emalı prosesində ətraf mühitin mühafizəsinin əsas prioritetlərdən biri olduğunu vurğulayıb. Bildirilib ki, su ehtiyatlarından səmərəli istifadə, enerji səmərəliliyinin təmin edilməsi, tullantıların təhlükəsiz idarə olunması, biomüxtəlifliyin qorunması və torpaqların rekultivasiyası kimi məsələlər layihələrin planlaşdırılması və layihələndirilməsi mərhələsindən etibarən nəzərə alınmalıdır. Rəşad İsmayılov qeyd edib ki, Azərbaycan kritik mineral xammal üzrə beynəlxalq dəyər zəncirində öz rolunu gücləndirməyə və bu istiqamətdə investisiyaların artırılmasına hazırdır. Nazirin sözlərinə görə, Qarabağ və Şərqi Zəngəzur iqtisadi rayonlarında mövcud olan yeni imkanlar, eləcə də Azərbaycanın Orta Dəhliz üzərində yerləşməsi mineral xammal və emal məhsullarının dünya bazarlarına çıxarılması baxımından əlavə imkanlar yaradır.

Dövlət Ekoloji Təhlükəsizlik Xidmətinin məlumatı Dövlət Ekoloji Təhlükəsizlik Xidmətinin əməkdaşları tərəfindən son bir həftə ərzində keçirilən nəzarət tədbirləri zamanı Bakı şəhəri və Quba rayonunda yaşıllıqların qanunsuz kəsilməsi faktları aşkar olunub. Araşdırma zamanı Bakı şəhəri Nəsimi rayonu Bülbül prospekti 65C ünvanında, Suraxanı rayonu Ramana qəsəbəsində və Quba rayonu Çiçi kəndinin inzibati ərazisində ağacların qanunsuz kəsilməsi nəticəsində yaşıllıqlara 225 740 manat məbləğində ziyan dəydiyi müəyyən edilib. Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilib.

ETSN kollektivi şəhidlərin xatirəsini ehtiramla yad edib 27 sentyabr - Anım Günü ilə əlaqədar Ekologiya və Təbii Sərvətlər Nazirliyi tərəfindən Vətənimizin suverenliyi və ərazi bütövlüyü uğrunda canlarından keçmiş şəhidlərin əziz xatirəsinə həsr olunmuş ağacəkmə aksiyası keçirilib. Müşfiqabad qəsəbəsində təşkil olunan aksiya zamanı Nazirliyin rəhbərliyinin, əməkdaşlarının və ekokönüllülərin iştirakı ilə yerli torpaq-iqlim şəraitinə uyğun Eldar şamı və zeytun ağacları əkilib. Daha sonra Nazirlikdə Vətənimizin ərazi bütövlüyünün bərpası və suverenliyinin təmin olunması uğrunda canlarından keçmiş şəhidlərin əziz xatirəsinə həsr olunmuş tədbir keçirilib. Tədbirdə şəhidlərin xatirəsi ehtiramla yad edilib, onların Vətən uğrunda göstərdiyi şücaətin Azərbaycan xalqı üçün əbədi qürur mənbəyi olduğu vurğulanıb.

Ətraf mühit məsələləri müzakirə olunub İkinci Azərbaycan Beynəlxalq İnvestisiya Forumu ilə əlaqədar ölkəmizdə səfərdə olan BMT-nin Ərzaq və Kənd Təsərrüfatı Təşkilatının (FAO) Avropa və Mərkəzi Asiya üzrə regional nümayəndəsi, Baş direktorun köməkçisi Viorel Gutu ekologiya və təbii sərvətlər naziri Rəşad İsmayılov ilə görüşüb. Görüş zamanı Ekologiya və Təbii Sərvətlər Nazirliyi və FAO arasında ətraf mühitin mühafizəsi sahəsində mövcud əməkdaşlıq istiqamətləri və gələcək perspektivlər müzakirə olunub.

🌿 Otlaqlar — ekosistemin yaşıl dayağı Yer kürəsinin quru ərazilərinin təxminən yarısını otlaq ekosistemləri təşkil edir. Bu ərazilər yalnız heyvandarlığın inkişafı baxımından deyil, biomüxtəlifliyin qorunması, torpaq ehtiyatlarının mühafizəsi, su dövranının tənzimlənməsi, karbonun tutulması və kənd icmalarının dayanıqlı dolanışığının təmin olunması baxımından mühüm əhəmiyyət daşıyır. Sağlam və düzgün idarə olunan otlaq ekosistemləri torpağı eroziyadan qoruyur, suyun torpağa hopmasını yaxşılaşdırır və su dövranının tənzimlənməsinə töhfə verir. Bitki örtüyü atmosferdəki karbonun tutulmasına və torpaqda karbon ehtiyatlarının formalaşmasına şərait yaradır. Otlaq sahələrindən həddindən artıq və düzgün idarə olunmadan istifadə bitki örtüyünün zəifləməsinə, torpağın sıxlaşmasına, eroziyaya və torpaq deqradasiyasına səbəb ola bilər. İqlim dəyişmələri, uzunmüddətli quraqlıqlar və su ehtiyatlarının azalması isə mövcud təzyiqləri daha da artırır. Otlaq sahələrinin qorunması və davamlı istifadəsi üçün onların elmi əsaslarla idarə olunması mühüm əhəmiyyət daşıyır. Bu istiqamətdə: ✔️otlaq yükü ərazinin təbii imkanlarına və daşıma qabiliyyətinə uyğun müəyyənləşdirilməli; ✔️ torpaq və bitki örtüyünün mühafizəsi təmin edilməli; ✔️ su ehtiyatlarından səmərəli və qənaətli istifadə olunmalı; ✔️ deqradasiyaya uğramış otlaq sahələrinin bərpası həyata keçirilməlidir. 🌱 Otlaqlar sadəcə geniş yaşıl ərazilər deyil — onlar həyatın, biomüxtəlifliyin və milyonlarla insanın gələcəyinin bir hissəsidir.