ecogovaz

♻️🎁 Böyükşor bulvarında keçirilən “Tullantıları hədiyyələrə dəyiş” tədbirindən görüntüləri sizinlə paylaşırıq.

İlisu Milli Parkı #MilliParklar #NationalParksofAzerbaijan #Azerbaijannature #НациональныепаркиАзербайджана #ETSN

Torpaq və meşə resurslarından düzgün və səmərəli istifadə, təbiətə qarşı məsuliyyətli davranış və qabaqlayıcı tədbirlərin vaxtında həyata keçirilməsi meşə yanğınlarının qarşısının alınmasında mühüm rol oynayır.

♻️🎁 Növbəti “Tullantıları hədiyyələrə dəyiş” festivalı keçirilib Tullantıların düzgün idarə olunmasının təşviqi, təkrar emal mədəniyyətinin və cəmiyyətdə ekoloji məsuliyyət hissinin gücləndirilməsi məqsədilə Ekologiya və Təbii Sərvətlər Nazirliyinin təşkilatçılığı ilə növbəti “Tullantıları hədiyyələrə dəyiş” festivalı keçirilib. Böyükşor bulvarında “PAŞA Bank” ASC, “Araz” supermarketlər şəbəkəsi, “EcoHub” İctimai Birliyi və “Yağmur-2” MMC-nin dəstəyi ilə təşkil olunan festivalda vətəndaşlar təkrar emala yararlı tullantıları təhvil verərək müxtəlif hədiyyələr əldə ediblər. Festival çərçivəsində ümumi tutumu 5090 litr olan plastik və 810 litr olan şüşə tullantı toplanaraq təkrar emala yönləndirilib, həmçinin 725 ədəd işlənmiş batareya təhvil alınıb. Tədbirdə uşaqlar üçün əyləncəli oyunlar və müxtəlif master-klasslar da təşkil olunub. Balacalar maraqlı və əyləncəli fəaliyyətlərdə iştirak etməklə yanaşı, ətraf mühitin mühafizəsi, tullantıların çeşidlənməsi və ekoloji məsuliyyət barədə faydalı biliklər əldə ediblər. #ETSN #Tullantılarıhədiyyələrədəyiş

Havada toz müşahidə olunur Avtomatik stansiyalardan əldə edilən məlumata əsasən Bakıda və Abşeron yarımadasında tozlu hava şəraiti müşahidə olunur. Hazırda havada tozun miqdarı normadan 1.4-1.7 dəfə artıqdır. Bunu Milli Hidrometeorologiya Xidmətinin rəsmisi Gülnarə Abbasova bildirib. “Havada müşahidə olunan toz meteoroloji şəraitlə əlaqədar lokal xarakterlidir. Belə hava şəraitinə səbəb bu gün səhər saatlarından başlayan güclü şimal-qərb küləyinin yerin üst quru səthində formalaşan toz kütlələrini ətraf ərazilərə yaymasıdır. Tozlu hava şəraitinin sinoptik şəraitlə əlaqədar sabah günorta saatlarına qədər davam edəcəyi gözlənilir”.

Şahdağ Milli Parkı, Quba bölməsi #MilliParklar #NationalParksofAzerbaijan #Azerbaijannature #НациональныепаркиАзербайджана #ETSN

🔥Yanğınlar biomüxtəlifliyə və ekosistemlərə ciddi təsir göstərir Milli Hidrometeorologiya Xidmətinin məlumatına əsasən, yaxın günlərdə ölkə ərazisində isti, quraq və küləkli hava şəraitinin davam edəcəyi proqnozlaşdırılır. Bu şərait meşələrdə və digər təbiət ərazilərində yanğın riskini artırır. Meşə yanğınları ağac və bitki örtüyünün məhv olmasına, vəhşi heyvanların yaşayış mühitinin zədələnməsinə, torpağın münbit qatının sıradan çıxmasına və ekoloji tarazlığın pozulmasına səbəb olur. Yanğından zərər çəkmiş ekosistemlərin bərpası uzun illər tələb edə bilər. 🔴 Yanğınların qarşısının alınması məqsədilə vətəndaşlardan meşələrdə və meşəətrafı ərazilərdə ocaq qalamamaq, söndürülməmiş siqaret kötüklərini təbiətə atmamaq, quru ot, kol-kos və məişət tullantılarını yandırmamaq, yanğına səbəb ola biləcək şüşə və digər tullantıları ərazidə saxlamamaq, tüstü və ya yanğın əlaməti müşahidə etdikdə isə dərhal aidiyyəti qurumlara məlumat vermək xahiş olunur. Unutmayaq ki, kiçik bir ehtiyatsızlıq geniş ərazilərin yanmasına, flora və faunanın məhvinə və təbiətə uzunmüddətli zərər vurulmasına səbəb ola bilər. Ekologiya və Təbii Sərvətlər Nazirliyi vətəndaşları təbiət ərazilərində diqqətli olmağa və yanğın təhlükəsizliyi qaydalarına ciddi əməl etməyə çağırır.

Dövlət Ekoloji Təhlükəsizlik Xidmətinin məlumatı Dövlət Ekoloji Təhlükəsizlik Xidmətinin əməkdaşları tərəfindən son bir həftə ərzində keçirilən nəzarət tədbirləri zamanı Bakı şəhəri və Quba rayonu ərazisində yaşıllıqların qanunsuz kəsilməsi faktları aşkar olunub. Araşdırma zamanı Bakı şəhəri Yeni Suraxanı qəsəbəsi Mikayıl Müşfiq küçəsində, Binəqədi rayonu M.Ə.Rəsulzadə qəsəbəsi Həsrət Ağamalıyev küçəsində və Quba rayonu Zərdabi qəsəbəsi ərazisində ağacların qanunsuz kəsilməsi nəticəsində yaşıllıqlara 19 460 manat məbləğində ziyan dəydiyi müəyyən edilib. Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilib.

Gənclərlə iqlim fəaliyyəti mövzusunda maarifləndirici görüş keçirilib Ekologiya və Təbii Sərvətlər Nazirliyində Azərbaycan Könüllü Təşkilatlarına üzv könüllülərin iştirakı ilə “İqlim fəaliyyətində gənclərin rolu və iştirakı” mövzusunda maarifləndirici görüş keçirilib. Görüş zamanı Milli Hidrometeorologiya Xidmətinin rəis müavini Gülnarə Abbasova iqlim dəyişmələrinin qlobal və regional təsirləri, Azərbaycanın bu istiqamətdə həyata keçirdiyi tədbirlər, istixana qazı emissiyalarının azaldılması üzrə görülən işlər barədə məlumat verib. Bildirilib ki, iqlim dəyişmələri ilə mübarizədə gənclərin və könüllülərin fəal iştirakı, ekoloji maarifləndirmənin gücləndirilməsi və dayanıqlı həyat tərzinin təşviqi xüsusi əhəmiyyət daşıyır. Görüş çərçivəsində interaktiv qrup işi də təşkil olunub. İştirakçılar iqlim dəyişmələrinin biomüxtəlifliyə, su ehtiyatlarına, meşələrə, insan sağlamlığına və şəhər mühitinə təsirləri, həmçinin tullantıların azaldılmasının iqlim dəyişmələri ilə mübarizədə əhəmiyyəti mövzusunda tapşırıqlar üzərində işləyib, fikir və təkliflərini bölüşüblər. “Şəhərsalma və Memarlıq İli” çərçivəsində təşkil olunan görüşün əsas məqsədi gənclərin iqlim sahəsində bilik və bacarıqlarını artırmaq, ekoloji məsuliyyət hissini gücləndirmək və onları iqlim fəaliyyətində daha fəal iştiraka təşviq etməkdir.

İlisu Milli Parkı #MilliParklar #NationalParksofAzerbaijan #Azerbaijannature #НациональныепаркиАзербайджана #ETSN

🌊 Xəzər dənizinin Bilgəh sahilində növbəti təmizlik aksiyası keçirilib Ətraf mühitin mühafizəsinə töhfə vermək, cəmiyyətdə ekoloji məsuliyyəti artırmaq və ictimai iştirakçılığı təşviq etmək məqsədilə Xəzər dənizinin Bilgəh sahilində növbəti təmizlik aksiyası keçirilib. Ekologiya və Təbii Sərvətlər Nazirliyinin təşkilatçılığı ilə “Təmiz ölkəm” devizi altında keçirilən aksiyaya bu dəfə “Four Seasons Hotel Baku”nun əməkdaşları və ekokönüllülər qoşulub, sahil zolağından 170 kq tullantının toplanaraq aidiyyəti üzrə təhvil verilməsi təmin olunub. Bu cür təşəbbüslərə dəstək göstərən tərəfdaşlara, vətəndaşlara, könüllülərə təşəkkürümüzü bildirir, hər kəsi tullantıların düzgün idarə olunması, ekoloji məsuliyyətin artırılması və təbiətin qorunması naminə birgə fəaliyyətə çağırırıq.

Növbəti ekoloji maarifləndirici görüş Ağsuda keçirilib “Səyyar Gənclər Xidməti” layihəsi çərçivəsində 6 saylı Regional Ekologiya və Təbii Sərvətlər İdarəsinin əməkdaşları Ağsu rayon 6 saylı tam orta məktəbdə gənclərlə görüşüblər. Görüşdə ətraf mühitin mühafizəsi, təbii sərvətlərdən səmərəli və dayanıqlı istifadə, tullantıların düzgün idarə olunması, eləcə də təbiətin qorunmasında hər bir vətəndaşın rolu və məsuliyyəti barədə məlumat verilib. İnteraktiv müzakirələr zamanı şagirdlərin sualları cavablandırılıb, ekoloji məsuliyyət və düzgün ekoloji davranış vərdişləri ilə bağlı fikir mübadiləsi aparılıb. Qeyd edək ki, “Səyyar Gənclər Xidməti” layihəsi Azərbaycan Respublikasının Gənclər Fondunun dəstəyi, Gənclərin İnkişaf və Karyera Mərkəzi və “Gənc Könüllülər” İctimai Birliyinin birgə təşkilatçılığı ilə həyata keçirilir.

#ETSN #ekolojiməsuliyyət #ekolojimədəniyyət