draw media

نوری مالیكی : 🔻ئەو زمانەی بەرامبەر گرووپە چەكدارەكان بەكاردەهات لە روبەڕوبونەوەو هەڕەشەكردن كۆتایهات 🔻حەشد دامەزراوەیەكی سەربازی حكومییە من بە فەرمانێكی دیوانی پێكمهێناوە درەو: نوری مالیكی، سەرۆكی هاوپەیمانی دەوڵەتی یاسا دەڵێت، ئەو زمانەی بەرامبەر گرووپە چەكدارەكان بەكاردەهات لە روبەڕوبونەوەو هەڕەشەكردن كۆتایهات. مالیكی لە چاوپێكەتنێكدا لەگەڵ كەناڵی"الشرقیە نیوز" وتی، هەڕەشەكردن هیچ ئەنجامێكی نابێت و بە هێرشكردنە سەر گرووپەكان و حكومەت ناگەینە ئەنجام، نە حكومەت لاوازە تا هێرشی بكرێتەسەر نە لە بەرژەوەندیشە هێرش بكرێتە سەر گرووپەكان. وتیشی، ئەمە دەستپێكی ئەو راستیەیە كە ئێستا لە ئارادایەو دەرگای بۆ ئێمەو كەسانی تر كردووەتەوە بۆ دەستكردن بە گفتوگۆ و گەیشتن بە چارەسەرێك بۆ ئەو قەریرانە. مالیكی ئاماژەی بەوەشكرد، پرۆسەكە رێكخستنی چەكە نەك داماڵین، چونكە دەستەواژەی داماڵین كاریگەری دەروونی خراپی هەیە، یەكێك لەو بایەتانەش قسەی لەسەر دەكرێت جۆری چەكەكانە، ئایا هەموو چەكەكان دەگرێتەوە یان تەنها ئەو چەكانە دەگرێتەوە كە بەچەكی هێرشكردن دادەنرێن، ئەمە ئەو پرسانەیە ئەو لیژنەی پێكهێنراوە لە گەڵ گرووپەكان باسی دەكات. مالیكی راشیگەیاند، ویستان ناوی حەشدی تێكەڵ بە گرووپەكان و میلیشیاو چەكی دەرەوەی دەوڵەت بكەن، حەشد بەوشێوەیە نییە، حەشد دامەزراوەیەكی سەربازی حكومییە، من بە فەرمانێكی دیوانی پێكمهێناوەو تائێستا ماوە، ئەوە بنەمای شەرعییەتی حەشدە.

نەفتالی بنیێت: 🔻هاوپەیمانییەك دژی ئێران و توركیاو قەتەر پێكدەهێنین و هەنگاوی کرداری دەنێین بۆ گۆڕینی ناوچەكەو سەرلەنوێ‌ رێكخستنەوەی درەو: نەفتالی بنیێت، كاندیدی پۆستی سەرۆك وەزیران لە هەڵبژاردنەكانی داهاتووی ئیسرائیل دەڵێت، ناتانیاهۆ ئێستا تەنانەت ناتوانێ تەلەفۆنێکیش بۆ عەبدولفەتاح سیسی، سەرۆكی میسر بکات، سەیربکەن ئیسرائیل گەیشتووینەتە کوێ. بینێت كە بەیەكێك لە ركابەرە توندەكانی ناتانیاهۆ ناسراوە، لە وتەیەكدا ئاماژەی بەوەكرد، پەیوەندییەکانمان لەگەڵ سعودیە و ئیندۆنیزیا و وڵاتانی تری ناوچەکە ئاسایی دەکەینەوە، هاوپەیمانییەک لە هێزە میانڕەوەکانی ناوچەکە دروست دەکەین بۆ روبەڕوبوونەوەی هێزە ئیسلامییەکان؛ واتە ئێران، قەتەر، تورکیا و هەموو هێزە توندڕەوەکان، هەنگاوی کرداری دەنێین بۆ ئەوەی ناوچەکە بگوڕین و داڕێژینەوە. جەختیش دەكات، ئەوان لە پشتی دیوارەكانەوە دانانیشین وەك ئەوە هەمووان پێنباشەو چاوەڕوانی دەكەن، بەڵكو دێینە ناو مەیدانەکە و خۆمان ناوچەکە دەگۆڕین.

دۆناڵد ترەمپ: 🔻ئێرانیەكان هەوڵ دەدەن كەشتیەكان ببینن؛ تەواوی ئەو کەلوپەلە نوێیانەمان لەناوبرد بە درێژایی گەرووی هورمز دەیانویست بونیادی بنێنەوە درەو: دۆناڵد ترەمپ، سەرۆكی ویلایەتە یەكگرتووەكانی ئەمریكا دەڵێت، شەوی رابردوو زۆر بە توندی لێماندان؛ تەواوی ئەو کەلوپەلە نوێیانەمان لەناو برد کە هەوڵیان دەدا بە درێژایی گەرووی هورمز بونیادی بنێن، هەندێکیان بەرگریی و هەندێکیان هێرشبەر بوون. ئێرانییەكان هەوڵیان دەدا کەشتییەکان ببینن چونکە ناتوانن بیانبینن، وەك دەزانن زۆرێک لە کەشتییەکانمان لەناو برد، ئەوان ناتوانن بیانبینن چونکە هیچ رادارێکیان نییە لەبەر ئەوەی ئێمە بە تەواوی لەناومان بردن.

دۆناڵد ترەمپ: 🔻ئێمە هەموو شتێك دەبینین تەنانەت كاتێك ئێرانییەكان دەچن بۆ دەستشۆڕيش دەیانبینین درەو: دۆناڵد ترەمپ، سەرۆكی ویلایەتە یەكگرتووەكانی ئەمریكا دەڵێت، ئئێمە ئەوە دەبین ئێرانییەكان دروستى دەکەن، تەنانەت ناتوانن بچن بۆ دەستشۆریش بێ ئەوەی ئێمە نەیبینین، بۆیە ئێمە هەموو شتێك دەبینین.

مارکۆ روبیۆ: 🔻یاداشتنامەی لێکتێگەیشتن بەسەرچووەو رێگەنادەین گەرووی هورمز لەژێر کۆنترۆڵی ئێراندابێت درەو: مارکۆ روبیۆ، وەزیری دەرەوەی ئەمریکا دەڵێت، یاداشتنامەی لێکتێگەیشتن بەسەرچووەو گەرووی هورمز ناچێتە ژێر کۆنترۆڵی ئێرانەوە. روبیۆ لە لێدوانێكی رۆژنامەوانیدا وتی، رژێمی ئێران لەژێر فشاردا دەمێنێتەوە بۆ ئەوەی نەتوانێت دەستی بەو پارانە بگات بۆ دابینکردنی دارایی تیرۆر بەکاریدەهێنێت. ئاماژەی بەوەشکرد، هەر شتێک هەڕەشە لە هێزەکانمان و کەشتیوانی نێودەوڵەتی بکات لە گەرووی هورمز دەیکەینە ئامانج و گەرووەکەش بە کراوەیی دەمێنێتەوە و ناچێتە ژێر کۆنترۆڵی ئێرانەوە. جەختیشكرد، ئێران بەردەوام بوو لە هێرشکردنە سەر کەشتییەکان بەتایبەت کەشتییە بازرگانییەکان لە گەرووی هورمز بەڵام لە ئێستادا کۆنترۆڵی گەرووەکەی لەدەستداوە.

بنیامین ناتانیاهۆ: 🔻لە كۆتایدا روبەڕووی رژێمی ئێران دەبینەوەو دەيڕوخێنین؛ هەموو دەزگاکانمان کار بۆ دەکەن درەو: بنیامین ناتانیاهۆ، سەرۆك وەزیرانی ئیسرائیل دەڵێت، پێموایە یەکێک لەو شتانەی کە پێویستە لێی تێبگەین ئەوەیە، دواجار روبەڕووی ئێران دەبینەوە؛ روبەڕووی سەری هەشت پێ‌ "ئەکتۆپوس" دەبینەوەو باڵەكانی دەقرتێنین، راستە "بەرەی شەڕانگێز" زیانی پێگەیشتووەو ئێمە زۆر بەتوندی لێمانداوە، فڕۆکەوانەکانمان لەوێ بوون، دەتوانن لە هەر ساتێکدا لەوێ بن. ناتانیاهۆ لە چاوپێكەوتنێكی تەلەفیزیۆنیدا وتی، دەتوانین لە هەر ساتێکدا هێرش بکەینە سەر ئێران، ئێمە ئەو رژێمە یەكلادەكەینەوە، دەڕوخێت، دەیڕوخێنین، بەرهەر حاڵ ئەو لەسەر قاچێكی تەختە وەستاوە. ناتانیاهۆ جەحتیشكرد، هەموو ئاژانسەکانمان لەژێر رێنمایی مندا، کار بۆ رووخاندنی ئەم رژێمە و یەکلاییکردنەوەی بابەتەکە دەکەن لەگەڵیدا. لەلایەكی ترەوە، دەستەی پەخشی ئیسرائیل لە زاری دۆناڵد ترەمپ، سەرۆکی ویلایەتە یەکگرتووەکانی ئەمریکاوە بڵاویكردووەتەوە، ئیسرائیل نابێت خەمی نوێبوونەوەی شەڕی لەگەڵ ئێراندا هەبێت.

🔻واشنتۆن ستیڤن ڤاگن كونسوڵی پێشووتری لە هەولێر وەک هەڵسوڕێنەری باڵیۆزخانەی ئەمریکا لە عێراق دیاریدەكات درەو: باڵیۆزخانەی ئەمریکا لە بەغداد بڵاویكردەوە، ستیفن فاگن، باڵیۆزی پێشووی ئەمریکا لە یەمەن، وەک هەڵسوڕێنەری نێردەی ویلایەتە یەکگرتووەکانی ئەمریکا لە عێراق دەستنیشان کراوە، لە شوێنی جۆشوا هاریس، کە ڕۆژی دووشەممەی رابردوو کۆتایی بە ئەرکەکانی هات. باڵیۆزخانەی ئەمریکا لە بەیاننامەیەکدا ئاماژەی بەوە کردووە، باڵیۆز فاگن پێشتر وەک باڵیۆزی ویلایەتە یەکگرتووەکانی ئەمریکا لە یەمەن کاری کردووە بەر لەوەش پۆستی جێگری سەرۆکی نێردەی ئەمریکای لە بەغداد بینیوە، جگە لەوەی کونسوڵی گشتی بووە لە هەولێر. بەیاننامەکە فاگنی بە خاوەنی ئەزموونێکی فراوانی هەرێمیایەتی ناوبردووەو ئاماژەی بەوە داوە، ئەمە یارمەتیدەر دەبێت لە بەهێزکردنی پەیوەندییەکانی نێوان ویلایەتە یەکگرتووەکان و عێراق. پۆستەکانی پێشووی ستیفن فاگن: -بەڕێوەبەری نوسینگەی كاروباری ئێران لە وەزارەتی دەرەوەی ئەمریکا (2015 - 2018).. -کونسوڵی گشتی ئەمریکا لە هەولێر (2018 - 2020) . -جێگری سەرۆکی نێردەی ئەمریکا لە باڵیۆزخانەی بەغداد(2020-2021) . -باڵیۆزی ویلایەتە یەکگرتووەکانی ئەمریکا لە یەمەن. -لە وڵاتانی پاکستان، تبلیسی (جۆرجیا) و قاهیرە (میسر) كاری كردووە.

🔻باوكم وازی له‌ كولیه‌ی عه‌سكه‌ری توركیا هێنا وتی من چۆن خزمه‌تی تورك بكه‌م..   مامۆستا گوزیده‌ قه‌فتان له‌ (خه‌رمانی دره‌و) چیرۆكی ژیانی خۆی ده‌گێڕێته‌وه‌

شارەزایەكی ئابوری عێراق: 🔻هەناردەی نەوتی عێراق گەیشتووەتە 2 ملیۆن و 340 هەزار بەرمیل لە رۆژێكدا 🔻لە 71٪ی کۆی هەناردەی نەوتە پێش داخستنی گەرووی هورمز 🔻 سۆمۆ سەركەوتوو بووە لە خۆگونجاندن لەگەڵ قەیرانی گەرووەکەدا درەو: نەبیل مەرسومی، شارەزای ئابوری عێراق لە تۆڕی كۆمەڵایەتی نوسيویەتی، بەرزبوونەوەی هەناردەی نەوتی خاوی عێراق بۆ 2,340 ملیۆن بەرمیل لە رۆژێکدا، کە دەکاتە 71٪ی کۆی هەناردەی نەوت پێش داخستنی گەرووی هورمز، بە ڕوونی ئاماژەیە بۆ سەرکەوتنی کۆمپانیای (سۆمۆ) لە خۆگونجاندن لەگەڵ قەیرانی گەرووەکەدا، لە ڕێگەی بەکارهێنانی سیاسەتی داشکاندنی نرخ و گرتنەبەری شێوازێکی نوێ لە گواستنەوەی نەوتی عێراق بۆ دەرەوەی گەرووەکە بە بەکارهێنانی کەشتیی بچووک، دواتر فروشتنی نەوتەکە لە دەرەوەی گەرووەکە بە نرخێکی باش.