draw media

ئەردۆغان: هەڵوەشانەوەی هەسەدە دەروازەیەكی نوێ لەناوچەكە دەكاتەوە. درەو: سەرۆکی تورکیا ڕەجەب تەیب ئەردۆغان سەرۆككۆماری توركیا لە كۆنگرەیەكی رۆژنامەوانیدا لەكاتی گەڕانەوەی لە قیرغیزستان: - هاوپەیمانیی مەککە بۆ بەرگریی هاوبەش کە لە نێوان تورکیا، سعودیە و پاکستاندا ئیمزا کراوە، لەپێناو سەقامگیری و ئاسایش لە ناوچەکەدا دامەزراوە. - ئێمە لە هەمووان زیاتر ئارەزووی ئەوە دەکەین کە سوریا یەکگرتوو و تەواو بێت بە هەموو پێکهاتەکانییەوە، ئەمەش بابەتێکی گرنگە بۆ گەشەپێدانی بەردەوام و بنیاتنانی تواناکانی - هەڵوەشاندنەوەی هەسەدە دەرگا لەسەر سەردەمێکی نوێ بۆ تەواوی ناوچەکە دەکاتەوە، - پێویستە لاپەڕەی تیرۆر و سەردەمی چەک و توندوتیژی دابخرێت.

به‌ڕێوه‌به‌ری گشتیی دیوانی وه‌زاره‌تی ناوخۆ: یەكێتی نایەڵێت بڕیارەكانی وەزارەتی ناوخۆ لە سلێمانی جێبەجێبكرێت درەو: د. هێمن میرانی به‌ڕێوه‌به‌ری گشتیی دیوانی وه‌زاره‌تی ناوخۆی‌ حكوومه‌تی‌ هه‌رێمی‌ كوردستان بۆ روداو: - یەكێتی نایەڵێت بڕیارەكانی وەزارەتی ناوخۆ لە سلێمانی جێبەجێبكرێت. - بەڕێوەبەری گشتی پۆلیسەكان و تیمەكانی وەزارەتی ناوخۆ لە هەولێر و سلێمانی باشترین پەیوەندییان هەیە، بەڵام هەندێك جار لەسەرو خۆیان پێیان دەوترێت. - رێگا نادەن سزای شۆفێری سلێمانی و هەڵەبجە ببینرێت بەڵام لە هەولێر و دهۆك دەبینرێت، بڕیارەكە سیاسیە. -

قازانجی کۆمپانیا گەورەکانی نەوت لە چارەکی دووەمی 2026 شیكاری: درەو 🔻 قازانجی گەورە کۆمپانیاکانی نەوت لە چارەکی دووەمی 2026 بەراورد بە چارەکانی دووەمی 2025؛ 🔹 قازانجی کۆمپانیا گەورەکانی نەوت لە چارەکی دووەمی ساڵی 2026دا بازدانێکی گەورەی تۆمار کردووە. 🔹 ئارامکۆی سعوودی لە چارەکی دووەمی 2026دا پێشەنگی قازانجی کۆمپانیا گەورەکانی نەوتی گرت، بە جۆرێک کە داهاتی پوختەی گەڕاوە بۆ خاوەن پشکەکان بە ڕێژەی (43%) گەشەی کرد و گەیشتە (32.4 ملیار) دۆلار. 🔹 کۆمپانیای ئەمریکیی ئێکسۆن موبیل (ExxonMobil) سەرکردایەتیی قازانجی کۆمپانیا گەورەکانی ڕۆژئاوای کرد، بە جۆرێک کە پوختەی قازانجەکەی بە ڕێژەی (105%) بەرز بووەوە و لە چارەکی دووەمدا گەیشتە (14.52 ملیار) دۆلار. 🔹 کۆمپانیای ئەمریکیی شیڤرۆنChevron) ) بە ڕێژەی (385%) بازی دا و لە چارەکی دووەمی 2026دا گەیشتە (12.1 ملیار) دۆلار. 🔹 قازانجی کۆمپانیای شێلShell) ) بە ڕێژەی (131%) بەرز بووەوە و لەو چارەکەدا کە لە مانگی حوزەیرانی ڕابردوو کۆتایی هات گەیشتە (9.84 ملیار) دۆلار. 🔹 قازانجی کۆمپانیای تۆتاڵ ئێنرجیTotal Energies) ) بە ڕێژەی (102%) زیادی کرد و لە چارەکی دووەمی 2026دا گەیشتە (5.44 ملیار) دۆلار https://drawmedia.net/news/world/19124-qazanci-kompania-gewrekani-newt-le-chareki-duemi-2026

پلەی گەرمی پارێزگاكانی هەرێمی كوردستان ئەمڕۆ و سبەی سەرچاوە: بەڕێوەبەرایەتی گشتی کەشناسی و بوومەلەرزەزانی هەرێم 2026/9/2

ئاوات شێخ جەنگی: ساڵێک زیاترە لاهور و پۆڵاد و هاوڕێ پێشمەرگەکانیان بە ناڕەوا دەستگیرکراون، پێنجشەممە لە دادگای سلێمانی دەبن، وەک خوشکێک وەک دایکێک پەنا بۆ ویژدانی دادوەران و ئەو سوێندە پیرۆزە دەبەم کە خواردوویانە، تکایە عادیلانە بڕیاربدەن، هیوادارم نەكەونە ژێر كاریگەری هیچ دەسەڵاتێكی سیاسییەوە، ئەمە تاقیکردنەوەی ویژدانتانە، کاتی ئەوەیە کۆتایی بەم ناڕەحەتییە بهێنرێت. ئیتر خۆتان و خوای خۆتان

سەركردەیەكی هاوپەیمانی عەزم: 🔻 رەوتی سەدر لەوپەڕی ئامادەباشیدان و هەر هەڕەشەیەك بۆ سەر زەیدی كۆتایی بە پرۆسەی سیاسی دەهێنێت لە عێراق درەو: ئاراس مەشهدانی، سەركردە لە هاوپەیمانی عەزم دەڵێت، رەوتی سەدر لەوپەڕی ئامادەشیدان و هەر هەڕەشەیەك بۆ سەر زەیدی كۆتایی بە پرۆسەی سیاسی دەهێنێت لە عێراق. مەشهدانی لە چاوپێكەوتنێنی تەلەفیزیۆنیدا راگەیاند، پشتیوانی موقتەدا سەدر بۆ عەلی زەیدی تەنها پشتیوانییەكی مەعنەوی نییە، بەڵكو پشتیوانییەكی جەماوەرییەو لەوپەڕی ئامادەباشیدان بۆ هەر پێشهاتێكی لەناكاو كە عەلی زەیدی بكاتە ئامانج و بەرژەوەندی وڵاتانی تر بخرێتە سەروو بەرژەوەندی عێراق و ئەوە كارێكی رەتكراوەیەو قبوڵی ناكەن. پێشتر موقتەدا سەدر پشتیوانی خۆی بۆ هەڵمەتی دەستگیرکردنى گەندەڵکاران راگەیاند کە لەلایەن عەلی زەیدی سەرۆک وەزیرانی عێراقەوە ئەنجامدراو بە هەوڵێکی قارەمانانەی چاكسازی ناویبردو زەیدى بە سەربازی دژە گەندەڵی ناوبردو ئۆباڵی بەرپرسیاێتی سەلامەتی ژیانی خستە ئەستۆی گەندەڵكاران.

دەستەی دەستپاكی فیدراڵی: 🔻 تۆڕێکی 11 كەسی تۆمەتبار بە ساختەکردنی مامەڵەی قەرز لە بانکی خانووبەرەی بابل دەستگیركران درەو: دەستەی دەستپاكی فیدراڵی دەڵێت، فەرمانی دەستگیرکردنی تۆڕێکی ساختەکردنی مامەڵەی قەرزى لە بانکی خانووبەرەى بابل جێبەجێكردووە، كە لە 11 تۆمەتبار پێكدێن و لە پرۆسەكەدا دەستگسراوە بەسەر کارتی قەرزو مۆرو بڕێک پارە و زێڕومۆڕ لە ماڵی تۆمەتباران. دەستەی دەستپاكی روونیشیکردووەتەوە، تۆڕەکە لە شەش فەرمانبەری بانکەکە و پێنج راییکاری مامەڵەکان پێکهاتووە، کە کاری ساختەکردنیان لە مامەڵەکانی قەرز و دەستپێشخەریی بانکی ناوەندیدا کردووە. ئاماژەی بەوەش کردووە، تۆرەکە بووەتە هۆی گەیاندنی زیان بە سامانی گشتی کە بەپێی لێکۆڵینەوەکانی تا ئەم ساتە، بە نزیکەی نیو ملیار دیناری عێراقی مەزەندە دەکرێت.

لیژنەی دارایی لە پەرلەمانی عێراق: 🔻 پێشنیازی یاسای قەرزکردن رەوانەی ئەنجومەنی وەزیران کراوە بۆ لێکۆڵینەوەو وردبینی یاسایی پێش ئەوەی خوێندنەوەی یەکەمی لە پەرلەمان بۆ بکرێت درەو: لیژنەی دارایی لە پەرلەمانی عێراق، ئه‌مڕۆ چوارشەممە راگەیاند، پێشنیازی یاسای قەرزکردن رەوانەی ئەنجومەنی وەزیران کراوە بۆ لێکۆڵینەوە و وردبینیی یاسایی پێش ئەوەی خوێندنەوەی یەکەمی لە پەرلەمان بۆ بکرێت، ئاماژەی بەوەش دەكات یاساکە تەنها پەیوەندی بە قەرزی دەرەکییەوە هەیە بۆ پشتیوانیکردنی پڕۆژە ستراتیجییە گرنگەکان. ناسر تورکی، ئەندامی لیژنەی دارایی پەرلەمان، لە لێدوانێکدا بۆ ئاژانسی هەواڵی عێراقی رایگەیاندووە، پێشنیازی یاسای قەرزکردن کە لەلایەن وەزیری دارایی، فالح ساری، پێشکەش بە لیژنەی دارایی کرابوو، رەوانەی ئەنجومەنی وەزیران دەکرێت بۆ لێکۆڵینەوە و وردبینیی یاسایی پێش ئەوەی خوێندنەوەی یەکەمی لە پەرلەمان بۆ بکرێت. وتیشی، یاساکە تەنها قەرزی دەرەکییە، بۆ پشتیوانیکردنی پڕۆژە ستراتیجییە گرنگەکانی وەک کارەبا و تەندروستی و بۆ بەردەوامیدان بە پڕۆژە بەردەوامەكان.

🔻 بەهای (100) دۆلار بەرامبەر بە (154,450) دینارە

سیاسیەكی دیاری ئێران: 🔻 چین بە مەرجی كردنەوەی گەرووی هورمزو وەرنەگرتنی هیچ باجێك رێگە بە قالیباف دەدات سەردانی وڵاتەكەی بكات درەو: حسێن مەرعەشی، کەسایەتی سیاسی دیاری ئێران و ئەمینداری گشتی پارتی "کارگوزاران" لە چاوپێكەوتنێكی تەلەفیزیۆنیدا راگەیاند، سەرۆك كۆمار خۆی وتی، ئەرکی بەدواداچوونی رێککەوتننامەی 25 ساڵەی ئێران و چین سپێردراوە بە قالیباف، بەڵام ئێمە هێشتا دەقی رێککەوتنەکەمان لەبەردەستدا نییە، ئەوان زۆر بە روونى بە ئێمەیان وت، ئەم خاڵانە جێبەجێبكەن ئەوكات قالیبف بێت بۆ چین. 1-ئێران دەبێت گەرووی هورمز بکاتەوە. 2- لە کاتی تێپەڕین بە گەروودا هیچ پارە و باجێك نەسەپێنێت. 3-ناکۆکییەکان لەگەڵ سعودیە دەبێت چارەسەر بکرێن. 4-ناکۆکیەکان لەگەڵ ئەمەریکا دەبێت چارەسەر بکرێن.