draw media
Kanalga Telegram’da o‘tish
5 163
Obunachilar
-324 soatlar
+17 kun
+4030 kun
Postlar arxiv
5 164
🔻"توركیا ته‌كنیكارو شاره‌زا بۆ سعودیه ده‌نێرێت و به‌شداری ئۆپراسیۆنی هێرشبه‌رانه ناكات"
(دره‌و):
ئاژانسی (رۆیته‌رز) له‌زاری په‌رله‌مانتارێكی پارتی دادو گه‌شه‌پێدانی (ئاكه‌په) ده‌سه‌ڵاتداری توركیاوه:
🔹بۆ بڵاوكردنه‌وه‌ی سه‌ربازانی توركیا له سعودیه، حكومه‌تی توركیا داواكارییه‌ك پێشكه‌شی په‌رله‌مان ده‌كات ئه‌مه به‌گوێره‌ی رێككه‌وتنی به‌رگری هاوبه‌شی نێوان توركیاو سعودیه‌و پاكستان.
هه‌ر دوای په‌سه‌ندكردنی پرۆژه یاسای تایبه‌ت به رێككه‌وتنه ئه‌منییه هاوبه‌شه‌كه، داواكه‌ی حكومه‌ت بۆ بڵاوكردنه‌وه‌ی سه‌ربازانی توركیا له سعودیه له‌ناو په‌رله‌مان ده‌خرێته‌ڕوو.
🔹رێككه‌وتنی سێقۆڵی "مه‌ككه" كه رۆژی 3ی ئابی رابردوو ئیمزا كرا، دوێنێ له توركیا ره‌وانه‌ی په‌رله‌مان كرا بۆ ئه‌وه‌ی په‌سه‌ند بكرێت، به‌مه‌ش دووه‌م گه‌وره‌ترین سوپای (ناتۆ) نزیك ده‌بێته‌وه له‌وه‌ی پابه‌ند ببێت به به‌رگری هاوبه‌ش له‌گه‌ڵ سعودیه، له‌كاتێكدا كه سعودیه روبه‌ڕووی هێرشی حوسییه‌كانی هاوپه‌یمانی ئێران ده‌بێته‌وه.
🔹هه‌ر هێزێك كه توركیا له وڵاتانی تر بڵاوی بكاته‌وه، به‌گوێره‌ی رێككه‌وتنه‌كه به‌شدار نابێت له ئۆپراسیۆنه هێرشبه‌رییه‌كاندا.
🔹له‌سه‌ره‌تاوه توركیا كه‌سانی ته‌كنیكارو و شاره‌زا ره‌وانه‌ی سعودیه ده‌كات بۆ یارمه‌تیدان له بواری به‌رگریی ئاسمانی و ته‌كنه‌لۆژیای جه‌نگی ئه‌لیكترۆنی و شێوه‌كانی تری پشتیوانی به‌رگری.
5 164
وته‌بێژی حكومه‌تی عێراق
🔻بۆ كردنه ده‌ره‌وه‌ی چه‌كدارانی كورد؛ له‌گه‌ڵ توركیاو ئێران هه‌ماهه‌نگیمان هه‌یه
(دره‌و):
حه‌یده‌ر عه‌بودی وته‌بێژی حكومه‌تی عێراق بۆ ئاژانسی فه‌رمی هه‌واڵه‌كانی عێراق:
🔹راگرتنی كاركردن له ده‌روازه‌ی سنوری (شه‌یب) هه‌نگاوێكه به ئاڕاسته‌ی به‌رزكردنه‌وه‌ی ئاستی ئاماده‌یی ده‌روازه‌كه له‌ڕووی ته‌كنیكی و لۆجستییه‌وه، ده‌روازه‌كه له‌ڕووی هونه‌ری و ته‌كنیكی و په‌ره‌پێدانه‌وه ئاماده نه‌بوو.
🔹زیاتر له دەروازەیه‌كی سنوریی هه‌یه کە به‌شێوه‌ی رێك و پێك ئاڵوگۆڕی بازرگانی له‌گه‌ڵ ئێران ده‌كه‌ن.
🔹هیچ باره‌گایه‌كی حوسییه‌كان له‌ناو عێراقدا نییه‌و بابه‌ته‌كه پێویستی به هیچ فه‌رمان یاخود بڕیارێكی حكومی نییه، چونكه بابه‌ته‌كه له بنه‌ڕه‌ته‌وه بوونی نییه.
🔹بوونی گرووپی چەکداری وڵاتانی دیکە لەناو عێراق پێچەوانەی بنەما دەستورییەکانە.
🔹عێراق نابێت به شوێنی هێرش بۆسه‌ر وڵاتانی دراوسێ، هیچ گروپێكی چه‌كداریش له ئامێز ناگرێت كه به‌شداربێت له ململانێیه‌كی دیاریكراو.
🔹ئاستێكی به‌رزی هه‌ماهه‌نگی له‌گه‌ڵ توركیا هه‌یه بۆ یه‌كلاكردنه‌وه‌ی دۆسیه‌ی پارتی كرێكارانی كوردستان و كردنه ده‌ره‌وه‌ی ئه‌ندامه‌كانی له عێراق.
🔹له‌گه‌ڵ ئێرانیش هه‌ماهه‌نگی هه‌یه له‌رێگه‌ی لیژنه‌یه‌كی باڵاوه بۆ یه‌كلاكردنه‌وه‌ی دۆسیه‌ی بوونی چه‌كدارانی كوردی ئێران له‌ناو خاكی عێراق و به دیاریكراویش له هه‌رێمی كوردستان.
5 164
🔻"كۆشكی سپی خواستی بۆ لێكتێگه‌یشتن نیشان نه‌داوه؛ له‌ئێستادا هیچ به‌ره‌وپێشچوونێك نییه"
(دره‌و):
عه‌باس عێراقچی وه‌زیری ده‌ره‌وه‌ی ئێران له وتارێكدا له رۆژنامه‌ی (فاینانشاڵ تایمز)ی به‌ریتانی:
🔹لە کاتێکدا ئێران پابەندە بەوه‌ی بە دوای چارەسەری ئاشتیانە و شەرەفمەندانه‌ی ململانێكاندا بگه‌ڕێت، بە تەواوی ئامادەین بۆ بەرگریکردن لە خۆمان.
🔹کۆشکی سپی هیچ خواستێکی بۆ گەیشتن بە لێکتێگەیشتن نیشان نەداوەو، هیچ هۆکارێک نییە بۆ ئه‌وه‌ی له‌ئێستادا پێشبینی به‌ره‌وپێشوون بكرێت.
5 164
بارزانی بۆ هه‌ڵسوڕێنه‌ری باڵیۆزخانه‌ی ئه‌مریكا
🔻یاسای هه‌ڵبژاردنه‌كان هه‌مواربكرێته‌وه بۆ ئه‌وه‌ی کەس لە جێگەی كریستیانه‌كان بڕیار نەدات
(دره‌و):
مەسعود بارزانی سه‌رۆكی پارتی له كۆبونه‌وه‌یه‌كدا له‌گه‌ڵ ستیڤ فەیگن هەڵسوڕێنەری کاروباری باڵیۆزخانەی ئەمەریکا لە عێراق:
🔹لەسەر بنەمای دەستورو پڕەنسیپەکانی هاوبەشی و هاوسەنگی و سازان پەیوەندییەکانمان لەگەڵ عێراق ڕێکخستوه‌تەوە.
🔹ئەگەر حکومەتەکانی پێشووتری عێراق پابەندی ئەم بنەمایانە بوونایە دەستکەوتی زۆر زیاتر بۆ عێراق و هەموو پێکهاتەکان بە گشتی دەهاتنەدی.
🔹پشتیوانی لە سەرۆک وەزیرانی ئێستای عێراق دەکەین لەچوارچێوەی دەستوور و پاراستنی مافە ڕەواکانی گەلی کوردستان کە لە دەستووردا هاتوون.
🔹پشتیوانی له پێکهاتەکانی کوردستان ده‌كه‌ین بەتایبەت خوشک و برایانی کریستیان لەسەر بنەمای ڕێز و مافی دەستوری و شەڕاکەتیان و، دەبێت پێکهاتەکان خۆیان بڕیار لە چارەنووسی خۆیان بدەن.
🔹جه‌خت له بایه‌خی هەمواری یاسای هەڵبژاردنەکان ده‌كه‌ین بۆ ئەوەی خوشک و برایانی کریستیان ئیرادەی خۆیان لای خۆیان بێت و کەس لە جێگەی ئەوان بڕیار نەدات.
🔹سیاسەتی ئێمە هەر لەسەرەتاوە ڕوون و ئاشکرابووە و ئێمە بەشێک نەبووین لە ئاڵۆزییەکان و بەشێکیش نابین لە ململانێ و کێشەکان. لەگەڵ ئەوەشدا پێمان باشە هەموو لایەک بە گفتوگۆ و دیالۆگ و ڕێگەی دیپلۆماسی کێشەکانیان چارەسەر بکەن.
5 164
🔻هه‌فته‌ی ئاینده عه‌لی زه‌یدی سه‌ردانی سوریاو لوبنان ده‌كات
(دره‌و):
سه‌رچاوه حكومییه‌كان له به‌غداده‌وه:
🔹هه‌فته‌ی ئاینده عه‌لی زه‌یدی سه‌رۆك وه‌زیرانی عێراق سه‌ردانی سوریاو لوبنان ده‌كات.
🔹زه‌یدی له‌م گه‌شتانه‌دا سه‌رۆكایه‌تی وه‌فێكی حكومی ده‌كات و، له سوریاو لوبنان گفتوگۆ له‌سه‌ر چه‌ند پرسێكی گرنگ و هاوش ده‌كات.
🔹بڕیاره زه‌یدی سه‌ره‌تا سه‌ردانی لوبنان بكات و دواتر بچێته سوریاو له‌وێوه بگه‌ڕێته‌وه بۆ به‌غداد.
🔹سه‌ردانه‌كه‌ی دوای ئه‌وه دێت چوارشه‌ممه‌ی رابردوو سه‌ردانی سعودیه‌ی كردو بڕیاره سه‌ردانی كوه‌یتیش بكات.
5 164
🔻عێراق ده‌روازه‌ی (شه‌یب)ی به‌ڕووی ئێراندا داخست؛ سنوره‌كان له‌ڕووی ئه‌منییه‌وه رێكده‌خرێنه‌وه
(دره‌و):
وه‌زاره‌تی ناوخۆی ئێران رایگه‌یاند، داخستنی ده‌روازی سنوری (شه‌یب) له‌لایه‌ن عێراقه‌وه به‌بێ ئاگاداركردنه‌وه‌ی پێشوه‌خته‌ی ئێران بووه.
عه‌لی زه‌ینی وه‌ند وته‌بێژی وه‌زاره‌تی ناوخۆی ئێران له كۆنگره‌یه‌كی رۆژنامه‌وانیدا وتی: لایه‌نه په‌یوه‌ندیداره‌كان چاودێری بابه‌ته‌كه ده‌كه‌ن و، داخستنی ده‌روازه سنورییه‌كه كاتییه‌وه‌و بۆ ماوه‌یه‌ك ده‌بێت له‌نێوان كاتژمێرێك بۆ چه‌ند كاتژمێرێك، هۆكاره‌كه‌شی ئه‌منییه‌و شتێكی ئاساییه‌و پێویستی به ئاگاداركردنه‌وه‌ی پێشوه‌خته‌ی لایه‌نه‌كه‌ی تر نییه.
"به‌پێی رێككه‌وتنی هاوبه‌شی نێوان عێراق و ئێران له‌باره‌ی به‌ڕێوه‌بردنی ده‌روازه سنورییه‌كان، ئه‌گه‌ر بڕیار بدرێت له‌سه‌ر داخستنی هه‌ر ده‌روازه‌یه‌ك بۆ ماوه‌یه‌ك كه له رۆژێك زیاتر بێت، ده‌بێت له‌لایه‌نه‌كه‌ی تر له‌و بڕیاره ئاگادار بكاته‌وه" وته‌بێژه‌كه‌ی وه‌زاره‌تی ناوخۆی ئێران وا ده‌ڵێ.
ده‌سه‌ڵاتدارانی عێراق ئه‌مڕۆ رایانگه‌یاند، ده‌روازه‌ی سنوری (شه‌یب) له‌گه‌ڵ ئێران، تاكاتێكی نادیار داخراوه به‌ڕووی گه‌شتیارو ئۆتۆمبیل و بارهه‌ڵگره بازرگانییه‌كان.
ئه‌مه هه‌نگاوێكه كه به‌وته‌ی سه‌رچاوه‌كان، ئامانج لێی سه‌رله‌نوێ پێداچوونه‌وه‌یه به رێكخستنه ئه‌منییه‌كان له‌و ده‌روازه‌یه، ئاژانسی (رۆیته‌رز) ئه‌م زانیارییه‌ی بڵاوكرده‌وه.
هه‌ندێك سه‌رچاوه‌ی تر باسله‌وه ده‌كه‌ن، بڕیاره چه‌ند رۆژی ئاینده چه‌ند ده‌روازه‌یه‌كی تری سنوریی له‌گه‌ڵ ئێران داده‌خرێن، 6 ده‌روازه‌ی سنوری عێراق به ئێرانه‌وه ده‌به‌ستنه‌وه، هێشتا دیار نییه چه‌ند له‌م ده‌روازانه رێكخستنه‌وه‌ی ئه‌منییان بۆ ده‌كرێت و داده‌خرێن.
ئاژانسی (مهر)ی ئێران له‌زاری سه‌رچاوه ئاگاداره‌كانه‌وه بڵاویكرده‌وه، بڕیاره‌كه‌ی به‌غداد بۆ داخستنی ده‌روازه سنورییه‌كان له‌سه‌ر داوای ئه‌مریكایه‌و له‌چوارچێوه‌ی گۆشه‌گیركردنی ئابوری ئێراندایه.
به‌قسه‌ی ئه‌م ئاژانسه، ئه‌گه‌ر بڕیاره‌كه جێبه‌جێ بكرێت ته‌نیا دوو ده‌روازه‌ی سنوری له‌نێوان عێراق و ئێران به كراوه‌یی ده‌مێننه‌وه.
مانگی رابردووش به هه‌مان شێوه ده‌سه‌ڵاتدارانی عێراق ده‌روازه‌ی (شه‌یب)یان داخست، ئه‌وكاتش داخستنه‌كه په‌یوه‌ندیدار بوو به دۆسیه‌ی لێكۆڵینه‌وه هێرشی درۆنی بۆسه‌ر سعودیه له سنوری پارێزگای میسانه‌وه، كه ده‌كه‌وێته سنوری عێراق و ئێرانه‌وه.
5 164
بەڕێوەبەرایەتی کەشناسی سلێمانی:
🔻لە درەنگانی شەودا رێژەی دابارین لە سنوری هەولێر و سلێمانی و هەڵەبجە و دهۆک و چەند ناوچەیەكی تر زیاد دەكات
درەو:
بەڕێوەبەرایەتی کەشناسی و بومەلەرزەزانی سلێمانی:
کەشی پێشبینیکراوی 48 کاتژمێری داهاتوو
ئەمڕۆ چوار شەممە 21– 10 -2026
کەش/ ئاسمان هەوری تەواو دەبێت لە زۆربەی کاتەکاندا لە ئێوارەوە ئەگەرێ چاڵاک بوونی هەورە بروسکە و بارینی بارانێکی کەم لە کات و شوێنی جیا جیادا دەبێت، لە درەنگانی شەودا رێژەی دابارین زیاد دەکات بە تایبەت لە ناوچەکانی سنووری پاڕیزگای هەولێر و سلێمانی و هەڵەبجە لەگەڵ باشوور و باشووری رۆژهەڵاتی پارێزگای دهۆک و ئیدارەی سەربەخۆی سۆران و راپەرین وە بەشێک لە سنووری ئیدارەی گەرمیان.
خێرای با / لەسەرخۆ - مامناوەند (10 - 20) کم/لە کاتژمێرێکدا.
ئاراستەی با / باکووری خۆرهەڵات بۆ باکووری خۆرئاوا دەبێت.
مەودای بینین / لەنێوان ( 8– 10) کم دەبێت.
پلەکانی گەرما / نزم دەبێتەوە بە ( 1 – 2 ) پلە دەبێتەوە بە بەراوورد بە تۆمارەکانی دوێنێ.
بەرزترین پلەکانی گەرمای پێشبینیکراو بە پلەی سیلیزی
هەولێر: 27 پلەی سیلیزی
پیرمام: 25 پلەی سیلیزی
سلێمانی: 27 پلەی سیلیزی
هەڵەبجە: 26 پلەی سیلیزی
چەمچەماڵ: 28 پلەی سیلیزی
دهۆک: 27 پلەی سیلیزی
زاخۆ: 27 پلەی سیلیزی
ئاکرێ: 28 پلەی سیلیزی
گەرمیان: 31 پلەی سیلیزی
حاجی ئۆمەران: 20 پلەی سیلیزی
سبەی پێنچ شەممە 22– 10 -2026
کەش/ ئاسمان هەوری تەواو دەبێت، لە کاتەکانی بەیانی کاریگەری باران بارین و هەورە تریشقە تا کاتەکانی نیوەرۆ لەسەر ئەم ناوچانە بەردەوامی دەبێت ( ئیدارەی سەربەخۆی سۆران و ناوچە شاخاویەکانی، بەشێک لە ناوچەی جیا جیای پارێزگای هەولێر، ئیدارەی ڕاپەرین، بەشێک لە سنووری پارێزگای سلێمانی و هەڵەبجە لەگەڵ ناوچەی جیا جیای ئیدارەی گەرمیان) لە دوای نیوەرۆ وە ئاسمان لە نێوان پەڵە هەور و نیمچە هەور دەبێت.
خێرای با / لەسەرخۆ - مامناوەند (10 - 20) کم/لە کاتژمێرێکدا.
ئاراستەی با / باکووری خۆرئاوا دەبێت .
مەودای بینین / لەنێوان ( 8 – 10) کم دەبێت.
پلەکانی گەرما / نزیک دەبێتەوە بەراوورد بە تۆمارەکانی ئەمرۆ .
بەرزترین پلەکانی گەرمای پێشبینیکراو بە پلەی سیلیزی
هەولێر: 28 پلەی سیلیزی
پیرمام: 26 پلەی سیلیزی
سلێمانی: 27 پلەی سیلیزی
هەڵەبجە: 27 پلەی سیلیزی
چەمچەماڵ: 28 پلەی سیلیزی
دهۆک: 28 پلەی سیلیزی
زاخۆ: 28 پلەی سیلیزی
ئاکرێ: 29 پلەی سیلیزی
گەرمیان: 31 پلەی سیلیزی
حاجی ئۆمەران: 20 پلەی سیلیزی
5 164
پارتی ئازادی كوردستان:
🔻ئێران بە چوار موشەكی بالیستی هێرشی كردووەتە سەر بارەگەیەكی سوپای میللی كوردستان لە دەڤەری بالیسان و هیچ زیانێكی گیانی نەبووە
درەو:
پارتی ئازادی كوردستان لە راگەیەندراوێكدا دەڵێت، لە كاتژمێر ٩:٢٢ خولەكی بەیانی ئەمڕۆ، هێرشێکی هاژەکیی ئێران بۆ سەر یەکێك لە بارەگاکانی سوپای میللیی کوردستان لە دەڤەری هەریر- بالیسان دەستی ئەنجامدراوە، هەتا ئێستا چوار هاژەکی بالستیک هاویشتراوە، بە هۆی چۆڵ کردنی پێشوەختەی بارەگاکە، هیچ زیانێک لە پێشمەرگە نەکەوتووە، ئەوەی خەسار بووە هاژەکەکانن کە لەسەر حیسابی ژیان و گوزەرانی خەڵک دروست کراون.
5 164
🔻حكومەتی عێراق نوێنەرایەتی حوسییەكانی لە بەغداد ئاگادار كردووە بە قەدەغەكردنی تەواوی چالاكییەكانیان
" بەبێ ئاگاداری حكومەتی عێراق بۆیان نییە لە ناو بەغدادو پارێزگاكانی دیكە هیچ جوڵەیەك بكەن"
درەو:
حکومەتی عێراق سەرکردەو کەسایەتییەکانی سەر بە گرووپی ئەنساروڵا (حوسییەكانی یەمەن)ی كە ئێستا لە عێراقن، ئاگادار کردەوە لەوەی رێگەیان پێنادرێت لە چوارچێوەی خاکی عێراقدا بەشداری لە هیچ چالاکیەکی میدیایی و سیاسی یان قەدەغە کراودا بكەن.
بەرپرسێکی باڵا لە نوسینگەی سەرۆک وەزیرانی عێراق، بە رۆژنامەی "العربي الجدید"ی راگەیاندووە، رێنماییەکە قەدەغەکردنی تەواو بەسەر ئەندامانی گروپەکەدا دەسەپێنێت کە لە ساڵی 2018ەوە لە عێراقن، لە چوارچێوەی نوسینگەی نوێنەرایەتی ئەنساروڵا"و رێگەیان پێنادرێت بە ئەنجامدانی دیدارو کۆبوونەوە، کۆنفرانسی رۆژنامەوانی یان سیمینار، یان جوڵەكردن لە دەرەوەی چوارچێوەی یاسا كارپێكراوەكانی نیشتەجێبوون لە عێراق.
بەگوێرەی زانیارییەکان، حکومەتی عێراق شوێنی نیشتەجێبوونی نوێنەرایەنی حوسییەکانی دەستنیشانکردووە و فەرمانی کردووە کە پێشوەختە ئاگاداری بکەنەوە سەبارەت بە هەر گەشتێک لە ناو پایتەخت یان پارێزگاکانی دیکە.
ئەو بەرپرسە ئاماژەی بەوەشکردووە، چەند رۆژێک لەمەوبەر ئەندامانی گروپەکە لەو بڕیارە ئاگادارکراونەتەوە، رێنماییەکە بە روونی هەر چالاکییەک کە دژی سعودیە یان دەوڵەتانی دیکەی ناوچەیی بکرێت لە ناو خاکی عێراقەوە قەدەغە دەکات، ئەو کارانە بە پێشێلکردنی بنەماکانی دراوسێیەتی باش و دەستوەرنەدان لە کاروباری گەلانی دیکە دادەنرێت، لە دەستوری عێراقدا چەسپاون.
جەختیشكردووە، ئەندامانی گرووپەکە چیتر رێگەیان پێنادرێت هیچ چالاکیەکی سیاسی یان میدیایی پەیوەندیدار بە شەڕی ئێستای یەمەن رێکبخەن.
