ልህቀት የንባብ ባህል ማጎልበቻ ማዕከል

Kerawi hotel hawasa now starting the book review with Doctor Bedlu wakjira

ሰላም ወዳጆቼ እንዴት ናችሁ ዛሬ አዋሳ መስቀል አደባባይ ተገኝቼ የተወደደ ወንድም በንባብ አዋሳ ላይ በመትጋት የሚገኘ እዮብ አግኝቼ ሦስት መፅሐፍ በመግዛት ለኔ ጥቅም ለእዮብ ደግሞ ስራ በርታ ብያለሁ አዋሳ ያላችሁ ብቅ ብላችሁ መፅሐፍ በመግዛት ለጥቅማችሁ እንድትመጡ እጋብዛለሁ። በተጨማሪ የሁል ግዜ መፅሐፍ ዳሳሻችን ምስጋና ያደነቀውን መፅሐፍ ሸሙኔን አግኝቻለሁ ምስጌ ለጥቆማህ አመሰግናለሁ ። መልካም ቅዳሜ

ነገ ምሽት በተለመደው ሰዓት እንገናኛለን። ስለሀገሮች ወደፊት መራመድና ወደኋላ ቀረት ማለት የምንባባለው ይኖረናል። አቅራቢያችን #ኤባ_እስራኤል ነው። ልህቀት ነገ ምሽቱ ከ 3:00 ሰዓት ጀምሮ ከእናንተ ጋር ነው!

“በሀይሉ ገብረመድህን የሚላት አንድ አባባል አለች ‘ከብሩህ አንጎል ደብዛዛ ማስታወሻ ይሻላል።’ የሚለዉ ነገር አለዉ እዉነት ይመስለኛል ብሩህ አንጎል አንድ ቀን ይረሳል ደብዛዛ ማስታወሻ ግን የያዘዉን ይዞ ይቀመጣል ስለዚህ ወጣቶች ይሄንን ሚያስዉሉ ደስ ይለኛል ።” ——————————— ገጣሚ ደራሲና ተርጓሚ ነብይ መኮንን እንደነገረን ፣ በሀይሉ ገብረመድህን ጨዋታ አዋቂ የስታቲክስ ባለሙያ ነዉ የነብይ የረጅም ጊዜ ወዳጅ ።

አርብ ሀዋሳ ዩኒቨርሲቲ ከኢትዮጵያ ብሔራዊ ቤተመዛግብትና ቤተመጽሐፍት ባለሥልጣን ጋር በጋራ ያዘጋጁትና ሀዋሳ ታነብባለች በተባባሪነት የተሳተፍንበት የመጽሀፍ ባዛር መስቀል አደባባይ ይጀምራል። ቅዳሜ ተወዳጆቹና ድንቅ ብቃት ይዘው የመጡት ሁለት ደራሲያን ከቀኑ 8 ፡00-10፡00 ሰዓት ቡና እየጠጣን እንጨዋወት ብለዋል። ቅዳሜ ከ10፡30 ጀምሮ ኬራዊ ኢንተርናሽናል ሆቴል ከዶር በድሉ ዋቅጅራ ጋር ድንቅ ጊዜ ይኖረናል። እሁድ 9፡30 ጀምሮ የሀዋሳ ታነብባለች የጥቅምት ወር እንግዳችንን የአንጋፋው ምሁር ዶር ዓለማየሁ አረዳ ሶስት መጽሀፍት ላይ ውይይት፣ የፊርማና የፎቶ ፕሮግራም በኬራዊ ኢንተርናሽናል ሆቴል ተዘጋጅቷል። እኛ ደክመናል፤ እናንተ ተገኝታችሁ በጋራ ደስ ይበለን።

የፊታችን ቅዳሜ ጥቅምት 28 ከቀኑ 8:00 ሰዓት እስከ 10:00 ሰዓት #አሃቫ የተሰኘው መጽሐፍ በ 'Taste of Nardi Book Club' (https://t.me/taste_of_nardi) ይመረቃል። የመጽሐፉ የሽያጭ ገቢ ሙሉ በሙሉ ለበጎ አድራጎት ዓላማ የሚውል ነው። በዚህም መሰረት ለተስፋ አዲስ የካንሰር ህሙማን ማዕከል ገቢ እንደሚደረግ ታውቋል።

Addis Admass: ዶክተር ዓለማየሁ አረዳ አራተኛ መጽሐፋቸውን አስመረቁ ዶክተር ዓለማየሁ አረዳ "ምሉዕነት፤ ምሉዕ ሕብረተሰብ የመገንባት ጥበብ" የተሰኘ አራተኛ መጽሐፋቸውን በድምቀት አስመርቀዋል። በትናንትናው ዕለት በአድዋ መታሰቢያ አዳራሽ በተከናወነው የምረቃ መርሐ ግብር ላይ የአዲስ አበባ ከተማ አስተዳደር ከንቲባ ክብርት አዳነች አቤቤን ጨምሮ ከፍተኛ የመንግስት ሃላፊዎች እና ጥሪ የተደረገላቸው ዕንግዶች ተገኝተዋል። በተመረቀው አዲስ ምርምር ቀመስ መጽሐፍ ላይም የዳሰሳ ጽሑፎች ቀርበዋል። በመጽሐፉ ላይ የዳሰሳ ጽሑፍ ያቀረቡት በኢትዮጵያ ፐብሊክ ሰርቪስ ዩኒቨርሲቲ መምሕር የሆኑት ዶክተር ዋቅጋሪ ነገሪ መጽሐፉን “የብርሃን መጽሐፍ” ሲሉ የሰየሙት ሲሆን፣ የመጽሐፉ ሽፋን እና አጠቃላይ የውስጥ ይዘት በጨለማ ውስጥ ያለፈውን ታሪካዊ ፈተናና ትግል አቅፎ፣ ሕብረተሰቡን ብሩሕ ወደሆነ አዲስ አድማስ እና ተስፋ የሚያሻግር መሆኑን ገልጸዋል። መጽሐፉ ከግለሰብ ሐዘን እና ስብራት ባለፈ፣ አጠቃላይ የአገርንና የሕብረተሰቡን ሁለንተናዊ ፈውስ ሰላምና አብሮነት ማረጋገጥ የሚያስችል ጥልቅ ዕውቀት እንደያዘ አመላክተዋል። ከዚህም ባለፈ፣ አገርን ወደ ምሉዕነት ሂደት ለመውሰድ ከመንግስታዊ ማዕቀፍ ባለፈ የሕብረተሰቡን ሁለንተናዊ ተሳትፎ የሚጠይቅ መሆኑን ተገልጿል። ታሪካዊ ክስተቶችን ከመረመረው ከዚህ መጽሐፍ በመነሳት፣ ነገን በጠንካራ የጋራ መግባባት መገንባት እንደሚገባ አጽንኦት ተሰጥቶበታል። "ምሉዕነት" ከ"መደመር" ዕሳቤ ጋር ጥብቅ ቁርኝት እንዳለው በመርሐ ግብሩ ላይ ሲነገር፣ ተመጋጋቢ የሆኑ ዕይታዎች እንዳሉትም ተብራርቷል። እንዲሁም መጽሐፉ የግለሰብን ውስጣዊ ዕድገት ከማሕበረሰብ ጥንካሬ ጋር በማገናኘት፣ ልዩነትን አጣጥሞ አካታች ፖለቲካን እና የጋራ ብልጽግናን መገንባት የሚቻልበትን የ"መደመር" ዕሳቤ ፋይዳ በጥልቀት "ያብራራል" ተብሏል። የመጽሐፉ ደራሲ ዶክተር ዓለማየሁ አረዳ በበኩላቸው፣ "ምሉዕነት" የተሰኘው አዲሱ መጽሐፋቸው የውይይት ርዕስ እንደሚሆን ያላቸውን ተስፋ ገልጸዋል። በተጨማሪም፣ ሌሎች መጽሐፎች እንዲጻፉ እንደመነሻ ሃሳብ ሊያገልግል እንደሚችል ጠቁመው፣ መጽሐፉን በማዘጋጀት ሂደት ውስጥ ልጆቻቸው እና ሌሎች ግለሰቦች ያደረጉት አስተዋጽዖ አንስተው አመስግነዋቸዋል። የአዲስ አበባ ከተማ አስተዳደር ከንቲባ ክብርት አዳነች አቤቤ "አገራችን ኢትዮጵያ ያሏትን ውብ ባሕሎች፣ የሰላም ዕሴቶች እና ታሪካዊ ትስስሮች ይበልጥ በማጠናከር ሂደት ውስጥ የመጽሐፉ ይዘት ትልቅ ፋይዳ አለው" ሲሉ ተናግረዋል። በመጽሐፉ ለይ የተነሱትን ሃሳቦች ወደ መሬት አውርዶ በባለቤትነት መንፈስ መተግበር የሁሉም ዜጋ ሃላፊነት ሊሆን እንደሚገባ አሳስበዋል። ከዚህ ቀደም ዶክተር ዓለማየሁ አረዳ ያሳተሙትን "ምልዓት፤ ሰው የመሆን ሰዋሰው" የተሰኘውን መጽሐፍ ማንበባቸውን በማውሳት፣ "'ምሉዕነት' ምሉዕ ሕብረተሰብን የመገንባት ጥበብን የሚያስረዳ፣ ለማሕበረሰባችን ጥልቅ ሐሳብና ጠቃሚ ዕውቀት የሚያበረክት መጽሐፍ ነው" ብለዋል። "ምሉዕነት" በአራት ክፍሎች እና በ16 ምዕራፎች የተዋቀረ ሲሆን፣ ለአገር ውስጥ በ500 ብር እንዲሁም ለውጭ አገር አንባቢያን በ9.99 ዶላር ለንባብ ቀርቧል። መጽሐፉ ከመጽሐፍት መደብሮች በተጨማሪ፣ በተለያዩ ትምሕርት ቤቶች የሚማሩ ተማሪዎች እንዲያነቡት በአዲስ አበባ ትምሕርት ቢሮ

የ11 ዓመቷ  ግብጻዊት ታዳጊ 60 መጻሕፍትን በማንበብ በዱባይ የ136 ሺህ ዶላር አሸናፊ ሆነች የ11 ዓመቷ ግብፃዊት ማያር መሐመድ ከ60 በላይ መጻሕፍትን በማንበብ በ2026 የዓረብ ንባብ ውድድር (Arab Reading Challenge) የአንደኛ ደረጃን በመያዝ የ500,000 ዲርሃም (136,000 ዶላር) አሸናፊ ሆናለች። ጥቅምት 19 ቀን በተካሄደው ደማቅ ስነ-ስርዓት ላይ የዱባይ መሪ ሼክ መሐመድ ቢን ਰਾሺድ አል ማክቱም የአሸናፊነት ዘውድ አቀዳጅተዋታል። ይህ ታላቅ የንባብ ውድድር ከ60 ሀገራት የተጣጡ ከ40 ሚሊዮን በላይ ተማሪዎችን ያሳተፈ ሲሆን፣ ፍልስጤም ሁለተኛ ደረጃን፤ ሳዑዲ አረቢያ ደግሞ ሶስተኛ ደረጃን በመያዝ አጠናቀዋል። አሸናፊዋ ማያር ከተሸለመችው ገንዘብ ላይ የተወሰነውን በሀገሯ ግብፅ በሚገኘው ትምህርት ቤቷ ውስጥ ቤተ-መጻሕፍት (ላይብረሪ) ለመገንባት እንደምትጠቀምበት ገልጻለች። 

ስለተከታተላችሁን እናመሰግናለን። "ትምህርት ቤት" በተሰኘው መጽሐፍ መነሻነት ጥቂትም ቢሆን ሀሳብ ተለዋውጠናልና የትምህርት ነገር ቢታሰብበት ባይ ነን። ውይይታችን ላይ እንዳነሳነው መማር ሒደት ነው። ጉዞው አያልቅም። የሒደቱ ውጤት ደግሞ በተማረው ሰው አኗኗር ላይ ይገለጣል። የተማረ መባልን ብቻ ሳይሆንን መሆንንም መላበስ መልካም ነው። የዛሬን አበቃን። ሳምንት በሌላ የመጽሐፍ ዳሰሳ እንገናኛለን። መልካም ምሽት። ልህቀት "እናንብብ ፤ እንለወጥ!"

የመጽሐፍ ርዕስ:- ትምህርት ቤት ጸሐፊ:- ሰላሙ ጫነ (ዶ/ር) አቅራቢ:- መምህርት ማርታ ወንድሙ በትምህርት ጉዳይ ላይ ሀሳብ ስለመለዋወጥ ደግሞም የመጽሐፉ ይዘት ላይ ስለመምከር። ነገ ምሽት 3:00 ሰዓት እንጠብቃችኋለን። ልህቀት "እናንብብ ፤ እንለወጥ።"

አእዋፍ ከወንዶች ይልቅ ከሴቶች በፍጥነት እንደሚሸሹ ተረጋገጠ በቅርቡ በአውሮፓ አምስት ሀገራት (ቼክ ሪፐብሊክ፣ ፈረንሳይ፣ ጀርመን፣ ፖላንድ እና እስፓንያ) በሚገኙ ሰባት ከተሞች ውስጥ በተደረገ ጥናት፣ በከተማ የሚኖሩ ወፎች ሴቶች ወደ እነሱ ሲጠጉ ከወንዶች ይልቅ በፍጥነት እንደሚበሩ ታውቋል። በጥናቱ መሠረት ሴቶች ሲጠጉ ወፎቹ በአማካይ በ8.5 ሜትር ርቀት ላይ እያሉ የሚበሩ ሲሆን፣ ወንዶች ሲጠጉ ደግሞ በ7.5 ሜትር ርቀት ላይ እያሉ ይበራሉ። ይህም የአንድ ሜትር ገደማ ልዩነት ያሳያል። ተመራማሪዎቹ የሰዎቹ ቁመትና ልብስ ተመሳሳይ እንዲሆን በማድረግ ጥናቱን ያካሄዱ ቢሆንም፣ ወፎቹ ለምን ለሴቶች እና ለወንዶች የተለያየ ምላሽ እንደሚሰጡ እስካሁን ግልጽ ምክንያት ማግኘት አልቻሉም። ሆኖም የሰዎች የአካሄድና የእንቅስቃሴ ልዩነት ወይም ሌሎች አካላዊ ምልክቶች ለዚህ ምክንያት ሊሆኑ እንደሚችሉ ይገመታል። በተጨማሪም ወንድ ወፎች ከሴት ወፎች ይልቅ ሰዎች ይበልጥ እንዲቀርቧቸው እንደሚፈቅዱ በጥናቱ ተረጋግጧል። ይህ ጥናት ትኩረቱን ያደረገው በአውሮፓ ከተሞች በሚኖሩ 37 የአእዋፍ ዝርያዎች ላይ ብቻ በመሆኑ፣ በዓለም ላይ ያሉ ሁሉም ወፎች በተመሳሳይ መንገድ ምላሽ ይሰጣሉ ማለት እንዳልሆነ ተመራማሪዎቹ ገልጸዋል።

አቤት የአቋራጩ ብዛት?! ትምህርት የለም ዲግሪ ይጫናል:: ንባብ የለም መፅሃፍ ይፃፋል:: ጂም የለም ገላ ይሸመታል:: ስራ የለም የባንክ ቡክ ምትሃት ይጠበቃል:: ህይወት የለም ማስክ ገጭ ይደረጋል:: ጠቢብ ግን በዚህ ሁሉ ትርምስ መሃል ትጋትን ገንዘቡ ማስተዋልንም ወዳጁ ያደርጋል:: በራሱ ላይ ይሰራል:: አዕምሮውን ያድሳል፣ መንፈሱን ያጠነክራል፣ ቤተ መቅደሱን ይንከባከባል፣ ኅላፊነቱን ይወጣል:: የድካሙንም ፍሬ ይመገባል:: በዘላቂ ደስታም ሐሴት ያደርጋል:: ምንጭ፦ ለአለም ጥላሁን

ዛሬ ማታ ከምሽቱ ስስት ሰዓት ላይ በዚህ መፅሐፍ ዙሪያ ዳሰሳ ይቀርባል ታዲያ እርስዎ ቤትዎ ሆነው በማድመጥና በመወያየት መሳተፍ ይችላሉ ወዳጆዎችን መጋበዝ ይችላሉ ። ቁጨሰ ብሎ ማንበብ ቢከብደንም ቁጭ ብሎ ማዳመጥን እንልመድ ማታ እንገናኝ ።

የንባብ ባህል ማጎልበቻ ኮንፈረንስና የፓናል ውይይት ንባብ የግለሰብ ዕድገት መሠረት፣ የማኅበረሰብ ለውጥ ምንጭና የትውልድ ግንባታ መሣሪያ ነው። የንባብ ባህልን ለማሳደግ በጋራ እንነሳ! የሀዋሳ ታነብባለች የንባብ ባህል ማጎልበቻ እንቅስቃሴ በጥቅምት 14 እና 15 የሚካሄድ ልዩ ኮንፈረንስና የፓናል ውይይት አዘጋጅቷል። በዚህ መድረክ፦ 📖 የኢትዮጵያ ደራስያን ማኅበር ፕሬዚዳንትና ሥራ አስፈጻሚዎች ይገኛሉ። 📖 የዩኒቨርሲቲ ምሁራን በንባብ ባህል ዙሪያ ጥናታዊ ጽሑፎችን ያቀርባሉ። 📖 ደራስያን፣ ጋዜጠኞችና መምህራን ለንባብ ባህል መዳበር የሚያግዙ ምክረ ሐሳቦችን ያካፍላሉ። 📖 የተጋበዙ እንግዶችና ተሳታፊዎች ልምዳቸውን፣ ሐሳባቸውንና የመፍትሔ አቅጣጫዎቻቸውን ያቀርባሉ። 📅 የዝግጅቱ መርሐ ግብር 🗓️ ቅዳሜ፣ ጥቅምት 14 🕙 ከቀኑ 10፡00 ጀምሮ 📍 ኢንፎሊንክ ዩኒቨርሲቲ፣ ኮንፈረንስ አዳራሽ የፓናል ውይይት 🗓️ እሁድ፣ ጥቅምት 15 🕣 ከቀኑ 8፡30 ጀምሮ 📍 ሚሊኒየም አዳራሽ / መስቀል አደባባይ የንባብ ባህል ማጎልበቻ ኮንፈረንስ ንባብ የአንድ ሰው ጉዞ ብቻ አይደለም፤ የአንድ ማኅበረሰብ የዕድገት መንገድ ነው! የንባብ ባህልን ለማሳደግ፣ የእውቀት ልውውጥን ለማጠናከርና ለሚያነብ ትውልድ መሠረት ለመጣል በጋራ የበኩላችንን ድርሻ እንወጣ! ሀዋሳ ታነብባለች

ንባብ እና እንቅልፍ (ላነብ መጽሐፍ ስይዝ እንቅልፌ ይመጣል ምን ተሻለኝ?) የሚያነቡ ሰዎች በበጎ ያስቀኑህና ንባብ ልትጀምር ለራስህ ትወስናለህ፡፡ ከዚያም በዕረፍትህ ቀን ሰዓት አመቻችተህ ልታነብ ገና ከመቀመጥህ ከየት እንደ መጣ የማታውቀው ኃይለኛ እንቅልፍ በዓይንህ ዙሪያ ያንዣብባል፡፡ አንዴ ከመጽሐፉ አንዴ ከገዛ እጅህ ጋር እያጋጨ መከራህን ያሳይሃል፡፡ በመጨረሻም ትግሉ ሲሰለችህ ልታነብ ያነሣኸውን መጽሐፍ ተንተርሰኸው ለጥ ትላለህ፡፡  ቆይ ንባብና እንቅልፍን የሚያያይዛቸው ነገር ይኖር ይሆን? ከሥራ ብዛት ወይም በኑሮ መክበድ ምክንያት የአእምሮ ውጥረት (Stress) ላጋጠማቸው ሰዎች ውጥረቱን ለመቀነስ በሥነ ልቡና ባለሙያዎች ከሚመሰጣቸው ምክሮች ውስጥ አንዱ ‹መጻሕፍትን አንብቡ› የሚል ነው፡፡ በዚህ ችግር ውስጥ ያሉ ሰዎች መጻሕፍትን በሚያነቡበት ጊዜ ከቆዩበት ጭንቀት ለመውጣት መጽሐፍቱ እንደ በር ስለሚያገለግሏቸው ተወጣጥሮ የነበረው ኅሊናቸው ነጻ የመሆን እድል ያገኛል፡፡ ሰውነትህ ደግሞ ከውጥረት ነጻ መሆኑን ከሚገልጽባቸው ምልክቶቹ ውስጥ አንዱ እንቅልፍ ነው፡፡ ስለዚህ ንባብ አንዳንድ ጊዜ ለአእምሮ ውጥረት መድኃኒት በመሆን ከእንቅልፍ ጋር ሊተሳሰር ይችላል፡፡ ይሁን እንጂ ከውጥረት ለመውጣትም ቢሆን መጀመሪያ መጽሐፉ ሊነበብ ይገባል፡፡ ሳታነብ እንቅልፍ የሚወስድህ ከሆነ ግን ይህ ንባብ ያልለመደ ሰውነት ምልክት ነው፡፡ ስለዚህ እነዚህ ነገሮች በዝግታ አጢን ➢ ለመጻሕፍት ንባብ ገና ጀማሪ ከሆንክ የመጽሐፍ ምርጫህን አስተካክል፡፡ የምታነበው መጽሐፍ ብዙ ቁም ነገር ቢኖረውም አቀራረቡና ሥነ ጽሐፋዊ ውበቱ ብዙም ካልሆነ፣ ውስጥህ ጭል ጭል የሚለውን ትንሽ የንባብ ብርሃን እስከ መጨረሻው አጥፍቶ ከመጻሕፍት እንዳይለይህ ቶሎ እርምጃ ውሰድ፡፡ በአቀራረባቸው የተመሰገኑ መጻሕፍትን እንዲጠቁሙህ የንባብ ልምድ ያላቸውን ሰዎች አማክር፡፡ እነርሱንም አስቀድም፡፡ ➢ ለንባብ የሚሆን ደመቅ ያለ ብርሃን ያለበትና ምቹ ቦታ መምረጥ ጥሩ ነው፡፡ ነገር ግን የተጋነነ ምቾት ወደ እንቅልፍ ሊወስድህስለሚችል ጥንቃቄ ማድረግ ያስፈልጋል፡፡ ጋደም ከማለት ይልቅ ቁጭ ብለህ ማንበብ የበለጠ ንቁ ያደርግሃል፡፡ ደግሞ መንፈሳዊ መጻሕፍትን እንደ ታመመ ሰው ተኝተህ ማንበብ አግባብ አይደለም፡፡ በል ቶሎ ተነሥ፡፡ ➢ ሰይጣን የሚጸልዩ ሰዎችን የሚፈትነውን ያህል የሚያነቡ ሰዎችንም ይዋጋል፡፡ ለጸሎት በቆመ ሰው ዓይኖች ላይ የእንቅልፍ ሽፋሽፍትን እንደሚያመጣ፣ መንፈሳዊ መጻሕፍትን ለማንበብ በተዘጋጁ ዓይኖች ላይም እንቅልፍ እንዲከብድ ያደርጋል፡፡ ስለዚህ እንዲህ ስትሆን ፈጥነህ ለጸሎት ተነሥ፡፡ የሚቃወምህን ክፉ መንፈስ ‹‹እክህደከ ሰይጣን›› በማለት ገስጸው፤ አውግዘው፡፡ አንብበህ ተለውጠህ ፈጣሪህን እንዳታስደስት የሚቃወምህን ረቂቅ ባላጋራ ‹ንባብህን ትተህ በመተኛት› ደስ አታሰኘው፡፡ መላልሰህ እየተጋህ ተስፋ አስቆርጠው፡፡