ادبیات سئونلر

ــ  آی باجی ، بیر ساکیت اول گؤروم ، هارادان گلیب هارا گئدیرسن ؟  کوپه گیرن قاری شیرین دیلینی ایشه ساالدی:  ــ  کاسیب ، السیز ـ آیاق سیز آروادام . انصافلی آداملارین سوفره سیندن تؤکولنی یئییب بیر تهر دولانیرام . سحردن دیلیمه بیر پارچا چؤره ک دَیمه ییب . اوزاق یول گلیرم ... یولدان کئچنده بو سارایی گؤروب سئویندیم . گلدیم کی ، بلکه بیر لوخما چؤره ک وئرن انصافلی آدام تاپیلدی .  ننه کوپه گیره قاری نین قولونا گیریب سارایین پیلله لری یانینا گتیردی .  ــ  چیخ یوخاری ، ــ  دئدی . ــ  ائله من ده تک داریخیرام . اؤزومه هم صؤحبت آختاریردیم .  کوپه گیرن قاری دئدی :  ــ باشینا دؤنوم ، من بو پیلله لری نئجه چیخیم . اولماز کی ، ائله بوردا اوتوراق ؟  ــ  یوخ ، بورادا اولماز . چیخ یوخاری . داریخما بیر ـ بیر چیخارسان .  ننه کوپه گیرن قاری نین قولونا گیریب اونو بیر آیاق ـ بیر آیاق یوخاری چیخاردیب اؤز اوتاغینا آپاردی . قارشیسینا دادلی خورکلر قویوب دئدی :  ــ اوتانما ، دویونجا یئ . اوغلوم احمده دعا ائله کی ، خاطادان بلادان همیشه اوزاق اولسون . ائله بیل اؤز ائویندیر .  قاری آج گؤزلوکله یئمه یه باشلادی .  ــ  اوخای ، گؤروم اوغلون احمدین همیشه سوفره سی دولو اولسون . آغزیم دادا گلدی .  کوپه گیرن قاری یئییب دویاندان سونرا راحات نفس آلدی. اصل مطلبه کئچمه یه تلسدی :  ــ  یاخشی ، باجیلی ، آخی من بیلمه دیم کی ، بو سارای کیمیندیر ؟  ــ  نَوه م اودونچو احمدین .  ــ  اودونچو احمدین ؟ یوخ اینانا بیلمیرم !  ــ  بو سارای منیم بالامین دیر .  ــ  آخی ، اودونچو بئله سارای تیکدیره بیلمز .  ــ  هئچ کیمه ديمه سن کی ؟ ــ  ننه آغزینی کوپه گیرن قاری نین قولاغینا توتدو. کوپه گیره قاری دئدی :  ــ نه دانیشیرسان ، آج قارین دویدورموسان ، هئچ سنین سیرینی اؤزگه سینه دئیرممی ؟  ننه اونون قولاغینا پیچیلدادی :  ــ احمد آغ دیوین سئحرینه صاحیب اولوب ، بیر سئحیرلی اوزویو وار . اوزویون تؤزونو سیلن کیمی بیر قارا اجینه اونون قوللوقوندا حاضیر اولوب دئییر :  تولکو ، تولکو قویروغوم ،  ندیر منه بویروغون ؟  احمد اوزویون طیلسیمینی اوخویوب اوره یینده کی نییتینی سؤیله ییر . اوساعات دا اونون آرزوسو یئرینه یئتیریلیر. کوپه گیرن قاری اؤزونو عوام گؤسترمک اوچون دئدی :  ــ  باجیلی ، باجیلی دردین آلیم ، اوزوک صاحیبینه دئ منه تزه بیر باشماق گتیرسین . باشماقلاریم جیریلیب آیاقلاریمدا دورمور .  ــ  اوزوک احمدین بارماغیندادیر ، من اونا هئچ نه دئیه بیلمرم . باشماق ایسته سن ، آل منیم تزه باشماقلاریمی گؤتور اولسون سنین .  ــ  چوخ ساغ اول ، آللاه نوه ن احمدی مین بوداق ائله سین . بس احمد بالامیز ایندی هارادادیر ؟  ــ اودور ، ائی ، سئوگیلیسی شاهانه نین یانیندا .  ــ باجیلی ، سوروشماق عاییب اولماسین ، شاهانه کیمدیر ؟ ننه یئنه آغزینی کوپه گیرن قاری نین قولاغینا توتاراق ، دئدی :  ــ  هئچ کیمه دئمه سن کی ؟  ــ نه دانیشیرسان ، عزیز جانین اوچون آغزیمدان بیر سؤز ده چیخارمارام .  ــ  شاهانه جیم ـ سیم پادشاهین قیزی دیر . احمد اونوآغ دیوین طیلسیمیندن خیلاص ائدیب . قیزدا عهد ائدیب کی ، کیم اونو طیلسیمدن خیلاص ائتسه اونون اولاجاق . ایندی شاهانه عهدینه دوز چیخیب ، احمد له قالیر . ساغلیق اولسا بو گون ـ صاباح تویلارینی ائده جَیَم . سنی ده تویا چاغیرارام .  آرتیق هاوا قارالیب چیراقلار یانمیشدی . کوپ قاریسی هئچ ندن خبری یوخوموش کیمی بیردن دیللندی :  ــ  بئی  ، باشیما خئییر ، باشیم صؤحبته قاریشیب ، گئجه دوشوب . بس من یازیق ایندی هارا گيدیم ، هارادا گئجه لَییم ؟  ننه اوره ک یوموشاقلیغی ایله دئدی :  ــ گئجه واختی هارا گئدجکسن . ائله بوراداجا یئر سالارام یاتاسان .  ــ  آللاه سیزدن راضی اولسون . اوغلون احمدی گؤروم مین یاشاسین .  ننه کوپه گیرن قاری یا یئر سالدی .  ایلان ووران یاتسادا ، کوپه گیرن قاری یاتمادی . یورغانی باشینا چکیب یالاندان خورولدادی . گئجه دن خیلی کئچمیش آیاغا دوردو. ائیوانا چیخیب  قاپی ـ باجانی بلدلدی . باخیب گؤردوکی ، احمد پنجره نین قارشیسیندا یاتیب . پنجره ده تای باتای آچیقدیر . بارماغینداکی اوزوک ایشیق ساچیر . چوخ گؤتور ـ قوی ائدندن سونرا ، پنجره یه چیخدی . تومانینین لیفه سیندن بیر چیمدیک بیهوش داری گؤتوروب احمدین بورنونا توتدو . احمد یئرینده قورجالانیب آسقیردی . بیهوش داری اؤز ایشینی گؤرن کیمی ، الینی اوزادیب یاواشجا اوزویو احمدین بارماغیندان چیخارتدی . پیلله لری ساکیتلیکله دوشوب حیطه ائندی . اوزویون توزونو سیلدی . اوساعات قارا اجیننه اونون قارشیسیندا باش اییب دئدی : 

اوشاق ادبیاتی ۸ سئحیرلی اوزوک سگگیزینجی ناغیل : «کوپه گیرن قارینین کله یی » یازان : علی صمدلی کؤچورن : علی آغ گونئيلی  ــ  ابرازی کتاب :‌ ژنرالین اوشاقلیغی ) پووئست لر بؤلومو   ( سیم ــ جیم شاه نئچه واخت ایدی کی ، راحتلیق نه اولدوغونو بیلمیردی .گؤزونون آغی – قاراسی اولان قیزی شاهانه نین دردی اونا راحاتلیق ويرمیردی . اونون آتلیلاری ، شاه سارایینا قاییتماغا بئله قورخوردولار . جیم ـ سیم شاهین یئگانه اومیدی سارایین باش جادوکونو کوپه گیرن قاری یا قالمیشدی! جیم ـ سیم شاه قارینی چاغیریب دئدی :  ــ  شاهانه نی تاپیب بورا گتیریب بؤیوک انعام آلمالیسان ، یادا بازار میدانیندا بوغازیندان آسیلمالیسان ! بونلاردان بیرینی سئچ !  کوپه گیرن قاری فال آچیب تاس قوردو باخیب گؤردو کی ، شاهانه احمدله بیر یئرده دیر . اؤزلری ده بیر گؤزل سارای دا . قاری فورصتی فؤوته وئرمه ییب کوپونه گیردی . دوز احمدین کؤماسینا کیمی دیغیرلاندی . حیَطه گیریب بیر نئچه یئردن خلوتی بؤیلاندی . گؤردو کی ، احمدین کوماسی یئرینده دیر . آنجاق اونون یانیندا بیر داشی قیزیلدان ، بیر داشی گوموشدن بیر سارای اوجالیب کی ، یئمه ، ایچمه ، گؤزه للییینه تاماشا ائله . کوپه گیرن قارینی تعجوب بورودو . او ، اوول کومادان باشلادی . باخیب گؤردو کی ، احمدین کؤهنه کوماسیندا ایکی کاسیب اوغلان بیر سوفره ده ناهار ائدیرلر. یازیق بیر گؤرکم آلاراق اونلارا یاناشدی : ــ آی بالالار ، کیمسه سیز قاری یا کؤمک ائدین ، ــ  دئدی .  کریم له یلیم آیاغا دوروب قاری یا یئر وئردیلر .  ــ بویور ، کاسیبین اولانیندان یئ ، ــ  دئیه  کریم اونو سوفره یه دعوت ائتدی . قاری شیرین دیلینی ایشه سالاراق سؤزه باشلادی:  ــ گؤروم سیزی نئینه ییم ، نئجه ائله ییم دئمََیه سیز ، اوچ گوندور دیلیمین آلتیندان بیر شئی کئچمیر .  قاری الینی سوفره یه اوزادیب ، آج گؤزلوکله یئمه یه باشلادی .  سلیم دئدی :  ــ آی ننه ، هارادان گلیب ، هارا گئدیرسن ؟  قاری دئدی :  ــ آی اوغول ، کیمسه سیز قاری یام . اونون ــ بونون سوفره سیندن تؤکولنلری یئییب دولانیرام . نه چوخ دونیادا سیزین کیمی یاخشی انسانلار ! آللاه عؤمرونوزو اوزون ائلسین . قاری آج گؤزلوکله یئیه ـ یئیه اطرافا بویلانیردی . بورادان احمدین سارایی آیدین گؤرونوردو .  قاری دئدی :  ــ آی اوغول ، او سارای کیمیندیر ؟  کریم دئدی :  ــ  بیزیم دوستوموز اودونچو احمدین ساراییدیر .  قاری گولوب دئدی :  ــ دونیاسیندا اینانا بیلمرم . منی عوام گؤرمه یین اودونچونون دا بئله سارایی اولارمی  هئچ جیم ــ سیم شاهین بئله گؤزه ل سارایی یوخدور . احمد بیر کاسیب اودونچو اولا- اولا بئله زنگین ساراییی نئجه تیکدیره بیلر ؟  ــ  سلیم دئدی :  ــ بیز احمد له آغ دیوی محو ائتمیشسک . اونون بوتون طیلسیملرینه احمد صاحیب اولوب . طیلسیمین واسیطه سی ایله اوره ییندن نه کئچسه بیر گؤز قیرپیمیندا حاضیر اولور .  ــ  یاخشی ، آی منیم بالالاریم ، احمد یاخشی دوست دورسا نییه سیزی بو کاسیب داخمادا قویوب ؟ یقین کی ، ائولَنیب ؟  کریم دئدی :  ــ  احمد شاه قیزی شاهانه نی آغ دیوین طیلسیمیندن خلاص ائدیب . قیز آتاسی ائوینه گئتمه ییب بورادا قالدی . ایندی توی گؤزله نیلیر .  کوپه گیرن قاری بارماغینی دیشله ییب حریصلیکله اطرافا باخدی و دئدی :  ــ دئمک بئله ، بو سارای اودونچو احمدین ایمیش . گئدیم اونلاردان صاباحیم اوچون بیر پارچا چؤرک ایسته ییم . ائله بلکه رحملری گلدی ... قاری آیاغا دوروب تلسیک گئتمک ایسته دی .  کریم دئدی :  ــ قاری ننه ، ايله بیزیم بو کاسیب کومامیزدا دا قالا بیلرسن .  ــ  یوخ ، بالا ، سیزین یئرینیزی  داریسقال ائلَیه بیلرم . قوی گئدیم .  قاری تلسیک حیطدن چیخدی . بیر باش احمدین سارایینا یاناشدی . باتماقدا اولان گونشین شفقلری قیزیل کرپیجلره دوشوب پاریلداییر ، آدامین گؤزلرینی قاماشدیریردی . احمدله شاهانه گون باتان طرفده کی ائیواندا اوتوروب چای ایچیردیلر . ننه حَیَطده کی باغچادا گزیشیب دینجَلیردی .  کوپه گیرن یاواش ـ یاواش گلیب ننه یه یاخینلاشدی . اونا چاتماغا آز قالمیش آیاغینی قصدن سکی داشینا توخوندوروب ییخیلدی :  ــ اوف ، اوف ، اوف ، وای قیچیم ، وای قیچیم !  ننه اونا طرف یویوروب کوپه گیرن قاری نین قولوندان یاپیشدی .:  ــ  آی باجی ، قالخ گؤروم نه اولدو ؟  کوپه گیرن قاری اوفولدادی :  ــ آمان ، آمان ترپتمه ، قیچیم سیندی .  قاری زورلا سورونوب سکی داشینین اوستونده اوتوروب داها دا برکدن اوفولدادی . ننه ده اونون یانیندا ایلشدی . کوپ قاریسینا دا ائله بو لازیم ایدی . آرا وئرمه دن اوفولداییردی . بیر بالاجا ساکیتلشن کیمی ننه سوروشدو: 

اوشاق ادبیاتی شهرام_گلکار ژیلئتین چؤلده قویوب آی‌تک ژاسمین‌له باهم توپ اویناییر کوچه‌ده ‌توپ کی اوْتا چیخیر آی‌تک دومبالاق آشیر،- آی‌تک معللاق وورور کوچه‌نین بویانیندان ژاله حسدله باخیر آخی ژیمناست آی‌تکی ژاله توپچو تانی‌ییر https://t.me/Adabiyyatsevanlar

اوشاق ادبیاتی لیلا_قلیزاده «دورنا» آنا منی اوشاق یاشات آنا، منیم توت الیمدن دانیش منله اؤز دیلیم‌دن اوخشاسانا هئی تئلیمدن آنا منی اوشاق یاشات گئجه گۆندوز یانیمدا قال یاتیر منی، قیچینا سال شیرین شیرین لای‌لامی چال آنا، منی اوشاق یاشات منی آلسانا باغرینا آپار عئینالی داغینا گئچیم سولونا، ساغینا آنا، منی اوشاق یاشات محبتین ایستی یووام باخیشلارین ائدر دوعام هم سویوم‌سان هم دَ هاوام آنا، منی اوشاق یاشات پول وئرمه هئی اویونجاغا پارکا آپار اویناماغا مینیم اوردا سالینجاغا آنا، منی اوشاق یاشات سنله آنا چایا گئدک؟ بیرده گئده‌ک آغاج اکک؟ قوملاردان بیر قالا تیکک آنا، منی اوشاق یاشات موبایلینی بیر یانا آت دستمال گؤتور دالینا چات باشینی قوی یانیمدا یات آنا، منی اوشاق یاشات منی آپار آنا داغا گئدک؟ چیچکلی یایلاغا مئیوه درمک اوچون باغا؟ آنا منی اوشاق یاشات آنا منه ناغیل اوخو گله‌جه‌گیم گؤزل توخو توتسون منی شیرین یوخو منی آنا اوشاق یاشات ۱۴۰۵/۵/۲۵

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

سَحَری گون مَکتَبَه گئدَندَه آتام یولدا مَنیمله صؤحبَت ائتمَیَه چالیشدی. آنامدان گیلئیلَنیب مَنیم اؤزونَه بَنزَدییمی دئدی. گوزگوده‌کی باخیشلارینا راست گَلَندَه فَرقینَه واردیم کی، اونا اؤنکی قَدَر غضبلی دئییلم. سانکی بوتون دوْیغولاریمی یوخ ائدیب یئرینَه آنجاق اییرَنمَه حیسی دولدورموشدولار. او گون موسانی مَکتَبده گؤرمَه‌یندَه سئویندیم، چونکی سَحَر ماشینین گوزگوسوندَن پارلاق، حیله‌گَر گؤزلَری ایله مَنه باخان آتامدان او قَدَر اییرَنمیشدیم کی، موسادان دا دیکسینمَیَه گوجوم یئتمه‌یه‌جَکدی. آمما او گون باشقا بیر شئی اولدو. سون دَرس یئنه ایدمان دَرسی ایدی، مَکتَبین حیاطینا توپلاشمیشدیق. اوغلانلار یئنه دَه هانسی‌سا قیزین دؤشلَرینْدَن دانیشیر، آتامین تِلِفوندا آز قالسا هَر گون باخدیغی یاری‌چیلپاق قادین شَکیل‌لَرینی خیالَن تَصویر ائدیب هیریلداشیردیلار. مَن هَمیشَه‌کی کیمی سوسوردوم. اَصلینده، صینفین اَن گؤزَه گَلیم‌لی قیزلارینین هانسی‌نین هاردا نَه ائتمَه‌سی باره‌سینده فانتازیا قوران اوغلانلارین دانیشدیقلاری مَنیم دَه دیقّتیمی چَکَردی. بیلیْرسیز دَه او یاشلاری... آمما قاریشمیرْدیم، ائوده گؤردوکلَریمَه گؤرَه بوتون بونلاردان اییرَه‌نیردیم. 20 آردی وار... https://t.me/Adabiyyatsevanlar

موسی هَمین گون دَه هئچ کیمْله دانیشمادی، آنجاق مَن غَریبَه بیر شَئیَه شاهد اولدوم. نَظَرلَرینی آشاغی دیکیب اوتورموش موسانین اوزونده خَفیف بیر تَبَسّوم واریدی. ایلک دفعه ایدی کی، اونو بئله گؤروردوم. سَحَری گون صینفده‌کی اوشاقلار موسایا ساتاشمادیلار، هئچ کیم اونو ایتَه‌لییب گولمَدی. هَمیشه ماراقسیز کئچَن، هاوالار ایستیلَنندن بَری مَکتَبین آرخاسینداکی استادیومدا کئچدیییمیز ایدمان دَرسینده حَتا ماراقلی بیر حادثَه اولدو. قیزلار اؤز آرا‌لارینا توپلاشیب نَسَه دانیشیردیلار، اوغلانلارسا فوتبال اویناماغا باشلادیلار. موسی دا بیزه قوشولدو، کیمسه دَه بونا اعتیراض ائتمَه‌دی. موسی ائله گؤزَل اویناییر‌دی کی، هامیمیز مات قالْمیشدیق. بو، ایدمان معَللیمه‌ینین دَه دیقّتی‌نی جَلب ائتدی، اونو یانینا چاغیریب هانسی‌سا اوشاق فوتبال کلوبونا گئدیب-گئتمَه‌دیینی سوروشدو. موسانین اوزو هَیَجان‌دان قیزارمیشدی. بَلکه، ایلک دفعه ایدی کی، کیمسه اونو تَعریفلَه‌ییردی، تَقدیر ائدیردی؟ بیلمیرَم. چوخ خُوشبَخت گؤرونوردو. آمما هاوا ایستی، اوز-گؤزو تَر ایچینده اولسا دا، حتا فوتبال اوینایاندا دا گؤدَکجَنی چیخارمامیشدی. نؤوبَتی دَرسیمیز رِیاضیات دَرسی ایدی. سِئودا معَللیمَه صینفَه گیریب هامیمیزی آجیقلی-آجیقلی سوزدو. ایلها‌م بو گون ساکیت و پَرت ایدی، مَنه دَه نیفرَتله باخیب فیس‌فیس ائدیردی، آمما اوندان قَطعی قورخموردوم. موسایا باخدیم، هَله دَه اوزوندَن آخان تَری سیلیردی. -سَن نییه بو گؤدَکجَنی چیخارمیرسان؟ تَر ایچیندَه‌سَن، لئش اییی گَلیر سَندَن، چیخار او جیندیری، - سِئودا معَللیمَه دَرسَه باشلامامیش قیشقیردی. چیخار، دئدیم، - او بیر دَفعَه موسایا طرَف آتیلیب گؤدَکجَنی چَکیشدیرمَیَه باشلادی. موسی اونون اَلیندن چیخماغا، گؤدَکجَه اَینینْدَه قالسین دییه بؤکولوب اؤزونو قوروماغا چالیشدیقجا، سِئودا معَللیمَه داها دا غضب‌لَنیردی. چیخار بو جیندیری. صینفده بئله اوتورا بیلْمَزسَن. حال‌بوکی صینف قیزدیرلمادیغی اوچون بیز بوتون قیشی پالتودا اوتورموشدوق. سِئودا موعَللیمَه ایستَدییینه نایل اولدو. گؤدَکجَنی موسانین اَینیدن چَکیب چیخاردی. دَنیزین گؤزلَرینَه کؤلگَه چوکدو. 19 گؤدَکجَنین آلتیندا هئچ نَه یوخدو. موسانین چَلیمسیز، آریق، سُوموک‌لَری چیخمیش بَدَنی چیلپاقدی. او دایانمادان قیشقیریب آغلايیر، آنلاشیلماز سؤزلَر دئییردی. جیلیز، آریق بَدَنینی اَللَریله گیزلَتمَیَه چالیشیردی و اَن قورخولوسو دا او ایدی کی، بَدَنینْدَه تونْد بَنؤفشَه رَنگلی لَکه‌لَر واریدی. مَن اونلارین دؤیولمَه ایزلَری اولدوغونا اَمین ایدیم، چونکی آنامین دا بَدَنینْدَه بئله لَکه‌لَر اولوردو. هَمین گونو تَمام خاطیرلامیرام، آمما اونودمادیم دا. موسانی مُدافعه ائتمه‌دیم. هئچ نَه ائتمَه‌دیم. باشیمی اَللَریمین آرا‌سینا آلیب گؤزلَریمی قارا آیاققابی‌لاریمین اوجونا دیکدیم، آنجاق آیاقلاریما باخدیم. سوسدوم. اوردا نَه آختاریردیم، هَمین آندا نَه حیس ائدیردیم، بونو ایندی دئیَه بیلمَه‌رَم، آمما مَنی اَزَن، بوتون سُوموک‌لَریمی قیریب تؤکَن بیر بوشلوغا دوشموشدوم و آیاقلاریمین اوجوندان آچیلان قارا دَلیک ائله بیل مَنی اودوردو. او گون آخشام ائوده دَه داوا اولدو، او داوادا دا مَن آتامین قارشی‌سینا کئچیب اونو ایتَلَه‌مَدیم، آنامین مُدافعه‌سینه قالخْمادیم. آمما آنام بو دَفعَه دؤزمَدی، اَلیندَه‌کی بُولور گولدانی یئره چیرپیپ «بَسدیـر» دییه قیشقیردی. مَنسَه اوتاغیما کئچدیم. ساکیتجَه یاتاغیمین اوستونَه قالخیب دیوارا سؤیکَندیم، قولا‌قلیغیمی تاخیب گؤزلَریمی قارشیداکی دیوارا زیللَه‌ییب موسیقی دینلَمَیَه باشلادیم. مَطبَخدَه داوا بؤیویوردو. مَنسَه گؤزلَریمی دیوارا زیللَه‌ییب اوتورماغا داوام ائدیردیم. ایندی دَه دیواردا بیر قارا دَلیک آچیلیب مَنی اودورْدو و صینفدَه‌کیندن فَرقلی اولاراق آغری حیس ائتمیردیم. بَدَنیم قارا دَلیک طرَفینْدَن اودولماغا آلیشْمیشدی. سَحَر قالخیب آنامین بوینونداکی ایزلَری گؤرَندَه عذاب چَکدیم. اونون کوسکون و بیر آز دا غضبلی باخیشلارینی گؤردوم. بیلیردیم کی، آخشام آنام مَندَن اونو مُدافعه ائتمَه‌ییمی اوموب. ایچیمدَه هَم کینایَه قاریشمیش بیر غضب، هَم دَه سُوکوت واریدی. ائله بیل ایچیمدَه‌کی غضبی دَه سویودوب ساکیتلَشدیرمیشدیلَر. او گوندَن سونرا مَن او غضبین آغریسینی حیس ائتمَه‌دیم. ائله بیل موسانین بَدَنینْدَه گؤردویوم بَنؤفشَه زولاقلار ایندی‌یه قَدَر بئینیمَه سیخیشمیش هَر شئیی قاریشدیرمیشدی. ایندی دؤیَن بیرینَه نَه قَدَر نیفرَت ائدیردیمسه، دؤیولَندَن دَه او قَدَر اییرَنیرْدیم. آنامدان، موسادان...

دَنیزین سَسی ائله بیر قویونون دیبیندن گَلدی. من گؤزومو گارسونون گَتیرمیش توند چای‌دان چَکیب اونا باخدیم. اَصلینده، صؤحبَتی تامام اوْلاراق هارا یؤنَلدیینی آنلاماماغیمدان یارانان غضب آنی اولموشدو. ایندی ایسه نییه مَنی سِئچدیینی دوشونوردوم؛ بئینیمده اوزوم حاقیندا، بَلکه ده ایلک دفعه «من نورمال آدامام‌می؟» سوالی یارانمیشدی. آمما قابالیقدان تماما باشقا بیر شئی حیس ائتدیم. دَنیزین صؤحبَتی مَنی یورمامیشدی. حتا هئچ بیر سونلوغو دا اولمایاجاقدی، بَلکه. یا دا بوتون بونلاری مَنه نییه دانیشدیغینی آخیرا قَدَر آنلامایاجاقدیم. تَکجه موسانین حیکایه‌سینین سونونو تَخمین ائده بیلَردیم. بَلکه، مَنیم ده اوخودوغوم مَکتَبده، صینیفده، یا دا بوتون مَکتَبلَرین بوتون صینفلَرینده بیر موسی واریدی؟ بَلکه، مَنیم ده دَنیزین حیکایه‌سینه بَنزَه‌یَن، بیتْمَه‌میش، سادَه‌جه بو شَهردَن گئتمَک‌له مصنوعی شَکیلده بیتیریلمیش بیر حیکایَه‌م واریدی. بئینیم سُورعتله گئری، خاطیرَلَرَه جومدو، آتامین اوزونو گؤزومده جانلاندیرماغا چالیشدیم. و مَنه ائله گَلدی کی، آتام عینَن دَنیزین آتاسینا بَنزَه‌ییر. 17 بیر دفعه آنام منه دئمیشدی کی، اَطرافیندا گولوب-اَیلَنَن، یا دا هئچ بیر پروبلئمی، قایغی‌سی یوخموش کیمی گؤرونَن آداملارا باخیب اوزونو دونیانین اَن شانس‌سیز، اَن بَدبَخت آدامی اعلان ائتمَه‌یه تَلَسمَه. چونکی سَنین ده عینَن اونلار کیمی گولدوگون آنلار اولور، هَمین آنلاردا اونلار دا سَنی خُوشبَخت و قایغی‌سیز بیری حساب ائدیرلر. -آنانیز دوز دئییب. -بیلیرَم. آنام دا نورمال انسان دئییلدی، - گولومسَه‌دی. - بیلیْرسیز، نییه؟ مَن ائوده موسی حاقّیندا اونا دانیشاندا «قاریشما، سَنین نَه ایشینَه قالیب؟» دئمه‌دی. عکسینه، دئدی کی، بیر گون مَکتَبَه یولو دوشَنده مودیرله، صینف رَهبَری ایله ده اونون حاقّیندا دانیشاجاق. مَنه «قاپینی موسی سیندیرماییب» دئدیرَن هَم ده آنامدی. آنام اولماسایدی، او قَدَر جَسارتلی اولا بیلمَزدیم. او گون قاپینی ایلها‌مین قیرْدیغینی دئیَه‌نده هامیسینین نَفَسی توتولدو. سِئودا معَللیمَه‌نین گؤزلَری آز قالدی حَدَقَه‌سینْدَن چیخاجاقدی. آمما ایلها‌م مَنیم اوستومَه جوماندا باغیردی. ایلها‌مین مَنی وُورما‌سینا ایمکان وئرمَیه‌جَه‌یینی دَه بیلیر‌دیم. نییه؟ چونکی آنام واریدی. ایلها‌م اوز عائیلَه‌سینین، مَنسه آنامین اوغلو ایدیم او آندا. باشا دوشورسوز؟ مَن آنلادیغیمی باشیملا تَصدیق ائدیب دیقّتله اونو دینلَمه‌یَه داوام ائتدیم. -هاردان بیلیْرسَن ایلها‌م سیندیریب؟ یالان دئییر، موسی سِیندیریب! مَن تلفونومو چیخاریب ایلها‌مین صینفده‌کی دیگَر ایکی شاگیردلا دانیشیغینین سَس یازیسینی آچدیم. اونلار قاپینی قیرماق اوچون پلان قوروردولار. -عجَب کارآگاه ایمیشسیز، - گولوب باشیمی یاییندیر‌دیم. -هَه، - دَنیز مَمنونلوقلا گولومسَه‌دی. - بایاق دا دئدیم آخی، شوبهه‌لَنمیشدیم. تَنَفّوسلاردا تلفونومون سَس قَیدینی آچیق قویوب چیخیر‌دیم صینفدَن. ائله دوشوندویوم کیمی دَه اولدو، بیر دفعه قاییدیب باخاندا گؤردوم کی، ایلها‌م، صالح، بیر دَه نِعمت موسانی نئجه شَرلَمَک باره‌سنده دانیشیبلار. سِئودا موعَللیم بالاجالاشیب یوماغا دؤنموشدو. دوز اونون گؤزونون ایچینه باخیر‌دیم. ایلها‌مین آناسی پَروانه‌سه مَنه زیللَمیشدی گؤزلَرینی. آمما مَن اونا باخماماق اوچون بوتون گوجومو سَفَربَر ائتمیشدیم. هَمین آندا اونا باخسایدیم، قایتاراجاغیما اَمین ایدیم. اورَه‌ییم مُحکَم بولانیر‌دی. -یالان دانیشیرسان، مَنیم اوغلومون پَخیللیغینی چَکیْرسَن، - پَروانه مَنه هجوم چَکدی. سِئودا معَللیمَه یوخودان آییلمیش کیمی دیکسینیب اؤنَه آتیلدی. قورخودان دیزلَریم اَسیر‌دی. اوزومو توتولموش گؤستَرمَک اوچون بوتون گوجومو توپلامیشدیم. 18 پَروانه خانیم، ساکیت اولون. صاباح قاپینی دوزَلتدیرین، بو صؤحبَت دَه بوردا بیتسین، - سِئودا معَللیمَه بونو دئییب غضبلَه فیس‌فیس ائتدی. پَروانه اؤنجه مَنه، سونرا دا موسایا نیفرَتله باخیب، ایلها‌ما باشی ایله «چیخ» ایشارَه‌سی وئریب، آردینجا اؤزو ده گئتدی. او آرا معَللیمَه‌میزی کینایَه ایله سوزمَیَه دَه واخت تاپدی. سِئودا معَللیمَه‌نین قاش‌قاباغی یئرله گئدیردی، غضبلی و چارَه‌سیز گؤرونوردو. آرتیق پَروانه ایلها‌مین یارامازلیقلارینی اؤرت-باسدیر ائتمَه‌سی اوچون سِئودا معَللیمَه‌یه پول وئرمیَه‌جَک، اونا هَدیه‌لَر آلمایاجاقدی. آمما مَنیم موسایلا باغلی ناراحاتلیغیم هَله بیتْمَه‌میشدی. بیلیردیم کی، اونو راحت بوراخمایاجاقدیلار. سِئودا معَللیمَه رُشوتدن محروم اولماسینین، پَروانه ایسه ایلها‌مین اعتباری‌نین یئرله بیر اولماسینین قیصاصینی اوندان آلماق ایستَیَه‌جَکدیلَر. موسی اونلار اوچون ضعیف حلقَه ایدی.

‌پیچیلتی(حیکایه) یازان :زومرود یاغمور کوچورن :سحر خیاوی باکی، ۱۸ آپرئل بیری ضعیف. بیر باشقاسی ظالم، داها بیری مرحمتلی. ایشتیراکچیسی اولدوغو حادثه‌دن سونرا دونیایا، انسانلارا نفرت ائدنلر ده وار، یاخشی آداما چئوریلنلر ده. بونا گؤره ده هر حیکایه فرقلیدیر. — بو یؤندن باخمامیشدیم. اوندا بئله دئیه‌ک. حکایه‌لرین اورتایا چیخاردیغی نتیجه‌لر فرقلیدیر. اصلین‌ده، اونملی اولان دا او نتیجه‌دیر — زَده‌لر بیزدن کیمی یارادیر؟ آمما من سون واختلار، بیلیرسیز، نه‌یه چوخ هیرسله‌نیرم؟ باش وئرن هر شئی دقیقاً زَده‌لرین نتیجه‌سی کیمی تقدیم اولونور. لاپ دبه چئوریلیب — کیم نه ائدیرسه، نه واختسا آلدیغی زَده‌لری سبَب گؤستریر. مثلاً بیری جنایت ائدیر، سونرا دا بونو اوشاقلیغینداکی زَده‌لرله باغلاییب. من بونو آنلامیرام. هر شئی زَده‌لردن قایناقلانیرسا، اوندا اینسانین کیملیینده‌کی، ماهیتینده‌کی ظالیملیق، مرحمت، ژنتیکا، بئینیمیزده کُدلاشْمیش مین ایلللیک عادت‌لر... بونلار نه‌دیر؟ هر شئی زَده‌دیرسه، اوندا بو یاخشی و پیس آنلاییشینی هارا قویاق؟ — بلکه آلدیغیمیز زَده‌لر، یاشادیغیمیز تجربه‌لر او مُهرلَنمیش‌لرین اوستونه یئنی بیر حیکایه یازیر. بئله باخا بیلمریک‌می؟ دنیزین گؤزلری پاریلدا‌دی. — البته. بیز بیر کیملییه، ماهیته صاحبیق؛ یاشادیغیمیز، زَده‌لریمیز اونون اوستونه یازیلیب. کتاب کیمی دوشونون. کتابا اونون مضمونونا اویغون علاوه‌لر ائدیریک. بیز جنایت و تحقیقی موضوعا، گولومسه‌لی موضوعلو کمدی عنصرلری علاوه ائده بیلمه‌ریک، اولماز، اوتورماز. علاوه ائتسک ده، جدی آلینماز. چئوریلر اولار کمدی... بیز مطلق (جنایت‌لی، قانلی حادثه‌لرله باغلی)  ماهیتلی بیر علاوه ائتمه‌لیییک. بلکه انسان ائله بودور. آدینا ماهیت، کیملیک، خصلت نه دئییریک دئیه‌ک — آلدیغیمیز زَده‌لر بونلارین اوستونه گلیر. اَکسیکدیر، یا زَنگینلشدیر، فرق ائتمیر. بو، پیسلیکله، ظالملیقلا، یا دا یاخشیلیقلا، مرحمتله زَنگینلشدیرمه اولا بیلر. — سیز سری قاتیللر حاقّیندا اوخوموسوز؟ — هه. بیلیرم نه‌یه دئیه‌جکسینیز. هامیسینین حیات حکایه‌سینده اوشاقلیغین زَده‌لری وار. آمما اونلار قاتیل اولدوقلاری اوچون تانینیرلار. عئینی زَده‌لره مَعروض قالان، آمما قاتیل اولمادیقلاری اوچون مشهورلشمَه‌ین، آراسیندا دونیانین اَن مرحمتلی انسانلاری اولانلار دا وار. -زَده‌لری آنجاق ظالیملار یاراتمیر کی. مثلاً سیز؟ — من نه؟ — ظالم آدامسیز؟ — من؟ اصلین‌ده، دئییلم. آمما کیم اؤزو حاقّیندا راحاتجا «ظالیم آدامام» دئییر کی؟ هر کس یاخشی آدام اولماق اوچون چابالامیرمی؟ داها دقیق دئسک، هامینین اونون یاخشی آدام کیمی تانیماسی اوچون. ایشین غریبه یانی دا بودور. دونیانین اَن اجلاف آدامی یاخشی آدام کیمی گؤرونمک اوچون مین جور حیله، حوققادان چیخیر. بونا دا حیرتلنمیشم — پیسلییین پیس شئی اولدوغونو بیلیب یاخشی آدام کیمی گؤرونمه‌یه چالیشدیغین حالدا نییه پیسلیک ائده بیلیرسن؟ قاتیللری خاطیرلاتدیز. اونلار قربانلارینی گیزلین‌ده اؤلدورورلر، چونکی بونون پیس عمل اولدوغونو بیلیر. — بلکه بیلمیر، فقط جَزا آلماماق اوچون گیزلین‌ده ائدیر؟ بوتون قاتیللر... 16 تؤرتدیکلری جنایت‌لرین آچیلمایاجاغینا اینانیرلار. بَلکه، اینانماسالار، جنایت ائتمزلر؟ -یوخ، بو مسئله بئله بَسیط دئییل. اونلار قتلین پیس عمل اولدوغونو بیلیرلر. بَلکه ده، قاتیللر اَن اویغون نمونه دئییل. ائله سیاستچیلری گؤتورَک. اونلار نییه اوزده بیر جور، آرخادا باشقا جوردیرلر؟ یا دا، مَثَلن، هانسی‌سا ساختاکارلیغی ائدَن، بونا گؤره هئچ بیر جَزا آلمایاجاغینی بیلَن بیری نییه گیزلینده گؤرور بو ایشی؟ مَثَلن، منیم آتام نییه آناما گیزلیجه خیانت ائدیردی؟ نییه هامییا یالاندان آند ایچیپ اونو آلداتمادیغینی، دؤیمه‌دیینی دئییردی. دَنیز سوسوب اوزومه باخدی. گارسون ماسایا یاخینلاشاندا من ساعاتا گؤز آتدیم. ۰۲/۴۸‌ای گؤستَریردی. -یورولدوز، - دَنیز کَدَرله اوزومه باخدی. -بیر آز. آمما سیزین دانیشدیقلارینیزا گؤره یوخ. معلوم، نورمالدا بو ساعاتدا یوخودا اولوروق. -دوغرو، نورمالدا و نورمال انسانلار. مَثَلن، مِن اوزومو نورمال سایمیرام. -او باخیر سیزین نَیی آنورمال حساب ائتمه‌ییزه. -سیز نئجه، نورمال انسانسیز؟ -من؟ یَقین کی، هَه. هرچند هئچ بیر خاص اوزللییم ده یوخدور. حیاتین آخارینا اویغون یاشایان عادی بیر آدامام. -بَس اوندا نییه مَنی دینلَه‌ییرسیز؟ بیر آز اؤنجه دئدینیز کی، نورمال آدام بو ساعاتدا یوخودا اولمالیدیر. «لَعنَت شَیطانا». بئینیمدن کئچَه‌نی دیله گَتیرمَدیم. -نیتیم سیزی غضبلَندیرمَک دئییل.

پیچیلتی(حیکایه) یازان :زومرود یاغمور کوچورن :سحر خیاوی باکی، ۱۸ آپرئل https://t.me/Adabiyyatsevanlar

شاه گئنه غضب‌له سوْروشار: — نئجه یعنی سن هاراداسان من ده اوْرادایام؟ وزیر باشینی آشاغا تیکیب دئیر: — شاهیمیز ساغ اوْلسون! سیزین قۇلاغینیزا پیچیلدایان کیشینین یانینا گئدیرم، سیزه اؤگره‌دن صنعتی، منه ده اؤگره‌دیر. شاه کندلی کیشینی چاغیرتدیرار. بۇ نه ایشدیر سوْروشار. کندلی کیشی شاها احوالاتی ناغیل ائدر. شاه وزیره اۆزونو تۇتوب، دئیر: — وزیر سن زۇرنا چالماغی اؤگرنمیشسن می؟ وزیر دئیر: — بلی پادشاهیم. شاه دئیر: — اوْندا سن گئت زۇرنانی چال. ائله بۇ گۆندن بری بۇ کیشی، منیم وزیریم اوْلدو. https://t.me/Adabiyyatsevanlar

»قاراوللیلر و ناغیللار» «وزیرین زۇرنا چالماق اؤگرنمگی» ادبیات سئونلر:ویدا حشمتی یوْخسول بیر عائله‌، چوْخلوق اوْلدوقلاریندان، چوْخ چتین کئچینیردیلر. یوْخسول کیشی اۇلاغینی مینیب شهره گئدر. گؤرر، پادشاهین قصرینین قاباغیندا یاتان جماعت توْپلاشیبدیر. شاه بۆتون بگلری، ایالت صاحبلرینی چاغیریب، اؤلکه‌نین وضعیتی ایله بیلگیلنمک ایسته‌ییرمیش. کندلی کاسیب کیشی، بیر تاجرین یانینا گئدیب دئیر: — من فلان ایالتین صاحبی‌یم. پادشاه منی چاغیرتدیریب، آنجاق قۇلدورلار یوْلدا منی سوْیوندوروب، بۇ پالتاری وئریبلر. من ده اۇتاندیغیمدان نه مسأله‌نی شاها آچا بیلرم، نه ده بۇ اۆست-باش‌لا اوْنون قبولونا چاتا بیلرم. منه بیر دست یاخشی گئییم وئرین شاهین قۇللوغونا چاتیم. سوْنرا سیزه بئش دست پالتارین پولونو وئررم. تاجر راضیلاشار. کیشی بزنیب-دۆزنیب ایالت باشچیلاری ایله شاهین قبولوندا اگلشر. شاه آیری-آیری خانلاری دینله‌ییب، وضعیت‌له تانیش اوْلار. سوْنرا سس‌سیز اوْتوران کندلی کیشی‌یه اۆزونو تۇتوب، دئیر: — بگ سن نه‌دن دینمه‌ییرسن؟ هانسی ایالتین صاحبیسن؟ منه هئچ ده تانیش گلمیرسن. بس سیزین اوْرالاردا، جماعتین وضعیتی نئجه‌دیر؟ کیشی دئیر: — پادشاهیم! من وضعیتی سیزین اؤزونوزه دئمه‌لی‌یم. اذن وئرین یاخینلاشیم. شاه راضیلاشار. کیشی شاهین قۇلاغینا پیچیلدایار: — حرمتلی پادشاهیم! من نه بگم، نه ده ایالت صاحبی. لۆت-عریان بیر کندلی‌یم. اوْن اۆچ قۇلونوزون یئمگی-ایچمگی منه باخیر. اوْنلاری دوْلاندیرا بیلمیرم. اوْنون اۆچون اللریندن قاچیب، سیزین قۇللوغونوزا چاتمیشام. اگنیمده‌کی پالتارلار دا اؤزگه‌نیندیر. یالوار-یاخارلا آلیب، سیزین قبولونوزا گلمیشم. اگر سیزین بؤیوکلویونوز وارسا، منه کؤمک الینیزی اۇزادین، یوْخسا کیشیلیگینیز چاتمیرسا، ائله بۇرادا منی اؤلدورون. شاه راضیلیق ائدر. — آفرین سنه! دئمه‌لی سنین ایالتین چوْخ یاخشی دوْلانیر. — ائله‌دیر پادشاهیم. هامی اؤزوم کیمی دولانیر دئییب، شاهین سؤزلرینی کندلی کیشی تصدیق ائدر. شاه اۆزونو وزیره تۇتوب دئیر: — بۇ کیشینی خزانه‌یه آپار، نه قدر گۆجو چاتیرسا اوْنا آلتین وئر آپارسین. کندلی تعظیم ائدیب، وزیرله بیرلیکده چؽخار. اۇلاغین اۆستوندن خۇرجونونو گؤتوروب، خزانه‌یه گلر. خۇرجونون هر ایکی گؤزونو دوْلدوروب، اۇلاغین اۆستونه آشیرار. کین-پاخیللیق وزیرین اۆرگینی دیدیب، پارچالایار. اؤزونه دئیر «بۇ هارانین بگیدیر کی، من تانیمادیم؟ گؤرن اوْ شاها نه دئدی کی، شاه اوْنا بۇ قدر آلتین قؽیدی؟» کندلی، تاجره بیر اوْووج آلتین وئریب، یوْلا دۆزلر. اوْ یوْلا دۆشدوکدن سوْنرا وزیر آتینی مینیب، آرخاسیجا گئدر. بیر دره‌ده، اوْنو یاخالاییب، قؽلینجینی چکر. باغیرار: دایان گؤروم! سن شاهین قۇلاغینا نه دئدین؟ کیمسن؟ کندلی کیشی جواب وئرر: — من بیلیجی‌یم. وزیر دئیر: — ایندیکی سن بیلیجیسن، منیم اۆچ سؤالیما جواب وئرمه‌لیسن، یوْخسا سنی بۇرادا اؤلدوره‌جگم. کندلی کیشی دئیر: — بۇیور. وزیر دئیر: — بیرینجیسی بۇدور: منه دئ گؤروم، گؤیده‌کی اۇلدوزلارین سایی نئچه‌دیر؟ کندلی کیشی دئیر: — منیم ائششگیمین تۆکلری سایی. اینانمیرسان گل سای. وزیر دئیر: — یاخشی ایکینجی سؤالیم بۇدور، دئ گؤروم الله هارادادیر؟ کندلی کیشی جواب وئرر: — یاخشی باخسان اوْدور. وزیر نه قدر باخار گؤره بیلمز. کیشی دئیر: — وزیر گل پالتاریمیزی دگیشک، سن ائششگی مین. اوْندا گؤره بیلمه‌سن، من سنه تسلیم اوْلارام. کندلی خۇرجونو آتین بئلینه آتار. وزیرله پالتارینی دگیشدیرر. وزیر ائششگی مینیب، دقّت‌له باخار. دئیر: — کیشی بس الله هانی؟ من گؤره بیلمیرم. کندلی کیشی آتی مینیب، وزیره دئیر: — وزیر! سن ائله بۇرادا دایان الله-ی آختار. یقین گؤره‌جکسن. سوْنرا آتی قامچیلاییب، گؤزدن ایتر. وزیر ایسه کوْر-پئشمان، ائششگین اۆستونده ائوه قاییدار. درحال پالتارینی دگیشیب، آتی مینر. کیشینین کندینه ساری یوْلا دۆشر. اۇزاقدان وزیرین گلدیگینی گؤرن کندلی کیشی اوْنو گۆلر اۆزله قارشیلایار. یاخشی قوْناقلیق ترتیب وئریب، دئیر: — بو منیم ایتن قارداشیمدیر. مجلس قۇرتاراندان سوْنرا وزیر سوْروشار: — ایندی دئ گؤروم شاهین قولاغینا نه دئدین؟ کیشی جواب وئرر: — من شاها گیزلیجه قاوال اؤگردیرم. شاه اوْنون حقّینی وئردی. وزیر دئیر: — اوْندا منه ده زۇرنا چالماق اؤگرت! قوْی منیم ده بیر صنعتیم اوْلسون. کیشی راضیلاشار. هر جمعه گۆنو وزیرین یانینا گلیب، زۇرنا چالماق اؤگره‌در. بیر گۆن شاه غضبلنیب، وزیردن سوْروشار: — سنین ایشین-گۆجون یوْخدور؟ هر جمعه گۆنو هارالارا گئدیرسن؟ وزیر بیرآز اؤزونو ایتیریب، دئیر: — شاه ساغ اوْلسون! سیز هارادا اوْلورسانیز، من ده اوْرادایام.

تاینینمیش، شهرت‌لی داغچی «باقر صمدیان » ادبیات سئونلر گوزگوسونده زمان :سه شنبه1405/6/10 یونتمن: موسی بلالی گورونتو چو: مهری شاهویردی فوتوقراف: الهه کاووسی آپاریجی: کریم قربانزاده https://t.me/Adabiyyatsevanlar

اوشاق ادبیاتی بیوگرافی« صمد بهرنگی» https://t.me/Adabiyyatsevanlar