ادبیات سئونلر

اوشاق ادبیاتی درس معلم درس معلم ار بوَد زمزمه یِ محبتی جمعه به مکتب آوَرَد،طفلِ گریز پای را «نظیری نیشابوری» وقتی خیال کودک، جان می‌گیرد…. و معلـم مهـربان بـه خیال های دانـش آموزان حیات می بخشد! معلمی مهربان نقاشی‌های ساده و کودکانه را به عروسک‌های زیبا تبدیل کرده است ؛ یعنی به رؤیاهای کودک ، شکل و زندگی بخشیـده. این کار ؛ نه‌ تنها خلاقیـت و تخیـل کـودک را تقویت می‌کند، بلکه به او پیام می‌دهد: «ایده‌ها و دنیای تو ارزشمند است».

1.      جمعی فرهنگی گؤزل بیر ایشه قاتیلماقلاری اوچون 2.      اؤز گونلری(اعتماد به نفس) اوچون آیتا حبیب‌وند: آیتانین نقاشیسی دوغورداندا گؤزل دیر. هم تکنیک ایشله‌دیب هم ده اسرا کیمین اؤز اوشاقلیغی ایله شیرینلیگینی قاتمیش اونا. کارین نوروزی: ایکی گول چکمیش بیر ائوده. دئدیم به بو گوللر آتاسی ایله آناسی دیر. یا دا آناسی ایله آتاسینا چکمیش بو گوللری! دئمه به هئچ بیری دئییلمیش منیم ساندیغلاریم. بؤیوک باباسینین گولخاناسینی چکمیش دینقیلی کارین! مرسانا رضایی 4 یاشیندا آدام چکمیش داش ایله، دینقیلی ایستمه‌لی قیز مرسانا! آدینی سسله‌ییرم نقاشیسینی الینه وئریرم. او بیریلر کیمی اوتاقدا دولانیر هامییا گؤستریر. سونرا گلیر اؤنومده دورور. نمنه چکدیگینی بیر داها سورورام. دئییر بو آدام دیر بو دا داش. دئییرم آدام داشی گؤتوروب نئیله‌سین؟ دئییر: داشی هاپی‌یا آتیر. دئییرم: هاپی‌یا دیییر؟ دئییر: هه! دئییرم: سن ده هاپی‌یا داش آتمیسان؟ دئییر: هه! دئییرم: هاپی اینجییبدی؟ «آیناز»ین یازدیغی کیمی مکث ائله‌ییر سونرا دئییر: فیکر ائلیرم! چپیک چالیرام آفرین دئییرم آلقیشلاییرام مرسانانی! دؤرد یاشیندا بیر قیزجیغازین مکث ائدیب، تردید و عدم قطعیته قاتلانماسی دوشونودوروجو، گؤزل و درس آلمالی دئییل سیزجه؟! اوشاقلاری جیددی توتاراق اونلاردان هردن بیر شئیلر اؤیرنمه‌یی عار بیلمه‌یک!  اوندا بلکه‌م انسان توپلومو بو قدر آجی تراژدیلر یاشاماز.  https://t.me/Adabiyyatsevanlar

اوشاق ادبیاتی بئش دان شین تجروبلریندن مکث، عدم قطعیت   3. جو ایله ۴. جوجلسه بئش‌داشین بو جلسه‌سی تام فرقیلی بیر شکیلده آرمیدلیق(جانبازان) پارکیندا اولدو. پارکا گلن اوشاقلارین آراسینا گئدیب اونلاری ادبی هنری مجلسیمیزه دعوت ائله‌دیک. بئله اولدو کی ایلک اولاراق یئنی بیر تجربه قازاندیق. «ورزش معلم ایکی توپ وئریر قویور گئدیر. اوشاقلار ایکی دسته اولورلار هئچ بیری سنی اویناتماییر!» بونا گؤره بیر ناغیل یاز. «سئحیرلی بیر میداد تاپیرسان، آنا ایله آتاوا ان سئودیکلری هدیه‌نی چک!» نقاشی‌نین موضوعسو بو ایدی. ✅ناغیللار محمدمهدی غفاری، 14 یاشیندا: اؤزو دئمیشکن گؤردویو بیر فیلمدن الهام آلاراق بئله یازیر محمدمهدی: گونلرین بیر گونونده مدرسه‌ده ورزش زنگینده معلم ایکی توپ گتیردی. من فوتبالدا یاخجی دئییلدیم. یاواش یاواش هر کاپیتان اؤز آداملارینی چکدی. کلاسیمیزدا اون‌بئش نفر وار ایدی. ایکی نفر قالدی. بیری من ایدیم. اونودا بیری گؤتوردو. منی اوینادان اولمادی. ناراحات اولوب پله‌ده اوتوردوم. او زنگ قورتولدو گئتسه‌ده منیم روابطیم کلاسدا اوشاقلارلا پیس اولدو. ائوه گئدیب اؤزومو ساکینلشدیردیم. ایندی ایسه قیرخ یاشیم وار. ایللردی بوتون گروهلاردان ائشیگه آتیلمیشام. هپ تک باشینا ایشله‌ییرم. ایشیمده باشاریلی اولسامدا آنجاق پوزغون و یالنیزام. بیر گون بیرینین من ایله یولداش اولماق ایسته‌دیگینی آنلادیم. اونونلا دانیشدیم و یولداش اولدوم. هپ سویوق و قووشمایان بیری اولدوغوما گؤره یاخچی یولداشلیغیم اولمادی. هپ ساکت ایدیم. گونلر کئچدی و من هله اونلا یولداش ایدیم. بالا بالا یاخچیلاشیردیم. آنجاق بیرگون او اؤلدورولدو و من گئنه تک قالدیم. احساسلاریمی الدن وئردیم. باش آغریلاریم و پیس حالیم اوچون دوکتورا گئدیب بللی اولدو سرطانیم وار. آرتیق یاشامیمدان بیر ایل قالمیشدی... محمدمهدی‌دن سوروشاندا اؤزون بئله بیر دورما دوشورسون نئیلرسن؟ دئدی من بئله بر وضعیتی دفعه‌لرجه تجربه ائله‌میشم. پیاده‌روی و درین نفس چکمکله اؤزومه توختاقلیق وئرمیشم. طاها بهمنی: منی مدرسه‌ده اویناتماسالار؛ بلکه مندن بیر داورانیش باش وئریب؟ دئیه؛ هر شئیدن قاباق گومانیم اؤزومه گئدر. گئدیب علتینی اونلاردان سوروشارام. تقصیر مندن اولورسا؛ اؤزوم اوزاق دورارام، مندن اولماییرسا، ورزش زنگی سئودیگیم اوچون، اونلاری هئچ وده باغیشلامارام. ورزش زنگینی بوتون اوشاقلار سئویرلر. بعضی اوشاقلار اونلارین سئوینجینه مانع اولمامالیدیلار. بو چوخ پیس بیر ایش دیر. محیصا شیخ‌بگلو، 10 یاشیندا: هر ایکی دسته منی اویناتماسالار خانیم معلمه دئیرم: لطفن اوشاقلارا دئیین منی ده اویناتسینلار. خانیم معلم منه دئیر: جانیم اونلار دئدیم، آما سنی اویناتماق ایستمیرلر. ایسته‌سن من سنله اوینایارام! سئوینه‌رک دئدیم: منله اویناسان، چوخ چوخ سئوینرم. اوشاقلار خانیم معلمین منله اویناغیمیزی گؤرونجه، بیزه ساری گلدیلر. دئدیلر: بیزی ده اوینادین دا؟ خانیم معلم دئدی: سیز یولداشیزی اویناتدیز من سیزی اوینادیم؟ اوشاقلار خانیم معلمدن معذرت ایسته‌دیلر دئدیلر: باغیشلاین بیرده بئله بیر ایش گؤرمه‌ریک. امیرحسین اسماعیلی 14 یاشیندا: ریاضی زنگی قوتاردی من و اوشاقلار حیطه گئتدیک. ورزش معلمی ایکی توپ بیزه وئردی. یولداشلاریم ایکی دسته اولدولار. نه والیبال اوینایانلار، نه ده فوتبال اوینایانلار، منی اویناتمادیلار. گئدیب معلمه دئدیم. معلم گلیب اوشاقلارلا دانیشدی، منی ده اویناتدیلار. آیناز بابره، 10 یاشیندا: بیرگون مدرسه‌ده ایدیم ورزش زنگی اولدو. خانیم معلم بیزی ایکی دسته‌یه بؤلوب ایکی توپ وئردی. آما من اویناتمادیلار. من چوخ ناراحت اولوب حیطده بیر بوجاقدا اوتوردوم. خانیم معلم یانیما گلیب دئدی: نییه ناراحاتسان؟ من مکث ائله‌دیم دئدیم: اوشاقلار منی اویناتماییرلار. خانیم معلم دئدی: منه تئز دئیردین دا! خانیم معلم خیطین اورتاسینا گئدیب اوشاقلار دئدی: اوشاقلار یولداشیزی نییه اویناتمیرسیز؟ اوشاقلار مکث ائله‌ییب دئدیلر: هانسی تیمدن اولسا او تیم بیر نفر چوخ اولور آخی! معلم دئدی: اشکالی یوخ دیر، نوبه ایله بیریز ائشیکده دورون. من او گونو هئچ واقت اونوتمادیم.   ✅نقاشیلار زهرا شیخی 11 یاشیندا: قوجامان بیر اورک چکمیش جلسه‌ده محیصا کیمین ساکت اوتورموش دقتله سؤزلره قولاق آسان، هردنده گولومسه‌ین زهرا. اوره‌یین ایچینده اؤزو ایله آناسینی چکمیش.آناسینا چیچک وئرمیش. آنا بالا گولور. نه موتلو زهرانین آناسینا! اسرا شیخی 6 یاشیندا: لاپ سئودیگیم نقاشیلاردان دیر اسرانین نقاشیسی! یاریشمالار سایاغی بیریمجی اثرلری سئچمک اجباریندا اولسایدیم بیر بونو سئچردیم بیرده آیتا حبیب‌وندین نقاشیسینی. آما جلسه‌نین باشلانیشیندا وورغولادیغیم کیمی؛ او گئجه بیزه قاتیلانلارین هامیسی جایزه‌یه لایق دیلر منجه؛ ایکی مهم دلیله گؤره:

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

ایلقار موذن‌زاده تیر آیینین ایکیسی صمد بهرنگی‌نین دوغوم گونودور «تیر آیینین ایکیسی، ادبیاتیمیزین و اؤیره‌تیم ساحه‌سی‌نین اؤنملی و تاثیرلی سیمالاریندان اولان صمد بهرنگی‌نین دوغوم گونودور. صمد، تکجه بیر یازیچی دئییل؛ بلکه آذربایجان خالقی‌نین دردلرینی، محرومیتلرینی و اَن اؤنملیسی، اونلارین درین اومودلارینی کلمه‌لره سیغدیرا بیلن بیر دوشونر ایدی. او، اؤز قیسا عؤمرونده، یالنیز اوشاقلار اوچون ناغیل یازماقلا قالمادی، بلکه هر بیر سؤزونده عدالت، آزادلیق و اوخوماق روحیه‌سینی ترجیح ائتدی. «بالاجا قارا بالیق» رُمانی ایله صمد، بیزه اؤیرتدی کی، باشقالارینین سس‌سیزجه ایزله‌دیگی یوللاردان گئتمک یئرینه، اؤز یولوموزو تاپماق و دونیانی دَییشمک اوچون جسارتلی اولمالیییق. صمدین دونیاگؤروشو، فرهنگ و هونر ساحه‌سینده آذربایجانین دیل، مدنیت و فولکلورونا درین حؤرمت و تعهودله یوغرولموشدو. اونون اؤیرتدیگی ان بؤیوک درس، سؤزون و عملین بیر اولماسینا وورغو یاپیردی؛ او، بیزی ساده‌جه کتاب اوخوماغا دئییل، دوشونمه‌یه، سورغولاماغا و اؤز حیاتیمیزین حاکیمی اولماغا چاغیردی. بو گون، اونون میراثی هله ده اوشاقلارین و بؤیوکلرین قلبینده یاشاییر؛ او، بیزه حیاتین معناسینی، استقامت و آزادلیق یولوندا تیتره‌مه‌دن آددیملاماغی خاطیرلادیر. یادین شاد، یولون دواملی و فیکیرلرین هر زامان بیزیمله اولسون، ای صمد!» https://t.me/Adabiyyatsevanlar

تیر آینین ایکی سی "صمد بهرنگی" نین آد گونو قوتلو اولسون. https://t.me/Adabiyyatsevanlar

✅✅✅سایین کانالداشلار چرشنبه گونلری ادبیات سئونلر قروپوندا یالنیز نثر یازیلارین پایلاشیریق . https://t.me/Adabiyyatsevanlar

یازان :بویوک آغا افندی سیزدن یاخشی آدام  بودونیایا نه گلیب نه ده گله‌جک، مخصوصا جنگ زمانی چوخ غیرتلی، شریف، وطن‌سئوردینیز. خصوصلیه منه ده چوخ بتر ارادتینیز وارایدی، سیزین ارادتینیز منه، دشمنلری محو ائله‌دی، خبرینیز یوخودو والله، آللاه سیزدن اؤتور اولور، سیز اونون چوخ عزیز بنده‌لریسینیز، آللاهین دینینی قورودونوز، اونون دینینین دوشمنلرینین نه‌کی‌وارینی داغیتدینیز. محاربه زمانی یوخسولوغو، قیتلیغی، هرزادی جان-دل ایله تحمل ائله‌دینیز، آخ دا دئمه‌دینیز... ایندی بیزیم نؤبه‌میزدی سیزه خدمت ائدک. والهی سیزی قیزیلا چولاقاساق آزدی، آمما آلله اوزو شاهیددی گئجه-گوندوز فیکیرلشدیک هئچ اولماسا حقوقلارینیزی تورمه یاخین آرتیراق، اؤزوم اؤلوم، سیز اؤله‌سینیر ایمکانی اولمادی. آخی سیزین حقوقونوزو آرتیراندا تورّم گئدر اوسته، سیزی ناراحت ائدر. سیزین راحاتسیزلیغینیزا دؤزه بیلمه‌دیک، اونا گؤره ده، خیالینیز راحات اولسون، آیلیقلارینیز سیز دئین کیمی آرتمایاجاق. بیر سیرا آغالار-خانیملار هرگون دئییرلر داوا-درمانی بیمه ایله مجانی ائدین واللاه حاق سؤزدو، بیللاه حاق سؤزدو، آمما نئینه‌مک، دولت تامین اجتماعی‌نین بورجونو وئرمه‌ییب. البت دولتین ده تقصیری یوخدو کؤپک‌اوغلو ترامپ قویمور. پوللارینی قطردن، کوره‌دن، اویان بو یاندان آلسینلار. سیز کی ایندییه‌جه دؤزوبسونوز بیر آز دا دؤزون، بیز آمریکا ایله توافق ائدک امریکا کوره‌یه دئسین اویان-بویانا، اونا-بونا دئسین بیزیم پوللاریمیزی گؤندرسینلر قطره-قطره ده وئرسینلر بتره آللاه دئین اولسا، بتر ده تؤکسون بانک مرکزینین حسابینا دولت بانکدان بورج آلسین هم گلیرینیزی آرتیرسین، هم داوا-درمانیزی موفته ائله‌سین. آمما لاپ دا نسیه اولماسین دئییه‌سیزه خدمت ائلمک اوچون فعلا اینترنتی، گازی، برقی، سویو، تلفنی اون قات باهالادیریق انشاللاه هاچان چوخ یاغیش یاغسا، بوتون سدّلر دولسا، دریالار داشسا، یئر آلتینداکی، اوستونده‌کی سولاریمیز ناترازلیقدان چیخسا اونلاری دا اونلاریدا موفته ائده‌جه‌ییک. آللاه سیزی ساخلاسین سیزه هرنه خدمت ائله‌سک واللاه آزدی... https://t.me/Adabiyyatsevanlar

اورگی هردن‌بیر بولانسا دا، تئز-تئز اودقونوب آغزینا گلن قاتی زهرله موباریزه آپاریردی. مأیوسلوقلا بیر مرتبه ده قالخدی. بیلمه‌دی داییسی‌نین منزیلی ساغدادیر  یوخسا سولدا. بو باره‌ده هئچ نه یادینا دوشموردو. ساغ قاپی قیرمیزی رنگ ایدی. قاپی‌نین کنارلاری ناخیشلارلا بزه‌دیلمیشدی. سولداکی قاپی ایسه بوم-بوز. فیکیرلشدی، داییسی‌نین قاپیسی بو قیرمیزی  ناخیشلارلا بزه‌دیلمیش قاپی اولماز. بوز قاپییا یاخینلاشیب تاققیلداتدی، سمیر گلمه‌دی. قاپیلاری سحو سالدیغینی دوشوندو. چئوریلیب بیر ده قیرمیزی  ناخیشلارلا بزه دیلمیش قاپییا باخدی.  یئنه بو بوز قاپینی دؤیدو، سس-سمیر چیخمادی، قاییتماق ایسته‌سه ده، بو دفعه‌ بوز قاپینی برک دؤیدو. منزیلدن آیاق سسی ائشیدیلدی. قاپی‌نین گؤزلویو قارالدی، کیلید شاققیلتی ایله آچیلدی. باخ ایندی، بلکه ده چؤلده مئح اسیر  یارپاق تیتره‌ییر، قوش اوچور، ماشین کئچیر. محله‌‌ دوکانی موشتری ایله آشیب-داشیر، زیوه‌دکی پالتارلار بئلله‌نیر. ۲۱ نؤمره‌لی منزیلدن گلن «آااه.. اوففف»لار آچیق پنجره‌دن کوچه‌یه اؤز احتیراس نغمه‌سینی یاییردی. قاپینی آچان نایله ایدی. هامی آغلیندان کئچمیشدی، آمّا نایله...  داییسی قیزی وفانین ان یاخین رفیقه‌سی اولسا دا، اونونلا بوردا قارشیلاشاجاغینا قطعی گومانی یوخ ایدی. یعنی بیر آدام تاپیلمادی قالیب هر یئری ساهمانا سالسین؟ نییه نایله؟.. بو ناقولای تصادوف لاپدان قالخان کولک کیمی هر شئیی سیلکه‌لدی. - بویور  کئچ -  نایله تعجبونو گیزلتمک اوچون گؤزلرینی قارشیسیندا دایانان، چوخداندی اوزونو گؤرمه‌دییی، سسینی اشیتمه‌دییی کؤهنه تانیشیندان یاییندیردی. باشی ایله سلام وئریب دهلیزه کئچدی. اوتاقلارا گؤز گزدیردی. اوشاق واختی آناسی ایله بیرگه تئز-تئز گلیردی. داییسی‌گیلده دئمک اولار، هئچ نه دگیشمه‌میشدی. ان چوخ دیوار کاغیذلارینین رنگی یادیندا قالمیشدی بو ائودن، نئجه وار  ائله ایدی. یاتاق اوتاغیندا چارپایی‌نین اوزه‌رینده دؤشک فیلان یوخ ایدی. ماتراسین(تخت) اورتاسینا دمیر چکیج قویموشدولار. دئیه‌سن  جنازه‌نی یورغان-دؤشک قاریشیق آپارمیشدیلار. چکیجه باخیب گؤزو یول چکدی، اونو بو دورغونلوقدان اوتاغی بوروموش اودکولون اییی آییلتدی. مطبخه کئچنده نایله‌نین چای سوزدویونو گؤردو: -ائله بوردا اوتوراجام. نایله آرمودو ایستکانا سوزولموش چایی ماسانین اوستونه قویوب قاب یوماغا قاییتدی. نایله ده، عینیله دیوار کاغیذی کیمی هئچ دگیشمه‌میشدی -بئلی همین اینجه‌لیکده، قوللاری نام-نازیک،  آیاقلاری دوم-دوز، بارماقلاری خیرداجا،  اوزو آووج بویدایدی. ساچی‌نین رنگی پاریلتیسینی ایتیرمه‌میشدی. دوداقلاری همین طراوتده ایدی. ائله بیل بو ایللر عرضینده هئچ کیمین الی دگمه‌میشدی اونا. دی گل، ایللر اوّل عادیدن ده عادی بیر حرکتی ایله آغلینی باشدان چیخارسا دا، ایندی نایله‌نین قابلاری یودوقجا سیلکله‌نن اندامی قطعی شهوت یاراتمیردی اوندا. خاطیره‌لری ده بویاتلاشمیشدی. بیر شئی یادینا دوشنده او بیرینی اونودوردو. ایندی او حادثه‌‌لرین اوستوندن او قدر واخت کئچمیشدی، خاطیرلاماق دا چتین ایدی نه‌ایسه.  نایله ایله تانیشلیقلاری کینو لئنتی کیمی گؤزونون قاباغیندان کئچیردی. هله بیرینجی کورسدا پاییز امتحانلارینین آخیرینجی‌سیندا کامئراسی اولمایان ۵۰۴-جو آودیتورییاد(سالن‌دا) ایلک دفعه‌ اونو اؤپمگینی، ایکینجی کورسون اورتالاریندا قروپلا بیرگه قاخا سفرلرینی  مئشه‌نین درینلیکلرینده -یارپاقلارین اوستونده اوزانیب آپ-آیدین سمایا دقت کسیلدیکلرینی... اوچونجو کورسون اوّلینده نظامی کوچه‌سینده‌کی رستورانلارین بیرینده  خئیلی ایچیب، سحر هارداسا گؤزلرینی بیرگه آچیب خئیلی اوتاندیقلارینی...  چتینلیکله هر شئیی یادینا سالماق ایستسه‌ ده، یئنه نایلیه اوّلکی گؤزله باخا بیلمیردی، تا کی گؤزلری اونون توپوقلارینا ساتاشانا قدر. توپوقلاری دا دگیشمه‌میشدی. نئجه عینی اؤلچوده و اعجازکار گؤرونوردو آیاقلارینداکی بو چیخینتیلار. دوداقلاری قورودو، دونن یئدیکلری‌بیر-بیر گؤزونون قاباغینا گلدی، معده‌سی بوغازینا دیره‌ندی. چایدان بیر نئچه قورتوم ایچیب اودقوندو، بدنیندن داش آسیلدی. -رنگین نییه آغ-آپ‌-آقدیر؟- نایله بایاقدان حؤکم سورن سسسیزلییی پوزدو. -نه بیلیم... یقین یئمه‌گیمی قاریشدیرمیشام. -آیران آلایدین- نایله سویودوجونو آچیب گؤز گزدیردی. -یاخشییدیم، ایندی نه‌سه... - جانینی قورتارماق اوچون بیلمه‌دی نه دئسین، -ارینله نئجه یولا گئدیرسن؟ سویودوجونون سویوقلوغو نایله‌نین سسینه قاریشدی. -ارین؟.. من نه واختدی بوشانمیشام،  طاهیر معللیم. آدی قولاغیندا یاد سؤز کیمی جینگیلده‌دی طاهیرین، سحر آچیلاندان ایلک دفعه‌ ایدی کیمسه آدی ایله چاغیریردی اونو. هم ده گؤر نئچه واختدی نایله‌نین دیلیندن ائشیتمه‌میشدی ادینی!؟ تکجه بو یوخ،  ایندی نایله‌نین دوداقلاریندا اوچوشان هر تانیش سؤز طاهیره نئچه ایل اوزاق گؤرونوردو. https://t.me/Adabiyyatsevanlar

خوشاگلمز حادثه‌‌ حئکایه‌ یازار:نادر یالچین کؤچورن: ویدا حشمتی حاضیرلایان: ادبیات سئونلر   مئییتین هنیری داغیلمایان منزیل اونا واهیمه‌لی گلدییی اوچون ایچری کئچمک باره‌ده خئیلی گؤتور-قوی ائله‌دی، هم ده بیلمیردی ائوده کیم قالیب، کیمله قارشیلاشاجاق، قارشیلاشدیغی آداملا نه دانیشاجاق. بو واخت گلیب چیخدیغینی نئجه باشا سالاجاق؟ اوچونجو مرتبه‌یه قدر آستا-آستا قالخدی. ایچری کئچمه‌یه بیر نئچه دفعه‌ جهد ائتسه ده، اورک ائله‌مه‌دی، ائله همین سرعتله گئری قاییتدی. بو،  داییسینی چوخ سئودییینه گؤره دئییلدی. اونلاری قوهوملوقدان باشقا هئچ نه باغلامیردی، آخیرینجی دفعه‌ نه واخت گؤروشدوکلرینی ده خاطیرلایا بیلمیردی. یول بویو داییسی‌نین اؤلوم خبری اونون اوچون صابون کؤپویو ایدی. هارداسا، بیر ساعت اوّل مئییتی مسجیده آپاردیقلارینی اؤگرندی.  بو کفن-دفن صؤحبتلریندن یاخاسینی چکدییی اوچون قطعیّاًً ناراحات اولمادی. وله‌سین کؤلگه‌سینه وئریب دوشوندو: «گرک بیر مدت آنامین گؤزونه گؤرسنمه‌ییم». اصلینده بیله-بیله گئجیکمه‌میشدی.  دونن ایستانبولدا یاشایان دوستو گلمیشدی، گئجه‌نین بیلینمه‌ین ساعتلارینا قدر ایچمیشدیلر. بئله اولاندا تلفونو سؤندوروب یاتیر. سحرکی باش‌آغریسینا، اورک بولانتیسینا، حالسیزلیغینا آدینی تاپا بیلمه‌دییی بو وضعيّتلره تاب گتیرمک اوچون یاتماقدان باشقا علاج بیلمیردی. اویاناندا آناسیندان، باجیسیندان گلن آرد-آردا زنگ بیلدیریشلرینی گؤروب ناراحات اولموشدو. تلفوندا آناسی‌نین هؤنکورتو ایله: «سن هارداسان آخی؟» -سؤزلرینی ائشیده‌نده اؤز-اؤزونه ایستانبولدان گلن دوستونو یامانلامیشدی. ائله اوندا بیریوللوق باشا دوشموشدو کی، ایکی نفره ۷ لیتر بسدی. ایندی ایسه بو دوققوز مرتبه‌لینین قارشیسیندا آناسی‌نین سسی قولاغیندا جینگیلده‌ییردی. اینتهاسی، باشقا شئیلری فیکیرلشمک ایسته‌ییردی. ائله بیر شئی کی، بو گونله، داییسی‌نین اؤلومو و اونون خاطیره‌سی ایله علاقه‌‌لی اولماسین، تامام باشقا بیر شئی. مثلا، نییه ایرانلیلار خزر دنیزینه مازانداران گؤلو دئییر؟ یاخود نییه هانسی آیدا «ر» حرفی یوخدورسا  همین آی بالیق یئمک اولماز؟ آنجاق ائله بو دقیقه وله‌سین کؤلگه‌سیندن چیخیب داییسی‌گیله قالخسا، مجبور بونلاری تصوّر ائده‌جکدی: داییسی نئجه اؤلوب،  اؤلنده نه دئییب، داییسی قیزلاری نه اویون چیخاریرلار، آناسینا باجیسینا بو خبر نئجه وئریلیب، اونلار هانسی وضعيّتده اؤزلرینی بورا یئتیریبلر، جنازه ائودن چیخاندا هانسی معرکه قوپوب مئییتی بو دار پیلله‌کنلرله آشاغی نئجه دوشوروبلر؟ بو خوشاگلمز حادثه‌‌نی تصوّر ائتمک ان پیس شئیی خاطیرلاماقدان ایکی‌قات آغیر گؤرونوردو اونا. لاپ ایندیجه باشقا بیر شئیی ده دقیقلشدیردی، داییسی‌نین اؤلومو اونون اوچون ساده‌جه خوشاگلمز حادثه‌‌ ایدی. حیطده قولاق‌باتیران سس-کویدن سونراکی ساکیتلیک واردی، بیر ساعت اوّلکی چیغیر-باغیردان  -اگر بئله بیر صحنه‌‌ اولموشدوسا- محله‌‌نین یادداشیندا هئچ نه قالمامیشدی. دوققوزمرتبه‌لینین گیریشینده کیمسه گؤزه دگمیردی. مئح اسمیر، یارپاق تیتره‌میر، قوش اوچمور، ماشین کئچمیر، محله‌‌ دوکانینا موشتری گیرمیر، زیوه‌ده‌کی پالتارلار یئللنمیر، آچیق پنجره‌لردن کوچه‌یه بیر میزیلتی بئله گلیب چاتمیردی. ائله بیل هامینین ال-آیاغی کیلیدلنمیش، نیطقی قوروموشدو. تکجه محله‌‌ده‌کی کیچیک فوتبول مئیدانچاسیندا بالاجا قارا ایت قاپی دیرکلرینین آراسیندا او طرف-بو طرفه قاچیر، هله درسدن قاییتمایان مکتبلیلری یامسیلاییردی. بو سس‌سیزلیک‌سه اونا بیر آزدان پیلله‌کنلری قالخیب داخیل اولاجاغی منزیلدن داها واهیمه‌لی گلدی، تئز اؤزونو بینانین گیریشیندن ایچری آتدی. ئوده کیمله قارشیلاشاجاغینی و نئجه داورانمالی اولدوغونو تخمین ائتدی. داییسی قیزلاری… یوخ، یقین اونلار جنازه ایله رایونا گئدردیلر، خالالاری قارداشلارینی سون منزیله یولا سالماقدان کیم ساخلایا بیلردی اونلاری؟ بلکه، او بیری داییسی‌نین آرواد-اوشاغی؟.. هه، باخ! بو اولار… ایکینجی مرتبه‌یه قالخاندا سول قاپی‌نین آرخاسیندان گلن «آااه.. اوفف» سسینی ائشیدیب آیاق ساخلادی.  پوخمئل(سرخوشلوقدان سونراکی خومارلیق) اولاندا دؤرد یاندان هوجوما کئچن سئویشمک آرزوسونون سببلری بارده دوشوندو. بیر طرفدن ده، بو ۲۱ نؤمره‌لی منزیلدن گلن سس،  بیر آنلیق الینی همین قاپی‌نین جفته‌سینه آتیب ایچری،گ کئچمک، بو سسین صاحبینی گؤرمک ایسته‌دی. گؤره‌سن نئچه یاشی وار؟ کیمینله بیرلیکده‌دیر؟ فیکیرلشدی، اوست مرتبه‌ده‌کی ائوده قونشوسو اؤلسه وای-شوونله اونو بو مرتبه‌لردن دوشوردوب باسدیرماغا آپارسالار، جمعی بیر ساعت سونرا کیمینله‌سه دلی کیمی سئویشه‌بیلرمی؟.. ساغ چیینی ایله بئینی‌نین دوز اورتاسینا اوزانان دامارین ایچینده سانکی قاریشقا گزدییینی  گؤرونمز بیر الین دامارلارینی فاصیله‌لرله سیخدیغینی حیسّ ائتدی.

 بؤیوک تورک شاعری ناظم حکمت و تورک دونیاسی... پروفسور، دکتر علی قافقازییالی چئویرن: (م. صفا) * آلتینجی حیصّه   ناظم حکمت حکایه‌سینه بئله داوام ائدیر:    "من گوج‌لو، ساغلام بیر گنج ایدیم. هم ده، دسته‌نین لیدئری ایدیم. خسته لیگیم تامامیله یوخ اولموشدو. قلبلری وطنینه و میللتینه سئوگی ایله دولو اولان حربی دنیز قوه‌لریندن و قالاتاسارایدان اولان دوستلاریمیزلا بیرلیکده قارانلیق دوشه‌ندن سونرا شهرین آرخا کوچه‌لرینه چیخاردیق؛ غیری-مسلمان قیزلارین و یا کوچه فاحیشه‌لرینین موشایعتی ایله سرخوش ایشغالچی عسگرلرین حؤرمتلی تورک قادینلارینا ساتاشدیغینی گؤره‌نده اونلاری کونجه سیخیشدیریر، یاخشیجا دؤیور و حتی سلاحلارینی دا، اللریندن آلیردیق. خصوصیله ده اینگیلیس لرین کوکلالاری اولان ساققاللی،  هیندلی لری قورخوتماغی سئویردیک.    بیر گون، توپخانا یاخینلیغیندا، ارزینجاندان اولان بیر چؤرک‌چی، بیزی چؤرکچی خانادا گیزلتدی، یئدیزدیردی و دئدیگی اوچون همین کیشیلری "کمک ائدین! کمک ائدین!" دئیه قیشقیراراق نئجه قوودوغوموزو گؤرموش اولمالی‌دیر. ایشغالچی عسگرلری جزالاندیرماق سیزین کیمی ساوادلی گنجلرین دئییل، بیزیم ایشیمیزدیر. ها، بیز..."    "بیز نه ائدیریک؟ بونا چوخ دا قاریشمایین. ایشغالچی مرحمت گؤسترمیر؛ الله‌سیزلارلا کافیرلر مشغول اولاجاق. اما سیز فرقلی سینیز. کوچه‌لرده دوشمن عسگرلرینی بو جور تعقیب ائتمکله هئچ نه یه نایل اولا بیلمزسینیز. اگر توتولسانیز، هامینیز اوچون تأسف دوغوراجاقسینیز. باخین، مصطفی کمال پاشا آنادولودا بیر شئی ائتمه‌یه چالیشاراق حیاتینی تهلوکه‌یه آتیر. نیه اونا قوشولمورسونوز؟..." "عمی،" ارزینجانلی چؤرک‌چییه دئدیم، "بو، بیزیم ده اوزون مدت‌دیر کی، مقصدیمیزدیر. اما بیز بونو نئجه ائده جه ییمیزی بیلمیریک. مثلاً، منیم آنکارادا پاشانین یاخین دوستو اولان بیر قوهوموم (ژنرال علی فوات جئبئسوی) وار، اما اونا نئجه چاتا بیلره‌م؟ حیسس لریمی و عصیانیمی یالنیز شئعیرله ایفاده ائده بیلیرم. و اونلار ژورناللاردا درج اولونور..." چؤرک‌چی، گؤرونور، چوخ حیله‌گر بیر آدام ایدی. "شئعیر سؤزونو ائشیدنده آیاغا قالخدی. "دئمه‌لی، بودور،" دئدی. "آنکارا سیزین یازدیقلارینیزی ایزله ییر." "شئعیرلر یازماغا داوام ائدین. اونلار گلیب سنی تاپاجاقلار!" ارزینجانلی چؤرک‌چی بو سؤزلری دئدیکدن قیسا مدت سونرا "آلئمدار" قزئتی... منیم "قیرخ اوغرونون اسیری" شئعیریمی نشر ائتدیردی و "آیین په" کیمی تانینان حربی پولیس و یا آنکارا آداملاری تئزلیکله منی تاپدیلار، نیتلریمی اؤیره‌ن‌دیلر و بیر نئچه گون عرضینده حاضر اولماغیمی بیلدیردیلر.    اینئبولو واسطه‌سیله آنادولویا کئچمه‌لی ایدیم و اگر هئچ بیر پروبلئم اولماسایدی، آنکارایا گئده جکدیم. والانی دوشونوردوم:    «منیم باشقا بیر دوستوم وار. او دا منیمله عینی دالغا بویوندادیر. او، هم ده، شئعیر یازیر. بیرلیکده اولا بیلریک می؟» دئدیم.    "دوستونون آدی ندیر؟"    'والا نورالدین.'    'باخاق... بیزدن خبر گؤزله. هئچ کیمه هئچ نه دئمه. سهو آددیم آتما...'                                      *** https://t.me/Adabiyyatsevanlar  

چرشنبه گونو ادبیات سئونلر کانالیندا بؤیوک تورک شاعری ناظم حکمت و تورک دنیاسی...  پرفسور. دکتر علی قافقازییالی نوبل آکادمیک یایینجیلیک کتاب، آنکارا، 2023  چئویرن: مجید تیموری فر (م. صفا)  بویازینین آردینی ادبیات سئونلر کانالیندا اوخویون. https://t.me/Adabiyyatsevanlar  

شهرتی سرحدلردن آشان موسیقی معلیمی اوستاد دوکتور"حبیب صیرفی "ادبیات سئونلر گوزگوسونده :1405/4/2 بیرینجی بولوم 6 چکیلیش: مرجان منافزاده آپاریجی :کریم قربانزاده https://t.me/Adabiyyatsevanlar

شهرتی سرحدلردن آشان موسیقی معلیمی اوستاد دوکتور"حبیب صیرفی "ادبیات سئونلر گوزگوسونده :1405/4/2 بیرینجی بولوم 5 چکیلیش: مرجان منافزاده آپاریجی :کریم قربانزاده https://t.me/Adabiyyatsevanlar

شهرتی سرحدلردن آشان موسیقی معلیمی اوستاد دوکتور"حبیب صیرفی "ادبیات سئونلر گوزگوسونده :1405/4/2 بیرینجی بولوم 4 چکیلیش: مرجان منافزاده آپاریجی :کریم قربانزاده https://t.me/Adabiyyatsevanlar

شهرتی سرحدلردن آشان موسیقی معلیمی اوستاد دوکتور"حبیب صیرفی "ادبیات سئونلر گوزگوسونده :1405/4/2 بیرینجی بولوم 3 چکیلیش: مرجان منافزاده آپاریجی :کریم قربانزاده https://t.me/Adabiyyatsevanlar

شهرتی سرحدلردن آشان موسیقی معلیمی اوستاد دوکتور"حبیب صیرفی "ادبیات سئونلر گوزگوسونده :1405/4/2 بیرینجی بولوم 2 چکیلیش: مرجان منافزاده آپاریجی :کریم قربانزاده https://t.me/Adabiyyatsevanlar