ዳዕዋ በወልቂጤ

ረመዳን ቀን 12 ነብዩ ኢሳ እና ነብዩ ሙሐመድ (የአላህ ሰላት እና ሰላም በነሱ ላይ ይሁን) ሶስት ዱአዎች https://t.me/SadatKemalAbuMeryem/2439

ረመዳን ቀን 11 ነብዩ ጌታ አይደሉም። የአህባሾች ቲቪ? ሁለት ዱአዎች https://t.me/SadatKemalAbuMeryem/2437

ረመዳን ቀን 10 ጂብሪል (አለይሂ ሰላም) ሁለት ዱአዎች https://t.me/SadatKemalAbuMeryem/2434

ዘካ የሌለባቸው ንብረቶች ~ ① ለንግድ ሳይሆን ለቤት ፍጆታ የተቀመጡ ንብረቶች (ሸቀጣ ሸቀጥ፣ ምግቦች፣ እህሎች፣ መገልገያ ቁሳቁስ፣ የቤት መኪና፣ መገልገያ እንስሳት፣ ለሽያጭ ያልቀረቡ አልባሳት) ዘካ የለባቸውም። ② ለሽያጭ ሳይሆን ለኪራይ የተዘጋጁ ቤቶች፣ መኪናዎች፣ ማሽኖች፣ ወዘተ በራሳቸው ዘካ የለባቸውም። ዘካ የሚመለከታቸው ከኪራይ የተሰበሰበው ገንዘብ ለዘካ መጠን ደርሶ አመት ከሞላው ነው። ③ ማምረቻ ፋብሪካዎች ለሽያጭ ታልመው የተገዙ ካልሆነ በስተቀር በራሳቸው ዘካ የለባቸውም። ዘካ የሚኖረው ለገበያ በሚያቀርቡት ምርት ላይ ነው። የንግድ መገልገያ ማሽኖችና አጋዥ መኪናዎች፣ ፍሪጆች፣ ቋሚ ቁሳቁሶች፣ ዘካ የለባቸውም። ዘካ የሚመለከታቸው በሚያስገኙት ገቢ ላይ ወይም ራሳቸው ለሽያጭ የተገዙ ሲሆን ነው። ④ ከወርቅና ብር ውጭ ያሉ ማእድኖች (አልማዝ፣ ፕላቲነም፣ ውድ የሆኑ የድንጋይ አይነቶች፣ …) በራሳቸው ዘካ የለባቸውም። ለንግድ ከዋሉ ግን እንደማንኛውም የንግድ ሸቀጥ ዘካ ይመለከታቸዋል። ⑥ የህዝብ ማመላለሻና የጭነት መኪኖች በገቢያቸው እንጂ በራሳቸው ዘካ የለባቸውም። የሚያስገቡት ገቢ ለዘካ መጠን ከደረሰ በኋላ አመት ከሞላው የአጠቃላዩን 2•5% ዘካ ይወጣል። [መጅሙዑል ፈታዋ፣ ኢብኑ ባዝ: 14/181] [ፈታወ ለጅነቲ ዳኢማህ: 9/349] ⑦ ለሽያጭ ወይም ለአገልግሎት መሆን አለመሆኑን በቁርጥ ያልተወሰነበት ቤት ወይም መኪና ዘካ የለበትም። ⑧ ተበዳሪው ችግረኛ በመሆኑ ወይም የሚያጉላላ በመሆኑ ወይም በመካዱ ይመለሳል ተብሎ ተስፋ የማይጣልበት ብድር ዘካ አይወጣበትም። እጅ ከገባ ግን ለብዙ አመታት የቆየ ቢሆን እንኳ የአንድ አመት ዘካ ይወጣለታል ይላሉ ሸይኽ ኢብኑ ዑሠይሚን ረሒመሁላህ። ⑨ ለትርፍ ሳይሆን ለህዝባዊ ጉዳይ ወይም ለኸይር ስራ ታልሞ (ለምሳሌ ችግር፣ አደጋ፣ ሞት፣ ህመም ሲደርስ ለመረዳዳት፣…) በበጎ ፈቃኞች መዋጮ የሚሰበሰብ ገንዘብ ለዘካ መጠን ቢደርስም ዘካ የለበትም። [ፈታወ ዘካ፣ ኢብኑ ባዝ: 48] ዘካ የሚመለከታቸውን የንብረት አይነቶች በቀጣይ አቀርባለሁ፣ ኢንሻአላህ። "ሼር" ብታደርጉት ባርከላሁ ፊኩም። = ( Ibnu Munewor ፣ ሚያዚያ 21/2013) የቴሌግራም ቻናል፦ https://t.me/IbnuMunewor

ረመዳን ቀን 9 በነብይነታቸው መመስከር ምን ያስፈርዳል? https://t.me/SadatKemalAbuMeryem/2432

ጾመኛ ሆኖ ምራቅን መዋጥ‼ ====================   ✍ «ምራቅን መዋጥ ፆምን የሚያበላሽ የሚመስላቸው ሰዎች አሉ፡፡ በዚህም የተነሳ አንድ ቦታ ከተቀመጡ አካባቢያቸውን ምራቅ በምራቅ ሲያደርጉት ያጋጥማል፡፡ ምራቅ ፆም ያበላሻልን? 1. መደበኛ ወይም ከወትሮው ያልበዛ ከሆነ ከተለመደው ያልተጋነነ ምራቅ ከአፍ አውጥተው ካልመለሱት በስተቀር ባለበት ሁኔታ ቢዋጥ ፆም እንደማያበላሽ ኢብኑ ሐዝምና ነወዊይ የዑለማእ ወጥ ስምምነት (ኢጅማዕ) ጠቅሰዋል፡፡ 2. ታስቦበት ባልሆነ መንገድ ከበዛና ከተጠራቀመስ? ሆን ብለን ሳናጠራቅመው እንዲሁ ወሬ ስናወራ ወይም ቁርኣን ስንቀራ፣… ምራቃችን ሊበዛ ይችላል፡፡ ይህንንስ የዋጠ ፆሙ ይበላሻል? ነወዊይ ረሒመሁላህ እንዲህ ይላሉ፡- “ሳይታሰብበት ብዙ ምራቅ ቢጠራቀም፣ ለምሳሌ ንግግሩ በመብዛቱና መሰል ሰበብ የተነሳ ሆን ብሎ ሳያደርገው ቢበዛና ቢውጠው (በሻፍዒያ መዝሀብ) ያለ ልዩነት ፆሙ አልተበላሸም፡፡” ይሄ የብዙ ዑለማዎች አቋም ነው፡፡ 3. ታስቦበት ከተጠራቀመስ? አንድ ሰው ሆነ ብሎ ምራቁን ካጠራቀመ በኋላ ቢወጠው ፆሙ ይበላሻል ወይስ አይበላሸም በሚለው ላይ ውዝግብ አለበት፡፡ በሻፍዒያ መዝሀብ ትክክለኛው አቋም ሐንበሊያም ዘንድ እንዲሁ “ፆሙ አይበላሽም” የሚለው ነው፡፡ ሸይኽ ኢብኑል ዑሠይሚንም ረሒመሁላህ “ፆሙ አይበላሽም” የሚለውን መርጠዋል፡፡ ሆኖም ግን እራስን ከውዝግብ ማራቅ ተገቢ ነውና መጠንቀቁ ሰላማዊ ምርጫ ነው፡፡ አክታን መዋጥስ? ~~~ 4. ከአቅም በላይ ከሆነ ማስወገድ በማይችለው መልኩ ከጭንቅላቱ ቀጥታ ወደታች የሚወርድ አክታ ከሆነ ሊጠነቀቀው አይችልም፡፡ አላህ ደግሞ ከአቅም በላይ በሆነ ነገር አይዝም፡፡ 5. መቆጣጠር ሲቻል ቢዋጥስ? ነገር ግን ስራዬ ብሎ አውጥቶ አፉ ጋር ካደረሰው በኋላ መትፋት ሲችል ቢውጠው ፆሙ ይበላሻል ያሉ ዐሊሞች አሉ፡፡ ከፊሎቹ ግን ይህም ቢሆን አይበላሽም ብለዋል፡፡ ለምሳሌ ሸይኽ ኢብኑል ዑሠይሚን ረሒመሁላህ “ፆሙ አይበላሽም” የሚለውን መርጠዋል፡፡ ታዲያ “ፆሙ አያበላሽም” ይበሉ እንጂ ድርጊቱ ፆመኛ ለሆነም ይሁን ላልሆነ ሰው ሐራም እንደሆነ ገልፀዋል፡፡ ምክንያታቸው ደግሞ አንደኛ አፀያፊ ነው፡፡ ሁለተኛ ምናልባትም በሽታ አምጪ ተህዋሲያንን የተሸከመ ሊሆን ስለሚችል ወደ ሆድ ሲገባ ጉዳት ሊያስከትል ይችላል የሚል ነው፡፡ [ሸርሑል ሙምቲዕ፡ 6/428] እራስን ከውዝግብ ለማራቅ ሲባል መራቁም እራሱን የቻለ ዋጋ አለው፡፡ ወልላሁ አዕለም፡፡» ኢብኑ ሙነወር https://t.me/IbnuMunewor

ረመዳን ቀን 7 የመጀመሪያው እና የመጨረሻው መልክተኞች ኑሕ እና ሙሐመድ (ሰለላሁ አለይሂም ወሰለም) ሁለት ዱአዎች https://t.me/SadatKemalAbuMeryem/2428