Buxgalteriya || Accounting Stuff ||📘

Тадбиркорлар рейтинги, “оила судялари” ва маиший техника импортида янги талаб — 1 февралдан нималар ўзгаради? Kun.uz сайти ўз анъанасига мувофиқ, 2024 йил 1 февралдан бошлаб Ўзбекистон қонунчилигида рўй берадиган айрим ўзгаришларни эслатиб ўтади. 👉 https://kun.uz/35237303 Kun.uz расмий канали

Энг зўр раҳбар… Мана шу савол мени кўп ўйлантиради, ўзи энг зўр раҳбар ким, қайси кўрсаткичларга кўра бу баҳоланади? Ҳа, раҳбарни аниқлашда бир дунё кўрсаткичларни инобатга олиш керак. Лекин барча кўрсаткичлари яхши бўлишига қарамасдан раҳбар компаниянинг келажаги ҳақида ўйлаши ва ўзига яхши ўринбосар тайёрлаши керак ва бундан қўрқмаслиги керак. @bektoshkhatamov

Уддабурон чўпон-2 #латифа Чўпон номи билан машхур отахон қўйларни сотиб, қурилиш бизнеси билан шуғулланишга қарор қилибди. У аҳоли учун турли турар жой ва компаниялар учун офислар қуриб сотишга киришди. Унинг объектлари битмасдан олдин қўлма-қўл сотиларди. Бу сафар охирги курган объекти сотилмай туриб қолди. Текширувга келган солиқчи отахон бу сафар “қўйлар” ҳақидаги эртакларингиз ўтмайди деди. Қурган объектингиз олти ой ичида сотилмаган, солиқ тўлашингиз керак деди. Отахон бу сафар энергетик ичимликдан бир хўплаб, “Кодексини оч” деди. Солиқчи кодекснинг 411-моддасини сўзма сўз ўқиб берди: “Кўчмас мулк юридик шахсларнинг мол-мулк солиғи солиқ солиш объекти ҳисобланади. Кўчмас мулк жумласига қуйидагилар киради: 4) қурилиш ташкилотлари балансида кейинчалик сотиш учун кўрсатилган турар жой кўчмас мулк объектлари, кўчмас мулк объекти фойдаланишга топширилгандан кейин олти ой ўтгач”. Отахона мийиғида кулиб “Болам мен офис биноси қурдим, турар жой эмас” деган экан. @auditor_team

БИР ВАҚТНИНГ ЎЗИДА ИККИ СОЛИҚ ТЕКШИРУВИ ЎТКАЗИЛИШИ МУМКИНМИ? Бир даврда солик аудит ва сайер солик текшируви утказилиши мумкинми? Масалан 10 октябрь куни солик аудити келиб, 18 куни сайер солик текшируви келиши мумкинми, аудит солик текшируви бундан бехабар холатда. 📍ЖАВОБ: Солиқ кодексининг 139-моддасига асосан солиқ тўловчиларнинг солиқлар ва йиғимларни ҳисоблаб чиқариш ҳамда тўлаш соҳасидаги айрим мажбуриятларини, шунингдек солиқ тўғрисидаги қонунчиликда белгиланган бошқа мажбуриятларини бажарилишини текшириш сайёр солиқ текширувидир. Сайёр солиқ текшируви солиқ органи раҳбарининг (раҳбари ўринбосарининг) буйруғи асосида ўтказилади. Буйруқда солиқ тўловчининг номи, текширувчи шахсларнинг фамилияси, исми, отасининг исми ҳамда лавозими, текширувларни ўтказиш муддатлари ва мақсади кўрсатилади. Шунингдек мазкур моддага асосан сайёр солиқ текширувида алохида давр қамраб олинмайди. Бундан ташқари солиқ қонунчилигида бир вақтда сайёр солиқ текшируви ва солиқ солиқ аудити ўтказилишига чекловлар мавжуд эмас. https://t.me/accounting_stuff

Корхонамиз ходимига декретный хисоблангандан кейин шуни нечи % давлат томонидан қоплаб берилади қандай тартиб асосида? Жавоб: Ўзбекистон Республикаси Вазирлар Махкамасининг 20.09.2022 йилдаги "ДАВЛАТ ИЖТИМОИЙ СУҒУРТА ТИЗИМИНИ РИВОЖЛАНТИРИШ ЧОРА-ТАДБИРЛАРИ ТЎҒРИСИДА" ги 515-сонли қарорининг 2-бандига асосан Ижтимоий суғурта жамғармаси ходимнинг фарзанди туғилгунга қадар минимал истеъмол харажатларининг 4 баравари миқдорида (хозирда 568 000 * 4 = 2 272 000 сўм) нафақа тўланиши белгиланган. Мазкур карор билан тасдиқланган "Давлат ижтимоий суғуртаси бўйича ҳомиладорлик ва туғиш нафақасини тайинлаш ҳамда тўлаш тартиби тўғрисида" ги Низомнинг 6-бандига асосан юридик шахсларнинг нафақа тўлаш бўйича мажбуриятлари Жамғарма маблағлари ҳисобидан тўланган нафақа миқдорида камайтирилади. Яъни ташкилот ходимига хисоблаган хомиладорлик ва туғиш нафакасидан юқоридаги жамғарма тўлаб берадиган суммани айириб қолган суммани ходимга беради. Давлат томонидан хомиладорлик ва туғиш нафакаси қоплаш учун ходима корхонада камида 6(олти) ой ишлаган бўлиши шарт. https://t.me/accounting_stuff

“20 минг тадбиркор – 500 минг малакали мутахассис” дастури қандай ишлайди? Дастурга аъзо бўлиб, 50 дан зиёд янги иш ўринлари яратган ёки ижтимоий ҳимояга муҳтож шахсларни иш билан таъминлаган тадбиркорларга ер ва мол-мулк солиғидан имтиёзлар берилади, бошқа солиқларни бўлиб тўлаш имконияти тақдим этилади. Иқтисодиёт ва молия вазирлиги ҳамда Савдо-саноат масъуллари Kun.uz'га дастур қандай ишлаши ҳақида гапириб берди. 👉 https://kun.uz/52355031 Kun.uz расмий канали

#lekinbufakt Germaniya 4⃣ kunlik ish haftasiga sinov tarzida o‘tmoqda. 1-fevraldan boshlab nemislarning 45 ta kompaniyasi tajriba tariqasida maoshlarni saqlab qolgan holda 4 kunlik ish haftasiga o‘tadi. Kompaniyalar rahbariyati qo‘shimcha dam olish kuni samaradorlikni oshirish-oshirmasligini tekshirib ko‘rishmoqchi. Manba: https://m.economictimes.com/nri/work/why-germany-is-launching-a-six-month-trial-of-4-day-work-week-from-feb-1/articleshow/107188892.cms Telegramdagi kanalimizni yaqinlarga ulashishni unutmang👇

Рейтингда энг юқори ва энг қуйи баллар – Энг юқори балл 100 балли тизимда ишлайди. Тадбиркор А категорияга тушадиган бўлса, ААА рейтингдагилар 96 дан 100 баллга, АА категория 91 дан 96 гача, А категория эса 86 дан 91 гача йиғиши керак. Энг қуйи ўрин – Д категория бўлиб, бунда 25 баллгача йиғилади. – Паст балл олган тадбиркорлар жазоланадими? –Барқарорлик рейтинги бўйича ҳеч кимга чора кўрмайди. Рейтинг бўлмаган пайтда қандай ишлаган бўлсак, шу тартибда ишлайди. Фақат юқори рейтингдагилар рағбатлантирилади. Бошқаларга амалдаги тартиб қандай бўлса, шундай иш тизими амал қилади. Улар ўзи хоҳлаб, шу рейтингга тушиб, имтиёзлар олмоқчи бўлса, меъёрларни вақтида бажариб, юқори балл олса, қўшимча имтиёзлар берилади. B ёки C рейтингда бўлса, қўшимча текширишлар ёки ортиқча безовта қилишлар бўлмайди. “Солиқчи – тадбиркорга кўмакчи” доирасида бориб тушунтириш беришимиз мумкин, шундай қилсангиз, юқори рейтинг олиб рағбатлантириласиз дейишимиз мумкин. https://t.me/accounting_stuff

🚦🚦🚦Тадбиркорлар рейтинги мезонлари – Мезонларимиз 23 та этиб белгиланган ва улар 3 га бўлинган. Биринчиси – ҳамма учун бир хил бўлган мезонлар. Бунда 10 та мезон кўзда тутилган, шунинг ўзида тадбиркор 100 балл оладиган бўлса, бошқа мезонлар унга таъсир қилмайди. Кейинги мезонлар камайтирувчи мезонлар ҳисобланади. Қонунчилик талаблари бузилган ҳолатлар ёки ҳисоботларга қайта-қайта тузатиш киритиб тақдим этган ҳолатлар, бир ҳудуддан бошқа ҳудудга кўчиш йил давомида кўпайиб кетса, камайтирувчи мезонлар ишлайди. Камайтирувчи мезонлар умумий белгиланган мезонларни камайтириб берса, қўшимча рағбатлантирувчи баллар бор. Булар – ижтимоий реестр, аёллар дафтарига кирган фуқароларни ишга олса ва улар умумий ходимларнинг 10 фоизидан кўпроқни ташкил қилса, қўшимча 5-10 балл берилади. Бунда ҳам тадбиркорга ҳеч қандай мажбурият туғилмайди. Умумий баллар 10 та мезон асосида баҳоланади. Тадбиркор фаолиятини қанча кўп давом эттирса, бу мезон учун 10 балл берилади. Худди шундай солиқ ҳисоботларини белгиланган муддатда тақдим этса яна 10 балл берилади. Агар кечиктирса, балл ололмай қолиши мумкин. Солиқ тўловларини ҳам белгиланган муддатдан кечиктирмай вақтида тўлаб борса, 10 балли тизимда балл олишлари мумкин. Тўланмаган суммани солиқ органлари мажбурий тартибда ундирадиган бўлса, балл йиғолмайди ва қўшимча балл чегиралади. Шунинг учун вақтида ва ихтиёрий тўлаб борса, шунча юқори балл олишлари мумкин бўлади. https://t.me/accounting_stuff

🏢🏢🏢 Тадбиркорлар рейтинги жорий қилиняпти. Бундан мақсад нима? – Рейтинг олдин жазоловчи бўлган бўлса, энди рағбатлантирувчи бўляпти. Юқори рейтингга эга бўлган тадбиркорлик субъектлари рағбатлантирилади. Қуйи рейтингдагиларга чора кўриш, текшириш кўзда тутилмаган. Қарор билан белгиланяптики, агар тадбиркор А рейтинг оладиган бўлса, солиқ идоралари томонидан унга текширишлар ўтказилмайди. ҚҚСдан ҳосил бўлган солиқ суммаси бир кунда қайтариб берилади – амалдаги муддат эса 7 кундан 30 кунгача. ҚҚСдан бошқа солиқ турлари бор, улардан ҳосил бўлган ортиқча солиқларни ҳам бир кунда қайтариб бериш кўзда тутиляпти. Бу ҳам амалда 10 кундан 15 кунгача бўлган муддатни талаб қилади. Reyting doirasida tadbirkorlik subyektlari quyidagi toifalarga ajratiladi: ▪️“AAA”, “AA” va “A” toifalar – yuqori barqarorlik reytingi; ▪️“BBB”, “BB” va “B” toifalar – oʻrta barqarorlik reytingi; ▪️“CCC”, “CC” va “C” toifalar – qoniqarli barqarorlik reytingi; ▪️“D” toifa – quyi barqarorlik reytingi. https://t.me/accounting_stuff

Тадбиркорлар рейтинги қандай ишлайди? Ўзбекистонда тадбиркорлар рейтинги жорий этилиб, юқори рейтингга эга тадбиркорларни рағбатлантириш бошланмоқда (рейтинги паст фирмаларга нисбатан ҳеч қандай санкция қўлланмайди). Kun.uz мухбири бу рейтинг қандай ишлаши, юқори баллга эга бўлиш учун тадбиркор нима қилиши кераклиги ҳақида Солиқ қўмитаси бошқарма бошлиғи Ўктам Ражабов ва солиқ маслаҳатчиси Мурод Муҳаммаджонов билан суҳбатлашди. 📹👉ВИДЕОНИ ТОМОША ҚИЛИНГ

Soliq hisoboti o‘z vaqtida taqdim etilmasa… Soliq hisobotini o‘z vaqtida taqdim etmaganlik uchun soliq to‘lovchi bo‘lgan yuridik shaxsning mansabdor shaxsi yoki soliq to‘lovchi bo‘lgan jismoniy shaxs ma’muriy javobgarlikka tortiladi. 👉Soliq kodeksi 220-modda Maʼmuriy javobgarlik to‘g‘risidagi kodeksga muvofiq, soliq hisobotlarini o‘z vaqtida taqdim etmaslik: 🔹YATTlarga – BHM*ning 3 baravari miqdorida, 🔹Yuridik shaxsning rahbariga – BHMning 10 baravari miqdorida jarima solishga sabab bo‘ladi. 👉MJTK 175-modda 2-qismi Soliqlar va yig‘imlarni to‘lash uchun to‘lov topshiriqnomasini xizmat ko‘rsatayotgan bankka taqdim etmaslik yoki o‘z vaqtida taqdim etmaslik yuridik shaxsning rahbari va YTTga – BHMning 5 baravari miqdorida jarima solishga sabab bo‘ladi. 👉MJTK 175-modda 5-qismi Qanday hollarda soliq hisobotlarini taqdim etmaganligi uchun soliq to‘lovchining bank hisobvaraqlari bo‘yicha operatsiyalari to‘xtatiladi? Soliq to‘lovchilar soliq hisobotlarini belgilangan muddat tugaganidan keyin 10 kun ichida taqdim etmaganda ularning bankdagi hisobvaraqlari bo‘yicha operatsiyalari to‘xtatib turiladi. 👉 Soliq kodeksi 111-modda 3-qism 1-band Qanday hollarda soliq to'lovchilar soliq hisobotlarini taqdim etmaganlik hamda to’lov intizomini buzganlik uchun ma'muriy javobgarlikdan ozod qilinadi? Mazkur huquqbuzarlik birinchi marotaba sodir etilganda huquqbuzarlik aniqlangan paytdan eʼtiboran 30 kun ichida ixtiyoriy ravishda bartaraf etilgan taqdirda javobgarlikdan ozod etiladi. 👉 MJTK 271-modda 11-band Ma’muriy huquqbuzarliklar uchun jarima solish to‘g‘risidagi qaror qancha muddatda yuboriladi? Soliq organlarining axborot tizim orqali qayd etilgan ma’muriy huquqbuzarliklar uchun jarima solish to‘g‘risidagi qaror jarima solish to‘g‘risidagi qaror chiqarilgan kundan e’tiboran 3 kun ichida soliq to‘lovchining shaxsiy kabinetiga yuboriladi. 👉 MJTK 309-prim 3-modda / Soliq kodeksi 56-modda *BHM 1 baravari = 340 000 so‘m. https://t.me/accounting_stuff/1027

Кимлар йиллик молиявий ҳисоботларни (бухгалтерия баланси, молиявий натижалар тўғрисида ҳисобот) топширмайди? 1. Якка тартибдаги тадбиркорлар. Молия вазирлигининг 24.01.2003 йилдаги 1209-сонли буйруғи. 2. Aйланмадан олинадиган солиқни қатъий ставкада тўловчи тадбиркорлик субъектлари. 10.11.2022 йилдаги ПҚ-419-сон. 3. 2023 йил 1-октябрдан кейин очилган фирмалар. «БУХГАЛТЕРИЯ ҲИСОБИ ТЎҒРИСИДА»ги янги тахрирдаги қонуннинг 24-моддасида "Агар юридик шахс (бюджет ташкилотларидан ташқари) 1 октябрдан кейин рўйхатга олинган бўлса, биринчи ҳисобот йили кейинги йилнинг 31 декабрида тугайди" дейилган. @avantaj_buxgalteriya

#Кадровик Тиббиёт ходимларига устамалар қанадай ҳисобланади? Поснинг биринчи қисми 👉 бу ерда Устамалани белгиловчи махсус комиссия ҳар чорак якуни бўйича кейинги ойнинг 5-санасидан бошлаб 5 иш куни ичида ходимларга берилган якуний баҳони тасдиқлайди. Чорак якуни бўйича юқори натижага эришган ходимлар учун кейинги чорак давомида ҳар ойлик фоизли устамалар Махсус комиссиянинг тегишли қарори асосида қабул қилинган тиббиёт муассасаси раҳбарининг буйруғига мувофиқ белгиланади. Бунда, жорий йилнинг биринчи чораги учун ойлик фоизли устамалар ўтган йил тўртинчи чоракда эришилган натижалар бўйича тайинланади. Умумий 100 баллик рейтинг тизими асосида 75 балдан 100 балгача натижага эришган тиббиёт муассасаси ходимлари ойлик маошига қуйидаги тартибда қўшимча ойлик фоизли устамалар белгиланади: а) тиббиёт ходимларига: 👉 75 балдан 84 балгача ойлик маошининг 50 фоизгача миқдорида; 👉 85 балдан 94 балгача ойлик маошининг 75 фоизгача миқдорида; 👉 95 балдан 100 балгача ойлик маошининг 100 фоизгача миқдорида. б) тиббиёт ходимларидан ташқари бошқа ходимлар учун: 👉 75 балдан 84 балгача ойлик маошининг 25 фоизгача миқдорида; 👉 85 балдан 94 балгача ойлик маошининг 50 фоизгача миқдорида; 👉 95 балдан 100 балгача ойлик маошининг 75 фоизгача миқдорида. Салоҳиятли ёш шифокорлар учун 1 миллион сўмгача махсус ойлик устамалар уларнинг биринчи уч йиллик меҳнат фаолияти учун белгиланади. Бунда янги иш бошлаган салоҳиятли ёш шифокорлар учун ҳар ойда: 👉 биринчи йил учун — 1 миллион сўмдан; 👉 иккинчи йил учун — 750 минг сўмдан; 👉 учинчи йил учун — 500 минг сўмдан махсус ойлик устамалар белгиланади. ПС: Мазкур суммалар базавий ойликка боғланганда мантиққа тўғри бўларди сабаби ҳозирда бу сўмда белгиланган суммалар қатъий шакилда белгилаб қўйилган. Оилавий шифокор пунктлари, оилавий поликлиникалар ва кўп тармоқли марказий поликлиникаларда кундузги стационар иш вақтини соат 20:00 гача узайтириш ҳисобига иккинчи сменада ишловчи шифокор ҳамда ҳамшираларга лавозим маошининг 30 фоизигача ойлик қўшимча устамалар тўлаб берилади. Мазкур ойлик қўшимча устамалар тиббиёт ходимларининг лавозим маошига қуйидаги миқдорларда белгиланади: 👉 тиббиёт муассасасида шифо ўрни 5 тагачани ташкил қилганда — 10 фоиз; 👉 тиббиёт муассасасида шифо ўрни 5 тадан 10 тагачани ташкил қилганда — 20 фоиз; 👉 тиббиёт муассасасида шифо ўрни 10 дан юқорини ташкил қилганда — 30 фоиз. Саволингизни: @yuristgamurojaat га қолдиринг 👉 @yuristlar_maslahati 👈

#foyda_soligi 2023-yil yakunlari bo‘yicha foyda solig‘i hisoboti 2024-yil 1-martdan kechiktirmay taqdim etiladi. Soliq kodeksning 339-modda 👉Foyda solig'i hisobotini to‘ldirish bo‘yicha qo‘llanma ___________ #налог_на_прибыль Отчетность по налогу на прибыль по итогам 2023 года представляется не позднее 1 марта 2024 года. ст.339 НК 👉Инструкция по заполнению отчетности по налогу на прибыль Тelegram |Facebook |Youtube| Instagram |Twitter| Threads

Товар-транспорт юк хатлари электрон шаклда бўлади. 2024 йилда электрон ТТЮ мажбурий бўлади. Товар-транспорт юк хатларини электрон шаклда расмийлаштириш тартиби тўғрисида низом тасдиқланди (21.12.2023 й. 673-сон ВМҚ). Электрон ТТЮ: - 2024 йил 1 апрелдан бошлаб – йирик солиқ тўловчилар учун; - 2024 йил 1 июлдан бошлаб – барча хўжалик юритувчи субъектлар учун мажбурий бўлади. Юк жўнатувчи ЭҲФни электрон ТТЮ билан бир вақтда шакллантириши керак. ЭҲФни шакллантириш чоғида унда ТТЮнинг idсини кўрсатиш керак ва товар тўғрисидаги барча маълумотлар ҳисобварақ-фактурада автоматик тарзда шакллантирилади. Юкларни ҳақиқатга тўғри келмайдиган маълумотлар акс эттирилган электрон ТТЮ бўйича ташиш сохта ҳужжатлар бўйича ташиш ҳисобланади ва Солиқ кодексининг 223-моддасига (“Солиқ базасини яшириш (камайтириб кўрсатиш”) асосан жавобгарликка сабаб бўлади. Электрон ТТЮ: - ЭРИсидан фойдаланган ҳолда, электрон ҳужжат айланиш тизими операторларининг ахборот тизими орқали шакллантирилади; - солиқ хизмати органларининг маълумотлар базасида камида 5 йил давомида сақланади. Бунда шартномада юк хатларининг амал қилиш муддати 5 йилдан кўп бўлганда, шартноманинг амал қилиш муддати тугагунга қадар сақланади. Техник носозликлар юзага келганда, ТТЮ қоғоз шаклида расмийлаштирилади. Бунда, носозлик тизим оператори томонидан расман тасдиқланган тақдирда у бартараф этилгандан сўнг 5 календарь куни ичида қоғоз шаклида кўрсатилган сана билан ахборот тизимига киритилиши лозим. Каналимизга обуна бўлинг👉 https://t.me/Buxgalteriyaishorinlari

#qonunchilikdagi_yangiliklar Barqarorlik reytingi yuqori boʻlgan tadbirkorlarni ragʻbatlantirish choralari joriy etiladi “Tadbirkorlik subyektlarining barqarorlik reytingini joriy etish chora-tadbirlari toʻgʻrisida” Prezident qarori qabul qilindi PQ-39-son, 23.01.2024-y. 2024-yil 1-fevraldan qonunchilik talablariga rioya etgan holda faoliyat yuritayotgan tadbirkorlik subyektlarini aniqlash va qoʻshimcha ragʻbatlantirishni nazarda tutuvchi Tadbirkorlik subyektlarining barqarorlik reytingi joriy etiladi Reyting doirasida tadbirkorlik subyektlari quyidagi toifalarga ajratiladi: ▪️“AAA”, “AA” va “A” toifalar – yuqori barqarorlik reytingi; ▪️“BBB”, “BB” va “B” toifalar – oʻrta barqarorlik reytingi; ▪️“CCC”, “CC” va “C” toifalar – qoniqarli barqarorlik reytingi; ▪️“D” toifa – quyi barqarorlik reytingi. Reyting Soliq qoʻmitasining “Tadbirkorlarning barqarorlik reytingi” elektron platformasida idoralararo axborot almashinuvi vositasida avtomatik tarzda (onlayn) shakllantiriladi va Savdo-sanoat palatasining rasmiy veb-saytida eʼlon qilib boriladi. “AAA” toifadagi tadbirkorlik subyektlari faoliyatida soliq tekshiruvlari oʻtkazilmaydi (jinoiy ishlar doirasida oʻtkaziladigan tekshiruvlar bundan mustasno), shuningdek, ushbu toifadagi tadbirkorlik subyektlariga QQS summasi oʻrnini qoplash (qaytarish) bir kun muddatda tekshiruvlarsiz amalga oshiriladi. “A” va undan yuqori toifadagi tadbirkorlik subyektlariga: ▫️soliqlar boʻyicha (QQS bundan mustasno) mavjud ortiqcha toʻlov summasini qaytarish 3 kun muddatda amalga oshiriladi; ▫️tovarlarni import qilishda va tovarlarni (xizmatlarni) realizatsiya qilishda toʻlanadigan QQS summalarini oʻzaro hisobga olish tartibi tatbiq etiladi. Yuqorida nazarda tutilgan ragʻbatlantirish choralari davlat korxonalari hamda ustav kapitalida 50 % va undan ortiq miqdorda davlat ulushi mavjud boʻlgan yuridik shaxslarga nisbatan tatbiq etilmaydi. ❗️2024-yil 1-apreldan tadbirkorlik subyektlariga subsidiya, imtiyoz va preferensiyalar ularning reyting darajasidan kelib chiqqan holda joriy etiladi. ___________ #новое_в_законодательстве Для предпринимателей с высоким рейтингом устойчивости будут внедрены меры поощрения Принято Постановление "О мерах по внедрению рейтинга устойчивости субъектов предпринимательства". №ПП-39 от 23.01.2024 С 1 февраля 2024 года будет внедрен рейтинг устойчивости субъектов предпринимательства, предусматривающий выявление и дополнительное поощрение субъектов предпринимательства, осуществляющих деятельность с соблюдением требований законодательства. В рамках рейтинга субъекты предпринимательства разделяются на следующие категории: ▪️категории «ААА», «АА» и «А» – высокий рейтинг устойчивости; ▪️категории «ВВВ», «ВВ» и «В» – средний рейтинг устойчивости; ▪️категории «ССС», «СС» и «С» – удовлетворительный рейтинг устойчивости; ▪️категория «D» – низкий рейтинг устойчивости. Рейтинг формируется автоматически (онлайн) на электронной платформе «Рейтинг устойчивости предпринимателей» Налогового комитета посредством межведомственного обмена данными и публикуется на официальном веб-сайте Торгово-промышленной палаты. В деятельности субъектов предпринимательства категории «ААА» не проводятся налоговые проверки (за исключением проверок, проводимых в рамках уголовных дел), а также возмещение (возврат) сумм НДС данной категории субъектов предпринимательства осуществляется в однодневный срок без проведения проверок. Для субъектов предпринимательства категории «А» и выше: ▫️возврат излишне уплаченных сумм по налогам (за исключением НДС) осуществляется в трехдневный срок; ▫️применяется порядок взаимного учета сумм НДС, уплачиваемых при импорте товаров и реализации товаров (услуг). Вышеперечисленные меры поощрения не распространяются на государственные предприятия и юридические лица, в уставном капитале которых государственная доля составляет 50% и более. ❗️С 1 апреля 2024 года субсидии, льготы и преференции применяются к субъектам предпринимательства в зависимости от уровня их рейтинга. Тelegram |Facebook |Youtube| Instagram |Twitter | Threads