Белсат
Open in Telegram
Белсат - першы незалежны беларускі тэлеканал. Працуем з 2007 году. Кантакт з Белсатам у ТГ толькі праз асабістыя паведамленні ў гэты канал. ↓ Важныя спасылкі ↓ 📲 cde34rfv.ovh taplink.cc/belsat
Show more📈 Analytical overview of Telegram channel Белсат
Channel Белсат (@belsat) in the Belarusian language segment is an active participant. Currently, the community unites 14 737 subscribers, ranking 14 214 in the News & Media category and 225 in the Belarus region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 14 737 subscribers.
According to the latest data from 26 August, 2026, the channel demonstrates stable activity. Although there has been a change in the number of participants by -90 over the last 30 days and by -1 over the last 24 hours, overall reach remains high.
- Verification status: Verified (Officially confirmed by Telegram)
- Engagement rate (ER): The average audience engagement rate is 12.07%. Within the first 24 hours after publication, content typically collects 10.60% reactions from the total number of subscribers.
- Post reach: On average, each post receives 1 779 views. Within the first day, a publication typically gains 1 562 views.
- Reactions and interaction: The audience actively supports content: the average number of reactions per post is 24.
📝 Description and content policy
The author describes the resource as a platform for expressing subjective opinions:
“Белсат - першы незалежны беларускі тэлеканал. Працуем з 2007 году.
Кантакт з Белсатам у ТГ толькі праз асабістыя паведамленні ў гэты канал.
↓ Важныя спасылкі ↓
📲 cde34rfv.ovh
taplink.cc/belsat”
Thanks to the high frequency of updates (latest data received on 27 August, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the News & Media category.
14 737
Subscribers
-124 hours
-247 days
-9030 days
Posts Archive
14 739
💁🏻♂️ Ад новага навучальнага году ў беларускіх школах будуць ладзіць выбарачныя дагляды на ўваходзе
Гэта закране як уласна школьнікаў, так і дарослых. Падставаю для дагляду, паводле першага намесніка начальніка Маскоўскага аддзелу Дэпартамента аховы Менску Аляксандра Сяха, могуць быць «асаблівасці паводзінаў вучня» і «сігналы ад педагогаў». У часе праверкі сярод асабістых рэчаў дзіцёнка будуць шукаць «забароненыя прадметы», спіс якіх мусіць быць на кожным дзяжурным посце.
Сях падкрэсліў аднак, што дагляд няпоўнагадовых мае адбывацца з абавязковай прысутнасцю «прадстаўніка педагагічнага складу».
Каментары беларусаў у сацсетках, датычныя гэтага неадназначнага новаўвядзення, на рэдкасць аднадушныя:
📍«Каб прывыкалі да шмонаў са школьнай парты. Краіна-калонія»
📍«І як мы ў свой час выжылі ў школах без аховы і турнікетаў?»
📍«Нават у самай замшэлай савецкай школе да такога не дадумваліся»
📍«Прайм ГУЛАГ»
📍«А казалі да Паўночнай Карэі нам далёка»
14 739
Больш за 160 загінулых, больш за тысячу зніклых без вестак
Наступствы страшнай паводкі ў Непале і Тыбеце ☝️
14 739
🥣 Карыстальнік Threads паказаў берасцейскую смятану на паліцы крамы ў Эміратах. Цэннік уражвае, але не ўсіх
Смятана «Брест-Литовск» каштуе ў тамтэйшым супермаркеце амаль 31 дырхам (за адну 300-грамовую ўпакоўку). Гэта раўняецца прыкладнам 25-ці беларускім рублям. У самой Беларусі такая банка смятаны абыдзецца вам плюс-мінус у 3 рублі.
Ніжэй на паліцы стаіць смятана «Савушкаў прадукт» за 26,50 дырхама (амаль 22 BYN).
«Калі б у Беларусі смятана столькі каштавала – я б паліваў дранікі, бабку і калдуны слязьмі», – пішуць у каментарах.
Зрэшты, многія каментатары лічаць, што з улікам дастаўкі на такую вялізную адлегласць смятана мае адэкватны кошт.
14 739
😨 У Італіі разбіўся лёгкаматорны верталёт – загінулі пілот і пасажырка
Трагедыя здарылася ў італьянскіх Альпах на поўначы краіны, непадалёк ад мяжы са Швейцарыяй. Паветранае судна, якім кіраваў 62-гадовы мужчына, зачапілася за лініі электраперадач, імгненна загарэлася і ўпала ў даліну.
14 739
🔺 З пачатку расейскай агрэсіі супраць Украіны грамадзянства атрымалі 52 добраахвотнікі з Беларусі з тысяч тых, хто ваюе на ўкраінскім баку
12 з іх сталі грамадзянамі Украіны яшчэ да пачатку поўнамаштабнай вайны, 40 – пасля лютага 2022 года.
Яшчэ 22 справы цяпер разглядае Камісія пры прэзідэнце Украіны па грамадзянстве.
У чэрвені 2025 года Вярхоўная Рада спрасціла працэдуру для замежнікаў, якія служаць ва Украіне: тэрмін службы, неабходны для права прэтэндаваць на грамадзянства, скарацілі з трох гадоў да аднаго.
Пры гэтым беларусы, якія ваююць на баку Украіны, могуць легалізавацца там нават з пратэрмінаваным беларускім пашпартам.
Паводле Вадзіма Кабанчука, толькі праз Полк імя Кастуся Каліноўскага прайшло больш за тысячу беларусаў.
У 2026 годзе ва ўкраінскіх Сілах абароны служаць каля 20 тысяч замежнікаў.
14 739
💭 Расея можа зладзіць правакацыю супраць Латвіі з тэрыторыі Беларусі
Расейскія дыверсіі і правакацыі ў Еўропе могуць стаць больш частымі. Адной з краінаў, якая можа апынуцца пад пагрозай, палітычны аналітык Ігар Тышкевіч называе Латвію.
Паводле яго, Масква можа пазбягаць прамой канфрантацыі з Польшчай, Літвой і Эстоніяй, паколькі ў выпадку атакі рэакцыя іх саюзнікаў будзе больш хуткай. А вось Латвія, на думку Тышкевіча, можа выглядаць для Расеі больш зручнай мішэнню.
Выкарыстанне Беларусі можа быць патрэбнае не толькі дзеля тактычных перавагаў, але і каб не дазволіць Лукашэнку аднавіць самастойныя кантакты з Захадам і выйсці з-пад уплыву Масквы.
14 739
❤️🩹 «Я магу зрабіць нешта добрае хаця б для аднаго чалавека»
Пасля 2020 года Вольга вырашыла стаць прыёмнай маці. Так у яе жыцці з’явіўся Андрэй – сямігадовы хлопчык, які страціў зрок пасля цяжкай хваробы.
Праз некалькі гадоў сям’я сутыкнулася з новымі выпрабаваннямі: пераследам Вольгі, вяртаннем Андрэя ў прытулак і вымушанай эміграцыяй. Але, нягледзячы на ўсё гэта, ім удалося захаваць сям’ю і пачаць новае жыццё.
🔗 Чытайце на старонцы
👀 Гэты лінк адкрыецца з Беларусі
14 739
⭕️ Расейцы ўначы масіравана атакавалі Украіну балістычнымі і крылатымі ракетамі і ўдарнымі дронамі
14 739
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 У Варшаве адкрылася выстава «Жыццё на каробках»
Як мастачка стварыла атмасферу, зразумелую кожнаму беларусу за мяжой, – чытайце ў нашым рэпартажы.
Чытайце тут, калі вы ў Беларусі.
🔺 Былы супрацоўнік «Вясны» распавёў пра жыццё ў эміграцыі ў 65 гадоў
Дэпрэсія, новае каханне, клінінг і больніцы – пачытайце гісторыю журналіста і паэта Сяргея Сыса.
Чытайце тут, калі вы ў Беларусі.
🔺 Навошта Беларусі вайсковыя вучэнні ў Кітаі
Беларускія вайскоўцы ўзялі ўдзел у чарговых вучэннях – гэтым разам у Кітаі. Што гэта можа азначаць і да чаго рыхтуецца рэжым – спыталі вайсковага аналітыка.
Чытайце тут, калі вы ў Беларусі.
#штопачытаць
14 739
☝️Бегаць навучыліся, а спыняцца не
Кітайскі гуманоідны робат «Tiangong Ultra» усталяваў новы рэкорд на Сусветных гульнях гуманоідных робатаў: ён прабег 100 метраў за 8,85 секунды.
Але дабегчы да фінішу апынулася лягчэй, чым спыніцца. 🤷♂️
14 739
☝️Ціханоўскі: ваяваў з рэжымам, зараз будзе весці вайну з медыямі?
Гэтае пытанне ў сваёй аўтарскай калонцы задае аналітык Аляксандр Класкоўскі.
"Сяргей Ціханоўскі, які ў 2020-м змагаўся супраць рэжыму, цяпер, здаецца, вырашыў даць бой неўпадабаным незалежным медыям. Ён мае ідэю звярнуцца да заходніх донараў, каб тыя задумаліся, каму даваць грошы, а каму не".Так Сяргей Ціханоўскі заявіў пасля публікацыі «Нашай Нівы» пад загалоўкам «Ціханоўскі з размахам сустрэў дзень народзінаў у Лос-Анджэлесе».
"Былы палітвязень кваліфікуе загаловак як «гучны і правакацыйны», даводзіць: ніякага размаху не было, ён патраціў толькі 130 долараў на напоі. Падкрэслівае, што жыве ў ЗША, у прыватнасці, на грошы, якія яму выплаціў «Ютуб»".Уся гэтая гісторыя з «размахам» не вартая таго, каб герой 2020 года вёў вайну з прэсай, бо вайну з медыямі яшчэ ніводзін палітык не выйграваў, падкрэслівае Класкоўскі. Увесь тэкст чытайце на сайце "Белсату". 👈
14 739
☝️Ціханоўскі: ваяваў з рэжымам, зараз будзе весці вайну з медыямі?
Пра гэта ў сваёй аўтарскай калонцы разважае аналітык Аляксандр Класкоўскі.
"Сяргей Ціханоўскі, які ў 2020-м змагаўся супраць рэжыму, цяпер, здаецца, вырашыў даць бой неўпадабаным незалежным медыям. Ён мае ідэю звярнуцца да заходніх донараў, каб тыя задумаліся, каму даваць грошы, а каму не".Пра гэта Сяргей Ціханоўскі заявіў пасля публікацыі «Нашай Нівы» пад загалоўкам «Ціханоўскі з размахам сустрэў дзень народзінаў у Лос-Анджэлесе».
"Былы палітвязень кваліфікуе загаловак як «гучны і правакацыйны», даводзіць: ніякага размаху не было, ён патраціў толькі 130 долараў на напоі. Падкрэслівае, што жыве ў ЗША, у прыватнасці, на грошы, якія яму выплаціў «Ютуб»".Але вайну з медыямі яшчэ ніводзін палітык не выйграваў, падкрэслівае Класкоўскі. Увесь тэкст чытайце на сайце "Белсату". 👈
14 739
У Беларусі хочуць увесці абавязковую ДНК-рэгістрацыю. Ці можна будзе адмовіцца?
Зараз распрацоўваюць закон аб абавязковай геномнай рэгістрацыі грамадзян. Улады таксама працуюць над стварэннем так званага «генетычнага пашпарта».
Пакуль невядома, у каго менавіта будуць браць узоры ДНК і што будзе пагражаць за адмову. У якім выпадку гэта законна, а ў якім — ёсць магчымасць адмовіцца? Пра гэта чытайце па спасылцы. ☝️
14 739
☝️За прэмію Анемпадыстава пазмагаюцца восем фіналістаў
Журы прэміі Анемпадыстава абвясціла 26 жніўня кароткі спіс намінантаў у 2026 годзе. На ўзнагароду за найлепшую вокладку беларускай кнігі ў 2025 годзе агулам былі вылучаныя 59 работ, у фінал выйшлі 8.
Прэмія прысуджаецца беларускаму аўтару або камандзе аўтараў за вокладкі кнігі. Журы ацэньвае дызайн, паліграфічнае выкананне, а таксама адпаведнасць зместу кнігі. Сярод мэтаў прэміі – ушанаванне памяці выбітнага дзеяча беларускай культуры Міхала Анемпадыстава (1964–2018).
Імёны кандыдатаў на ўзнагароду тут. 👈
14 739
💥 #галоўнае за 26 жніўня
✔️На мяжы Гомельшчыны і Браншчыны здарыўся новы інцыдэнт з беспілотнікам
✔️Жлобінцы ў аўторак чулі гул БПЛА, а пазней бачылі вынішчальнік
✔️У Вроцлаве польскі маладзён напаў на беларускага таксіста, бо яму не спадабаўся «ўсходні акцэнт»
✔️Міграцыйны дэпартамент Кіпру дазволіў беларусам атрымліваць альбо падаўжаць ВНЖ з пратэрмінаванымі пашпартамі
✔️Пасажыр самалёту «Белавія» памёр проста падчас рэйсу з Шарм-эль-Шэйху
✔️У Польшчы не збіраюцца расследаваць знікненне Анатоля Котава
✔️«Жыццё на каробках». Маладая беларуская мастачка прэзентавала ў Музеі вольнай Беларусі сваю дэбютную выставу, якая адгукнецца ў сэрцы многіх эмігрантаў
✔️Гіганцкая селевая плынь абрынулася на турыстычную лакацыю на мяжы Непалу і Кітаю. Загінулых могуць быць сотні
✔️Супрацоўнікаў дзяржаўных медыяў вучаць страляць на адмысловых вучэннях
✔️Журналіст і паэт Сяргей Сыс – пра працу клінерам у Літве, сыход з «Вясны», алкаголь і каханне ў 65. Вялікае інтэрв'ю
✔️Дняпро, як і Прыпяць, у некаторых месцах вельмі моцна абмялеў
✔️Камунальнікі правялі «добраўпарадкаванне» на Лошыцкіх могілках у Менску. Праўда, гісторыкі хутчэй назвалі б гэта варварствам
✔️Незвычайнае ДТЗ у Менску: у галоўных ролях – тралейбус і трактар
#рэпрэсіі:
▫️Праваабаронцы склалі рэйтынг лукашэнкаўскіх судоў, якія выносяць найбольш пастановаў, звязаных з забаронаю замежных рэсурсаў
14 739
👀 «Трохі Еўропа, трохі Расея, трохі СССР». Прыкладна такою бачаць Беларусь расейцы. Ці маюць рацыю?
Беларусаў паводзіны гасцей з усходу нярэдка здзіўляюць, аднак абурэнне нашыя землякі выказваюць хіба што ў сацсетках.
Зрэшты, часам якая-кольвек, нават нязначная крытыка з боку прадстаўніка суседняга народу можа выклікаць лавіну эмоцыяў, якую наш вядоўца Віталь Цыганкоў лічыць не зусім апраўданай:
Як мне падаецца, гэта патыхае пэўным правінцыялізмам. Ну чаму вас хвалюе, калі нейкі нікому не вядомы расейскі чалавек сказаў пра Беларусь ці Менск нешта крытычнае?Цыганкоў таксама мае рэцэпт на тое, каб змяніць погляд расейцаў на Беларусь як на ўласную правінцыю. І ён вельмі просты. 🔹Глядзіце свежы выпуск «Цыганкоў. Высновы» проста цяпер на YouTube-канале БЕЛСАТ NEWS
14 739
☝️На КПП «Красны Камень» – новы інцыдэнт з беспілотнікам
Сёння каля 11-й гадзіны беларускага часу рух у пункце пропуску на мяжы Гомельскай вобласці Беларусі ды Бранскай вобласці Расеі быў спынены. Кіроўцы сталі пісаць у чатах, што аўтамабілі разварочваюць, а на месцы знікла мабільная сувязь.
Журналістка @zerkalo_io пад выглядам звычайнай грамадзянкі патэлефанавала ва ўпраўленне ФСБ РФ па Бранскай вобласці. Дзяжурны расказаў, што прычынаю перабояў у працы КПП стала падзенне беспілотніка. На ім была выбухоўка, аднак дэтанацыі не адбылося. Аўтамабілі не прапускалі, бо спатрэбіўся пэўны час, каб прыбраць БПЛА з дарогі.
14 739
🐿 Пакаштавалі б шакалад з вавёркамі?
Спакойна, абаронцам жывёлаў тэлефанаваць не трэба. І з самім прадуктам усё ў норме.
А вось узровень валодання адной з дзяржаўных моваў на буйным дзяржаўным прадпрыемстве нармальным дакладна не назваць 🫣
14 739
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Навучэнцаў каледжаў таксама будуць адпраўляць на вучэбна-палявыя зборы ў вайсковыя часткі
🔸Над Жлобінам чулі гук рэактыўнага дрона, а затым заўважылі знішчальнік
🔸Больш за 80 % ад пачатку года. Чаму так моцна падаражэлі бульба, буракі, морква ды цыбуля? І чаго чакаць?
🔸У Петрыкаўскім раёне ўвялі каранцін праз афрыканскую чуму свінняў. Чаму, нягледзячы на тое, што змагаліся з АЧС гадамі, перамагчы хваробу не могуць?
🔸Латвія ўводзіць новую забарону на тавары з Беларусі
🔸Як таемны візіт кіраўніка ЦРУ ў Маскву можа быць звязаны з Беларуссю?
🔸Міліцыя пачала праверку інфармацыі аб збіцці хлопчыка ў дзіцячым садку
🔸Аўты беларускае вытворчасці займаюць 60,6% рынку
🔸Кампанія Wizz Air больш не дазваляе праносіць на борт падушку для шыі як асобны ад ручной паклажы прадмет
Далучайцеся да нашага эфіру ⤵️
https://www.youtube.com/live/QxQbpknM4fA
14 739
☠️ У Лідзе трое замежнікаў сабралі грыбы каля гандлёвага цэнтру, а пасля прыгатавалі іх ды з'елі. Гэта ледзь не каштавала ім жыцця
Загадчыца аддзялення гігіены харчавання Лідскага занальнага цэнтра гігіены і эпідэміялогіі Элеанора Рыхліцкая расказала, што мужчыны звярнуліся па дапамогу 19 жніўня. Ва ўсіх назіраліся аднолькавыя сімптомы – болі ў жываце, млоснасць, дыярэя і ваніты. Іх шпіталізавалі ў інфекцыйнае аддзяленне Лідскай ЦРБ, а праз два дні перавялі ў Горадню. Двое з трох небаракаў дагэтуль знаходзяцца там у рэанімацыі.
Меркавана, мужчыны «пачаставаліся» бледнай паганкаю. Грыбы яны сабралі каля гандлёвага цэнтру LidaPark. Усе пацярпелыя – грамадзяне іншых краінаў, аднак пражываюць і працуюць у Лідзе.
✍️ Нагадваем пра наш тэкст, прысвечаны найбольш небяспечным грыбам Беларусі ды пра іхнае ўдзеянне на арганізм
