Белсат

⚽️ Зборная Беларусі забіла самы хуткі гол у сваёй гісторыі і нечакана перамагла Фінляндыю ў Лізе Нацыяў Аўтарам гістарычнага мяча стаў 21-гадовы Арцём Шуманскі, які адзнаўчыся ўжо на 14-й секундзе гульні. Каманда Фінляндыі так і не змагла адгуляцца да фінальнага свістка. У паралельнай сустрэчы групы 1 лігі C зборная Сан-Марына была вельмі блізкая да сенсацыйнай нічыёй 1:1 з Албаніяй. Аднак ужо ў кампенсаваны час суддзя прызначыў у браму «карлікаў» пенальці, і гаспадары ў выніку пазбегнулі непрыемнага для сябе выніку. Албанія цяпер ачольвае групу з 9 пунктамі, а Беларусь і Фінляндыя маюць па 7 балаў.

🍁Беларускі Багач у Амерыцы Даўняе народнае свята беларусы працягваюць ладзіць не толькі на радзіме.

"На нашай вуліцы восеньскі фэст - Atlantic Antic. Па-беларуску гэта б называлася Багач".

 Вядомы беларускі скульптар і грамадскі актывіст Henik Lojka паведаміў на сваёй старонцы ў Facebook. 🍂

☝️Правакацыя на беларуска-латвійскай мяжы: дэманстратыўная і агрэсіўная Узброеныя людзі ў масках суправаджалі групу мігрантаў каля 20 чалавек да беларуска-латвійскай мяжы, а потым зайшлі на тэрыторыю Латвіі. Інцыдэнт здарыўся на гэтым тыдні.

«Тыя, хто суправаджаў нелегальных мігрантаў, былі ўзброеныя, пагражалі вайскоўцам Нацыянальных узброеных сіл, а таксама актыўна падштурхоўвалі і гналі групу мігрантаў у напрамку Латвіі», – паведамляюць Нацыянальныя ўзброеныя сілы Латвіі.

Латвійскія памежнікі спынілі нападнікаў, але неўзабаве яны вярнуліся.

«Праз некалькі гадзінаў пасля гэтага канфлікту людзі ў масках праніклі на тэрыторыю Латвіі, пашкодзілі размеркавальную шафу і скралі камеры. Да таго як памежны нарад паспеў прыбыць на месца, гэтыя асобы вярнуліся на тэрыторыю Беларусі», – паведамляе міністр унутраных спраў Латвіі Яніс Дамбрава ў сацсетцы X.

У латвійскім войску заявілі, што правакацыя насіла дэманстратыўны і агрэсіўны характар.☝️

☝️У Менску судзяць каталіцкага святара Ксёндз Анатоль Парахневіч з вёскі Альковічы Вілейскага раёну ўжо адбыў 200 дзён зняволення. Цяпер яго судзяць у закрытым рэжыме, афіцыйнай інфармацыі пра хаду працэсу няма. Ксяндза Анатоля затрымалі ў сярэдзіне сакавіка, за кратамі ён сустрэў сваё 66-годдзе і 31 год святарства. Паводле звестак вернікаў, святара ўтрымліваюць у СІЗА КДБ і абвінавачваюць у «здрадзе дзяржаве». Яны таксама называюць абвінавачанне беспадстаўным і несправядлівым. Афіцыйнай інфармацыі пра абвінавачванне, у тым ліку з касцельных структураў, таксама няма. ☝️

🚆 Трохі пазітыву з беларускай чыгункі Свет змяняецца, але атмасфера ў правінцыйных электрычках застаецца той жа самай, што і 30 гадоў таму. Гляньце, як весела 🎤

💥 #галоўнае за 6 кастрычніка ✔️У Берасцейскай абласной больніцы кудысьці раптам зніклі галоўны доктар і ягоны намеснік. Падобна, яны затрыманыя ✔️Ва Украіне з'явілася падраздзяленне «Воля», афіцэрскія пасады ў якім займаюць беларусы ✔️«Цяперашні стан дачыненняў нагадвае кветкі, якія прарастаюць скрозь асфальт». Эксперты на адмысловым брыфінгу абмеркавалі свежыя даследаванні беларуска-ўкраінскіх стасункаў ✔️Лукашэнку паказалі беларускі беспілотнік, сабраны ў Акадэміі навук ✔️Вайскоўцы з іранскага Корпусу вартавых ісламскай рэвалюцыі прыляцелі ў Беларусь, каб паўдзельнічаць у вучэннях ✔️На Гомельскім хімічным заводзе ўначы ліквідоўвалі ўцечку аміяку ✔️Стаў вядомы вырак суду для гора-маці з Ушачаў, якія кінула паміраць свайго нованароджанага сына ў выграбной яміне ✔️«Футфетышысты», якія раней скралі юзэрнэйм у «Пула Первого», правярнулі такі ж самы фокус з акаўнтам менскай ДАІ ✔️Нобэлеўскім лаўрэатам у галіне фізікі сёлета стаў Франсіс Галзэн ✔️Горадня апошнім з абласных цэнтраў Беларусі займела 5G-інтэрнэт ✔️Чартарныя рэйсы ў Егіпет з Гомля і Магілёва прыбіраюць з раскладу #рэпрэсіі: ▫️У закрытым рэжыме распачаўся судовы працэс над каталіцкім святаром Анатолем Парахневічам. Яму закідаюць «здраду дзяржаве» ▫️Былы палітвязень, які выехаў у Польшчу, публічна расказаў пра тое, што быў завербаваны КДБ ▫️За «садзейнічанне экстрэмізму» асудзілі праграміста з Бабруйску. Яго пакаралі «хатняй хіміяй»

🎃 Да Гэлаўіну гатовы: гарадзенец выгадаваў на сваім лецішчы гарбуз вагою 150 кг Ігар кажа, што не ставіў мэту біць рэкорды, проста хацеў паглядзець, «што за расліна такая, як сябе паводзіць». І нават апыліў гарбуз позна, ды й увогуле клапаціўся пра яго не зусім так, як раяць спецыялісты. На агародзе Ігара каля 150-кілаграмовага гарбуза-гіганта ёсць і 50-кілаграмовы «малютка». ✍️ Вага стандартнага гарбуза рэдка перавышае 10 кг, хоць сусветны рэкорд складае больш за 1200 кг. Так што гарадзенцу ёсць куды імкнуцца 💪

😊 Беларус падзяліўся мілай гісторыяй пра тое, як сямейная пара палякаў вяртала яму згублены гаманец Непрыемная сітуацыя здарылася з Арцёмам на мінулым тыдні. Непадалёк ад вакзалу «Варшава Заходня» гаманец з дакументамі і грашыма выпаў з ягонай кішэні, а заўважыў згубу беларус толькі дома. Самастойныя пошукі ды размяшчэнне аб'яваў у сацсетках нічога не далі. Але ў гэтай гісторыі ўсё ж здарыўся хэпі-энд:

«Як высветлілася пазней, мой гаманец знайшла пара палякаў, якія ўсімі магчымымі спосабамі спрабавалі знайсці мяне. Напрыклад, яны званілі ў банк, які выдаў маю картку, аднак там адмовіліся даць ім мае кантакты і толькі заблакавалі картку. Пасля яны знайшлі мяне ў Facebook і пісалі мне з розных акаўнтаў, аднак праз асаблівасці сацсеткі я не атрымаў ніводнага паведамлення – усе яны так і засталіся ў "запытах". І толькі праз тры дні пасля здарэння, калі я сам вырашыў праверыць запыты ў Facebook, я знайшоў усе гэтыя паведамленні. Мы дамовіліся пра сустрэчу. Яны вярнулі мне гаманец і адмовіліся ад любой узнагароды. Дадалі, што заўважылі па карце побыту, што я з Беларусі і маю міжнародную абарону. Казалі, што ведаюць, што адбываецца ў Беларусі, і падтрымліваюць як беларусаў, так і ўкраінцаў. Менавіта таму яны не аднеслі гаманец у паліцыю ці амбасаду, а вырашылі самі паспрабаваць знайсці мяне»

✍️ Дзяліцеся ў каментарах такімі ж добрымі гісторыямі, якія здараліся з вамі 🔽

🇨🇭 У Швейцарыі ўрачыста адкрыюць абноўлены помнік Тадэвушу Касцюшку Ён быў усталяваны тут яшчэ 9 гадоў таму з ініцыятывы тагачаснага кіраўніка Беларускага аб'яднання ў Швейцарыі Алеся Сапегі. Нагодаю стала 200-я гадавіна з дня смерці Касцюшкі. У ліпені ў манумента з'явіўся падмурак з беларускага валуна ды новая мемарыяльная шыльда. А яшчэ – брукаванка на навакольнай тэрыторыі. Рэнавацыяй займалася ініцыятыва MALDZIS (сумесна з Фондам Марыі Магдалены Радзівіл), прычым апрацоўку каменя і выраб шыльды замовілі ў Менску. Пазней падмурак, брукаванку і шыльду даставілі з Беларусі ў Польшчу, а ўжо адтуль – у Швейцарыю. ✍️ Урачыстая цырымонія прэзентацыя абноўленага манументу запланаваная на 17 кастрычніка (а 13-й гадзіне). Месца – гарадскі парк мястэчка Золатурн.

🤔 Пакуль у Літве галасуюць за ядравую зброю і вайсковую базу ЗША, Лукашэнка патрабуе абнулення дронаў. Ці магчыма гэта ў Беларусі? Як наяўнасць нямірнага атаму ў Літве можа змяніць расстаноўку сілаў у рэгіёне? 📺 Абмяркуем у вечаровай Студыі Белсату. Уключайце эфір!

❤️ Гэта самая мілая аперацыя ва Украіне Нацгвардыя эвакуявала шэсць коцікаў з акупаваных тэрыторыяў. Паглядзіце! 😺

🛩 Чартарныя рэйсы ў Егіпет з Гомля і Магілёва прыбіраюць з раскладу Тым турыстам, якія мусілі вылятаць з гомельскага аэрапорту, прапануюць на тых жа ўмовах ляцець з Менску. Што тычыцца Магілёва, то адтуль апошні рэйс Belavia на поўнач Афрыкі мусіць выправіцца 24 кастрычніка. Вяртацца самалёт будзе ўжо не ў абласны цэнтр, а ў сталіцу. ✅ Больш інфармацыі шукайце тут 🔗 Спасылка для чытачоў з Беларусі

📈 Аўдыторыя «Белсату» расце: рэкорды на YouTube і значны прарыў у TikTok Незалежныя сістэмы аналітыкі фіксуюць ўпэўнены рост праглядаў на лічбавых пляцоўках «Белсату». Ахопы аўдыторыі вярнуліся да высокіх паказчыкаў лютага і працягваюць усталёўваць новыя рэкорды. 😊 На YouTube адразу некалькі напрамкаў – наш галоўны канал, навінавыя выпускі і фармат Shorts – паказваюць гістарычныя максімумы па праглядах. Прыкметнай тэндэнцыяй стаў рост цікавасці да нашага кантэнту ў Польшчы. Сярод тэмаў, якія прыцягнулі найбольшую ўвагу гледачоў у верасні, вылучаюцца рэпартажы пра маштабныя пажары ў расейскім Падмаскоўі, выкліканыя ўдарамі ЗСУ. Таксама папулярнасць мелі матэрыялы пра ўнутраныя беларускія праблемы – сітуацыя з пасяўной кампаніяй і вырошчваннем ільну, якія суправаджаліся публічнай крытыкай з боку Лукашэнкі. 🌐 Выдатныя вынікі паказвае і наш TikTok. Усяго за два апошнія месяцы відэа на гэтай пляцоўцы сабралі большую аўдыторыю і ахопы, чым за ўвесь мінулы 2025 год. 🤝 Дзякуем нашым гледачам і чытачам за давер і падтрымку. Мы працягваем працаваць, каб аператыўна і аб'ектыўна расказваць вам пра самае важнае!

☣️ Заслужаная доктарка Украіны пракаментавала «чуму ў Іркуцку» Апошнім часам з’яўляюцца навіны пра «чуму» ў расейскім горадзе, якая пачалася са смерці лабаранткі супрацьчумнага інстытуту Дарʼі Шыпілавай пасля разбітай прабіркі. У сацсетках непакояцца, што хвароба можа вырвацца на волю і прывесці да новых смерцяў. Як піша доктарка Вольга Галубоўская, адзін смяротны выпадак – яшчэ не выбух хваробы.

«У свеце штогод рэгіструецца каля 3000 выпадкаў чумы, пераважная большасць з іх – бубонная форма, але ёсць і лёгачная. Ніякага сурʼёзнага распаўсюду хваробы не будзе. Будзе шмат палітыкі, чутак, часам страху, не больш за тое…»

Спадарыня Вольга называе некалькі выпадкаў, калі паміралі лабаранты, але выбуху захворванняў не было: ▪️ Мікрабіёлаг Чыкагскага ўніверсітэту Мэлкам Кэсэдэбэн памёр ад сэптычнай формы чумы (Чыкага, 2009). ▪️ Смяротнае лабараторнае заражэнне натуральнай воспай (Бэрмінгэм, 1978). ▪️ 7 памерлых працаўнікоў лабараторыі, якія працавалі з тканкамі зялёных мартышак з Уганды (Марбург, 1967). ▪️ Антаніна Праснякова ўкалолася іголкай з вірусам Эбола і памерла (Кальцова, 2004). Экспертка кажа, што само слова «чума» выклікае сярэднявечны страх, а сувязь выпадку з лабараторным паходжаннем гэты страх узмацняе. Акрамя таго, сітуацыю нагнятаюць сусветныя СМІ.

🐲 «Мортал Комбат» у дызель-цягніку «Полацк-Маладзечна» Бойка двух мужчынаў, што завязалася проста ў вагоне, ледзь не скончылася для аднаго з іх трагічна. 54-гадовы небарака атрымаў ад свайго суперніка ўдар нажом у грудную клетку. Брыгада медыкаў забрала пацярпелага са станцыі «Ветрына» ў Полацкім раёне. Другі ўдзельнік бойкі цяпер можа правесці да 8 гадоў за кратамі за прычыненне цяжкіх цялесных пашкоджанняў. Інцыдэнт здарыўся 16 верасня.

🦶Памятаеце, як юзэрнэйм «Пула Первого» быў скрадзены «футфетышыстамі»? Цяпер тое самае здарылася з адрасам сталічнай ДАІ Спасылка, якая раней вяла на канал менскай дзяржаўтаінспекцыі з навінамі пра змены ў дарожным руху і пра ДТЗ, цяпер накіроўвае чытача на калекцыю здымкаў жаночых ступняў. Сам канал пры гэтым функцыянуе ў звычайным рэжыме. «Пул Первого» вяртаў сабе юзэрнэйм недзе 3-4 гадзіны. За які час справіцца ДАІ? 🫠

🤡 Азаронак зноў знайшоў «здраду» на Зыбіцкай Адыёзны прапагандыст чарговы раз праявіў сябе ў тым, што ўмее найлепш – раскапаў прыкметы злачынства і «здрады дзяржаве» там, дзе ментальна ўраўнаважаны чалавек пабачыў бы толькі гумар ды іронію. Расказваем, у чым справа 👌

🇮🇷 Іранскія сілавікі прыбылі ў Беларусь, каб прыняць удзел у «антытэрарыстычных» вучэннях ШАС Гаворка ідзе пра вайскоўцаў спецпадраздзяленняў сухапутных войскаў Корпусу вартавых ісламскай рэвалюцыі. Гэта своеасаблівы сімбіёз узброеных сілаў і «палітычнай паліцыі» Ірану. Цікава, што ажно 47 дзяржаваў свету прызналі згаданы Корпус тэрарыстычнай арганізацыяй. У Корпусе вартавых ісламскай рэвалюцыі падкрэслілі, што ўдзел іхнай «дэлегацыі» ў вучэннях на тэрыторыі Беларусі адбываецца на фоне «спробаў заходніх дзяржаваў аслабіць дачыненні Ісламскай рэспублікі з дзяржавамі рэгіёну».

📶 Гарадзенцы цяпер могуць карыстацца 5G-інтэрнэтам. Але не ва ўсім горадзе Пра з'яўленне ў абласным цэнтры сеткі 5G паведаміла кампанія beCloud. У Менску, Берасці, Гомлі, Магілёве ды Віцебску 5G-пакрыццё з'явілася яшчэ ў студзені гэтага года. У кампаніі пералічылі гарадзенскія лакацыі, дзе цяпер даступныя «тэхналогіі пятага пакалення»: 📍на пляцоўцы паміж Гарадзенскім дзяржаўным аграрным універсітэтам і Гарадзенскім электратэхнічным каледжам 📍непадалёк гандлёвага цэнтру ў раёне вуліцы Пралетарскай 📍каля галоўнага корпусу Гарадзенскага дзяржаўнага медуніверсітэту