MARUZALAR KANALI

Ассалому алайкум ва раҳматуллоҳи ва барокатуҳ, азизлар! Ҳафталик тафсир дарсимиз,  Аллоҳнинг инояти билан, бугун яна давом этади.  Бу фазилатли жума кунимиз янада унумли, баракотли ва фойдали ўтсин! Бугунги жума дарсимиз: — Стокголм вақти билан — 17:30 — Истанбул вақти билан — 18:30 — Тошкент вақти билан — 20:30 шу Телеграм канал орқали жонли эфирда бўлиб ўтади, иншааллоҳ. Бугунги суҳбатимизда навбатдаги "Таҳрим" сураси ҳақида суҳбатлашамиз. «Таҳрим» сураси оятларининг қисқача мазмуни: 🔹 Ҳалолни ҳаром қилмаслик: Аллоҳ ҳалол қилган нарсани ўзимизга ҳаром қилиб олмаслик. 🔹 Оила сири ва одоби: Оила сирларини сақлаш, муаммоларни оқиллик билан ҳал қилиш. 🔹 Тарбия ва тавба: Яқинларни яхшиликка чақириш, хатолардан чин дилдан тавба қилиш. 🔹 Шахсий жавобгарлик: Охиратда инсонни насаб ёки оиласи эмас, унинг иймони ва солиҳ амаллари нажотга етказади. Марҳамат қилинглар!

Ҳақиқий сармоя — умр Кўпчилик инсонлар ўзларининг энг қимматли сармояларини бой бериб қўяётганларини сезмайдилар. Дунёдаги энг бебаҳо матоҳ — умрдир. Мол-дунё йўқолса, қайта топиш мумкин. Соғлиқ кетса, тикланиши мумкин. Аммо ўтиб кетган бир лаҳзани ҳеч қандай бойлик билан қайтариб бўлмайди. Умр — инсон дунёга келган лаҳзадан ажали етгунига қадар унга берилган муҳлат. Аллоҳ таоло шундай марҳамат қилади: Асрга қасамки, албатта, инсон зиёндадир. Фақат иймон келтирган, солиҳ амаллар қилган, бир-бирларига ҳақни ва сабрни тавсия қилганлар бундан мустаснодир. (Аср сураси, 1–3) Эътибор беринг: Аллоҳ инсонни мол-мулкини эмас, умрини бой бериши билан зиёнкор деб атаяпти. Инсон ҳаётини уч кунга қиёслаш мумкин: Кеча — ўтиб кетди, уни қайтариб бўлмайди. Агар гуноҳ қилган бўлсанг, тавба қил; бировга озор берган бўлсанг, узр сўра. Эртага — ҳали сенга тегишли эмас. Балки унгача яшарсан, балки йўқ. Инсон режалаштиради, лекин кафолат унинг қўлида эмас. Бугун — мана шу сенинг ҳақиқий сармоянг. Намоз ўқимаган бўлсанг — ҳозир ўқи. Тавба керак бўлса — ҳозир қил. Қуръон ўқишни истасанг — ҳозир ўқи. Ота-онангдан розилик олишинг керак бўлса — ҳозир ҳаракат қил. Биродаринг билан аразлашган бўлсанг, ярашишни эртага қолдирма. Садақа қилмоқчи бўлсанг, имконинг бор пайтда қил. Шунинг учун ҳар куни ўзимиздан сўрайлик: "Бугунги умримни нимасига сарфладим?" Энг катта ютуқ — умрнинг узунлиги эмас, баракали бўлишидир. Ҳали қўлимизда турган бугунни қадрлайлик. Кечани пушаймон билан эмас, тавба ва ибрат олиш билан кузатайлик; эртани ортиқча ташвиш билан эмас, яхши ният ва таваккал билан кутайлик. Энг муҳими бугунги умримизни Аллоҳ рози бўладиган ишлар билан ўтказайлик — чунки ҳақиқий бойлик ҳисобимиздаги мол-дунё эмас, вафотимиз келгунча Аллоҳ учун сарфланган умрдир.

ҲАЁТ ҲАҚИҚАТИ Саккиз хил ҳолатга тушади инсон, Саккизта нарсага йўлиқар ҳар жон, Токи ҳаёт экан саккиз нарсадан Қочиб қутулмайди ҳеч ким ҳеч ҳеч қачон! Ул саккиз ҳолатни билгин, азамат, Роббингга суяниб, тайёр тур фақат: Қувонч билан қайғу, жамлик ва фурқат,¹ Оғирлик, енгиллик, дард ва офият. Жалол Иброҳим таржимаси ———————————————— ¹ Фурқат — "Айрилиқ", "ҳижрон", "узоқлашиш" ёки "фироқ" деган маъноларни англатади.                            ✨✨✨ ҲАЁТНОМА Саккиз хил ҳолатга тушади инсон, Саккизта нарсага йўлиқар ҳар жон: Қувонч билан қайғу, жамлик ва фурқат, Оғирлик, енгиллик, дард ва офият. Жалол Иброҳим таржимаси                            ✨✨✨ Бу тўртлик инсон ҳаётининг моҳиятини жуда ихчам, аммо теран ифодалаб беради. Шеърда тасвирланган саккиз ҳолат — қувонч ва қайғу, жамлик ва айрилиқ, оғирлик ва енгиллик, дард ва офият — тўрт жуфт зиддиятдан иборат бўлиб, булар бир-бирига қарама-қарши бўлса-да, ҳаётнинг ажралмас қисмидир. Инсон доим шодликда яшай олмайди, ҳар қувонч ортидан синов келади, аммо ҳеч бир ғам ҳам мангу эмас. Ҳаёт учрашув ва видолашувлардан иборат, ишлар бир текис кетавермайди, соғлик ва хасталик эса навбатма-навбат келиб, сабр ва шукур қадрини англатади. Хулоса шуки — бу дунё бир маромда турмайди. Ташвиш ёки хасталик тушганда тушкунликка тушмаслик, қувонч ва саломатлик кунларида эса шукрни унутмаслик керак. Ҳаётнинг гўзаллиги мана шу қарама-қаршиликлар мувозанатидадир.

ҲАЁТ ҲАҚИҚАТИ Саккиз хил ҳолатга тушади инсон, Саккизта нарсага йўлиқар ҳар жон, Токи ҳаёт экан саккиз нарсадан Қочиб қутулмайди ҳеч ким ҳеч ҳеч қачон! Ул саккиз ҳолатни билгин, азамат, Роббингга суяниб, тайёр тур фақат: Қувонч билан қайғу, жамлик ва фурқат,¹ Оғирлик, енгиллик, дард ва офият. Жалол Иброҳим таржимаси ———————————————— ¹ Фурқат — "Айрилиқ", "ҳижрон", "узоқлашиш" ёки "фироқ" деган маъноларни англатади.                            ✨✨✨ ҲАЁТНОМА Саккиз хил ҳолатга тушади инсон, Саккизта нарсага йўлиқар ҳар жон: Қувонч билан қайғу, жамлик ва фурқат, Оғирлик, енгиллик, дард ва офият. Жалол Иброҳим таржимаси                            ✨✨✨

Чтобы присоединиться к видеовстрече в Google Meet, нажмите на эту ссылку: https://meet.google.com/hzi-qwho-mpe Или откройте Meet и введите этот код: hzi-qwho-mpe

Ассалому алайкум ва раҳматуллоҳи ва барокатуҳ, азизлар! Ҳафталик тафсир дарсимиз,  Аллоҳнинг инояти билан, бугун яна давом этади.  Бу фазилатли жума кунимиз янада унумли, баракотли ва фойдали ўтсин! Бугунги жума дарсимиз: — Стокголм вақти билан — 17:30 — Истанбул вақти билан — 18:30 — Тошкент вақти билан — 20:30 Бу дарсимиз Meet программаси орқали жонли эфирда бўлиб ўтади: Ҳаволасини дарсдан бироз олдин ташлаб қўйилади. Бугунги суҳбатимизда навбатдаги "Талоқ" сураси ҳақида суҳбатлашамиз. «Талоқ» сураси оятларининг қисқача мазмуни: 🔹 Талоқ ва идданинг шаръий ҳукмлари (сунний ва бидъий талоқ) 🔹 Идда даврида аёлнинг ҳуқуқлари, яшаш жойи ва нафақа 🔹 Муроса (ярашиш) ва ажрашишдаги одоблар ҳамда гувоҳлик. 🔹 Тақво, таваккул ва Аллоҳнинг улуғлиги Марҳамат қилинглар!