کؤنول دوستاغی
Open in Telegram
باشچی_نین_آیدیسی_انتقاد_و_پیشنهاد_و_ایستکل_یز_او_چون 👇👇👇 @yalghiz کانالن لینکی https://t.me/+1hNMI0XF1lA1NWRk
Show more6 932
Subscribers
+124 hours
+177 days
+9630 days
Posts Archive
6 930
6 930
توخونسا تئلینه باهار نفسی،
بیل کی یول گلیرم، سوراقدی مندن.
عؤمرومو عشقینه قوربان وئرردیم،
نه وعدهنی سوروش، نه واختی مندن!
سنسیز چیچک آچماز باغچالار، باغلار.
سنسیز باتیب گئدر بوللور بولاقلار.
من سنی ایتیرسم دونیام داغیلار،
سن منی ایتیرسن، نه چوخدو مندن!
سندن آیریلاندا جان قالمیر جاندا،
یوخ کیمی یوخ اولور، جان دا، جهان دا.
آی منیم سئودیییم! سن اولمایاندا،
«ایّوب»ون اؤزو ده اوزاقدی مندن...
ایوب_کلبجرلی
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 930
6 930
من بیلمهدیم سینا بیلر، یانا بیلر
من اورهیی اورک کیمی ساخلامادیم
نه بیل ایدیم بوز باخیشدان دونا بیلر
من اورهیی اورک کیمی ساخلامادیم
قوهوم گلدی، قونشو ییغدی، یاد آپاردی
غملی گلن قیسمتینی شاد آپاردی
اودو سؤنن اورهییمدن اود آپاردی
من اورهیی اورک کیمی ساخلامادیم
خئیره، شره، تویا، یاسا یویور دئدیم
طالعیمه یارالانمیش جویور دئدیم
اؤزون قیزدیر، هاردا کیم اوشویور دئدیم
من اورهیی اورک کیمی ساخلامادیم
درد داغینین کولونگ چالان فرهادییام
توستوسویم، دومانییام، فریادییام
اؤز قلبیمین قان ایچهنی جلادییام
من اورهیی اورک کیمی ساخلامادیم
یئری گؤیه، گؤیو یئره باغلا دئدیم
آلیش دئدیم، توتوش دئدیم، چاغلا دئدیم
یاس گؤرنده هؤنکور-هؤنکور آغلا دئدیم
من اورهیی اورک کیمی ساخلامادیم
دؤولت یوکو، میللت یوکو، شؤهرت یوکو
بو میللتین ایچیندهکی ذیللت یوکو
بو یوکلرین آلتینداکی زحمت یوکو
من اورهیی اورک کیمی ساخلامادیم
من اورهیی چیچک کیمی ساخلامادیم
یاغ ایچینده بؤیرک کیمی ساخلامادیم
هئی اریتدیم، هئی چوروتدوم، هئی قاناتدیم
من اورهیی اورک کیمی ساخلامادیم
هؤنکورن داغ دؤشوندن قایا قوپدو
آغلایاندا بوش-بوشونا آغلامادیم
من اورهیی اورک کیمی ساخلامادیم
ساخلامادیم، ساخلامادیم، ساخلامادیم
زلیم خان یعقوب
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 930
6 930
سئومهدیم دونیادا قیزیل _ گوموشو
دئدیمکی، ووقاریم اعتیباریم دیر
گؤزل سئوگیلیمین شیرین گولوشو
منیم دؤولتیمدیر، منیم واریم دیر
سئومهدیم دونیادا شانی، شؤهرتی
اونلاری حیاتدا افسانه ساندیم
باخ، همین دئدیییم واری_ دؤولتی
اؤز اورک قانیملا اؤزوم قازاندیم
آختاریب گزه رم کؤنول یاریمی
گزه رم عؤمرومون باهاری کیمی
ایستهسه سئوگیلیم گؤز یاشلاریمی
دوزه رم بوینونا میرواری کیمی
نادان قولاق آسسین قوی یاخشی_یاخشی
سئوگی سئوینجیمدیر، سئوگی غمیمدیر
بیر آلا گؤزلونون اودلو باخیشی
منیم جنّتیمدیر، جهنّمیمدیر
"نبی"یَم، بیر داغام باشی قارلییام
دئمه: زیروه مدهکی او دومان نهدیر؟
بوتون وارلیلاردان داها وارلییام
دؤولتیم محبّت، واریم سئوگیدیر
نبی_خزری
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 930
6 930
6 930
6 930
6 930
گؤزلرین نه یامان گؤزلدی سنین
گؤزلرین ائلهبیل دان ایشیغیدیر
اۆزون یارانیشین شاه اثریسه
گؤزلرین اۆزونون یاراشیغیدیر
بئله بیر گئجهده یاتماق نه شیرین
بئله بیر سحرده آییلماق گؤزل
بئله بیر دنیزه باتماق نه شیرین
بئله بیر اورمانا یاییلماق گؤزل
گؤزلرین نه یامان گؤزلدی سنین
دوشسل بیر کورهنین مینیاتورودور
سانکی گؤز یاشیندان یوغرولوب، آنجاق
بو داها کؤورکدیر، داها دورودور
گؤزونون اؤنونده آنلاملار ایتیر
بیلمیرم دوردوغوم بو یئر هارادیر
باخیشین هر یئری گؤیه چئویریر
باخیشین انسانا قاناد یارادیر
نورالدین_مقدم
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 930
6 930
عشقيمی، كؤنلومو وئرميشم سنه،
مين قوربان كسهرم سن گلن گونه.
«سئويرم» دئييرم من دونه-دؤنه،
نه اولار بيرجه يول «بيليرم» دئسن؟!
نه زامان چاغیرسان، گلهرم او گون،
سندن بیر محبّت دیلهرم او گون.
بلکه ده سئوينجدن اؤلهرم او گون
سن منه «دردیندن اؤلورم» دئسن...
✍️ بابا_وزيراوغلو
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 930
فلگین یازدیغین پوزا بیلسه یدیم
من اونون یئرینه بئله یازاردیم
انسانلار قلبینده کدر گورسه یدیم
آخیدیب چایلارا سئله یازاردیم
یازاردیم بولبولو گوله همنفس
قویمازدیم دونیادا یارانسین قفس
دییردیم سئودیگین قوی آلسین هر کس
بختینین طالئعین ائله یازاردیم
یاشاسین دییردیم آزاد نفسلن
نئجه سئویر بولبول گولو هوسلن
ایکی اورگ عومور سورسون بو حیسلن
آغارماسین باشدا تئله یازاردیم
اوستاد_راشید
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 930
..... صنم.....
🍃🌺🍃
🍃
ازل گونو قلم قیسمت یازاندا
سندن طاقت آلدی دیزلریم صنم
محشر گونو اوجا دیوان اولاندا
سنی آختاراجاق گؤزلریم صنم
سن منیم گونشیم ، نازلی آییمسان
گؤیلومون آلدیغی بیرجه پاییمسان
چیمنیم-چیچه ییم باهار-یاییمسان
سنسیز قیشا دؤنر یازلاریم صنم
بیر سندن اوتانیر گؤیده کی اولدوز
طواف ائدیر گونش هر گئجه گوندوز
تک سنین آدیندیر دیلیمده کی سؤز
سنه دوغرو دوشور ایزلریم صنم
کاتیب اوغلو سنسیز دونیانی نئینیر؟
مالی مولکی باغی گولشانی نئینیر؟
شاعیر کؤنلوم شعری دیوانی نئینیر؟
سنده معنا بولور سؤزلریم صنم
کاتیب_اوغلو
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 930
آی نور ساچانیم، خوشصیفتیم، نازلی صَدالیم روخسارینه گوللر یاراشیر آهو اَدالیم سَن مَرحمت عشقیمسن، او داخیلده سَسیمسن دونیایه گَلَندن بَری بیلدیم کی بَسیمسن سَن باریز گؤرونن اَن گؤزل هَر شئیسن حَیاتدا سَنچون یئنی بیر نامه یازیردیم بو ساعاتدا سَندن گؤزل اولماز ،گؤزهلین مَعبودی سَنسن چوخ باشقا گؤرور گؤز، گؤزومون شاهیدی سَنسن...❤️ @dostag ❤️ ❤️ @dostag ❤️ #بیزیله_یولبیر_اولون ════༻♥️༺═══
6 930
آی نور ساچانیم، خوشصیفتیم، نازلی صَدالیم روخسارینه گوللر یاراشیر آهو اَدالیم سَن مَرحمت عشقیمسن، او داخیلده سَسیمسن دونیایه گَلَندن بَری بیلدیم کی بَسیمسن سَن باریز گؤرونن اَن گؤزل هَر شئیسن حَیاتدا سَنچون یئنی بیر نامه یازیردیم بو ساعاتدا سَندن گؤزل اولماز ،گؤزهلین مَعبودی سَنسن چوخ باشقا گؤرور گؤز، گؤزومون شاهیدی سَنسن...❤️ @dostag ❤️ ❤️ @dostag ❤️ #بیزیله_یولبیر_اولون ════༻♥️༺═══
6 930
