کؤنول دوستاغی
Kanalga Telegram’da o‘tish
باشچی_نین_آیدیسی_انتقاد_و_پیشنهاد_و_ایستکل_یز_او_چون 👇👇👇 @yalghiz کانالن لینکی https://t.me/+1hNMI0XF1lA1NWRk
Ko'proq ko'rsatish6 943
Obunachilar
+324 soatlar
+177 kun
+9230 kun
Postlar arxiv
6 937
@Ahmadyalghiz
سنسیز
آغلاردی گؤزوم هر گئجهنی بیر بئله سنسیز
سالدیم اؤزومو سئوگیلی، الدنـاله سنسیز
هرگون غمینی بسلهییرم سینهده، قوتلو (۱)
اوخشار مارالیم گؤزدهکی یاشلار سئله سنسیز
سنسن بئله سنسن گؤزهلیم منله اورک بیر
ائتمه سنی آللاه بو منه بیر گیله، سنسیز
سنله دولاشیب قالمیشام آنجاق اورهییمده
وئررم اؤزومو بیر سنه یئلدن، یئله سنسیز
دونیادا سنه، بیر سنه، باغلانمیشام ای گول
سن اولمایاسان من دوشهرم چول، چوله سنسیز
من یالقیزام احمد یئنه سیزلار یارالار... آه
یعنی بو اوجاق چاتمیش اؤزون چوخ کوله، سنسیز
1_ قوتلو: مقدس
✍یالقیز احمد
#87
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
6 937
یوخوما گَلسهیدین اَگَر بیر آخشام
دئیردیم، قوی یوخوم اولسون اَبَدی
سَنی چوخ گَزمیشم، چوخ آختارمیشام
باری ایتیرمهییم بو سَعادتی
یوخوما گَلسهیدین اَگَر بیر آخشام
من چَپَر چَکردیم کیرپیکلریمه
قویمازدیم یوخومدان کَنارا سَنی
قویمازدیم یوخوما داها هئچ کیمی
یوخوما گَلسهیدین اَگَر بیر آخشام
کؤنلومده اولانی دئیردیم بیر-بیر
دئیردیم، حَسرتدن ناخیشلی عؤمروم
حَسرتلر ایچینده اَریییر گئدیر
یوخوما گَلسهیدین اَگَر بیر آخشام
سَراسر یوخوما دینجلیک قوناردی
سَسینی، سؤزونو دینلهدیکجه مَن
یوخوما چیراقلار، شاملار یاناردی
آشکاردا گؤروشدوک سَنینله آنجاق
فَقَط آنی اولدو ووصالین سَنین
گئتدین، آجی-شیرین خاطیرهلرله
قالدی یادداشیمدا خَیالین سَنین.
مدینه_گولگون
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
6 937
ایسترسه ایلک باهار
ایستر یای ،پاییز
ایسترسه قار یاغیش
ایستر سویوق قیش
هانکی بیر فصیلده گله سن گولوم
یازاجام انشام دا
فصیللر ایچره
سن گلن فصیل گؤزلدیر
🍂💥🍂💥🍂💥🍂💥🍂💥🍂💥
بو سیزلایان ملر کیم دی؟
باش ساری تئل هاواسیندا
اولما منیم کدریم دی؟
باش ساری تئل هاواسیندا
غم چیله ییر حسرت یاغیر
سینم ده کی بودرد آغیر
آشیق ،سسله منی چاغیر
باش ساری تئل هاواسیندا
قوشا سیملر تیتره مه سی
آلسین مندن قوی نفسی
سانکی گلیر تانری سسی
باش ساری تئل هاواسیندا
کرم کؤنلون یاخان اصلیم
گلن نسلیم گئدن نسلیم
گؤزللرده گؤزل سسلیم
باش ساری تئل هاواسیندا
منی شعره سؤزه دولدور
داریخیرام آیلار ایلدیر
آل. جانیمی یوخسا اؤلدور
باش ساری تئل هاواسیندا
ثریا بخشی آیلار💐🌼💐🌼
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
6 937
داها_دور_گل
هجران اودی یاندیردی امانیم داها دور گل ...
سنسیز نه بهاریم ، نه خزانیم ، داها دور گل ،
هجرینده سنون جاننان ال اوزموش دلی کونلوم ...
پیس گوندییم ای سوگیلی جانیم داها دور گل ،
عشقینده وطن ترک ایلیب چوللره دوشدوم ...
یاندیردی منی ، درد نهانیم ، داها دور گل ،
لیلای زامانسان ، نه بولوم لیلی دن آرتیق ....
آز قالدی باتا نام و نیشانیم ، داها دور گل ،
یوز جاذبه لر واردی سنون قاره گوزونده ...
روحوم ، حیاتیم ، جومله جهانیم ، داها دور گل ،
قیلمان دمرم ، حوری دمم ، شمس جهانسان ...
الله دان اوتور ، یوخدو زامانیم ، داها دور گل ،
پیچک گولی تک زولفوه باغلاندی بو کونلوم ...
عومانه آخیر اشک روانیم ، داها دور گل ،
بیر گون اشیدرسن دلی تک زنجیره دوشدوم ...
انصاف اله بیر توکمه بو قانیم ، داها دور گل ،
قان اعلاما راحیم گینه یالوار او نگاره ...
صد پاره اولوب جیسمده جانیم ، داها دور گل ،
راحم_تبریزی
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
سنین یوللارینا تیکسم گؤزومو،
ایچیمده ساخلاسام اودلو سؤزومو،
عشقینده کرمتک یاخسام اؤزومو،
اوندا اینانارسان بو محبّته؟
حسرتدن آلیشسام بیر اوجاق کیمی،
بورونسم سوکوتا بوش اوتاق کیمی،
دالینجا آغلاسام بیر اوشاق کیمی،
اوندا اینانارسان بو محبّته؟
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
🔸قاداسین آلیم
ائلینین یوردونون دردی غمینه
اۆرکدن یانانین قاداسین آلیم
صفاسی، وفاسی وصال دَمینه
جان وئرَن جانانین قاداسین آلیم
آتا نصیحتی، آنا زحمتی
قارداش اعتباری، باجی عصمتی
ائله صداقتی، دوْستا حؤرمتی
ساخلایان اینسانین قاداسین آلیم
آزافلی معنا وار دۆنیا اۆزۆنده
معنالار ایچینده اۆزدۆم درینده
یاخشیسی یئرینده پیسی یئرینده
حقیقت قانانین قاداسین آلیم.
✍ آشیق آزافلی.
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
6 937
آتادان یازمایین نولار آ دوستلار آتاسیز اولانلار داریخیر آخی ساریلیب یاتیرسیز، قَدرینی بیلین اونلار قارا داشا ساریلیر آخی آتالی اوشاغا حَسَدله باخار گؤزوندن دوپدولو خاطیره یاغار آنجاق شَکیللردن تَسَللی تاپار نئیلهسین، قَبیر ده دانیشمیر آخی آتا بیر اومیددی ، نه قَدَر ساغدی اؤولادا دایاقدی، دوشمنه داغدی آتا بیر سیناقدی، بار وئرن باغدی هَر بَنده او آدی داشیمیر آخی نریمانلی سونای_احمدزاده❤️ @dostag ❤️ ❤️ @dostag ❤️ #بیزیله_یولبیر_اولون ════༻♥️༺═══
6 937
6 937
6 937
6 937
یوخسا، ائی گول، یئنه گولزارده حال ائیلهمیسن؟ غؤنچهنین باغرینی قان، بولبولو لال ائیلهمیسن؟ قامتین سایه سالان یئرلره گون سورتر اوزون اونو سَرگشتهیِ زولفو خَط و خال ائیلهمیسن؟ قاش قارالدیقدا اوزونله دورا بیلمز قارشی مَگَر، ائی مَه، گونشه عَرضِ جَمال ائیلهمیسن؟ اؤزگهلر مَحرم اولوب وَصلینه، اؤز عاشیقینی یاندیریب هیجر ایله مَحرمِ ووصال ائیلهمیسن! عاشیقین کؤنلونو ییخماق، گؤزهلیم، یاخشی دَییل توتار آخیر سَنی آهیم، نه خَیال ائیلهمیسن؟ سَن کی یوخدون، نه بیلیردیم اَلَمِ عشق نهدیر ائل ایچینده مَنی مَجنونه میثال ائیلهمیسن واحید، اَحسن سَنه ، طَعن اوخلارینی گَلدیکجه ییغمیسان دؤورهنه ،بیر جاه و جَلال ائیلهمیسن. علی_آغاواحید❤️ @dostag ❤️ ❤️ @dostag ❤️ #بیزیله_یولبیر_اولون ════༻♥️༺═══
6 937
ائلهبیل دونن ایدی؛
بیردن،
بیریسی گلدی،
آیریسینین آیاقلاریلا!...
سانکی حاقلی ایدی، گوجلو ایدی —
باخمادان کئچدی.
ندنسه اورهییم شاخدی، شاققیلدادی،
یاغمورلار یاغدی...
دئییرلر،
بوگون بیریسی گلیر،
یئنه آیریسینین آیاقلاریلا.
دئمک اورهییم
بوشونا یاغمامیش —
بو گون
آبیری یویوب-یویوب آپارماقدا
وارایمیش.
سولماز جلیلی
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
باشیمیزی یامان قاتدی بو دونیا
سیغال چکه_چکه، دیل تؤکه_تؤکه
گؤزو قالدی وئردییینین دالینجا
کسیر عؤمروموزدن ایل تؤکه_تؤکه
ناشیلار نئشهنین، دمین بیلمهدی
کئف دالینجا گلن غمین بیلمهدی
کیمی کی، یاشاماغین چمین بیلمهدی
قالدی گؤزلرينده سئل تؤکه_تؤکه
کامیل کیمی چوخ یولچولار ائیلهدی
پریک سالدی، سینهلرین تئیلهدی
سرگردان ائیلهدی، سفیل ائیلهدی
گونده بیر طرفه کول تؤکه_تؤکه
کامیل طبیب
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 937
6 937
من گئدیرم، اوجا داغلار!
بو شیرین مئی مزه قالسین.
پوزولماسین بیزیم ایلقار،
گوُروشوموز یازا قالسین.
نهلر دئییر شاعیر اورک؟
وطن گوُزل، عؤمور گودک.
بیزیم آرزی، بیزیم دیلک،
بیزیمکیدیر، بیزه قالسین.
داغلاردا دان سوُکولنده،
قارانلیقلار چکیلنده،
سحر شئحی تؤکولنده،
گزمک، گلین-قیزا قالسین.
تارلالاردا جویور مَلر،
چیچک اوینار، چیمن گولر.
گوُی مئشهلر، شلالهلر،
بوز بولاقلار سیزه قالسین.
شیش دؤشهنیب کؤز دوشنده،
قدحلره گوُز دوشنده،
گوُزللردن سؤز دوشنده،
کوُنول ایستر تزه قالسین.
واخت حوُکمونو وئرن زامان،
جان کؤچهجک بو دونیادان.
مارال سیزه، قوزو جیران-
دوزونکودور، دوزه قالسین.
سعادتدیر شاعیر اولماق،
ائل-اوبادان ایلهام آلماق.
من داشقینی یادا سالماق،
سازا قالسین، سؤزه قالسین.
مظاهر داشقین🌿💐🌿💐
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺══
