کؤنول دوستاغی
الذهاب إلى القناة على Telegram
باشچی_نین_آیدیسی_انتقاد_و_پیشنهاد_و_ایستکل_یز_او_چون 👇👇👇 @yalghiz کانالن لینکی https://t.me/+1hNMI0XF1lA1NWRk
إظهار المزيد6 961
المشتركون
-924 ساعات
-167 أيام
+3730 أيام
أرشيف المشاركات
6 961
جانلی و محتشم ایفا 👆👆👆
ماهنی شیرین_یوخون_اولایدیم
اوخویور آی_بنیز_هشیم_اووا👆👆
شیرین یوخون اولایدیم
گوزلرینه دولایدیم
سنه لای لای چالایدیم
سن گئجه لر یاتاندا
(گئجه گوندوز هم دمیم)
قیزیل گولو
درئیدیم، درئیدیم، درئیدیم
سنه چلنگ
هوریدیم، هوریدیم، هوریدیم
یوخونادا گیریدیم
سن گئجه لر یاتاندا
(گئجه گوندوز هم دمیم)
غم غصه نی آتایدیم
کاش آرزوما چاتایدیم
منده شیرین یاتایدیم
گئجه گوندوز هم دمیم
(سن گئجه لر یاتاندا)
قیزیل گولو
درئیدیم، درئیدیم، درئیدیم
سنه چلنگ
هوریدیم، هوریدیم، هوریدیم
یوخونادا گیریدیم
گئجه گوندوز هم دمیم ...
شیرین یوخولار عزیز دوستلار
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
@Ahmad_yalghiz
باخیرام
یوللارینا باخیرام
بلکه بیر گون
قاییدا
سون گئتدیگیمیز یوللارا
او یولدا اوره گیمی الیمدن آلدی
ایندی هاردا ؟
یئنه یولچیلار
اوره سیمین اوستوندن
یول سالیبلار
اوره ییم چیرپینیر
اونا ساری
یولچیلارین
آیاقلاریندان اؤپور
اوره ییم
بلکه
اولار سیزین قاپیزدان
یول سالا بیر گون
✍: یالقیز_احمد
#103
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
@Ahmadyalghiz
سیزغین ایمگه‌لرین نیسگیل چاغلاری
اینجیدیم یاشامدان،دویدوم اؤزومدن
یاغیش تؤکن کیمی گؤی یارپاقلاری
حیات داملا داملا دوشدو گؤزومدن
سئوگیلی سئوینجک سئوردیم اونو
گؤزلریم‌دن آرتیق اؤزومدن آرتیق
دئمه یاخاجاق‌میش روحومو دؤزوم
جانیمی یاندیران کؤزومدن آرتیق
دولانیب داغلاری بیرلیک‌ده البت
آلمیشدیق سئوگینین لذتین کامین
گاهدان اوتراقلاردا ایستولون اوسته
اوره‌یه سالمیشدیق عشقین الهامین
ویصالین طاقتی آز اولدو بیزده
گؤز آچیب یومونجا چاتدی آیریلیق
بیرلیک باغچاسیندا بیتن گوللری
سولدوروب توپراغا قاتدی آیریلیق
یالنیز یاشاییشدان من باختی قارا
اوز توتدوم چول‌لره داغی آغلادیم
یارانی ساغالتماز سئوگینین آخی
نه‌دن اودونا من کؤنول داغلادیم ؟
ایندی یالقیز احمد عؤمرونون سونو
کؤکسونه قالانمیش درده نئیله‌سین
نامردین اوخلاری گلیب یان_یانا
بیر یئرده توخاندی مرده نئیله‌سین
✍: یالقیزاحمد
#63
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
سَن مَنیم یازیمدا بیرینجی یاغیش
سَن مَنیم قیشیمدا سونونجو قارسان
من سَنین اودونلا کول اولان اوجاق
سَن مَندن سونرا دا آلوولانارسان
سَن مَنیم آلنیمدا پوزولان یازی
سَن مَنیم گَلمه‌ین یوخولاریمسان
سَن مَنیم روحوما حاکیم کَسیلن
توکنمک بیلمه‌ین قورخولاریمسان
سَن مَندن اوزاقدا، لاپ چوخ اوزاقدا
شاختالی گئجه‌ده آییم کیمیسن
سَن مَنیم عؤمرومده اَن شیرین یالان
سَن مَنیم اولمایان پاییم کیمیسن
سَن مَنیم یئتیشه بیلمه‌یه‌جه‌ییم
شیرین آرزولاریم، خَیاللاریمسان
سَن مَنیم اوخویوب، خوشبخت اولدوغوم
یاشانا بیلمه‌ین ناغیللاریمسان
سَن مَنیم چاره‌سیز آخان گؤز یاشیم
سَن مَنیم سون سؤزوم، سَن سون نیدامسان!
سَن مَنیم دونیادان آیری بیر دونیام
سَن مَنیم اَلویدام، مَنیم ویدامسان.
سامیر_افسراوغلو
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
اوخویور سعدالله_ریضایئف👆👆
سئودیگین یارین الیندن توتاسان، جام آلاسان
اؤپه سن لبلرین، او ناز ائده، سن کام آلاسان
مبتلاسی اولاسان بیر گولر اوزلو گؤزلین
هرسحر کوسدوره سن، کؤنلونو آخشام آلاسان
شؤق لعلی یئترعشق اهلینه گول چهره لرین
نه گرک ساقی الیندن مئیِ گول فام آلاسان
یا وئریب جان وطن اوغروندا، هنر گوستره سن
یا اولوب عشق اسیری، بئله بیر نام آلاسان
اووچو گورموش قوشو صیّاد چتین لیکه توتار
ساده دل بیر ائله قوش تاپ کی، اونو رام آلاسان
بیر گؤزل وارمی کی، ناز ائیله‌مه گیندن باشقا
یئریشیندن، دوروشوندان باخیب الهام آلاسان؟
بسدیر، ای خسته کؤنول، هیجر بلاسین چکدین
سن گرک وصله یئتیب، بیر قدر آرام آلاسان
واحد، انعام ائده جک یاریم اؤز عاشیقلرینه
بلکه بیر لطفه گلیب سن ده بیر انعام آلاسان
علی_آقا_واحد
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
سوئیله ای گول، هانسی باغین، سن گولِ رعناسی‌سان؟
هانسی گلزارِ بهشتین، سروی سن، طوُباسی‌سان؟
آچما زولفون عطریله بیهوش ائدرسن عالمی
چونکی سن دشتِ خطانین، عنبرِ ساراسی‌سان
نازنین جانان گؤزه‌للر، قارشی دُورماز روُیینه
جمله سیندن سن گؤزه‌ل‌سن، هامی‌نین اعلاسی‌سان
باغبانین کیملر اولموش؟ گؤزلرین حئیرانی‌یام
سن مگر گلزارِ حُسنون نرگس شهلاسی‌سان؟
گؤرمه‌یینجه گول اوزون، جسمیمده قالماز طاقتیم
روحی‌سان گویا، بو مسکین عاشیقین، اعضاسی‌سان
من کیمی مینلرجه مجنونلار، اسیروندیر سنین
سؤیله یاریم، دوغرو سؤیله، سن کیمین لیلاسی‌سان
اینجیمه‌ز، «واحد»، او گول آه و فغانیندان سنین
سن گؤزه‌للر باغی‌نین بیر بولبولِ شیداسی‌سان
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
6 961
دالیمجا گلمه منیم بیرده ، چئخمیشام گئدیرم
هاواسی غملیدی شهْرین، داریخمیشام گئدیرم
سالاندا یاده منی باخ بو چایلارین سویونا
دالیمجا کورپولری یوخسا یخمیشام گئدیرم
دئدیم کی من گئدیرم ...قوی اوچا قناری قفس دن
الیمده جانی چئخیب بس کی سئخمیشام، گئدیرم
هایاندی مقصدیم هئچ بیلمیرم، مهم ده دییل
کدرلی سؤزلر الیندن کئریخمیشام گئدیرم
چوخ ایسته دیم کی قالام بوردا، اما مردوم دا
محبت اینسی سی یوخدور، آجیخمیشام گئدیرم
سوروشسالار منی کیمسه، دیین دییردی گئدنده
هاواسی غملیدی شهْرین، داریخمیشام گئدیرم..
مجید اسکندری
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
منیم یاشیم اوشاق یاشی دئیل کی
هر آغاجین مئیوه سینی درمیشم
آللاه منه نه وئریبسه ازل دن
من ده اونو بو دونیایا وئرمیشم
باخمامیشام شیطان لارین سؤزونه
دوز باخمیشام حقیقتین گؤزونه
عؤمروم بویو سئون لرین اوزونه
اوره ییمی سوفره کیمی سرمیشم
بو یوللاردا کیم آییلان کیم یاتان
آرزولارا کیم چاتمایان کیم چاتان
نه اؤله نم ، نه ایته نم ، نه باتان
قیزیل سؤزدن قیزیل دووار هؤرموشم
چوخ سونالار اوچورموشام گؤلوم دن
آلاو چیخار ایچه ریمدن چؤلوم دن
قورخوم یوخدو آیریلیق دان ، اؤلوم دن
بو دونیانین هر اوزونو گؤرموشم
زلیمخان_یعقوب
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
6 961
6 961
کؤرپه لیک دن اؤلوسویدوم قوجالارین،
دئییردیم کاش منیم ده آغ ساچیم اولا !
نه بیلیردیم آغ ساچلارین گتیردییی _
بیر بو قده ر آغریم اولا _ آجیم اولا .
غم سیز آچمیر عؤمرون بیرجه به له نی ده
هر آغریدان تئلیمیزه بیر دن دوشور
یاز دا _ یای دا گلیب کئچیر یاواش_یاواش
پاییز اؤتور ، شاختالی قیش بیردن دوشور.
بو گون دؤنوب قارا ساچا عاشیق اولوب،
دوننکی گون آغ ساچلاری سئون کؤنلوم
نه گؤرموشدون زیروه لرین آغلیغیندا _
هارا بئله ته له سیردین جاوان کؤنلوم؟!
زلیمخان_یعقوب🪸🌸🪸🌸
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
نه لر،نه لر يادا دوشدو؟!
خاطيره لر اودا دوشدو
او گونلردن قلبيميزه
قورخولو بير صَدا دوشدو
گؤرمه يه ايديم كاش كی سنی
باهار گلدي قيش ائوينه
بو كؤچه ري قوش ائوينه
او واخت ناشي بنّا كيمی
يادداشيمين داش ائوينه
هؤرمه يه يديم كاش كی سنی
كوله دؤنموش اود اوجاقسان
بلكه بئله قالاجاقسان
اوندا اوشاق دئييلديم كي
بيليرديم كي سوْلاجاقسان
درمه يه ايديم كاش كی سنی
هيجران گلدي سينه-سينه
گونلر اؤتدو سَنه-سَنه
بير گولدان دا ساخلايايديم
اؤز اليمه اؤزگه سينه
وئرمه يه ايديم كاش كی سنی...
نصرت کسمنلی🍂💥🍂💥
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
دوداق دیمز
چوخدور سنین نازینا حئیران
نازینی آز ائیله آ جئیران
او قدر یوخ دئدین قاچدین
اوره‌یی سن ائیله‌دین قان
عشقینله هر گونو یاشاییر
ایچینده آغرینی داشیر
هر گئجه خاطیره یاشاییر
سنه عاشیق اولان اینسان
تک سندن خاطیره قالدی
خاطیره‌ن ایاقدان سالدی
گؤزو کوردو، دیلی لال‌دی
سنه عاشیق اولان اینسان
گؤزو یولدا، اوره‌یی قان
آختاریر هر لحظه، هر آن
عشقیندن اؤله‌جکدیر اینان
سنه عاشیق اولان اینسان
مرتضی آیرملو
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
6 961
گینه_گلسین
یارب نظر ائت سوگیلی جانان گینه گلسین ...
جانیم ، حیاتیم ، ماه درخشان گینه گلسین ،
اوز شوقیمیله آتش هجرانینا یاندیم ...
پیس گوندییم او شمع شبستان گینه گلسین ،
اوز عاشیقینی خار اله مز گولده ، چمنده ،
رفتارینا ، کردارینا قوربان گینه گلسین ،
ای باد صبا دردیمی سویله او نگاره ....
کونلوم کیمی او زولف پریشان گینه گلسین ،
بیر گون واریدی جان دیررک جان اشدردیک ...
لیلای زمان حسننونه قوربان گینه گلسین ،
مه پاره لر ایچره او گوزل دیلبری گوردوم ،
شعر اهلی اولان مرغ خوش الحان گینه گلسین ،
صبر اتمک اوچون یوخدی داها تاب و قراریم ...
الله دان اوتور سینه اولوب قان گینه گلسین ،
کیمدور منه تای عشقیده زنجیرینه دوشسون ،
اولدوردو منی بسدی بو هجران گینه گلسین ،
ایللر بویودو یالوایرام یوخدو زامانیم ...
اولموش بو جانیم نازینا حیران گینه گلسین ،
هجران آجی سین من چکنی چکمسین اغیار ...
راحم او گوزل حسنونه قوربان گینه گلسین ،
راحم_تبریزی
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 961
