کؤنول دوستاغی
Ir al canal en Telegram
باشچی_نین_آیدیسی_انتقاد_و_پیشنهاد_و_ایستکل_یز_او_چون 👇👇👇 @yalghiz کانالن لینکی https://t.me/+1hNMI0XF1lA1NWRk
Mostrar más6 971
Suscriptores
-124 horas
+27 días
+5030 días
Archivo de publicaciones
6 971
تیترَشسه‌ده دوداقلارین،
دئمه‌یه سوُزون قالماییب!
گئدنده ائله گئتمیسن _
دوُنمه‌یه اوزون قالماییب!
ایل‌لر قوووب بیر_بیرینی،
آجیلار اودوب شیرینی،
آختارما گوُروش یئرینی _
یویولوب ایزین قالماییب!
قورخوتدو عشقین درینی،
شوُهرت توتدو گوُزلرینی،
سوووردون اوجاق یئرینی_
یانماغا کوُزون قالماییب!
گولسن بئله گولوشون غم،
گوُزلرین نم ، باخیشین نم،
ائله همن "علی"یم من _
گوُرمه‌یه گوُزون قالماییب!
علی صفراوغلو
گئجنیز خئییرلی ❤️
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
چاتمیر
اینسانلار او قدر وفاسیز اولوب،
سؤز سؤزه قوووشمور، دیل دیله چاتمیر.
هر شئیی دادیندان چیخاریب اینسان،
گولون قوخوسو دا بولبوله چاتمیر.
یامانلار یاخشینی اودور، قارداشیم!
حیاتین گئرچه‌یی بودور، قارداشیم!
دونیانین اوچ پایی سودور، قارداشیم!
چای چایا تؤکولمور، سئل سئله چاتمیر.
بیر کیشی دردی وار دولون، چوخدورمو؟
آزادلیق حسرتی، غولون چوخدورمو؟!
آی ائودن خبرسیز، پولون چوخدورمو؟!
اومیدلر سورونور بئل-بئله، چاتمیر.
تک بیرجه هجادیر درد ده غم کیمی،
جنّتی تانیدیق جهنّم کیمی.
هر گونو گؤزله‌دیک تزه دم کیمی،
آنلادیق، قیشقیرساق زیل، زیله چاتمیر.
یئمه‌یی آلدیلار، قازان یالادیق،
یازدیق آلنیمیزا، بخته جالادیق.
بویات آرزولاردان اوجاق قالادیق،
نه قدر یاندیردیق، کول کوله چاتمیر...
ووقار بایرام‌اوف
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
6 971
کوسدو یار مندن نهایت، سئومه‌ییر قوی سئومه‌سین
ائیله‌مز کؤنلوم شیکایت، سئومه‌ییر قوی سئومه‌سین
سانماسین جانان اونونچون گؤزلریم قان یاش تؤکر
تاپمارام اونسوز سعادت، سئومه‌ییر قوی سئومه‌سین
بیر بؤیوک عاشیقدن اؤیرندیم، حیاتدا چوخ زامان
وصله یاددیر ایلک محبت، سئومه‌ییر قوی سئومه‌سین
چاتدیرین، دوستلار، وفاسیز دلبره سون آرزومو:
چکمه‌سین ائلدن خجالت، سئومه‌ییر قوی سئومه‌سین
شعره وئردیم کؤنلومو، شاعیر سلیمان روستَمَم
بیلمرم بیر اؤزگه شهرت، سئومه‌ییر قوی سئومه‌سین!
سلیمان روستم
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
بیلمه‌میشم دردمیش باشدان _ آیاغا ،
سن‌له موتلو کئچن زامان‌لار پریم!
اَسینجه آرادا فیرقت یئل‌لری _
عاشیق سئوداسینی یامانلار پریم !
اوُلوم دئدیک‌لری کاش اولمایایدی،
گول قوجاغی سارا کوُشک اولمایایدی،
باشیمدا بو دلی عشق اولمایایدی_
دیلیمده بو آه‌لار _ آمانلار پریم !
درد دوُندو لشکره ، قوشونا گلدی،
گئتدین، گئدیشین‌ده خوشوما گلدی،
عاغلیما گلمزدی ، باشیما گلدی _
سندن اوره‌ییمه دامانلار پریم!
ائلنور آسلان بئیلی
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
سنین طیلسیمین‌دن چیخا بیلمیرم
نئیله‌ییم بو عشقی بوغا بیلمیرم
یولوندان گؤزومو ییغا بیلمیرم
گؤز یاشین منیم‌دیر، گؤزون اؤزگه‌نین.
اؤز سئودان اؤزونو قارغیشا سالیب
عؤمرون قارا قالیب ، یاغیشا قالیب
طالئعین توستونله باش-باشا قالیب
توستون منیمکی‌دیر، کؤزون اؤزگه‌نین.
«شاهمار»ا وفاندان، جفان نورلودور
باهارین شاختالی، یایین قارلی‌دیر
حسرتین اؤزوندن اعتبارلی‌دیر
حسرتین منیم‌دیر، اؤزون اؤزگه‌نین.
شاهمار اکبرزاده
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
6 971
یار اهل وفا اولسا ڪونول دربدر اولماز
هر یئرده‌وفا اولسا غم اولماز ڪدر اولماز
اے گول منیم حالیم داها بوندان بتر اولماز
اینصاف ومروتدن عزیزیم ضرر اولماز
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
.
بیر دلی روزگارا کؤکلندی کؤنلوم ،
بیلمیرم آپاریر بو هارا منی ؟!
آی آخشام عؤمرومون سحر گونشی ،
قایتار پاییزیمدان باهارا منی !
یئنه گؤزلرین دن ایراغا دوشدوم ،
بیر یانار صحرا تک قوراغا دوشدوم
ایتیردیم اؤزومو، سوراغا دوشدوم
گتیردی حسرتین زینهارا منی !
اتک سن اولاردین ، ال من اولاردیم ،
یاناق سن اولاردین، تئل من اولاردیم ،
دیلینده أن شیرین کلمه ن اولاردیم _
سن هارا ایتیردین ، سن هارا منی !
"ممد" خیالیندا مین ایل قیزینمیش،
انسانین عؤمروندن ، عشقی اوزونموش!
اوره ییم آرخانجا کؤرپه قوزونموش _
گاه ایتیر گؤزوندن _ گاه آرا منی...!
ممد آسلان
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
.
آچیق پنجره‌م‌دن اوچوب بو سَحَر ،
ائویمی سن ناحاق یئره گزیرسن!
منیم دیلیم آجی ، سوُزلریم زه‌هه‌ر _
آی آری گوُر هاردا شیره گزیرسن!
دیواری بلکه‌ده آهیم قورودوب،
چیچک شکیل‌لری آ بویدا سولوب،
ساغ اولموش طالعیم ائله یاریدیب _
پوُهره آرزولاریم او بویدا سولوب!
آخی آغزیناجان پته‌یین بال‌دی ،
قالدیریب سَسینی نه ایسته‌ییرسن؟!
دره‌بیلمه‌دیگیم بیر چیچک اولدو _
چکدین شیره‌سینی، نه ایسته‌ییرسن؟!
تا یولوم یوخوشدو، مندن گئری‌ده،
شیرین خیال‌لارین دره‌سی قالیب ،
هاچانسا بیر شیرین شعیر یازمیشام_
دیشینده اونون‌مو شیره‌سی قالیب؟!
سانجماغا گلمیسن؟! ائله سانجارام !
زه‌هه‌ر بورج آلارسان آی آری مندن!
گئدیب پته‌یینی آجیلایارسان _
دوستوم! آرالی گز _ آرالی مندن!...
#ائلشن_عظیم
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
منیم سندن اوزاقلاردا ،
یاماندی حالیم، نئجه‌سن؟!
اؤزگه‌سینه قیسمت اولان_
جاه و جلالیم نئجه‌سن؟!
یالانا دوُندو گئرچه‌ییم،
آی گؤزلیم_آی گؤيچه‌ییم،
چمنیم، چؤلوم، چیچه‌ییم_
پته‌ییم_بالیم نئجه سن؟!
داشام یولون اوسته بیتن،
نه سیرردی !؟ آنلاماز یئتن،
گؤزو _کؤنلو ، دیل_دیل اؤتن_
دیل‌لری لالیم نئجه سن ؟!
زر _زیبام، لعلیم_گؤوهریم،
یاقوت_یمن، سیم و زریم،
بارماقلاری بخته وریم _
باشی بلالیم نئجه‌سن ؟!
اوزون دؤنمز منه ساری
یاری ، اؤز بختین دن یاری
"ابراهیمین" ستمکاری
نئجه سن ظالیم نئجه سن؟!
ابراهیم ایلیاسلی
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
6 971
6 971
6 971
6 971
6 971
آجی حقیقتلر قورخودور دئیه،
اینسان عادت ائدیر خیاللار قورا.
کاش عاشق اولدوغوم رنگلی گؤزلرین،
آغ-قارا دونیامی ایشیقلاندیرا!
صدام لاچین
6 971
6 971
6 971
اوزو بری باخان داغلار
نه یین قالدی چندن باشقا
بیرسئوگی وار اوره‌ییم ده
بیلن یوخدور مندن باشقا
محبّت‌ین یورد یئرین‌ده
بیرحسرت وار،لاپ درین‌ده
بو سئوگینین ال‌لرین‌ده
نه قالدی کی ، غم‌دن باشقا؟
بیر دئمیشم ، یئنه دئییم ،
ائل سؤزومو ائله دئییم
قوی سؤزومو سنه دئییم
کیمیم وارکی ، سندن باشقا؟
یانا - یانا سؤندو اودوم
دیلدن - دیله دوشدو آدیم
یوخ ، سن منی تانیمادین
زیلیم ده وار ، بم‌دن باشقا
بیر اوغورلو چاغ گورمه‌دیم
داغیم کیمی ، داغ گؤرمه‌دیم
قارا گؤردوم ، آغ گؤرمه‌دیم
ساچیمداکی دن‌دن باشقا...
نصرت_کسمنلی
❤️ @dostag ❤️
❤️ @dostag ❤️
#بیزیله_یولبیر_اولون
════༻♥️༺═══
