የቀጠናው ተመልካች

🇸🇦⚡️የሳዑዲ ዓረቢያ የባሕር ኃይል ጥምረት ሊያንቀጠቅጠው እየተሟሟቀ ነው። በሳዑዲ ዓረቢያ ዛሬ የተገለጸው የባሕር ኃይል ጥምረት፣ ኳታር፣ ባህሬን፣ ኩዌት፣ ግብጥ፣ ዮርዳኖስ፣ የየመን ምክር ቤት (የጌታቸው ረዳ ሕወሓት በመቀሌ)፣ ሱዳን፣ ፓኪስታን፣ ቱርክ፣ ሱማሊያ እና ጅቡቲ፣ ያሉበት ሲሆን፣ በአንሳር አላህ እገታ ላይ በሚደረጉ ወታደራዊ ተግባራት ላይ ለመሳተፍ እየተዘጋጀ እንደሆነ ተዘግቧል።

🇺🇸🇮🇱⚡️— የአሜሪካ ምክትል ፕሬዝዳንት JD Vance እና የእስራኤል ጠቅላይ ሚኒስትር ቤንጃሚን ኔታንያሁ፣ በጦርነቱ እና በኢራን ፖሊሲ ላይ፣ በመሃከላቸው እየጨመረ የመጣውን ውጥረት ለመፍታት፣ ማክሰኞ ዋሽንግተን ውስጥ “ቀጥተኛ”፣ “ግልጽ እና ቅን” የአንድ ለአንድ ስብሰባ አድርገዋል፣ Axios እንደዘገበው። ➡️ ኔታንያሁ ቫንስ በቅርቡ በእስራኤል ላይ ስላቀረበው ትችት እና በሪፐብሊካን ድጋፍ ላይ ስላለው ተጽዕኖ ስጋቱን አንስቷል፣ ቫንስ ደግሞ የኔታንያሁ አጋሮች እሱን በፖለቲካው እና የኢራን ድርድሮችን ለማዳከም እንደሞከሩ ተናግሯል። ➡️ ውጥረቶቹ ቢኖሩም፣ ሁለቱም ወገኖች ስብሰባውን “የወዳጅነት እና ውጤታማ” ብለው የገለጹት ሲሆን በጋራ የመካከለኛው ምሥራቅ ጥቅሞች ላይ ትብብራቸውን ለመቀጠል መስማማታቸውን ገልጸዋል። *-*-*- ትናንት አታች ባደረግኩት ፅሑፍ ይሄን በትንሹ ዳስሼው ነበር፣ ውጥረቱ እንዳለ፣ JD Vance በጦርነቱ ፈጽሞ እንደማያምን እና በእሱና በማርኮ ሩቢዮ መካከል ስላለው የአካሄድ ልዩነት።

🇺🇦🇷🇺🇮🇷🇺🇸⚡️— የFOX News ብሬት ባየር፦ ትራምፕ ከኢራን ጋር ያለውን ግጭት ከሩሲያ ጋር ካለው ጦርነት ጋር የተገናኘ አድርጎ ይመለከተዋል ብለህ ታስባለህ? ዘለንስኪ፦ እርግጠኛ አይደለሁም። ስለዚህ ጉዳይ አልተነጋገርንም። ባየር፦ አንተ፣ ምን ታስባለህ? ዘለንስኪ፦ አዎ። ሩሲያ ለኢራን ድሮኖችን ሰጥታለች እነሱም የመካከለኛው ምሥራቅ ሀገራትን እና እስራኤልን ለማጥቃት ተጠቅመዋል። ሩሲያ በመካከለኛው ምሥራቅ ሀገራት የአሜሪካ ጦር ማዕከላት የሚገኙበትን የሳተላይት ምስሎችንም ለኢራን ሰጥታለች። *-*-*-*- እቺ ሰው እየዞረች የስም ማጥፋት ሥራዋን፣ ፕሮፓጋንዳዋን፣ ማቀሳሰሯን፣ ቅጥፈቷን ትሰራለች፣ ፑቲን ደንግጦ ቁጭ ብሏል። ፑቲን እንዲች ሰው ይዋሽ ማለት አይደለም፣ እውነቱንም ይዞ መሟገት ይችላል። ዘለንስኪም ሙሉ በሙሉ እየዋሸ ነው ማለት አይቻልም፣ ሊቀላቅል ይችላል። እቺ እረፍት የላትም፣ በኃያላን ከተሞች ስትዞር ነው የምትውለው። ፑቲን የውጭ ጉዳዩን ጊኒ ቢሳዎ፣ ቡርኪናፋሶ እና ኢትዮጵያ ይልካል። የደበረው እና የፈዘዘው የብሪክስ ሀገሮችን ሊያሳምን ይጥራል፣ አመኑለት እንበል፣ ከዚያስ? ምን ያመጣሉ? እቺ ዓይኗን አፍጥጣ ስትሞግት፣ ፑቲን ተዋት ባክህ ብሎ ንቋታል። እንዲህ በማድረጓ ውጊያዋንም እያቀላጠፈች ነው።

❗️🇮🇷/🇪🇬/🇮🇱 የኢራን የውጭ ጉዳይ ሚኒስትር፣ አባስ አራግቺ፦ 'ግብጥ በቀጠናው ውስጥ እንደ ጓደኛ እና አስፈላጊ አጋር ትቆጠራለች፣ እና ደህንነቷ ለእኛ ከፍተኛ ቅድሚያ የሚሰጠው ጉዳይ ነው። የቀጠናውን ሰላም ለማዳከም ባለሙ የእስራኤል ሴራዎች እና 'በውሸት ባንዲራ ሥር የሚደረጉ ' ተግባራት ላይ፣ ሁላችንም ንቁ መሆን አለብን። የጽዮናውያን ስጋት ግልጽ ነው፣ አንድነት ጠል ነው፣ እናም የሙስሊሙን አንድነትን ይፈራሉ።' *-*-*- የተመቱት መርከቦች ሁለት መሆናቸው፣ የአሜሪካ ጋዝ ማጠራቀሚያ መርከቦች እንደሆኑ ታውቋል። ጥቃቱን ተከትሎ በተፈጠረው ድንጋጤም፣ የነዳጅ ዋጋ ጨምሯል። የግብጡ ሲሲም በአሁኑ ሰዓት አስቸኳይ ስብሰባ ተቀምጦ ይገኛል። ኢራን ብልጥ ናት፣ ግብጥ ባሕር ሄዳ ባለቤትነታቸው የአሜሪካ የሆኑ መርከቦችን አጥቅታለች። እስራኤል ናት የምትለው ሽፋን ይመስለኛል። ኢራን በዚህ ጥቃት የምትፈልገውን መልዕክት ለአሜሪካ አስተላልፋለች፣ 'እኛም የንግድ መርከቦችሽን ባሉበት መጥተን ልንመታ አቅም አለን፣ ከሆርሙዝ ወይም ከፋርስ ባሕረ ሰላጤ ውጭም ቢሆን!"

🇸🇦 ከዚህ ዝርዝር ውስጥ፣ ሱማሊያን፣ ሱዳንን፣ የየመን ምክር ቤትን፣ ማልዲቭን፣ ጅቡቲን፣ ቱርክን፣ ባሕሬንን፣ኩዌትን፣ ዮርዳኖስን እና ኳታርን አውጧቸው። ምንም የሚያመጡት ነገር የለም። ስለዚህ የቀሩት ፓኪስታን፣ ሳዑዲ እና ግብጥ ናቸው። ፖኪስታን እና ሳዑዲ ደግሞ በቅርቡ የጋራ የመከላከያ ጥምረት የፈረሙ ሀገሮች ናቸው። ሱማሊያ፡ ከባሕር ዳርቻ አስር ኪሎ ሜትር ወደ ባሕሩ ሊጓዝ የሚችል ጀልባ የላትም። እንዴት አድርጋ ነው ውሃዋን የምትጠብቀው? የሰሜን ኮሪያና የቻይና ሕገ ወጥ የአሣ አጥማጅ መርከቦች እዚያው ሱማሊያ ውሃ ውስጥ ገብተው ነው አሣውን አፍሰው የሚሄዱት። ሱማሌዎች እያዩዋቸው፣ ግን ምንም ማድረግ አይችሉም፣ የባሕር ኃይል ጀልባ ስለሌላቸው። ብረድስት እና ጭልፋ እያንቋቋህ የምትመልሰው ጉዳይ አይደለም። ጅቡቲ፡ አቅም የላትም፣ ከካልኩሌሽኑ አስወጧት። ማልዲቭ፡ ማሟያ ናት፣ እሷ ሕንድ ውቂያኖስ ላይ ናት፣ ስለ ቀይ ባሕር ምን ያገባታል? ኳታር፣ ዮርዳኖስ፣ ኩዌት፣ ባሕሬን … በራቸው ላይ ያለውን አንድ ሆርሙዝ ወሽመጥን ከአሜሪካ ጋር ሆነው ደህንነቱን ማስጠበቅ ያቃታቸው፣ ይሄን ሁሉ ወሽመጥ ከሳዑዲ ሊያስጠብቁ አይችሉም። ሳዑዲ ራሱ በአሜሪካ ነው የምትጠበቀው። እነሱም ማሟያ ናቸው። ቱርክ፣ ብዙም የተፈተሸ አቅም የላትም። መሠረታዊ አለመግባባት ከሳዑዲ ጋር አላት፣ ለይስሙላ እሺ ስሜን አስገቢ ትላለች እንጂ ከታሪካዊ ጎረቤቷ፣ ኢራን ጋር፣ በምንም ቁርሾ ውስጥ መግባት አትፈልግም። እንዲያውም ቱርክ ለዘመናት በምላሷ ስትፎክርበት የነበረውን የትግል ሂደት፣ ኢራን እያስኬደችው ስለሆነ፣ ኤርዶጋን ውስጥ ውስጡን ለኢራን ክብር አለው። ሱዳን፣ ለራሷ ከባድ ችግር ውስጥ ናት። የየመን ምክር ቤት የተባለው፣ በትግራይ ውስጥ የጌታቸው ረዳ ምክር ቤት እንደማለት ነው። አድራሻ ያለው ቢሮና ባጀት እንኳ የላቸውም። ግብጥ፣ ትልቅ ሀገር ናት። ትልቅ ሕዝብ፣ ትልቅ ጦር፣ ትልቅ የባሕር በሮች አሏት። አቅምም አላት። የራሷን ፍላጎቶች ለማስጠበቅ ልትንቀሳቀስ ትችላለች በቀይ ባሕር ዙሪያ። መብቷም ነው፣ እንዲያም ሆኖ ኢራን ጋር ሰጣ ገባ አትችልም። ኢራንን በልመና ብቻ ልታስቆማት ትችል ይሆናል። እኔ የምፈራው ፓኪስታንን ነው። ኢራን ፖኪስታንን በደንብ መመልከት አለባት። ከጀርባዋ ልትወጋት ትችላለህ። በመሬትም ይዋሰናሉ፣ ኒውክሊየር አላት፣ ከሳዑዲ ጋር የጦር ስምምነት አላት፣ አሁን ላይ በገለልተኛነት አደራዳሪ ብትሆንም፣ ሊለወጥ የሚችል ነገር በፖኪስታን በኩል ሊኖር ይችላል። ኢራንን መውረር የሚለው ሓሳብ ከመጣ፣ ልትወረር የምትችልበት አንዱና ዋናው አቅጣጫ በፖኪስታን በኩል ነው። ፖኪስታንን ነው ማየት። ስለዚህ ሳዑዲና ፖኪስታን ናቸው ከዚህ በፊት የተፈራረሟቸውን ስምምነቶች በዚህኛውም ያጠናከሩት።

🇸🇦⚡️— ሳዑዲ ዓረቢያ፣ የተባበሩት የጦር መንግሥታትን እየፈጠርኩኝ ነው ብላለች። የሳዑዲ የመከላከያ ሚኒስቴር በፋርስ ባሕር፣ በቀይ ባሕር እና በኤደን ባሕር መስመሮች መካከል፣ የባሕር መከላከያን ለማሳደግ "የባለብዙ ሀገር የባሕር መከላከያ ጥምረት" ስለማቋቋም ስብሰባ ማካሄዱን አስታውቋል። የሳዑዲ የመከላከያ ሚኒስቴር ከሳዑዲ ዓረቢያ ጎን ያሉ አሥራ ሦስት ሀገራት ለባለብዙ ሀገር የባሕር ኃይል መከላከያ ጥምረት ድጋፋቸውን እንዳሳዩ እና የባሕር ኃይል መከላከያ ድርጅት ከመቋቋሙ በፊት "የመሥራት ሂደቶችን" መጀመራቸውን እንደተቀበሉ አስታውቋል። እነዚህ ሀገራት፦ 🇧🇭ባህሬን 🇩🇯ጅቡቲ 🇪🇬ግብፅ 🇯🇴ዮርዳኖስ 🇰🇼ኩዌት 🇲🇻ማልዲቭስ 🇵🇰ፓኪስታን  🇶🇦ኳታር 🇸🇴 ሶማሊያ 🇸🇩 ሱዳን 🇹🇷 ቱርክ  🇾🇪 የየመን ፕሬዝዳንታዊ አመራር ምክር ቤት መንግስት ናቸው። *-*-*- ኢራን ጉድሽ ፈላ!

🇸🇦🇮🇷⚡️የሳዑዲ መንግሥት በባለቤትነት የሚመራው ግዙፉ የነዳጅ እና ጋዝ ኩባንያ፣ አርማኮ፣ በጀዛን የሚገኙ ኢንዱስትሪዎቹን ላልተወሰነ ጊዜ መዝጋቱን አስታወቀ። የባለፈው ሳምንት የኢራን ጥቃት፣ ከተነገረው በላይ ከፍተኛ ጉዳት በኢንዱስትሪው አቅም ላይ አድርሶበታል፣ በሁለቱም ዘርፎች ላይ- ጋዝና ነዳጅ የማውጣትና የማጣራት- ጉዳት ደርሶበታል፣ እንደ ኩባንያው ገለፃ። በዚህም ምክኒያት አሁን ላይ ሥራ ለማቆም ተገዷል።

⚡️🇺🇦🇺🇸🇫🇷 የዩክሬን ባለሥልጣናት እንደተናገሩት፣ በአሜሪካ እና በፈረንሳይ እየቀረበላቸው ባለው የስለላ መረጃ ላይ ተመሥርተው፣ የሩሲያ የአየር መከላከያ መሳሪያ ሥፍራዎችን፣ የሚሰማሩበትን እና የሚሸፍኑትን አቅጣጫ እና ድሮኖች እነሱን በመሸሽ በሩሲያ ውስጥ ጥልቅ ዒላማዎችን ለመምታት የሚያስችሉ መንገዶችን ለመለየት ረድቷቸዋል። የኪየቭ ግብ ከአሁን በኋላ የሩሲያን የኃይል ኢንዱስትሪ መምታት ወይም በማጣሪያ ፋብሪካዎች ላይ እሳት ማነሳሳት ወይም የማከማቻ ማጠራቀሚያዎችን ማውደም ብቻ ሳይሆን፣ ፋብሪካዎችን ለረጅም ጊዜ ከሥራና አገልግሎት ውጪ ማድረግ እና እያንዳንዱን ጥቃት ለሞስኮ አሳማሚ ዋጋ እንዲያስከፍላት ማስቻል ነው። Finincial Times

⚡️🇺🇦🇺🇸🇫🇷 የዩክሬን ባለሥልጣናት እንደተናገሩት፣ በአሜሪካ እና በፈረንሳይ እየቀረበላቸው ባለው የስለላ መረጃ ላይ ተመሥርተው፣ የሩሲያ የአየር መከላከያ መሳሪያ ሥፍራዎችን፣ የሚሰማሩበትን እና የሚሸፍኑትን አቅጣጫ እና ድሮኖች እነሱን በመሸሽ በሩሲያ ውስጥ ጥልቅ ዒላማዎችን ለመምታት የሚያስችሉ መንገዶችን ለመለየት ረድቷቸዋል። የኪየቭ ግብ ከአሁን በኋላ የሩሲያን የኃይል ኢንዱስትሪ መምታት ወይም በማጣሪያ ፋብሪካዎች ላይ እሳት ማነሳሳት ወይም የማከማቻ ማጠራቀሚያዎችን ማውደም ብቻ ሳይሆን፣ ፋብሪካዎችን ለረጅም ጊዜ ከሥራና አገልግሎት ውጪ ማድረግ እና እያንዳንዱን ጥቃት ለሞስኮ አሳማሚ ዋጋ እንዲያስከፍላት ማስቻል ነው። Finincial Times

🇾🇪🇸🇦⚡️— ሮይተርስ እንደዘገበው፣ ሁቲዎች (አንሳርአላህ) በሳዑዲ ዓረቢያ ላይ የባሕር ኃይል እገታን ካወጁ ከአንድ ሳምንት በኋላ፣ በባብ ኤል-ማንደብ የባህር መተላለፊያ ላይ በሚያልፉ የንግድ መርከቦች ላይ ክፍያ ለመጣል እያሰቡ ነው። ➡️ ሓሳቡ የቀረበው በዚህ ወር መጀመሪያ ላይ የሁቲ ባለሥልጣናት ወደ ኢራን ባደረጉት ጉብኝት ሀሳቡን ከኢራናዊ አቻዎቻቸው ጋር ከተወያዩ በኋላ ነው። ➡️ እቅዱ በዓለም ዓቀፍ የውሃ መስመሮች ላይ ክፍያ የመጠየቅ ልማዱን መደበኛ ለማድረግ ነው። *-*-*- ይቅመሱት እንግዲህ እነ ሳዑዲ፣ እኛም ደሃዎቹ እየከፈልን ነው ለጅቡቲ።

🇷🇺🇺🇦⚡️ሩሲያ፣ 78 የተለያዩ መልክና ይዘት ያላቸውን ሚሳዬሎች በዩክሬን ላይ፣ በተለይም በምዕራቡ ክፍል ባሉ ከተሞች፣ ሌሊቱን አስወንጭፋለች። ከእነዚህ ውስጥ በትንሹ 25 ሚሳዬሎቿ ተመትተው ሳይወድቁባት አልቀረም። ዩክሬን፣ በምዕራብ የሀገሪቱ ክፍል ያሉ ከተሞች ብዙም ጦርነቱ ስለማይደርስባቸው በሚል፣ ከተሞቹን ሲጠብቁ የነበሩ የአየር መቃወሚያ መሳሪያዎችን አውጥታ ጦርነቱ ወዳለበት ምሥራቁ ግንባር ያዘዋወረችው፣ ከሰሞኑ ነበር። አሁን ሩሲያ ያጠቃችው ያንን ቀጠና ነው። ክፍተቱን ለመጠቀም ሞክራለች።እንዲያም ሆኖ፣ ዩክሬን እስከ 25 ሚሳዬሎችን ማክሸፍ ችላለች፣ እየወጡ እንዳሉ ዘገባዎች። የሩሲያ የሞሽቱ አብዛኞቹ ጥቃቶቿ ያነጣጠሩት፣ በዩክሬን ባሉ ወታደራዊ ፋብሪካና ኢንዱስትሪዎች ላይ ነው ተብሏል።

🇺🇸🇮🇷⚡️🇺🇦🇷🇺⚡️አሜሪካ ኢራንን ስትመታ አድራለች፣ ኢራን ዮርዳኖስን፣ ሳዑዲ ኢራቅን፣ የመን ሳዑዲን፣ ኢራን ኩዌትን …እየመቱና እየተመታቱ ነው። እስራኤል ተሳታፊ ባለመሆኗ ደብሯታል፣ ስለደበራትም በጋዛ ፍልስጤሞች ላይ ፈታ ብላለች። ሂዝቦላም እያሳከከው ቆይቷል፣ እኔም ንፋስ ልውሰድ ብሎ፣ የእስራኤል ወታደራዊ ዒላማዎች ላይ በሊባኖስ፣ ጥቃት አድርሷል። የሩሲያ በዩክሬን ላይ "ከፍተኛ" የተባለው ጥቃት፣ ውጤቱ ለማየት እንደሞከርኩት "እምብዛም" የሚባል ነገር ነው። ቁጥራቸው ቀላል የማይባል ሚሳዬሎቻቸው በዩክሬን አየር መቃወሚያዎች ተመትተው የወደቁ ይመስላሉ። ዩክሬን በሩሲያ ላይ፣ በአዘቦቱ ቀን፣ ከምታደርሰው ውድመት ጋር "የተጠበቀው" የሩሲያ ጥቃት ውድመት ሲነፃፀር እዚ ግባ የማይባል እየሆነ ነው። በሩሲያ ላይ በየቀኑ የምታየው እሳትና ጭስ፣ በዩክሬን ሰማዮች ላይ እንደበፊቱ አይታይም። የሆነው ሆኖ፣ አቧራው ጨሶ ሲያበቃና ጉሙ ሲገፈፍ፣ የደረሰው ነገር በደንብ ይገለጣል። እናየዋለን።

🇮🇱🇵🇸⚡️ — ABC፦ ለፍልስጤም ህዝብ እቅድዎ ምንድን ነው? እና እነዚህን የጋዛ ምስሎች ሲመለከቱ፣ በተለየ መንገድ ባደርገው ኖሮ የሚሉት ነገር አለ? ኔታንያሁ፦ ደህና፣ ሁልጊዜ ነገሮችን በተለየ መንገድ ማድረግ ይችላል፣ ነገር ግን በጣም አስፈላጊው ነገር ሐማስ መጥፋቱን ማረጋገጥ ነው ብዬ አስባለሁ።

🇮🇱🇵🇸⚡️ — ABC፦ የፍልስጤም መንግስትን ይደግፋሉ? ኔታንያሁ፦ አይ፣ ለምን እንደማልደግፍ ልንገርሽ፦ ምክንያቱም አንድ ነበረን። ጋዛ ይባላል። በተግባር የፍልስጤም ግዛት ነበር። እና ለምን ጥቅም ላይ ውሏል? ይህን አስከፊ ጭፍጨፋ በእኛ ላይ ለመጀመር። አዲስ መንግሥት ይሰጣቸው ቢባል፣ በእኛ ላይ ጦርነት የሚያካሂድ ግዛት ይሆናል፣ ይህም የአይሁድ ግዛትን መጥፋት ያስከትላል።

🇺🇸🇮🇷⚡️— ከፍተኛ የብሔራዊ ደህንነት ባለሥልጣናት በስትራቴጂ ላይ መስማማት ባለመቻላቸው ፕሬዝዳንት ትራምፕ በኢራን ላይ “ተበሳጭተዋል” ሲል NBC ዘግቧል። ➡️ ትራምፕ በቅርቡ በተካሄደ ስብሰባ ላይ በአንዳንድ ከፍተኛ ባለሥልጣናቱ ላይ ጮኋል።

🇮🇶🇸🇦⚡— የኢራቅ ጠቅላይ ሚኒስትር፣ አሊ አል-ዛይዲ፣ የሳዑዲን መሪ፣ MBSን፣ ለማግኘት ታቅዶ የነበረውን ወደ ሳዑዲ አረቢያ የሚደረግ ኦፊሴላዊ ጉዞ፣ ሰርዟል። ይህም የሆነው ዛሬ ጠዋት በተካሄደው የአሜሪካ-ሳዑዲ የአየር ጥቃት ምክንያት እንደሆነ ሮይተርስ ዘግቧል።

🇮🇶🇸🇦⚡— የኢራቅ ጠቅላይ ሚኒስትር፣ አሊ አል-ዛይዲ፣ የሳዑዲን መሪ፣ MBSን፣ ለማግኘት ታቅዶ የነበረውን ወደ ሳዑዲ አረቢያ የሚደረግ ኦፊሴላዊ ጉዞ፣ ሰርዟል። ይህም የሆነው ዛሬ ጠዋት በተካሄደው የአሜሪካ-ሳዑዲ የአየር ጥቃት ምክንያት እንደሆነ ሮይተርስ ዘግቧል።

🇷🇺🇺🇦⚡️ሩሲያ፣ በዩክሬን ዋና ከተማ ኪየቭ ላይ፣ ከባድ ወታደራዊ እርምጃ እየወሰደች ነው። በአሁኑ ሰዓት፣ ብዛት ያላቸው ስትራቴጂክ ቦንበሮች እና በመቶዎች የሚቆጠሩ ድሮኖች በጥቃቱ እየተሳተፉበት ሲሆን፣ ባለስቲክ ሚሳዬሎችም ከሩሲያ ግዛቶች እንዲሁም ከክራይሚያ በመተኮስ ላይ ናቸው። በኪየቭ፣ ሲቪሊያኖች በምድር ሥር ባቡር ጣቢያዎች፣ በአደጋ ጊዜ መጠለያ ጣቢያዎች ሌሊቱን ለማሳለፍ ቢገቡም፣ በመሙላቱ፣ አብዛኞቹ በመኪናዎቻቸው ውስጥ ለማደር እየተገደዱ ናቸው።

🇷🇺 የሩሲያ ባለሥልጣናት ሽብርተኝነትን በመርዳት የቴሌግራም መስራች ፓቭል ዱሮቭን በይፋ ክስ አቅርበውበታል። በሞስኮ በዓለም አቀፍ ደረጃ ከሚፈለጉ አደገኛ ወንጀለኞች ዝርዝር ውስጥም ስሙን አስገብተውታል፣ ይህም በቴሌግራም እና በአብዛኛዎቹ ዋና ዋና የማኅበራዊ ሚዲያ አገልግሎት ሰጪዎች ላይ ከዓመታት በኋላ የክሬምሊንን የተባባሰ አቋምን ያሳያል፣ ተብሏል። የሩሲያ FSB, ቴሌግራም በዩክሬን የስለላ እና በአክራሪ ቡድኖች ጥቃቶችን ለማስተባበር፣ ሽብርተኞችን ለመመልመል እና በሩሲያ ውስጥ የማጥፋት እና የሽብርተኝነት ድርጊቶችን ለማመቻቸት፣ ጥቅም ላይ እንደዋለ ይናገራል፣ ለእነዚህ ክሶች ምንም ገለልተኛ የሕዝብ ማስረጃ አልቀረበም። ዱሮቭ፣ ክሬምሊን በሩሲያ ውስጥ በቴሌግራም ላይ እያሰፋ ያለውን ገደብ ለማፅደቅ ክሱን እየተጠቀመ እንደሆነ በመግለጽ፣ ጉዳዩን በፖለቲካ ተነሳሽነት የተነሳ እንደሆነ አድርጎ ውድቅ አድርጎታል። በተለየ መልኩ፣ የመጀመሪያውን ፎቶ ለክሬምሊን መልስ አድርጎ በቴሌግራም ኦፊሴላዊ ገጹ ላይ ለጥፏል፣ እንዲሁም በግል ቴሌግራም ገጹ ላይ ያለውን የፕሮፋይል ፎቶ፣ ራሱን እንደ አሸባሪ በሚያሳይ ሜም ቀይሯል። *-*-*- ፑቲን የቴሌግሬሙን መስራች ገፍቶ ገፍቶ ጠላቱ አደረገው። ዱሮቭ፣ በተለያየ ክስ ተከሶ የፍርድ ሂደቱን በፈረንሳይ ሲከታተል ቆይቷል። በኋላም ጨርሶ ወደ መኖሪያው ዱባይ እንዲመለስ ተፈቅዶለታል። አሁን FSB የሚከሰው፣ የሌሎቹ ክስ አልቆ ከተቀመጠ በኋላ ነው፣ ሽብርተኛን በመርዳት። የአውሮፓና የሩሲያ ክስ አንድ ዓይነት እንዴት ሆነ? ዱሮቭ ሩሲያዊ ነው፣ ሩሲያን እንዲያውም ሀገሩ በመሆኗ ሕጓን እያከበረ ነው የኖረው፣ ሰፊ ተከታይ በሩሲያ አለው። በዚያ እና አካባቢው ትልቁ የሶሻል ሚዲያ ነው። ፑቲንን "ይግባልህ" ብሎታል።

🇺🇸🇸🇦🇮🇱⚡️— የUSAF ታንከር አይሮፕላኖች ከፕሪንስ ሱልጣን አየር ማእከል ተነስተዋል፣ ተጨማሪ ታንከሮች በኦማን ባሕረ ክልል መካከል እየተንቀሳቀሱ ናቸው፣ ተጨማሪዎቹ ደግሞ ከቴል አቪቭ እየተነሱ ናቸው። አሜሪካ፣ ለትናንቱ የኢራን ያልተጠበቀ ድንገተኛ ጥቃት፣ ምላሽ ለመስጠት፣ ዝታለች።