پښتو شعرونه

https://t.me/Snjish2/s/93 🚬

خدایه ته خو مهربان یی ته رحیم یی ته قادر یی ته ظاهر یی پر خکاره او پر باتن باندی خبر یی نو بیا ولی زه جدا له خپلی وینی خپلی مینی خپل د زړه ټوټئ نه لیری زوریدلی کړیدلی ژړیدلی سوزیدلی رویا هسی تاته وایم چه درزمه زه درزمه ژر درزمه خو درتللی درته نشم ما احمق ته بخشه وکړه درتلی نشم درتلی نشم هسی تاته دروغ وایم زه جواد یم دروغجن یم فریبکار یم خطا کار یم ماته ډیره بخشه وکړه زه بی حده ګناهګار یم #جواد پرهر

چې په نشتون مې ته دومره خوشحالیږې زه دې مړ شم ستا دې هر ارمان پوره شي ….🖤

غزل راسره مل به دومـــــره زياتې شوګيرې نه واى، ته چې زما واى زما سترګې به لمدې نه واى، زما دې نه واى خــو دا مخ اړول زور غواړي، د بل دې هم واى خـو چې ختمې رابطې نه واى، څه شرپسندو ته يې په سر دي د دولت په خاطر، د دې جاهلو په سرونو چــــــــې شملې نه واى، دا چې سکه وروڼو په يوه کور کې ديوال وهلى، د وروڼو مينځ کې چې د دوى دا فيصلې نه واى، په بعضو بعضو مې روښانه داغه زړه خوږيږي، په بدرنګ زړه پورې چې دا ښکلې څيهرې نه واى، Rohan Niazai

اوس دې زنه کې هماغه کنده شته دی؟ چې خندل به دې جوته ښکارېدله ما به وې دا مې خوښېږي ګلابمخې! نو حيا به دې اوچته ښکارېدله اوس دې ستوني باندې هغه خدايي خال د پخوا رقم تازه دی او ځلېږي؟؟ ته هماغه رقم شوخه او خوږه يې؟ خوله دې هسې له خندا نه راټولېږي؟ هغه سپين کريمچ بوټونه پښو کوې لا؟ اچوې يې هماغسې مدرسې ته؟ زما پښه کې په اغزي تلو خپه کېږې؟ هماغه رقم مې درد درځي سينې ته؟ اوس هم ورور سره زما په سر نَښلې؟ ورته وايې دا شاعر وړکی مې خوښ دی؟ د پخوا رقم اوس هم درنه خپه شي؟ ورته ښايې؟ دا شاعر وړکی مې خوښ دی؟ شبو! مۀ پوښته له ما چې څنګه يمه شبو! زه خو له تا پس خاورې ايرې يم زنده ګي لکه د تيږو لوی کمر دی او زه وچه خوله يم ماتې ماتې پښې يم اوس دې زنه کې هماغه کنده شته دی؟ چې خندل به دې جوته ښکارېدله ما به وې دا مې خوښېږي ګلابمخې! نو حيا به دې اوچته ښکارېدله

لس بجې دي يولــس به شـــي دولــس به شي زه مې په خوب باندې باور لرم چې نه به راځي رنځ 😒😔✌️

خود دې خوب کوم لیدلو د اوربل ته چې ناروغه نه شې نه راځې کابل ته Naqib Ahmad Azizi

څنګه مې سترګې را رڼې شوې باد دې د زلفو بوی له کومې خوا راوړینه.

لکه په ښار کې مو چې پام وي له جیبونو سره اوس یې څوک نشي وړﺉ اوښیار شولو له زړونو سره ما ویل ویده شم شاید داسې به مې هیره شې نور خوب کې دې وینم سنګه وکړم له خوبونو سره ټکسیوان نه یم خو دَ ښار کوڅه کوڅه بلد یم دَ زړه تنګون مرض ملګرﺉ کړم واټونو سره باران نوح

دا خو لا زه يم چې ولاړ يم د بېلتون درد ولاړې ونې وچوينه #ټپه

چې بيا باور په هیچا ونکړمه.. درده تــــر دغه می لا ودردوه..!

د شپې يوه بجه ده او نشه يمه لالیه دا شپه زما په شان ده؟ که زه شپه یمه لالیه دا ځان راته نن تاسره بدل، بدل لیده شي یقین راکړه چې ستا یم هم هغه یمه لالیه څه تا دې د ململ جامې اغوستي ستمګره څه زه لکه د مست باران شېبه یمه لالیه زما خود آزارۍ ته دې ونه کتل پخلا شوې ته پرېږده کنه نن درنه خفه یمه لالیه راځه په هر صورت کې مې کتلی شې راځه جام جام، ساقي ساقي، پیاله پیاله یمه لالیه چې ندې نازوم نزاکتونه دې برهم شي ویل مې درته نه، چې ډیر ساده یمه لالیه مـمتاز یم، که کامیاب یم که ناکام بلا پسې په خپل ځان شوې خپله تجربه یمه لالیه *ممتاز اورکزی*

لیدلې مې له دواړو دي ، بې رحمه سزاګانې احسان دي په ما نه کوي جانان او زندګي 🙏🫠

دا چې ستا له دره ځواب شوی یم مه پوښته چې څومره پعذاب شوی یم تا باندې مئین یمه خو ستا لخوا ستا په مینه والو حساب شوی یم راشه کنه رنګ ته مې لږ وګوره وبه ژاړې دومره خراب شوی یم نه مې شي زغمی د چم ګاونډ خلک نورو ته اوس هم اضطراب شوی یم پل کله د عشق نافرماني کړې زه کله په مینه سراب شوی یم

خاورې خوږې دي کۀ درنې دي؟ چې ستانۀ شوي وړکي بېرته نۀ راځينه #لنډۍ #ادب #فولکلور

یو ګومان زما په زړه دی پیدا شوی څوک له مانه تاته ښه دی پیدا شوی ستا خبرې د پخوا په څېر اوس نه دي قصد دې ماسره په څه دی پیدا شوی لا د ژوند فلم کې ښه کردار مړ کېږي لا د فلم هلک نه دی پیدا شوی رسوایي خو ستا د زلفو شفقت دی تار یې زما په ګرېوانه دی پیدا شوی پله وایي چې څوک واک له مانه واخلي د مور داسې ځوی لا نه دی پیدا شوی *عبدالمجيد پل*