STEM with Murad 🇪🇹

የ5 ሚሊዮን ኢትዮጵያውያን ኮደሮች ኢኒሼቲቭ ጅማሮ ትልቅ ራዕይ ያለውና የሚያስደስት ነበር። ነገር ግን፣ ከምዝገባና ከተፈጠሩት የሰርተፍኬት ብዛት ባለፈ «ስንቱ የእውነት እውቀቱን ተማረ? ስንቱስ አዲስ ነገር መፍጠር ቻለ? እና ትክክለኛ ችግሮችን መፍታት ይችላል?» የሚሉት ጥያቄዎች መመለስ አለባቸው። በተጨባጭ የታየው አንዳንዶች በግዴታ፣ ሌሎች ደግሞ ሰርተፍኬት ብቻ ለማግኘት ሲሉ ትምህርቱን በችኮላ Next Next እያሉ ሲያልፉት አስተውለናል፤ አልፎ ተርፎም ለሌላ ሰው ገንዘብ ከፍለው ሰርተፍኬት ያወጡም አሉ። ይህ የሚያሳየው መማር በግዴታ ወይም በወረቀት ብቻ ሲለካ፣ የሰዎች ትኩረት ከዕውቀት ይልቅ ወደ ሰርተፍኬት ማጋደሉን ነው። ለኔ ቀጣዩ የዚህ ፕሮግራም ምዕራፍ ጥራትና ተግባር ላይ ሊያተኩር ይገባል ብዬ አምናለሁ። ስልጠናዎቹ በሀገርኛ ቋንቋዎች ቢሰጡ፣ ከተጨባጭ የሀገራችን ነባራዊ ሁኔታ ጋር የሚሄዱ ፕሮጀክቶች (ለምሳሌ የትምህርት ቤት አቴንዳንስ መቆጣጠሪያ፣ የገበያ ዋጋ መረጃ መተግበሪያ ወዘተ) ቢሰሩበት፣ እንዲሁም ምዘናው በተግባራዊ ፕሮጀክቶች ላይ ቢመሰረት እውነተኛ የቴክኖሎጂ አቅም መገንባት እንችላለን። ስኬት መለካት ያለበት በተማሪዎች የፈጠራ ስራና በተፈቱ የሀገር ችግሮች መሆን አለበት። ዋናው ቁምነገር ሀገራችን በዓለም አቀፍ ደረጃ ተወዳዳሪ የምትሆነው በሚሊዮን በሚቆጠሩ ሰርተፍኬቶች ሳይሆን፣ የህብረተሰቡን ችግር በሚፈቱ እውነተኛ ኢንጂነሮችና ኢኖቬተሮች ነው! https://www.linkedin.com/posts/muradtadesse_from-5-million-enrollments-to-real-digital-share-7471121019668365312-SpWb/?utm_source=share&utm_medium=member_android&rcm=ACoAACaUP2oB3u_jeD6TvqRssom8jDTi6earRyc