ScienceEdu.-PTEC

កិច្ចប្រជុំ ស្តីពី ការផ្សព្វផ្សាយលទ្ធផលស្រាវជ្រាវ នៃនាយកដ្ឋានស្រាវជ្រាវ និងនវានុវត្តន៍ វិទ្យាស្ថានជាតិអប់រំ វិទ្យាស្ថានគរុកោសល្យរាជធានីភ្នំពេញ វិទ្យាស្ថានគរុកោសល្យបាត់ដំបង និង នាយកដ្ឋានគោលនយោបាយ រាជធានីភ្នំពេញ៖ នារសៀលថ្ងៃទី១១ ខែឧសភា ឆ្នាំ២០២៦ នៅទីស្តីការក្រសួង ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្រ្តីក្រសួងអប់រំ យុវជន និងកីឡា បានដឹកនាំកិច្ចប្រជុំ ស្តីពី ការផ្សព្វផ្សាយលទ្ធផលស្រាវជ្រាវ នៃនាយកដ្ឋានស្រាវជ្រាវ និងនវានុវត្តន៍ វិទ្យាស្ថានជាតិអប់រំ វិទ្យាស្ថានគរុកោសល្យរាជធានីភ្នំពេញ វិទ្យាស្ថានគរុកោសល្យបាត់ដំបង និង នាយកដ្ឋានគោលនយោបាយ ក្នុងគោលបំណងពិនិត្យពិភាក្សា និងវាយតម្លៃលទ្ធផលនៃ ការសិក្សាស្រាវជ្រាវរបស់ស្ថាប័នទាំង ៥នេះ ដើម្បីដាក់ចេញនូវផែនការយុទ្ធសាស្ត្រផ្សព្វផ្សាយលទ្ធផលស្រាវជ្រាវនេះឱ្យបានទូលំទូលាយ សំដៅលើកកម្ពស់គុណភាពស្រាវជ្រាវ និងលើកទឹកចិត្តអ្នកសិក្សាស្រាវជ្រាវ។ បន្ទាប់ពីស្តាប់កិច្ចពិភាក្សា និងការចូលរួមមតិយោបល់ពីភាគីពាក់ព័ន្ធទាំងអស់រួចមក ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានវាយតម្លៃខ្ពស់ចំពោះលទ្ធផលនៃការស្រាវជ្រាវ និងថ្លែងអំណរគុណដល់ក្រុមការងារស្រាវជ្រាវ ចំពោះកិច្ចខិតខំប្រឹងប្រែងជំរុញការស្រាវជ្រាវជាច្រើននេះ ឱ្យសម្រេចបានលទ្ធផលគួរជាទីមោទនៈ។ ដើម្បីបង្កើនប្រសិទ្ធភាពការងារ និងបំប្លែងលទ្ធផលការស្រាវជ្រាវទៅជាសកម្មភាពជាក់ស្តែង ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានផ្តល់ជូនអនុសាសន៍មួយចំនួនជូនក្រុមការងារ រួមមាន៖ ១) សូមបន្តជួបពិភាក្សាគ្នា ដើម្បីដាក់ចេញយុទ្ធសាស្ត្រផ្សព្វផ្សាយលទ្ធផលការស្រាវជ្រាវនេះឱ្យបានទូលំទូលាយ ជាពិសេសផ្សព្វផ្សាយឱ្យដល់សាលារៀន និងគ្រូបង្រៀនទូទាំងប្រទេស។ ២) ជំរុញឱ្យការងារស្រាវជ្រាវ ទទួលបានលទ្ធផលដែលគាំទ្រដល់ការកែលម្អគោលនយោបាយអប់រំ។ ៣) ការស្រាវជ្រាវត្រូវផ្អែកលើទិន្នន័យច្បាស់លាស់ ភស្តុតាងជាក់ស្តែង និងត្រូវមានសមត្ថភាពក្នុងការពន្យល់ និងផ្តល់ដំណោះស្រាយឆ្លើយតបនឹងបញ្ហា ឬប្រធានបទនៃការស្រាវជ្រាវ។ ៤) ក្រុមការងារជំនាញជួបពិភាក្សាគ្នាឱ្យកាន់តែស៊ីជម្រៅ លើប្រធានបទនៃការស្រាវជ្រាវ ដើម្បីគាំទ្រដល់ការកែលម្អគោលនយោបាយ។ ពិនិត្យលទ្ធភាពបង្កើត Think Tank ឬ Academic Society ដើម្បីគាំទ្រការដាក់ចេញនូវប្រធានបទនៃការស្រាវជ្រាវ។ ៥) ផ្សព្វផ្សាយការស្រាវជ្រាវ ដោយផ្តោតលើ Executive Summary ទម្រង់នៃការផ្សព្វផ្សាយ និងបណ្ដាញដែលត្រូវប្រើដើម្បីផ្សព្វផ្សាយ។ គួររៀបចំជាអត្ថបទខ្លីៗ ដោយតម្រឹមលទ្ធផលនៃការស្រាវជ្រាវ សម្រាប់ផ្សព្វផ្សាយលើវេបសាយ និងតាមបណ្ដាញសង្គមនានា ដោយភ្ជាប់ជាមួយខ្លឹមសារលម្អិតនៃប្រធានបទការស្រាវជ្រាវ។ ៦) ការផ្តល់ឋានន្តរសក្តិសាស្ត្រាចារ្យដល់អ្នកស្រាវជ្រាវ គឺជាផ្នែកមួយនៃប្រព័ន្ធលើកទឹកចិត្តដល់អ្នកស្រាវជ្រាវ។ ៧) ក្រុមការងារពាក់ព័ន្ធត្រូវពិនិត្យពិភាក្សាបែងចែកការទទួលខុសត្រូវ និងរៀបចំប្រព័ន្ធការងារ តាមដាន និងវាយតម្លៃ ដើម្បីធានាបាននូវនិរន្តរភាព និងប្រសិទ្ធភាពនៃការស្រាវជ្រាវ។ ៨) លើកកម្ពស់ការបោះពុម្ពផ្សាយអត្ថបទស្រាវជ្រាវសម្រាប់ថ្នាក់ជាតិ ថ្នាក់តំបន់ និងអន្តរជាតិ។ បន្តលើកកម្ពស់ និងផ្សព្វផ្សាយលទ្ធផលការស្រាវជ្រាវក្នុងសន្និបាតអប់រំប្រចាំឆ្នាំ។ ៩) លើកកម្ពស់ការចូលរួមក្នុងសន្និសីទជាតិ និងអន្តរជាតិ ជាពិសេសលើកទឹកចិត្តអ្នកស្រាវជ្រាវយើងឱ្យចូលរួមជាវាគ្មិនក្នុងវេទិកាអន្តរជាតិ។ ចូលរួមក្នុងការផ្លាស់ប្តូរកម្រិតអន្តរជាតិ (Exchange Program) ដើម្បីរៀនសូត្រ និងដកបទពិសោធពីបរទេស។ ១០) ត្រូវជំរុញវប្បធម៌សិក្សាស្រាវជ្រាវ ឱ្យដល់សាលារៀន និងគ្រូបង្រៀន។ ផ្សារភ្ជាប់កម្មវិធីសិក្សាជាមួយការស្រាវជ្រាវនៅកម្រិតឧត្តមសិក្សា។ ១១) អ្នកស្រាវជ្រាវត្រូវតែផ្សារភ្ជាប់នឹងអ្នកធ្វើគោលនយោបាយ។ ត្រូវបណ្ដុះបណ្តាលអ្នកស្រាវជ្រាវបន្ថែមទៀត។ ១២) បន្តប្រជុំពិភាក្សាផ្ទៃក្នុង លើលទ្ធផលការស្រាវជ្រាវ។ ពិនិត្យឡើងវិញនូវគោលនយោបាយ ផ្អែកលើលទ្ធផលនៃការស្រាវជ្រាវ។ ១៣) ពង្រឹងប្រព័ន្ធគ្រប់គ្រងទិន្នន័យផ្សេងៗ។ បង្កើតវេបសាយរួមមួយដើម្បីផ្សព្វផ្សាយលទ្ធផលស្រាវជ្រាវ សម្រាប់កម្រិតជាតិ តំបន់ និងអន្តរជាតិ។ បង្កើតស្តង់ដានៃការស្រាវជ្រាវ។ ជាថ្មីម្តងទៀត ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានគូសបញ្ជាក់ពីសារៈសំខាន់នៃការជ្រើសរើសប្រធានបទក្នុងការស្រាវជ្រាវឱ្យបានត្រឹមត្រូវ ដែលត្រូវធានាឱ្យបាននូវលទ្ធផលឆ្លើយតបទៅនឹងបញ្ហាប្រឈម និងមានលក្ខណៈជា “Designed Thinking” ដើម្បីគាំទ្រដល់ការកែលម្អគោលនយោបាយអប់រំ និងការបង្កើតនូវប្រព័ន្ធការស្រាវជ្រាវដែលមានស្តង់ដា ផ្អែកលើទិន្នន័យ និងភស្តុតាង ដែលទាំងនេះនឹងរួមចំណែកយ៉ាងសំខាន់ដល់ការអនុវត្តកំណែទម្រង់វិស័យអប់រំនៅកម្ពុជាឱ្យល្អប្រសើរឡើងជាលំដាប់៕ គេហទំព័រ និងបណ្ដាញសង្គម៖ https://linktr.ee/moeyscambodia #HCN #DPM #MoEYSNews #EducationalResearch #NIE #PTEC #MoEYSCambodia #ការស្រាវជ្រាវអប់រំ #វិទ្យាស្ថានជាតិអប់រំ #វិទ្យាស្ថានគរុកោសល្យ

📺 PTEC TV សូមជូនសកម្មភាពក្នុងកម្មវិធីប្រកួតប្រជែងកាំជ្រួចទឹកឆ្នាំ២០២៦ របស់សាលាបឋមសិក្សាអនុវត្តរាជធានីនាថ្ងៃទី៩ ខែឧសភា ឆ្នាំ២០២៦។ សូមរីករាយទស្សនា និង ផ្ដល់មិតិកែលម្អក្នុងន័យស្ថាបនា! សូមអគុណ ។ https://www.facebook.com/share/v/1JJrk1GvwQ/

📺 PTEC TV សូមជូនសកម្មភាពក្នុងកម្មវិធីប្រកួតប្រជែងកាំជ្រួចទឹកឆ្នាំ២០២៦ របស់សាលាបឋមសិក្សាអនុវត្តរាជធានី។ សូមរីករាយទស្សនា និង ផ្ដល់មិតិកែលម្អក្នុងន័យស្ថាបនា! សូមអគុណ ។ https://www.facebook.com/share/v/1DUrMRboCb/

សូមគោរពជម្រាបសួរដល់លោកគ្រូ អ្នកគ្រូ និងមិត្តរួមថ្នាក់ទាំងអស់គ្នា យើងខ្ញុំមកពីក្រុមទី2 សូមជូនVideo បង្កើតឡើងដោយ AI លើប្រធានបទ « ប្រដាប់រំលាយអាហារ » សូមលោកគ្រូ អ្នកគ្រូជួយត្រួតពិនិត្យ និងកែតម្រូវ សូមអរគុណ🙏។

ជម្រាបសួរអ្នកគ្រូ លោកគ្រូ នេះជាវីដេអូក្រុមទី៣ ដែលបង្កើតឡើងដោយប្រើប្រាស់ AI ប្រធានបទ « ភ្នែក »

ជំរាបសួរអ្នកគ្រូ🙏🙏នេះជា video ដែលបង្កើតឡើងដោយ AI របស់ក្រុមទី 01លើប្រធានបទ «បរិមាណ ឬកម្រិតក្រុមអាហារត្រូវបរិភោគ»

សូមគោរពជម្រាបសួរអ្នកគ្រូនេះជា video ដែលបង្កើតឡើងដោយ AI របស់ក្រុមទី 04លើប្រធានបទ «បង្គុំសៀគ្វីអគ្គិសនី(គ្រឿងទទួល)» ដែលផ្តោតលើចំណុចសំខាន់ៗដូចជា 1. បង្គុំសៀគ្វីមានគ្រឿងទទួលតជាស៊េរី 2. បង្គុំសៀគ្វីមានគ្រឿងទទួលតជាខ្នែង 🙏🙏

ជំរាបសួរអ្នកគ្រូនេះជា video ដែលបង្កើតឡើងដោយ AI របស់ក្រុមទី 05 លើប្រធានបទ «ឧស្ម័នផ្ទះកញ្ចក់» ដែលផ្តោតលើចំណុចសំខាន់ៗដូចជា 1. និយមន័យឧស្ម័នផ្ទះកញ្ចក់ 2. ប្រភពនៃឧស្ម័នផ្ទះកញ្ចក់ 3. ផលប៉ះពាល់នៃឧស្ម័នផ្ទះកញ្ចក់ 4. ការកាត់បន្ថយការកើនឡើងនៃឧស្ម័នផ្ទះកញ្ចក់ 🙏🙏

📺 PTEC TV នាំមកជូននូវវីដេអូថ្មីៗ សម្រាប់ចែករំលែកនិងជូនវីដេអូណែនាំអំពីការផលិតវិដេអូតាមរយះAI របស់គរុនិស្សិតបឋមថ្នាក់E2 ដែលជា video របៀបប្រើប្រាស់ Ai សម្រាប់បង្កើត Video flipped classroom។ សូមរីករាយទស្សនា និង ផ្ដល់មិតិកែលម្អក្នុងន័យស្ថាបនា! សូមអគុណ ។

សូមជូនវីដេអូឆ្លុះបញ្ចាំលើការអនុវត្តក្រោមគម្រោងSEA TEP ចំណេះដឹងវិទ្យាសាស្រ្ត និងការភ្ជាប់ខ្លឹមសារនិងការរស់ប្រចាំថ្ងៃដែលមានសារៈសំខាន់ណាស់ ដើម្បីការរស់នៅ ជាពិសេសសម្រាប់មនុស្សជំនាន់ក្រោយ ដែសិស្សានុសិស្សត្រូវតែយល់ដឹង។ ការប្រើប្រាស់ការពន្យល់បែបវិទ្យាសាស្រ្ត (CER-Claims, Evidences និងReasonings), ការពិសោធន៍ និង Simulation បានជួយដល់ការបង្រៀននិងរៀនក្នុងការជំរុញការអនុវត្តចំណេះដឹងវិទ្យាសាស្រ្ត និងការដោះបញ្ហាដោយប្រើប្រាស់បំណិនវិទ្យាសាស្រ្ត។ ការបង្រៀននិងរៀន និងដំណើរការបង្រៀនវិទ្យាសាស្រ្ត ការអប់រំSTEM និងការអភិវឌ្ឍជំនាញអប់រំវិទ្យាសាស្រ្ត និងការរស់ប្រចាំថ្ងៃ ដេលបានបញ្ចូលក្នុងការបង្រៀន និងរៀន និងការអនុវត្តការស្រាវជ្រាវរបស់សិស្ស។ រៀបចំចងក្រងនិងផលិតដោយ៖ គ្រូឧទ្ទេសនៃដេប៉ាតឺម៉ង់វិទ្យាសាស្ដ្រ និងសាលាអនុវិទ្យាល័យអនុវត្ត នៃវិទ្យាស្ថានគរុកោសល្យរាជធានីភ្នំពេញ (PTEC) គាំទ្រដោយ៖ ក្រសួងអប់រំ យុវជន និងកីឡា វិទ្យាស្ថានគរុកោសល្យភ្នំពេញនិង SEAMEO STEM-ED តាមរយៈកម្មវិធីបណ្ដុះបណ្ដាលគ្រូបង្រៀននៅអាស៊ីអាគ្នេយ៍ (SEA-TEP)

📺 PTEC TV    នាំមកជូននូវវីដេអូថ្មីៗ សម្រាប់ចែករំលែកចំណេះដឹង និងបទពិសោធន៍របស់គរុនិស្សិតបឋមសិក្សាជំនាន់ទី៤ ឆ្នាំទី២។ សូមរីករាយទស្សនា និង ផ្ដល់មិតិកែលម្អក្នុងន័យស្ថាបនា! សូមអគុណ ។

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ កម្មវិធីអប់រំគ្រូបង្រៀនកម្រិតបឋមសិក្សា ថ្នាក់បរិញ្ញាបត្រអប់រំ ដោយគរុនិស្សិតបឋមថ្នាក់ EII ដឹកនាំដោយអ្នកគ្រូឧទ្ទេស សៀង សុខារី មុខវិជ្ជា៖ វិទ្យាសាស្ត្រ សប្តាហ៍ទី៖ ១២ ប្រធានបទ៖ ការបង្រៀនសាកល្បង គរុនិស្សិតក្រុមទី២ I.វត្ថុបំណង •វិជ្ជាសម្បទា ៖ ពណ៌នាពីលក្ខណៈរបស់រុក្ខជាតិឌីកូទីលេដូនបានត្រឹមត្រូវតាមរយៈការសង្កេតរូបភាព ការពិសោធនិងការពិភាក្សាក្រុម។ • បំណិនសម្បទា ៖ កំណត់បានពីលក្ខណៈរបស់រុក្ខជាតិឌីកូទីលេដូនបានត្រឹមត្រូវតាមរយៈការ ពិភាក្សាក្រុម។ • ចរិយាសម្បទា ៖ បណ្តុះទម្លាប់ស្វែងយល់ពីអត្ថប្រយោជន៍របស់រុក្ខជាតិនិងថែរក្សារុក្ខជាតិទាំងនោះ ឱ្យបានគង់វង្សដើម្បីយកទៅប្រើប្រាស់ក្នុងជីវភាពរស់នៅប្រចាំថ្ងៃ។ II. លទ្ធផលសិក្សា - ពណ៌នាបានពីលក្ខណៈរបស់រុក្ខជាតិឌីកូទីលេដូន - ប្រាប់បានពីឈ្មោះរុក្ខជាតិឌីកូទីលេដូននៅក្នុងជីវភាពរស់នៅប្រចាំថ្ងៃ ថ្ងៃទី ០៤ ខែ ឧសភា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ ---------------------------- កម្មវិធីអប់រំគ្រូបង្រៀនកម្រិតបឋមសិក្សា ថ្នាក់បរិញ្ញាបត្រអប់រំ ដោយគរុនិស្សិតបឋមថ្នាក់ CII ដឹកនាំដោយអ្នកគ្រូឧទេ្ទស ផល សុមាជីតា មុខវិជ្ជា៖ វិទ្យាសាស្ត្របឋម សប្ដាហ៍ទី៖ ៩ ប្រធានបទ៖ រូបផ្គុំនៃគ្រាប់រុក្ខជាតិ I. វត្ថុបំណង វិជ្ជាសម្បទា ៖ សិស្សដឹងពីរូបផ្តុំរបស់គ្រាប់រុក្ខជាតិ បានយ៉ាងត្រឹមត្រូវ តាមរយៈការណែនាំរបស់គ្រូ និងការ ពិសោធន៍ និងសង្កេតជាក្រុម។ បំណិនសម្បទា ៖ សិស្សប្រាប់បានពីរូបផ្តុំរបស់គ្រាប់រុក្ខជាតិ បានយ៉ាងត្រឹមត្រូវ តាមរយៈការណែនាំរបស់គ្រូ និងការពិសោធន៍ និងសង្កេតជាក្រុម។ ចរិយាសម្បទា ៖ សិស្សយកចិត្តទុកដាក់ និងមានបម្រុងប្រយ័ត្នក្នុងការធ្វើពិសោធន៍ និងសង្កេត។ II.  លទ្ធផលសិក្សា សិស្សដឹងពីរូបផ្គុំគ្រាប់រុក្ខជាតិ បានយ៉ាងច្បាស់តាមរយៈការពិសោធន៍ ការពិភាក្សាក្រុម ពិភាក្សាដៃគូ និងការបង្ហាញរបស់គ្រូ ។ --------------------------------------- វ.គ.ភ ដេប៉ាតឺម៉ង់វិទ្យាសាស្ត្រ ថ្ងៃព្រហស្បតិ៍ ទី៣០ ខែមេសា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ ---------------------- កម្មវិធីអប់រំគ្រូបង្រៀនកម្រិតបឋមសិក្សា ថ្នាក់បរិញ្ញាបត្រអប់រំ ដោយគរុនិស្សិតបឋមថ្នាក់ FII ដឹកនាំដោយអ្នកគ្រូឧទេ្ទស ផល សុមាជីតា មុខវិជ្ជា៖ វិទ្យាសាស្ត្របឋម សប្ដាហ៍ទី៖ ៩ ប្រធានបទ៖ ការបង្រៀនថ្នាក់និទស្សន៍របស់គរុនិស្សិត (FII) មេរៀនទី៣៖ ដី ក. ការសម្គាល់ដីស្រទាប់លើ I. វត្ថុបំណង − ប្រាប់បានពីលក្ខណៈសម្គាល់ប្រភេទដីស្រទាប់លើបានត្រឹមត្រូវតាមរយៈការពិសោធ និងការសង្កេត។ − អនុវត្តការពិសោធនៃលក្ខណៈសម្គាល់ប្រភេទដីស្រទាប់លើបានច្បាស់លាស់តាមរយៈការងារក្រុម។ − សហការគ្នាបានល្អក្នុងក្រុម និងមានភាពស្មោះត្រង់ក្នុងការកត់ត្រាលទ្ធផលដែលទទួលបានក្រោយការពិសោធជាក់ស្តែង។ II.  លទ្ធផលសិក្សា - សង្កេតបានអំពីការសម្គាល់ដីស្រទាប់លើ - មានសមត្ថភាពក្នុងការបង្រៀនមុខវិជ្ជាវិទ្យាសាស្ត្រដោយអនុវត្តតាមលំដាប់លំដោយនៃវិធីសាស្ត្រ IBL - បង្ហាញនូវភាពក្លាហានក្នុងការបង្រៀន។ ---------------------------------- វ.គ.ភ ដេប៉ាតឺម៉ង់វិទ្យាសាស្ត្រ ថ្ងៃព្រហស្បត្តិ៍ ទី៣០ខែមេសា ឆ្នាំ២០២៦។

ថ្ងៃពុធ១៣កើត ខែពិសាខ ឆ្នាំមមី អដ្ឋស័ក ព.ស ២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦ សកម្មភាពណែនាំសិស្ស និងការបាញ់សាកល្បងមុននឹងឈានដល់ថ្ងៃប្រកួតផ្លូវការថ្ងៃទី៩ ខែឧសភា នៅឆ្នាំ២០២៦។ បអវរ ២៩-មេសា-២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ ---------------------------- កម្មវិធីអប់រំគ្រូបង្រៀនកម្រិតបឋមសិក្សា ថ្នាក់បរិញ្ញាបត្រអប់រំ ដោយគរុនិស្សិតបឋមថ្នាក់ CII ដឹកនាំដោយអ្នកគ្រូឧទេ្ទស ផល សុមាជីតា បង្រៀនដោយគរុនិស្សិត : សត់ សុខរី មុខវិជ្ជា៖ វិទ្យាសាស្ត្របឋម សប្ដាហ៍ទី៖ ៨ ប្រធានបទ៖ កត្តាដែលធ្វើឲ្យធនធានធម្មជាតិធ្លាក់ក្នុងមហន្ដរាយ។ I. វត្ថុបំណង -រៀបរាប់និងពន្យល់បានអំពីកត្តាផ្សេងៗដែលធ្វើឲ្យធនធានធម្មជាតិធ្លាក់ក្នុងមហន្ដរាយតាមរយ:ការសង្កេតលើរូបភាពដែលគ្រូផ្ដល់ឲ្យ។ -វិភាគបានអំពីកត្តាផ្សេងៗដែលធ្វើឲ្យធនធានធម្មជាតិធ្លាក់ក្នុងមហន្ដរាយតាមរយៈការសង្កេតលើរូបភាពជាក្រុម។ -បណ្ដុះស្មារតីសិស្សឲ្យបានយល់ដឹងពីការអភិរក្សធនធានធម្មជាតិឲ្យបានគងវង្សយូរអង្វែង។ II. លទ្ធផលសិក្សា -រៀបរាប់និងពន្យល់បានអំពីកត្តាផ្សេងៗដែលធ្វើឲ្យធនធានធម្មជាតិធ្លាក់ក្នុងមហន្ដរាយតាមរយ:ការសង្កេតលើរូបភាពដែលគ្រូផ្ដល់ឲ្យ។ -វិភាគបានអំពីកត្តាផ្សេងៗដែលធ្វើឲ្យធនធានធម្មជាតិធ្លាក់ក្នុងមហន្ដរាយតាមរយៈការសង្កេតលើរូបភាពជាក្រុម។ -បណ្ដុះស្មារតីសិស្សឲ្យបានយល់ដឹងពីការអភិរក្សធនធានធម្មជាតិឲ្យបានគងវង្សយូរអង្វែង។ --------------------------------------- វ.គ.ភ ដេប៉ាតឺម៉ង់វិទ្យាសាស្ត្រ ថ្ងៃព្រហស្បតិ៍ ទី ២៣ ខែមេសា ឆ្នាំ២០២៦