Mereja መረጃ

ስለአየር ኃይል ግቢ ሙሉ መረጃ! «ሰማዩ የኛ ነው» እያለ ሲፎክር የነበረው የአገዛዙ አየር ኃይል መብረቃዊ ጥቃት ተፈጸመበት — የአረብ ድሮን ኦፕሬተሮችና ተዋጊ ሄሊኮፕተር ቴክኒሽያኖች ተመቱ፤ አየር ኃይሉ በሽብር ተዋጠ! «ሰማዩ የኛ ነው» እያለ በንጹሃን ላይ ሞትና መከራ ሲያዘንብ የከረመው የፋሺስቱ አቢይ አሕመድ አየር ኃይል፣ ዛሬ እሁድ ጠዋት በተፈጸመበት መብረቃዊ ጥቃት የውጭ ሀገር ድሮን ኦፕሬተሮቹና ተዋጊ ሄሊኮፕተር ቴክኒሽያኖቹ መመታታቸውን ተከተሎ በከፍተኛ ሽብርና ድንጋጤ ተውጦ ውሏል። ጥቃቱ እሁድ ጠዋት በሁለት ዙር የተፈጸመ ነው። የመጀመሪያው ዙር ጥቃት (ንጋት 11:00 ሰዓት)፦ የውጭ ሀገር ድሮን ኦፕሬተሮች ሰፈር ኢላማ ተደርጎ በተፈጸመው የድሮን ጥቃት፣ አንድ የአረብ ድሮን ኦፕሬተር ወዲያውኑ ሲሸኝ፣ ሌላኛው ኦፕሬተር ደግሞ በከባድ ሁኔታ ቆስሎ ለሕክምና ወደ ሀገሩ ተልኳል። ሁለተኛው ዙር ጥቃት (ጠዋት 12:00 ሰዓት)፦ በተዋጊ ሄሊኮፕተሮችና በቴክኒሽያኖች ላይ በተሰነዘረው ጥቃት በርካታ የቴክኒክ ባለሙያዎች የተመቱ ሲሆን፣ ሁለቱ ወዲያውኑ ሕይወታቸው አልፏል። ገብሬ የሚባል ቴክኒሺያን በከባድ ሁኔታ ቆስሎ ቀዶ ሕክምና (ሰርጀሪ) እየተደረገለት የሚገኝ ሲሆን፣ ሌሎች የተመቱ አባላት ደግሞ ሆስፒታል ገብተው ሕክምና እየተከታተሉ ይገኛሉ። በተጨማሪም አንድ የአየር ኃይል ሲቪል ሰራተኛ ሕይወቱ ማለፉ ተረጋግጧል። «ሰማዩ የኛ ነው» እያለ ሲፎክርና ሲዝት የቆየው የአገዛዙ አየር ኃይል በራሱ ማዕከል ውስጥ በተፈጸመበት በዚህ ያልተጠበቀ ጥቃት ሳቢያ ግቢው ሙሉ በሙሉ በውዥንብርና በፍርሃት ታምሶ የዋለ ሲሆን፣ አገዛዙ የውጭ ሀገር ቅጥረኞችን በማስገባት በሕዝብ ላይ የሚያካሂደው እኩይ ተግባርና የአየር የበላይነት ተረክ ሙሉ በሙሉ መክሸፉ ተረጋግጧል። (ሙሉጌታ አንበርብር）