Region Monitor 🌍

🔵Պարսից ծոցի երկրները ֆինանսական օգնություն են խնդրել ԱՄՆ-ից 🔹Իրանի դեմ պատերազմի և Հորմուզի նեղուցի շրջափակման հետևանքով Պարսից ծոցի մի շարք երկրների նավթի ու գազի արտահանումը կտրուկ սահմանափակվել է, իսկ զբոսաշրջությունը՝ անկում ապրել։ 👉Մանրամասները

🔵Թրամփը մերժել է Նեթանյահուի՝ Իրանին համատեղ հարվածներ հասցնելու առաջարկը․ CNN 🔹Հեռուստաալիքի աղբյուրների փոխանցմամբ՝ վերջին շաբաթվա ընթացքում Իսրայելը փորձել է համոզել Վաշինգտոնին աջակցել Իրանի դեմ ռազմական գործողությանը և մասնակցել դրան։ Թրամփի վարչակազմը խնդրել է հետաձգել գործողությունը, սակայն, ըստ աղբյուրների, ակնարկել է, որ հետագայում կարող է համաձայնել համատեղ հարվածներ հասցնելուն։ 👉Մանրամասները

🔵Իսրայելի բանակի ԳՇ պետը դեմ է ընտրություններից առաջ Իրանի դեմ գործողություն սկսելուն 🔹Հեռուստաալիքի տվյալներով՝ Զամիրը պահանջել է, որ Նեթանյահուն նախ գրավոր ներկայացնի գործողության իրավական հիմնավորումը։ 👉Մանրամասները

🔵Իրանի նախագահը կմեկնի Ռուսաստան՝ էներգետիկ համագործակցությունը քննարկելու համար 🔹Իրանի արտաքին գործերի նախարարության պաշտոնական ներկայացուցչի խոսքով՝ գագաթնաժողովը հնարավորություն կտա գազ արտահանող խոշոր երկրներին քննարկել էներգետիկ հարցեր, իսկ Իրանին ու Ռուսաստանին՝ ամրապնդել նավթի և գազի ոլորտում իրենց համագործակցությունը։ 👉Մանրամասները

🔵Սաուդյան Արաբիայի, Պակիստանի և Թուրքիայի բարձրաստիճան պաշտոնյաները կայցելեն Իրան 🔹Իրանցի պաշտոնյայի փոխանցմամբ՝ համատեղ հանդիպման նպատակը տարածաշրջանային անվտանգության հարցերի շուրջ խորհրդակցություններ անցկացնելն է։ 👉Մանրամասները

🔵ԵՄ-ն երբեք Հայաստանին չի խնդրել դադարեցնել ՌԴ հետ հարաբերությունները․ Վասիլիս Մարագոս 🔹Հայ և թուրք լրագրողները համատեղ մեդիա շրջայցի ամփոփիչ հանդիպման ընթացքում Երևանում հանդիպել են Հայաստանում Եվրոպական միության պատվիրակության ղեկավար, դեսպան Վասիլիս Մարագոսի հետ։ Քննարկման առանցքում եղել են հայ-թուրքական հարաբերությունների կարգավորումը, սահմանի բացումը և Հայաստանի տնտեսական կապերի դիվերսիֆիկացումը։ Այս մասին հայտնում է Region Monitor-ը։ 👉Մանրամասները

🔵Կրեմլը նշել է Եվրոպա գազ մատակարարելու պայմանները 🔹Ռուսաստանը պատրաստ է քննարկել Եվրոպա գազի մատակարարումների հարցը, եթե եվրոպական երկրները հետաքրքրված լինեն դրանով, իսկ Ռուսաստանն ունենա վաճառքի համար ազատ ծավալներ։ 👉Մանրամասները

🔵Վրաստանի ընդդիմությունը բողոքի նոր ալիք է սկսում 🔹Հոկտեմբերի 25-ին Թբիլիսիում հազարավոր մարդիկ մասնակցել են ընդդիմադիր երթի՝ «Վրաստանն առանց Իվանիշվիլիի․ վրաց ժողովուրդն ավելիին է արժանի» կարգախոսով։ 👉Մանրամասները

🔵Հայ և թուրք լրագրողները Հայաստանում ծանոթացել են տնտեսական համագործակցության հնարավորություններին 🔹Հայաստանյան այցերի ընթացքում լրագրողները հնարավորություն են ունեցել գործարարների հետ քննարկելու նաև առկա առևտրային կապերը, Վրաստանի տարածքով իրականացվող բեռնափոխադրումների դժվարությունները և անմիջական կապերի զարգացման հեռանկարները։ 👉Մանրամասները

🔵Թուրքիան ավարտել է Անիի պատմական կամրջի վերականգնման մրցույթը 🔹«Սեպտեմբերի 28-ին ստորագրելով պայմանագիրը՝ մենք ավարտել ենք Հայաստան-Թուրքիա սահմանին գտնվող պատմական Անիի կամրջի վերակառուցման մրցութային գործընթացը։ Պատմական կամրջի վերակառուցմամբ նպատակ ունենք պահպանել Մետաքսի ճանապարհի կարևոր մշակութային ժառանգություններից մեկը և այն փոխանցել ապագա սերունդներին», – հայտարարել է Ուրալօղլուն 👉Մանրամասները

🔵Իրանի փոխնախագահը ադրբեջանցի աշակերտներին հրավիրել է Իրանում ուսանելու 🔹Իրանի նախագահի առաջին տեղակալ Մոհամմադ Ռեզա Արեֆը կոչ է արել երկրի առողջապահության և կրթության նախարարներին, ինչպես նաև Իսլամական Ազատ համալսարանի ղեկավարությանը՝ անհրաժեշտ պայմաններ ստեղծել Ադրբեջանի հիջաբով աշակերտների և ուսանողների ընդունելության ու կրթությունը շարունակելու համար։ 👉Մանրամասները

🔵Ադրբեջանի դեմ խոսքերի պատճառով Էրդողանը պաշտոնանկ է արել գլխավոր խորհրդականին 🔹Թուրքիայի նախագահ Ռեջեփ Թայիփ Էրդողանի գլխավոր խորհրդական Օքթայ Սարալը հաստատել է, որ Էրդողանը նրան հեռացրել է պաշտոնից։ 👉Մանրամասները

🔵ՀՀ Ազգային ժողովը հոկտեմբերի 27-ին կքննարկի TRIPP-ի վերաբերյալ հայ-ամերիկյան համաձայնագրի վավերացումը 👉Մանրամասները

🔵Վրաստանն առաջին անգամ 2012 թվականից կորցրել է «ազատ ինտերնետ» ունեցող երկրի կարգավիճակը 🔹«Վրաստանի կարգավիճակը «ազատից» փոխվել է «մասամբ ազատի», քանի որ իշխանությունները շարունակել են ճնշել առցանց ակտիվությունն ու իշխող «Վրացական երազանք» կուսակցության նկատմամբ քննադատական համարվող արտահայտությունները»,- նշվում է զեկույցում։ 👉Մանրամասները

🔵Վրաստանում լրագրող է բերման ենթարկվել Դավիթ Գարեջիի վանական համալիրի վերաբերյալ հրապարակումների պատճառով 🔹Ըստ Վրաստանի դատախազության՝ Չուբինիձեն 2026 թվականի փետրվարից լրատվամիջոցներով և սոցիալական ցանցերով պարբերաբար տարածել է կեղծ տեղեկություններ, թե վարչապետ Իրակլի Կոբախիձեն Ադրբեջանի հետ գաղտնի համաձայնագիր է կնքել և հարևան երկրին փոխանցել վանական համալիրի տարածքի մի մասը։ 👉Մանրամասները

🔵Նիցցայի քաղաքապետն առաջարկում է Բաքվում պահվող 20 հայ գերիներին շնորհել պատվավոր քաղաքացու կոչում 🔹«Ես պարտավորվել եմ առաջարկել, որ Արցախից գերեվարված 20 հայերը դառնան Նիցցայի պատվավոր քաղաքացիներ»,- «Region Monitor»-ի փոխանցմամբ, X սոցիալական ցանցում գրել է Սիոտին։ 🔹Նրա խոսքով՝ այս խորհրդանշական քայլը նպատակ ունի արտահայտելու համերաշխությունը Բաքվում անարդարացիորեն պահվող հայերի նկատմամբ։ Նիցցայի քաղաքապետը նաև ընդգծել է, որ քաղաքը շարունակելու է ջանքեր գործադրել մինչև նրանց ազատ արձակումը։ 👉Մանրամասները

🔵ԵՄ-ն պատրաստ է տրամադրել Ուկրաինայի պահանջած լրացուցիչ 70 մլրդ եվրոյի երկու երրորդը 🔹ԵՄ-ն նաև կոչ է արել Մեծ Բրիտանիային, Կանադային և Նորվեգիային ավելացնել Ուկրաինայի ֆինանսական աջակցությունը: 👉Մանրամասները

🔵Թուրքիայում հանքահորի պայթյունի հետևանքով կան զոհեր ու վիրավորներ 🔹Թուրքիայի Զոնգուլդաք նահանգի Քիլիմլի շրջանում գտնվող մասնավոր ածխահանքում պայթյուն է տեղի ունեցել, որի հետևանքով զոհվել է 2, վիրավորվել՝ 5 մարդ։ 👉Մանրամասները

🔵Եվրոպան ձմռան շեմին պատմականորեն գազի ամենացածր պաշարներն ունի 🔹«Սովորաբար եվրոպական երկրները ձմռանն ընդառաջ ունենում են գազի մեծ պաշարներ, սակայն այս տարի դրանք պատմական միջինից զգալիորեն ցածր են»,- նշել է Բիրոլը՝ հավելելով, որ խիստ ձմռան դեպքում գները կարող են ավելի բարձրանալ։ 👉Մանրամասները

🔵Թրամփը հայտարարել է, որ Starshield-ի ծառայությունը վերականգնվել է Ուկրաինայում 🔹«Կարծում եմ՝ վերջնական արդյունքն այն է, որ նա այն վերականգնեց»,- ասել է Թրամփը։ Ուկրաինական կողմը դեռևս չի հաստատել, որ Starshield-ի աշխատանքի սահմանափակումները վերացվել են։ 👉Մանրամասները