ቶጳዝዮን

#በራ_የመስቀል_ደመራ የአደይ ችቦ እየፋመ እየጋመ ኢዮሃ እያስገመገመ እየተመመ የመስቀል ደመራ በራ። በራ የአዲስ ዘመን ችቦ በመስከረም ላብል እብቦ ከዋከብቱን ፈነጠቀ ርችቱን አንጸባረቀ ተኳለ አዲስ ደመቀ መለኩን በቀለም እዝርእት በጥበብ አጥለቀለቀ ሸለቆው ተንቆጠቆጠ፥ ተራራው አሸበረቀ ኢዮሃ ኢዮሃ አበባዬ! ምድር ሕይወት አፈለቀ። ነጋ፥ የእዲስ ዘመን ችቦ ፈካ፥ ፀደይ አርብቦ ሌሊቱ እንደጎሕ ቀደደ፥ ጨለማው እንደ ቀን ጠራ እንደውቅያኖስ ዕፅዋት  እንደጠፈር ኮከብ ደራ ምድር ሥጋጃ ለበሰ፥ የጌጥ አልባሳት ተቀባ ሰማይ በእልልታ እስተጋባ እዮሃ መስከረም ጠባ። ነጋ የአዲስ ዘመን ችቦ፥ ምድር ሕይወት አፈለቀች የምሥራች እዝርእቷን፥አዲስ ቡቃያ ወለደች የአደይ አበባን ለገሠች ለአዲስ ዘመን አዲስ ብርሃን፥ አዲስ መስከረም ገበየች። ነጋ፥ የአዲስ ዘመን ችቦ ፈካ፡ ፀደይ እረብቦ በራ፥ የመስቀል ደመራ። መስከረም - ፲፱፻፳፫ - መስቀል አደባባይ ፀጋዬ ገብረመድህን @topazionnn @topazionnn