ERA ኢትዮጵያ መንገዶች አስተዳደር

የደባርቅ - ጃናሞራ መንገድ ግንባታ ለማፋጠን እየተሰራ ነው አዲስ አበባ፣ ጥር 22/2018 (ኢመአ):- በሰሜን ጎንደር ዞን 63 ኪሎሜትር የሚሸፍነው የደባርቅ - ጃናሞራ መንገድ ግንባታ ለማፋጠን እየተሰራ ነው። በመንገድ ፕሮጀክቱ አሁን ላይ አስፋልት የማንጠፍ ሥራ በመከናወን ላይ ነው። ቀደም ሲል በተለያዩ የሥራ ተቋራጮች ሲከናወን የቆየው ይኸው መንገድ በደካማ አፈጻጸም፣ ከዲዛይን ለውጦች እና ከጸጥታ ጋር በተያያዘ ግንባታው ዘግይቶ እንደነበር ይታወሳል። አሁን ላይ የመከላከያ ኮንስትራክሽን ኢንተርፕራይዝ ቀሪ ሥራዎችን ለማጠናቀቅ ፕሮጀክቱን ተረክቦ በግንባታ ሂደት ላይ ነው። አይዲኮን ኢንፍራስትራክቸር ዴቨሎፕመንት ኮንሰልታንስ የማማከር እና የቁጥጥር ሥራውን በመሥራት ላይ ይገኛል። ለመንገድ ግንባታው 4.174 ቢሊዮን (አራት ቢሊዮን አንድ መቶ ሰባ አራት ሚሊዮን) ብር በጀት ተይዞለታል። ወጪው በፌደራል መንግሥት ይሸፈናል። አሁን ላይ ከአስፋልት ሥራው ጎን ለጎን የአፈርና የአለት ቆረጣ፣ ሙሌት እንዲሁም የሰብቤዝ እና ቤዝኮርስ ሥራዎች በመከናወን ላይ ናቸው። የተጀመረው የአስፋልት ንጣፍ ሥራ አጠናክሮ ለማስቀጠል አስፈላጊ የቅድመ-ዝግጅት ሥራዎች ተጠናቅቀዋል። መንገዱ ሲጀመር በድርብ-አስፋልት (DBST) ደረጃ ሊገነባ ታቅዶ የነበረ ቢኾንም፥ ሥፍራው ካለው ዘርፈ-ብዙ ፋይዳዎች እና ከፍተኛ የትራፊክ ፍሰት አንጻር ወደ አስፋልት ኮንክሪት እንዲያድግ ተደርጓል። የመንገድ ፕሮጀክቱ ሲጠናቀቅ በፊት ከደባርቅ - ጃናሞራ ለመጓዝ ይወስድ ይነበረውን የጉዞ ጊዜ ከ4 ሰዓት ወደ 1 ሰዓት ተኩል ያሳጥረዋል። በሥፍራው የሚገኙ ከተሞችን ከበለስ እና ወይና ቀበሌ እንዲሁም ከመካነ-ብርሃን ከተማ ጋር በማስተሳሰር የንግድ እንቅስቃሴውን ያቀላጥፋል። የሰሜን ብሔራዊ ፓርክን ለውጭ እና የሀገር ውስጥ ጎብኚዎች ምቹ እንዲሆን ያስችላል። ኢንቨስትመንትን በመሳብ ረገድም ከፍተኛ አስተዋጽኦ ያበረክታል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የጨረቲ - ጎሮቦከክሳ - ጎርዳሞሌ: ሎት 3 ቁንዲ - ጎሮዳሞሌ - ጅብሪል የአስፋልት መንገድ ግንባታን ፕሮጀክት በአጠረ ጊዜ ለማጠናቀቅ እየተሰራ ነው አዲስ አበባ፣ ጥር 20 ቀን 2018 ዓ.ም (ኢ መ አ)፦ የሶማሌ እና ኦሮሚያ ክልሎችን በአስፋልት መንገድ የሚያስተሳስረው ሎት 3 ቁንዲ - ጎሮዳሞሌ - ጅብሪል የአስፋልት መንገድ ግንባታ ፕሮጀክትን በአጠረ ጊዜ ለማጠናቀቅ እየተሰራ ይገኛል። ይህ የመንገድ ፕሮጀክት 77.8 ኪሎ ሜትር ርዝመትን የሚሸፍን ሲሆን በእስካሁኑ የመንገድ ግንባታ ስራ የተለዋዋጭ መንገድ ፣የጠረጋ ፣የማፋሰሻ ቱቦ እና የፋካ ስራዎች፣አፈር ቆረጣ እና ሙሌት፣የካፒንግ ፣እንዲሁም በርካታ የስትራክቸው ስራዎች እየተከናወኑ ይገኛል። ይህም እንቅስቃሴውን 44.7 % በመቶ እንዲደርስ አስችሎታል። የመንገድ ግንባታ ፕሮጀክቱ መነሻውን ቁንዲ ከተማ (192+000) አድርጎ እስከ ጅብሪል ከተማ (269+800) ድረስ የሚዘልቅ ነው። ለግንባታ ማስፈጸሚያ የሚውለውን ገንዘብ 3,811,899,916.93 (ሶስት ቢሊዮን ስምንት መቶ አስራ አንድ ሚሊዮን ስምንት መቶ ዘጠና ዘጠኝ ሺህ ዘጠኝ መቶ አስራ ስድስት ከዘጠና ሶስት ሳንቲም) ብር የሚሸፈነው በኢትዮጵያ መንግስት ነው ። የግንባታ ፕሮጀክቱን እያካሄደ የሚገኘው ኤምሲጂ ኮንስትራክሽን ኃ/የ/ማ ሲሆን የማማከር እና የቁጥጥር ስራውን ደግሞ ኮር አማካሪ መሀንዲሶች አ.ማ እያከናወኑት ይገኛሉ። ፕሮጀክቱ ደረጃውን በጠበቀ አስፋልት መገንባቱ ለአካባቢው ማህበረሰብም ሆነ ለመስመሩ ተጠቃሚዎች ከፍተኛ ኢኮኖሚያዊ እና ማህበራዊ እድገት ላይ ከፍተኛ ለውጥን ያመጣል። ይህ የመንገድ ፕሮጀክት ተገንብቶ ሲጠናቀቅ አቋርጧቸው የሚሄዱ ከተሞች፣ ወረዳዎች እና ቀበሌዎችን በአስፋልት መንገድ ከማገናኘቱም ባለፈ የትራንስፖርት ተደራሽነት እና ተጠቃሚነትን ከፍ ያደርገዋል፤ በተጨማሪም ፕሮጀክቱ ሲጠናቀቅ ከቁንዲ ከተማ እስከ ጅብሪል ከተማ በተሽከርካሪ ለማጓዝ ይወስድ የነበረውን የ8፡00 ሰዓት ጉዞ ወደ 1:30 ከማሳጠሩም ባለፈ ለትራንስፖርት ተጠቃሚዎች ምቹ ሁኔታን ይፈጥራል። የመንገድ ግንባታው በከተማ 19 ሜትር የጎን ስፋት ሲኖረው በገጠር 8 ሜትር የጎን ስፋት እንዲኖረው ተደርጎ ነው እየተገነባ ነው የሚገኘው ። የዚህ መንገድ አካል የሆኑት የጨረቲ - ሀገረመቆር ክፍል -1 እና የሀገረመቆር - ቁንዲ ክፍል ሁለት የመንገድ ግንባታ ፕሮጀክት ቀደም ብሎ ተጠናቅቆ ለአገልግሎት ክፍት መሆኑ ይታወሳል ፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

ባለፉት 6 ወራት የ237 ኪሎሜትር የአዳዲስ መንገዶች ግንባታ፣ 133 ኪሎ ሜትር ነባር መንገዶች ማጠናከርና ደረጃ ማሻሻል እና 6 ሺህ 577 ኪሎሜትር የሚሸፍኑ የጥገና ሥራዎች ተከናወኑ አዲስ አበባ፣ ጥር 19/2018 (ኢ መ አ):- በበጀት ዓመቱ ባለፉት 6 ወራት 237 ኪሎሜትር የሚሸፍኑ የአዳዲስ መንገዶች ግንባታ፣ 133 ኪሎ ሜትር ነባር መንገዶች ማጠናከርና ደረጃ ማሻሻል እና 6 ሺህ 577 ኪሎሜትር ልዩ ልዩ የጥገና ሥራዎች ተከናውነዋል። ተቋማችን የበጀት ዓመቱን የመጀመሪያ አጋማሽ ዕቅድ አፈጻጸም እና የቀጣይ ወራት ዕቅድ አስመልክቶ በዓለምገና ኢንጅነሪንግ እና ማኔጅመንት ማሠልጠኛ ማዕከል አጠቃላይ ውይይት አካሂዷል። በዚሁ ወቅት በቀረበው ሪፖርት መሰረት የመንገዶች ግንባታ፣ ማጠናከርና ማሻሻል የእቅዱን 81 በመቶ፤ የመንገዶች ከባድ ጥገና የእቅዱን 80 በመቶ፤ ወቅታዊ የመንገዶች ጥገና የእቅዱን 71 በመቶ እንዲሁም መደበኛ ጥገና የእቅዱን 86 በመቶ አፈጻጸም ተመዝግቧል፡፡ በሌላ በኩል በበጀት ዓመቱ የተከናወኑ ዝርዝር ተግባራት በምህንድስና ግዥ፣ በዲዛይን ፕሮጀክቶች፣ በግንባታ እና በልዩ ልዩ የጥገና ሥራዎች እንዲሁም በተቋም አቅም ግንባታ ስራዎች በተሰጣቸው ክብደት መሰረት በተቋም ደረጃ ሲጠቃለል የዕቅዱን 81 በመቶ ማሳካቱ ተገልጿል። ተቋማችን በተያዘው በጀት ዓመት 314 የግንባታ፣ 50 የከባድ ጥገና ፣ 73 ወቅታዊ ጥገና፣ 56 መደበኛ ጥገና ፣ 184 የምህንድስና ግዥ እና 35 የዲዛይን ጥናት ፕሮጀክቶች ጨምሮ በአጠቃላይ 712 ፕሮጀክቶችን እያከናወነ እንደሚገኝ ሪፖርቱ አመላክቷል። የኢተያ - አርሲ ሮቤ፣ እስቴ - ስማዳ ፣ የድሬዳዋ ሽንሌ እና የድሬዳዋ ከተማ ተለዋጭ መንገድ፣ የጅግጅጋ ከተማ ተለዋጭ መንገድ እንዲሁም ሳውላ - ቃቆ መንገድ ፕሮጀክቶች በዚህ በጀት ዓመት የተጠናቀቁ መሆኑም ተገልጿል። በተያዘው በጀት ዓመት መጨረሻም የማኅበረሰቡን ተጠቃሚነት የሚያረጋግጡ ከ16 ሺህ 976 ኪሎሜትር በላይ የሚሸፍኑ የመንገድ ግንባታ እና ልዩ ልዩ የጥገና ሥራዎችን ለማከናወን ግብ ተቀምጦ እየተሠራ ይገኛል። ከዚሁ ጎን ለጎን ተቋማችን የመንገድ ግንባታውን የዘመናዊ ቴክኖሎጂ ውጤቶች ተጠቃሚ ለማድረግ በርካታ የምርምር ሥራዎችን የሚያከናውን ሲሆን፣ የዚሁ ጥረት ውጤት የሆነውን ያገለገሉ የተሽከርካሪ ጎማዎችን ከአስፋልት ጋር በማዋሀድ ለመንገድ ንጣፍ በመጠቀም የአገልግሎት ጊዜን አራዝሞ ለጥገና የሚወጣውን ወጪ ለመቀነስ የሚያስችል የቴክኖሎጂ ውጤት በተሞክሮነት አቅርቧል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የሀገራችን  አጠቃላይ የመንገድ አውታር ከ182 ሺህ በላይ ደርሷል:- ሚንስትር ደኤታ የትምጌታ አሥራት (ዶ/ር) ምሥራቅ ጉራጌ ዞን፣ ጥር 17/2018 (ኢ መ አ): የሀገራችን አጠቃላይ የመንገድ ሽፋን ከ182 ሺህ በላይ መድረሱን የከተማ እና መሠረተ-ልማት ሚንስትር የትምጌታ አሥራት ገልጸዋል። ሚንስትር ደኤታው ይኽንን የገለጹት የቱሉ ቦሎ - ኬላ መንገድ ፕሮጀክት ከፍተኛ የመንግሥት የሥራ ኅላፊዎች በተገኙበት የምረቃ ሥነ-ሥርዓቱ በተካሄደበት ወቅት ነው። ባለፉት የለውጥ ዓመታት ከተማን ብቻ ሳይሆን ገጠሩ እና የቆላማ የአርብቶ አደሩን አካባቢ ያካተተ ፍትሃዊ የመሠረተ-ልማት ስርጭት ለማረጋገጥ በቁርጠኝነት ሥንሠራ ቆይተናል ያሉት ሚንስትር ደኤታው፥ በዚህም በየዓመቱ በአማካኝ 7 ሺህ ኪሎሜትር የሚደርስ አዳዲስ የመንገድ ግንባታ በማካሄድ የሀገራችንን የመንገድ አውታር ከ182 ሺህ በላይ ማድረስ ተችሏል ብለዋል። ይህንን የመንገድ ርዝመት በሚቀጥሉት 2 ዓመታት በሚሠሩ ሥራዎች ከ200 ሺህ ብላይ ለማድረስ እንደዚሁ በሚቀጥሉት 5 ዓመታት ጊዜ ውስጥ ደግሞ ከ245 ሺህ በላይ ለማድረስ እንደ መንግሥት በቁርጠኝነት እየተሠራ እንደኾነ ገልጸዋል። "መንግሥት የመሠረተ-ልማት እና የከተማ ልማትን ቁልፍ የልማት መሳሪያ፣ የሥልጣኔ መገለጫ፣ የብልጽግና መንገድ እና ዋና መዳረሻ አድርጎ ይወስዳል" ያሉት የትምጌታ አሥራት (ዶ/ር)፥ የመንገድ ግንባታም በሀገራችን ከፍተኛ ትኩረት ከተሰጣቸው የመሠረተ-ልማቶች አንዱ እንደኾነ ጠቁመዋል። ዛሬ በይፋ የተመረቀው መንገድም የንግድ እና የልማት በሮችን በመክፈት መንግሥት ከተማን እና ገጠርን እንደዚሁም ከተሞችን እርስ በእርስ በማስተሳሰር የኢትዮጵያን የብልጽግና ራዕይ ዕውን ለማድረግ የጀመረውን ጉዞ ጉልህ ማሳያ እንደኾነ ተናግረዋል። የማዕከላዊ ኢትዮጵያ ክልል ርዕሰ-መሥተዳድር እንዳሻው ጣሰው (ዶ/ር)፥ የመንገዱ መገንባት የተለያዩ የምርት ውጤቶችን ወደ ማዕከላዊ ገበያ ለማድረስ ብሎም የተለያዩ ሸቀጦችን በአጭር ሰዓት ወደ ክልሉ በማምጣት ነዋሪው ተጠቃሚ እንዲኾን ያስችላል ብለዋል። አካባቢው ከአዲስ አበባ በቅርብ ርቀት ላይ እንደመኾኑ፣ የኢንዱስትሪ ማዕከል ለማድረግ በክልል ደረጃ የተያዘውን ራዕይ በማሳካት በኩል ከፍተኛ አቅም የሚፈጥር መኾኑን ገልጸዋል። የኢትዮጵያ መንገዶች አሥተዳደር የኮንስትራክሽን ፕሮጀክቶች ም/ዋና ዳይሬክተር ብርሃኑ ተስፋዩ (ኢንጅነር)፣ የቱሉቦሎ - ኬላ መንገድ ግንባታ የትራንስፖርት ፍሰት በከፍተኛ ሁኔታ ከማሳለጡም በላይ፤ ለማኅበረሰቡ አስተማማኝና ዘላቂ አገልግሎት ለመስጠት በሚያስችል ደረጃ የተከናወነ ነው ብለዋል። ተቋማችን የዛሬውን ጨምሮ በተለያዩ የሀገሪቱ ክፍሎች የሚገኙ ነባር እና አዲስ የመንገድ ፕሮጀክቶችን አጠናቅቆ ለአገልግሎት ለማዋል እና የሕዝባችንን ጥያቄ ደረጃ በደረጃ ለመመለስ በትኩረት እየሠራ ነው ያሉት ም/ዋና ዳይሬክተሩ፥ ለዚህም ከፍተኛ የዝግጅት ሥራዎች በመከናወን ላይ መኾናቸውን ጠቁመዋል። የመንግድ መሠረተ-ልማት በከፍተኛ ሀብትና በባለሙያዎቻችን ጥረት የተገነባ የልማት ውጤት በመኾኑ፣ ዘላቂ አገልግሎት መስጠት እንዲችል መላው ኅብረተሰብ በባለቤትነት ስሜት በመላበስ አስፈላጊውን ጥበቃና እንክብካቤ እንዲያደርግለት ም/ዋና ዳይሬክተሩ ብርሃኑ ተስፋዩ (ኢንጅነር) አሳስበዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የሀገራችን አጠቃላይ የመንገድ አውታር ከ182 ሺህ በላይ ደርሷል:- ሚንስትር ደኤታ የትምጌታ አሥራት (ዶ/ር) ምሥራቅ ጉራጌ ዞን፣ ጥር 17/2018 (ኢ መ አ): የሀገራችን አጠቃላይ የመንገድ ሽፋን ከ182 ሺህ በላይ መድረሱን የከተማ እና መሠረተ-ልማት ሚንስትር የትምጌታ አሥራት ገልጸዋል። ሚንስትር ደኤታው ይኽንን የገለጹት የቱሉ ቦሎ - ኬላ መንገድ ፕሮጀክት ከፍተኛ የመንግሥት የሥራ ኅላፊዎች በተገኙበት የምረቃ ሥነ-ሥርዓቱ በተካሄደበት ወቅት ነው። ባለፉት የለውጥ ዓመታት ከተማን ብቻ ሳይሆን ገጠሩ እና የቆላማ የአርብቶ አደሩን አካባቢ ያካተተ ፍትሃዊ የመሠረተ-ልማት ስርጭት ለማረጋገጥ በቁርጠኝነት ሥንሠራ ቆይተናል ያሉት ሚንስትር ደኤታው፥ በዚህም በየዓመቱ በአማካኝ 7 ሺህ ኪሎሜትር የሚደርስ አዳዲስ የመንገድ ግንባታ በማካሄድ የሀገራችንን የመንገድ አውታር ከ182 ሺህ በላይ ማድረስ ተችሏል ብለዋል። ይህንን የመንገድ ርዝመት በሚቀጥሉት 2 ዓመታት በሚሠሩ ሥራዎች ከ200 ሺህ ብላይ ለማድረስ እንደዚሁ በሚቀጥሉት 5 ዓመታት ጊዜ ውስጥ ደግሞ ከ245 ሺህ በላይ ለማድረስ እንደ መንግሥት በቁርጠኝነት እየተሠራ እንደኾነ ገልጸዋል። "መንግሥት የመሠረተ-ልማት እና የከተማ ልማትን ቁልፍ የልማት መሳሪያ፣ የሥልጣኔ መገለጫ፣ የብልጽግና መንገድ እና ዋና መዳረሻ አድርጎ ይወስዳል" ያሉት የትምጌታ አሥራት (ዶ/ር)፥ የመንገድ ግንባታም በሀገራችን ከፍተኛ ትኩረት ከተሰጣቸው የመሠረተ-ልማቶች አንዱ እንደኾነ ጠቁመዋል። ዛሬ በይፋ የተመረቀው መንገድም የንግድ እና የልማት በሮችን በመክፈት መንግሥት ከተማን እና ገጠርን እንደዚሁም ከተሞችን እርስ በእርስ በማስተሳሰር የኢትዮጵያን የብልጽግና ራዕይ ዕውን ለማድረግ የጀመረውን ጉዞ ጉልህ ማሳያ እንደኾነ ተናግረዋል። የማዕከላዊ ኢትዮጵያ ክልል ርዕሰ-መሥተዳድር እንዳሻው ጣሰው (ዶ/ር)፥ የመንገዱ መገንባት የተለያዩ የምርት ውጤቶችን ወደ ማዕከላዊ ገበያ ለማድረስ ብሎም የተለያዩ ሸቀጦችን በአጭር ሰዓት ወደ ክልሉ በማምጣት ነዋሪው ተጠቃሚ እንዲኾን ያስችላል ብለዋል። አካባቢው ከአዲስ አበባ በቅርብ ርቀት ላይ እንደመኾኑ፣ የኢንዱስትሪ ማዕከል ለማድረግ በክልል ደረጃ የተያዘውን ራዕይ በማሳካት በኩል ከፍተኛ አቅም የሚፈጥር መኾኑን ገልጸዋል። የኢትዮጵያ መንገዶች አሥተዳደር የኮንስትራክሽን ፕሮጀክቶች ም/ዋና ዳይሬክተር ብርሃኑ ተስፋዩ (ኢንጅነር)፣ የቱሉቦሎ - ኬላ መንገድ ግንባታ የትራንስፖርት ፍሰት በከፍተኛ ሁኔታ ከማሳለጡም በላይ፤ ለማኅበረሰቡ አስተማማኝና ዘላቂ አገልግሎት ለመስጠት በሚያስችል ደረጃ የተከናወነ ነው ብለዋል። ተቋማችን የዛሬውን ጨምሮ በተለያዩ የሀገሪቱ ክፍሎች የሚገኙ ነባር እና አዲስ የመንገድ ፕሮጀክቶችን አጠናቅቆ ለአገልግሎት ለማዋል እና የሕዝባችንን ጥያቄ ደረጃ በደረጃ ለመመለስ በትኩረት እየሠራ ነው ያሉት ም/ዋና ዳይሬክተሩ፥ ለዚህም ከፍተኛ የዝግጅት ሥራዎች በመከናወን ላይ መኾናቸውን ጠቁመዋል። የመንግድ መሠረተ-ልማት በከፍተኛ ሀብትና በባለሙያዎቻችን ጥረት የተገነባ የልማት ውጤት በመኾኑ፣ ዘላቂ አገልግሎት መስጠት እንዲችል መላው ኅብረተሰብ በባለቤትነት ስሜት በመላበስ አስፈላጊውን ጥበቃና እንክብካቤ እንዲያደርግለት ም/ዋና ዳይሬክተሩ ብርሃኑ ተስፋዩ (ኢንጅነር) አሳስበዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የቱሉ ቦሎ - ኬላ የመንገድ ፕሮጀክት የምረቃ ሥነ-ሥርዓት በመካሄድ ላይ ነው ምሥራቅ ጉራጌ ዞን፣ ጥር 17/2018 (ኢ መ አ):- የኦሮሚያ እና የማዕከላዊ ኢትዮጵያ ክልሎችን የሚያገናኘው የቱሉ ቦሎ - ኬላ የመንገድ ፕሮጀክት የምረቃ ሥነ-ሥርዓት በመካሄድ ላይ ነው። በምረቃ ሥነ-ሥርዓቱ ላይ የማዕከላዊ ኢትዮጵያ ክልል ርዕሰ-መሥተዳድር እንዳሻው ጣሰው (ዶ/ር)፣ የከተማ እና መሠረተ-ልማት ሚንስትር ደኤታ የትምጌታ አሥራት (ዶ/ር)፣የኢትዮጵያ መንገዶች አሥተዳደርየኮንስትራክሽን ፕሮጀክቶች ማኔጅመንት ም/ዋና ዳይሬክተር ብርሃኑ ተስፋዩ (ኢንጅነር) ጨምሮ ሌሎች ከፍተኛ የፌደራል እና የክልል የመንግሥት የሥራ ኅላፊዎች ተገኝተዋል። የመንገድ ፕሮጀክቱ በአስፋልት ኮንክሪት ደረጃ የተገነባ ሲኾን፥ 81 ኪሎሜትር ይሸፍናል። የመንገድ ግንባታውን የቻይናው ሁናን ሁንዳ አከናውኖታል። ሀገር በቀሉ የተባበሩት የምህንድስና አማካሪዎች የግንባታውን ጥራት በመቆጣጠር እና በማማከር በኩል ተሳትፏል። ለፕሮጀክቱ 1 ነጥብ 3 ቢሊዮን ብር በፌደራል መንግሥት ወጪ ተደርጎበታል። የመንገድ ፕሮጀክቱ መጠናቀቅ የኅብረተሰቡን የረጅም ጊዜ ጥያቄ ምላሽ የሰጠ ከመኾኑም ባሻገር፣ በርካታ ማኅበራዊ እና ምጣኔ-ሃብታዊ ጠቀሜታዎችን ያበረክታል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የመንገድ ፕሮጀክቶች ላይ ያሉ ጫናዎችን ደረጃ በደረጃ ለማቃለል ጥረት እየተደረገ ነው:- ዋና ዳይሬክተር መሐመድ አብዱራሕማን (ኢንጅነር) አዲስ አበባ፣ የመንገድ ፕሮጀክቶች ላይ ያሉ ጫናዎችን ደረጃ በደረጃ ለማቃለል ከባለድርሻ አካላት ጋር በመኾን ጥረት እየተደረገ ነው ሲሉ የኢትዮጵያ መንገዶች አሥተዳደር ዋና ዳይሬክተር መሐመድ አብዱራሕማን (ኢንጅነር) ተናግረዋል። ዋና ዳይሬክተሩ ይኽንን ያሉት የኮንስትራክሽን ዘርፍ ተግዳሮቶቹ እና ቀጣይ እጣ-ፈንታዎቹ በሚል ርዕስ ከዘርፉ የባላድርሻ አካላት ጋር በተቋማችን የመሰብሰቢያ አዳራሽ በተካሄደ የውይይት መድረክ ላይ ነው። በዚሁ ወቅት በቀረበ ጥናት፥ መዋቅራዊ/የዘርፍ፣ ተቋማዊ/የውስጥ እንዲሁም በሥራ ተቋራጮች እና አማካሪ ድርጅቶች በኩል ያሉ ችግሮች የኮንስትራክሽን ዘርፉ መሠረታዊ ማነቆዎች መኾናቸው ተገልጿል። ከመዋቅር ጋር በተያያዘ የግብዓት ዕጥረት እና ዋጋ መናር የጸጥታ ስጋቶች፣ ብቁ እና ተወዳዳሪ የሀገር ውስጥ የሥራ ተቋራጮች እጥረት እንዲሁም ሙስና እና ተጠያቂነት አለመስፈን ቀዳሚ ችግሮች መኾናቸው ተነስቷል። ተቋምን በሚመለከት የፕሮጀክት አመራር እና አሥተዳደር ክፍተቶች፣ የኮሙኒኬሽን ክፍተቶች እና የሰለጠነ ባለሞያ እጥረት በዋናነት ተጠቅሰዋል። በሥራ ተቋራጮች በኩል ደካማ የሰው ሃብት አመራር፣ የአፈጻጸም እና የአቅም እጥረቶች መኖራቸው ጥናቱ አመላክቷል። እነዚህ ጫናዎች ፕሮጀክቶች ለተጨማሪ የጊዜ እና የገንዘብ ጭማሪዎች እንዲጋለጡ እንዲሁም የጥራት መጓደል ችግሮች እያስከተሉ መኾናቸውን ጥናቱ አትቷል። ችግሮቹን ለመቅረፍ ጥረቶች መደረጋቸው የተጠቆመ ሲኾን፥ የዋጋ ልዩነት ማስተካክያ ጣሪያው (price cap) መነሳቱ፣ በጸጥታ ምክንያት ቆመው ከነበሩት ፕሮጀክቶች ውስጥ 10 ያህሉ ወደ ግንባታ እንዲመለሱ መደረጉ፣ ሀገር-በቀል የማክሮ ኢኮኖሚ ማሻሻያዎች አጠቃላይ በግንባታው ዘርፍ ላይ አዎንታዊ ለውጥ ማምጣታቸውን ጥናቱ ይፋ አድርጓል። ውይይቱ ላይ የተገኙ ሀገር-በቀል የሥራ ተቋራጮች እና አማካሪ ድርጅቶች በበኩላቸው፤ የነዳጅ እጥረት፣ የክፍያ መዘግየት፣ ከወሰን ማስከበር ጋር በተያያዘ ያሉ የግንዛቤ ክፍተቶች መኖራቸውን አንስተዋል። በጉዳዩ ላይ ዋና ዳይሬክተር መሐመድ አብዱራሕማን (ኢንጅነር) ምላሽ የሰጡ ሲኾን፥ ችግሮችን እንዳሉ እንገዘባለን፥ ጫናዎቹን ደረጃ በደረጃ ለመቅረፍ እና ፕሮጀክቶችን በሚፈለገው ፍጥነት ለማከናወን በዕውቀት እና በጥናት ላይ የተመሠረተ ጥረት እናደርጋለን ብለዋል። ችግሮቹ ውስብስብ በመሆናቸው በመንግሥት ወይም በጥቂት ግለሰቦች ብቻ የሚፈቱ ባለመሆናቸው፣ ሁሉም ባለድርሻ አካላት በመቀናጀት እና በመቀራረበ መሥራት እንዳለባቸው አሳስበዋል። የዘርፉ ተዋንያን፥ ችግር አለ ተብሎ ራስን ከኅላፊነት ከማሸሽ ይልቅ በሙያዊ ብቃት እና ሥነ-ምግባር እንዲሁም በተጠያቂነት ስሜት ፕሮጀክቶችን በተቀመጠው ጊዜ እና የጥራት ደረጃ መፈጸም እና ለአገልግሎት እንዲውሉ ማድረግ እንደሚጠበቅባቸው የተቋማችን ዋና ዳይሬክተር መሐመድ አብዱራሕማን በጥብቅ አሳስበዋል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢንስታግራም https://www.instagram.com/ethioroads › ኢሜል communication@era.gov.et › ዩቲዮብ www.youtube.com/@ethioroads

የከተማ፣ መሠረተ ልማትና ትራንስፖርት ጉዳዮች ቋሚ ኮሚቴ የመሥክ ጉብኝት አካሄደ አዲስ አበባ፣ ጥር 13፣ 2018 (ኢመአ) የከተማ መሠረተ ልማትና ትራንስፖርት ጉዳዮች ቋሚ ኮሚቴ የኢትዮ - ጅቡቲ ትራንስፖርት ኮሪደር አካል በሆነው በአዳማ- ኪሜ 60 (መልካጂሎ) የፍጥነት መንገድ ፕሮጀክት ላይ የመሥክ ጉብኝት አካሂዷል። በጉብኝቱ ላይ የትራንስፖርት ጉዳዮች ቋሚ ኮሚቴ አባላት፣የኢትዮጵያ መንገዶች አስተዳደር ዋና ዳይሬክተር ኢንጅነር መሀመድ አብዱራህማን እና የተቋሙ ከፍተኛ የሥራ ኃላፊዎች ተገኝተዋል። የጉብኝቱ ትኩረት የአዳማ - ኪሜ 60 (መልካጂሎ) ፈጣን መንገድ አጠቃላይ የግንባታ ሂደት አፈፃፀም ለመገምገም ያለመ ነው። ቋሚ ኮሚቴው የመንገዱን አሁናዊ የግንባታ እንቅስቃሴዋችን ፣የመንገዱ የጥራት ሁኔታ የሚረጋገጥበት የላቦራቶሪ ክፍል እንዲሁም የመንገዱ አካል የሆኑትን የድልድዮችን ግንባታን ተመልክተዋል። ከጉብኝቱ በኋላም ቋሚ ኮሚቴው ከኢመአ የሥራ ኃላፊዎች ጋር መንገዱን የሚመለከት ምክክር በአዳማ ከተማ አከናውነዋል ። በምክክሩም ላይ የቋሚ ኮሚቴ አባላት በሀገሪቱ ከፍተኛውን የገቢና የወጪ እንቅስቃሴ ለማከናወን ከፍተኛ ድርሻ ያለው የዚህን መንገድ የግንባታ ሥራ ማፍጠን የሚቻልበትን ሁኔታ፣ ከወሰን ማስከበር ፣ከግብዓት እጥረቶች ፣ ከፀጥታ ጉዳዮች እና ከአካባቢ ጥበቃ ጋር የተያያዙ ጥያቄዎች አንስተዋል። የተነሱትን ሀሳቦች አስመልክቶም በፕሮጀክቱ ያጋጠሙ ችግሮች  አሁን ላይ መፍትሄ  አየተሰጣቸው  የሚገኝ  በመሆኑ የመንገዱ ግንባታ በተያዘለት ጊዜ እንዲጠናቀቅ  በትኩረት  እየተሰራ  እንደሚገኝ  የኢትዮጵያ  መንገዶች አስተዳደር ዋና  ዳይሬክተር  ኢንጅነር  መሀመድ አብዱራህማን  ገልፀዋል። አያይዘውም  ፕሮጀክቱን  በሚፈለገው ልክ ለማከናወን በቋሚ ኮሚቴው በኩል የተነሱትን ጥያቄዋችና አስተያየቶች ጠቃሚ ግብዓቶች መሆናቸውን ጠቅሰው የሚፈለገውን ለውጥ ለማምጣት ከባለድርሻ አካላት ጋር ተቀናጅቶ ይሰራል ብለዋል፡፡ የከተማ፣ መሰረተ ልማትና ትራንስፖርት ጉዳዮች ቋሚ ኮሚቴ ሰብሳቢ የተከበሩ ፕሮፈሰር መሀመድ አብዶ በበኩላቸው መንገዱ ከፍተኛ ትኩረትና ድጋፍ የሚያስፈልገው በመሆኑ የሚመለከታቸው አካላት ትብብር እንደሚያስፈልግ በአፅንኦት ገልፀዋል።ቋሚ ኮሚቴው ለመንገድ መሰረተ ልማት የሚያደርገው አስፈላጊውን ክትትልና ድጋፍ አጠናክሮ እንደሚቀጥል አረጋግጠዋል።

የበሻሻ - ጌራ  የመንገድ ግንባታ ፕሮጀክት  ለማፋጠን  እየተሰራ ይገኛል ጅማ፣ ጥር 12፣ 2018 (ኢመአ):- 31 ኪሎ ሜትር የሚረዝመው የበሻሻ -ጌራ የአስፋልት ኮንክሪት የመንገድ ግንባታ ፕሮጀክት ለማፋጠን  እየተሰራ  ይገኛል። በግንባታው  የሥራ  ሂደት  ላይም  የአፈር ቆረጣና  ሙሌት፣የቁፋሮ ፣ የውኃ  ማፋሰሻ ቱቦ  ግንባታና  ቀበራ  ሥራዎች  በመከናወን  ላይ የሚገኙ  ሲሆኑ ፤ይህንንም  በአጭር ጊዜ ውስጥ  በማጠናቀቅ  ፕሮጀክቱን  ወደ ቀጣዩ የግንባታ ምዕራፍ ለማሸጋገር ጥረት  እየተደረገ ነው፡፡ የኢትዮጵያ መንገዶች  አስተዳደር  የራስ  ሀይል  ኮንስትራክሽን ፕሮጀክቶች ማኔጅመንት ዳይሬክቶሬት የመንገዱን  ግንባታ  እያከናወነው የሚገኝ ሲሆን ኦሜጋ ኮንሰልቲንግ ኢንጂነርስ ህ/የተ/የግል ማህበር ደግሞ የማማከርና የቁጥጥሩን ሥራ  እየሰራ ይገኛል። በኢትዮጵያ  መንግስት 3 ነጥብ 58 ቢሊዮን ብር  በጀት የተመደበለት ይኸው የመንገድ ግንባታ ፕሮጀክት፤ በገጠር 10 ሜትር፣ በቀበሌ 12 ሜትር፣ በወረዳ 19 ሜትር እንዲሁም በዞን 21.5 ሜትር የጎን ስፋት እንዲኖረው ተደርጎ የሚገነባ ነው። ፕሮጀክቱ   በጅማ  ዞን  ውስጥ  የሚገኙትን  የጎማ እና የጌራ ወረዳዎችን እንዲሁም 9 ቀበሌዎችን የሚያስተሳስር ከመሆኑም ባሻገር  በኦሮሚያና  በደቡብ ምዕራብ  ክልል መካከል የሚኖረውን ግንኙነት  ይበልጥ ያጠናክራል። በተጨማሪም  በአካባቢው በስፋት የሚመረቱ እንደ ቡና፣ ማር፣ ቅቤ፣ የቀንድ ከብት እና የቅመማ ቅመም ውጤቶች በፍጥነት ለገበያ እንዲቀርቡ በማስቻልም አምራቹንና ሸማቹን ተጠቃሚነት ይጨምራል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads