AASTU_OFFICIAL

የ2018 ዓ.ም አራተኛው ሩብ ዓመት የእቅድ አፈፃፀም ግምገማ እያካሄደ ይገኛል ሰኔ 26/ 2018 ዓ.ም ++++++++++++++++++++++++++++ የአዲስ አበባ ሳይንስና ቴክኖሎጂ ዩኒቨርሲቲ የ2018 በጀት ዓመት አራተኛውን እና የመጨረሻውን ሩብ ዓመት የእቅድ አፈፃፀም ሪፖርት እየገመገመ ይገኛል። በአሁኑ ሰዓት በዩኒቨርሲቲው እየተካሄደ በሚገኘው በዚህ የክንውን ግምገማ መድረክ የተለያዩ የሥራ ክፍሎች በአራተኛው ሩብ አመት ያከናወኗቸውን ተግባራት በዝርዝር እያቀረቡ ይገኛሉ። በግምገማው ሂደትም በመማር ማስተማር ፤በምርምርና ቴክኖሎጂ ሽግግር ፤አስተዳደራዊ እና ማህበረሰብ ተኮር ስራዎች በሰፊው እየታዩ ይገኛሉ፡፡ የሪፖርት አቀራረብ ሂደቱ የሚከተሉትን ነጥቦች ማዕከል ያደረገ ነው፡፡ እስካሁን የተመዘገቡ አበረታች ውጤቶችን መለየት ያጋጠሙ ተግዳሮቶች ፤በስራ ሂደቱ ውስጥ የታዩ ማነቆዎችን በግልፅ በማስቀመጥ መፍትሄዎችን መፈለግ እንዲሁም የወደፊት የትኩረት አቅጣጫዎች ለቀጣዩ በጀት ዓመት (2019 ዓ.ም) ስትራቴጂካዊ ዕቅድ የሚሆኑ ግብዓቶችን መሰብሰብ ነው፡፡ የግምገማ ሂደቱ በዩኒቨርሲቲው አመራሮች እና የስራ ክፍል ሃላፊዎች ንቁ ተሳትፎ እየቀጠለ ሲሆን ከተለያዩ የሥራ ክፍሎች የሚቀርቡት እነዚህ ሪፖርቶች ተቋሙ ለቀጣዩ ዓመት የሚያስቀምጠውን አቅጣጫ ለመቅረጽ ትልቅ ሚና ይኖራቸዋል።

Advancing Cyber Resilience and AI Governance Across East Africa: EACA Summit 2026 Underway at AASTU, July 2 2026 Addis Ababa, Ethiopia. The East African Cyber & AI (EACA) Summit 2026 is underway at Addis Ababa Science and Technology University (AASTU) under the theme, "Advancing Cyber Resilience and AI Governance Across East Africa."Co-hosted by AASTU in collaboration with the Ethiopian Information Network Security Administration (INSA), KG Cyber, the University of Gondar, Bahir Dar University, and other partners, the two-day summit brings together Chief Information Security Officers (CISOs), policymakers, researchers, industry leaders, innovators, and cybersecurity professionals to advance regional cooperation on AI governance, cyber resilience, digital trust, and cyber sovereignty. For more information about AASTU, reach us: Website: https://www.aastu.edu.et Facebook: http://facebook.com/aastu.edu.et Telegram: t.me/pir2011 Email: pr@aastu.edu.et | pir@aastu.edu.et Linkedin: https://bit.ly/aastu_officialin

📢 AASTU Newsletter – Volume XIII, Issue IV is Now Available! We are pleased to announce the release of the latest edition of the AASTU Newsletter (Volume XIII, Issue IV). https://drive.google.com/file/d/1Hs3MMBM_3hk56sqRojFqLoZY2EUj2bE8/view?usp=drive_link

የአዲስ አበባ ሳይንስና ቴክኖሎጂ ዩኒቨርሲቲ የ2018 ዓ.ም የተማሪዎች ምረቃ ስነ-ስርዓት https://youtu.be/0GdT1qoAKTw

የመጀመሪ ዙር የ12ኛ ክፍል ብሄራዊ መልቀቂያ ፈተና በሰላም እየተሰጠ ይገኛል ሰኔ 23/2018 ዓ.ም +++++++++++++++++++++++++++ የዘንድሮው የ12ኛ ክፍል ብሄራዊ መልቀቂያ ፈተና በአዲስ አበባ ሳይንስና ቴክኖሎጂ ዩኒቨርሲቲ በሰላማዊ መንገድ እተሰጠ ይገኛል፡፡ በመጀመሪያው ዙር ፈተናቸውን እየወሰዱ የሚገኙት የተፈጥሮ ሳይንስ ተማሪዎች በጠዋት መርሃ-ግብር የእንግሊዘኛ ቋንቋ ፈተናቸውን በበይነ-መረብ (Online) ያጠናቀቁ ሲሆን ተማሪዎቹ ከሰዓት በኋላ ደግሞ የሂሳብ ትምህርትን በተሳካ ሁኔታ መውሰዳቸው ተገልጿል፡፡ ከሰዓት በኋላ የመብራት መቆራረጥ ቢያጋጥምም ዩኒቨርሲቲው የተማሪዎች ፈተና በመብራት ሃይል አቅርቦት ምክንያት እንዳይስተጓጎል የራሱን ጀኔሬተር በመጠቀም ተማሪዎች ፈተናቸውን በተሳካ ሁኔታ እንዲጠናቅቁ እየሰራ ይገኛል፡፡ ከዚህ በተጨማሪ ፈተናው ያለምንም እንከን እንዲከናወን የዩኒቨርሲቲው አመራሮች፣ ከትምህርት ሚኒስቴር የተወከሉ የፈተና አስተባባሪዎች፣ የአይሲቲ ባለሙያዎች እንዲሁም የፀጥታ አካላት በቅንጅት እየሰሩ ይገኛሉ። ለተፈታኝ ተማሪዎች ሁሉ መልካም ውጤትን እንመኛለን! ስለ ዩኒቨርሲቲያችን ዝርዝር መረጃ ለማግኘት የሚከተሉትን አማራጮች ይጠቀሙ:: ድረ-ገፅ: https://www.aastu.edu.et ፌስቡክ: http://facebook.com/aastu.edu.et ቴሌግራም: t.me/pir2011 ኢሜይል:pr@aastu.edu.et/pir@aastu.edu.et ዩቲዩብ :youtube.com/@aastu_official7418 ኤክስ (ትዊተር): x.com/aastu_addis ሊንክድኢን: https://bit.ly/aastu_officialin

https://ethiopianreporter.com/157359/ ዩኒቨርሲቲዎች ከንድፈ ሐሳብ ባሻገር

Dr. Dereje Engida with the Reporter Newspaper https://www.thereporterethiopia.com/51514/

የዩኒቨርሲቲው ከምንጊዜውም በላይ ተቋማዊ ስኬቶችን፣ የምርምር አቅም እና ዓለም አቀፍ ተወዳዳሪነት ማሳጉ ተገለፀ ሰኔ 21/2018 ዓ.ም +++++++++++++ በአስራ ሁለተኛው ዙር የተማሪዎች ምረቃ መርሃ-ግብር ላይ የዩኒቨርሲቲው ፕሬዝዳንት ዶ/ር ደረጀ እንግዳ በንግግራቸው እንደገለጹትተቋሙ አሁን ላይ ከዲግሪ ማሰልጠኛነት ባሻገር፣ ሀገራዊ የልማት ግቦችን በመምራት ላይ የሚገኝ የሳይንስና ቴክኖሎጂ ማዕከል መሆኑን ገልፀዋል ። በዚህም ዩኒቨርሲቲው በኢትዮጵያ ብቸኛው በአፍሪካ የኢንጂነሪንግና ቴክኖሎጂ ኔትወርክ (Afritec) 10ኛው አባል ዩኒቨርሲቲ በመሆን መመዝገቡ በዓለም አቀፍ መድረክ ያለውን ተወዳዳሪነት አመላካች ነው። ዶ/ር ደረጀ እንደገለጹት ዩኒቨርሲቲው ከቻይና እና ከፈረንሳይ ከፍተኛ የትምህርት ተቋማት ጋር በመተባበር እየሰራ ያለው የጋራ ላቦራቶሪ ግንባታ እና የፈጠራ ስራዎች፣ የቴክኖሎጂ ሽግግርን ከወረቀት ወደ መሬት ለማውረድ የሚደረግ ቁርጠኝነት ውጤት መሆኑን አስታውሰዋል። ዩኒቨርሲቲው በዘንድሮው ዓመት ብቻ 5 የአዕምሮ ንብረት ሰርተፍኬቶችን ማግኘቱ፣ 12 የፈጠራ ውጤቶች በምዝገባ ላይ መሆናቸው እና 9 ስታርትአፖች ወደ ኢንዱስትሪ ሽግግር መሸጋገራቸው ዩኒቨርሲቲው ለኢንዱስትሪው ዘርፍ "የእውቀት ማዕከል" መሆኑን በተግባር እያረጋገጠ መሆኑን የሚያሳይ እንደሆነ አመላክተዋል። ዶ/ር ደረጀ በዕለቱ ለተመራቂ ተማሪዎች ባስተላለፉት መልዕክት ዩኒቨርሲቲው የሰጣችሁ እውቀት መሰረት እንጂ የመጨረሻ ግብ አለመሆኑን በመግለፅ ፊታችን ያለው ዓለም በተለዋዋጭ ቴክኖሎጂ እና ባልታሰቡ ፈተናዎች የተሞላ በመሆኑ ተመራቂዎች የዕድሜ ልክ ተማሪ እንዲሆኑ ጥሪ አቅርበዋል። Read More https://www.facebook.com/100068993984600/posts/1329964745979979/?app=fbl

ከተመራቂዎች አንደበት https://www.youtube.com/watch?v=QZGJ6Yd7QT8

ከዲግሪ ወረቀት ባሻገር ለኢትዮጵያ አዲስ የፈጠራ ምዕራፍ ሰኔ 21/2018 ዓ.ም +++++++++++++++++++++++++++++ ክብርት ወ/ሮ አየለች እሼቴ የትምህርት ሚኒስቴር ሚኒስትር ዴኤታ በአዲስ አበባ ሳይንስና ቴክኖሎጂ ዩኒቨርሲቲ የተማሪዎች ምረቃ መርሃ-ግብር ላይ ተገኝተው በአስተላለፉት መልዕክት ዘመናዊው ዓለም በእውቀት፣ ፈጠራ እና ቴክኖሎጂ ላይ የተመሰረተ መሆኑን ገልጸዋል። ክብርት አየለች በከፍተኛ ትምህርት ተቋማት እየተተገበሩ ያሉ የሪፎርም ስራዎች ጥራትን፣ ተጠያቂነትን እና ከኢንዱስትሪ ጋር ያለውን ትስስር ማጠናከራቸውን አስረድተዋል። ተመራቂዎች የዲግሪ ባለቤት ከመሆን ባሻገር የማህበረሰብን ችግር የሚፈቱ ስነ-ምግባር የታከለበት እውቀት ያላቸው እና ለውጥ አምጪዎች እንዲሆኑ አደራ ብለዋል። ክብርት ወ/ሮ አየለች የማህበረሰብን ችግር ሳይፈታ የቀረ እውቀት ለሀገር ብልፅግና ምንም የማይፈይድ መሆኑን በመግለፅ እውቀት ፋይዳ የሚኖረው የማህበረሰብን መሰረታዊ ችግሮች እና የጤና ተግዳሮትን ሲፈታ እንዲሁም አዲስ የኢኮኖሚ ተስፋ ሲፈጥር ብቻ መሆኑን ገልፀዋል፡፡ በመጨረሻም ክብርት ወ/ሮ አየለች በዚህ የምረቃ መድረክ ላይ እውቀት ከስነ-ምግባር ከተነጠለ ከንቱ ልፋት መሆኑን በማስታወስ ተመራቂዎች በቀጣይ የስራ ህይወታቸው እውቀትን ስነ-ምግባር በማጣመር ሃገራቸውን እንዲያገለግሉ ጠይቀዋል፡፡

ሳይንስና ቴክኖሎጂ የሃገራችን ተግዳሮቶች መፍቻ ቁልፍ ነው ሰኔ 21/2018 ዓ.ም +++++++++++++++++++++++++++++ ሰኔ 20/2018 ዓ.ም የተካሄደው የአዲስ አበባ ሳይንስና ቴክኖሎጂ ዩኒቨርሲቲ የተማሪዎች የምረቃ ስነ-ስርዓት ከተለመደው የዲግሪ አሰጣጥ ስነ-ስርዓት በተለየ መልኩ በፈጠራ እና በአለም አቀፍ ደረጃ ተወዳድረው አሸናፊ የሆኑ ተማሪዎች ተሸላሚ የሆኑበት ነበር፡፡ ዩኒቨርሲቲው ያስመረቃቸው ተማሪዎች መፅሐፍ የዘጉ ሳይሆን የችግር መፍቻ ቁልፎችን የያዙ የዘመናችን የቴክኖሎጂ አርበኞች ናቸው። በስነ-ስርዓቱ ላይ የተገኙት የኢንፎርሜሽን መረብ ደህንነት ዋና ዳይሬክተር እና የዩኒቨርሲቲው የስራ አመራር ቦርድ ሰብሳቢ ክብርት ወ/ሮ ትዕግስት ሃሚድ እንዳስተላለፉት ምረቃ ማለት "የእውቀት ማህደር መዝጊያ ሳይሆን ለሀገር ግንባታ የሚጠቅም የዲጂታል መሳሪያዎች መክፈቻ ቁልፍ ነው፡፡ ክብርት ወ/ሮ ትዕግስት በንግግራቸው ማሳረጊያ ተመራቂዎች የዓለምን ዲጂታል ሽግግር (በተለይም አርቴፊሻል ኢንተለጀንስ እና ዳታ ሳይንስን) እንደ መሳሪያ በመጠቀም የኢትዮጵያን ተግዳሮቶች በሃገር በቀል እውቀት መቅረፍ እንደሚጠበቅባቸው አስገንዝበዋል። በመጨረሻም ክብርት ወ/ሮ ትዕግስት ሃሚድ ለተማሪዎች ከዚህ ቀን በኋላ የምትጠየቁት “ምን ተማራችሁ?' ሳይሆን 'በተማራችሁት ምን ሰራችሁ?” የሚል ነው:: ስለዚህ ተመራቂ ተማሪዎች ሀገራችሁን በፈጠራ እና ቴክኖሎጂ እንዲለውጡ መልዕክታቸውን አስተላልፈዋል።

#AASTU የአዲስ አበባ ሳይንስና ቴክኖሎጂ ዩኒቨርሲቲ በመጀመሪያ፣ በሁለተኛ እና በሦስተኛ ዲግሪ ፕሮግራሞች ያሰለጠናቸውን 1,246 ተማሪዎች አስመርቋል። ዩኒቨርሲቲው በ18ኛ ዙር ያስመረቃቸው፦ ➫ 1,043 ተማሪዎች በመጀመሪያ ዲግሪ ➫ 182 ተማሪዎች በሁለተኛ ዲግሪ ➫ 21 ተማሪዎች በሦስተኛ ዲግሪ @tikvahuniversity

የአዲስ አበባ ሳይንስና ቴክኖሎጂ ዩኒቨርሲቲ 12ኛ ዙር ተመራቂዎቹን በደማቅ ሁኔታ አስመረቀ ሰኔ 20/2018 ዓ.ም +++++++++++++++++++++++++++ የአዲስ አበባ ሳይንስና ቴክኖሎጂ ዩኒቨርሲቲ በተለያዩ የትምህርት መስኮች በመጀመሪያ፣ በሁለተኛ እና በሦስተኛ ዲግሪ ያሰለጠናቸውን ተማሪዎች ዛሬ በደማቅ ስነ-ስርዓት አስመረቀ። በምረቃ ስነ-ስርዓቱ ላይ የኢንፎርሜሽን መረብ ደህንነት አስተዳደር (INSA) ዋና ዳይሬክተር እና የዩኒቨርሲቲው የስራ አመራር ቦርድ ሰብሳቢ ክብርት ወ/ሮ ትዕግስት ሃሚድ፣ የትምህርት ሚኒስቴር ሚኒስትር ዴኤታ ክብርት ወ/ሮ አየለች እሼቴን ጨምሮ የመንግስት ከፍተኛ የስራ ኃላፊዎች፣ የዩኒቨርሲቲው ማህበረሰብ፣ የተመራቂ ተማሪዎች ቤተሰቦች እና ጥሪ የተደረገላቸው እንግዶች ተገኝተዋል። የዕለቱ የክብር እንግዳ የሆኑት ክብርት ወ/ሮ ትዕግስት ሃሚድ ለተመራቂዎች ባስተላለፉት መልዕክት፣ ምረቃ የትምህርት ጉዞ ማጠናቀቂያ ሳይሆን፣ በእውቀት የተደገፈ አዲስ የሙያ ህይወት መጀመሪያ መሆኑን አጽንኦት ሰጥተዋል። ዋና ዳይሬክተሯ አክለውም ዓለም በከፍተኛ ፍጥነት በዲጂታል ቴክኖሎጂ እየተቀየረች መሆኑን በመጥቀስ ተመራቂዎች በአርቴፊሻል ኢንተለጀንስ (AI)፣ በዳታ ሳይንስ እና ተያያዥ ዘመናዊ የቴክኖሎጂ መስኮች እራሳቸውን በየጊዜው ማዘመን እንደሚጠበቅባቸው አስገንዝበዋል። በተለይም ተመራቂዎች የቀሰሙትን የሳይንስና ቴክኖሎጂ እውቀት በመጠቀም፣ የሀገራችንን ተግዳሮቶች ሃገር በቀል በሆኑ መፍትሄዎች የመፍታት አቅም ሊኖራቸው እንደሚገባ የገለጹት ክብርት ወ/ሮ ትዕግስት፣ ያሉንን ችግሮች እንደ ትልቅ የፈጠራ እድል በመውሰድ ለኢትዮጵያ ሁለንተናዊ እድገት ጉልህ ሚና እንዲጫወቱ ጥሪ አቅርበዋል።