Sport vazirligi

Sport sohasida ustuvor vazifalarni amalga oshirish masalalari muhokama etildi Sport vazirligida vazirlik rahbariyati hamda markaziy apparat tuzilmalari ishtirokida yig‘ilish bo‘lib o‘tdi. Unda O‘zbekiston Respublikasi Prezidenti va Hukumatining topshiriqlari ijrosini samarali tashkil qilish, bu borada Sport vaziri belgilab bergan ustuvor yo‘nalishlarni jadallashtirish, sportchilarimizning Osiyo va Paraosiyo o‘yinlariga tayyorgarligi, shuningdek, sport sohasini yanada rivojlantirishga qaratilgan ustuvor vazifalar muhokama qilindi. Yig‘ilish davomida vazirlik Ijro apparati rahbari Bobur Hamrayev tomonidan taqdimot o‘tkazildi. Taqdimotda O‘zbekiston Respublikasi Vazirlar Mahkamasining 2026-yil 24-iyuldagi 407-son qarori bilan joriy etilayotgan yangi mexanizmlar yuzasidan batafsil ma’lumot berildi. Xususan, 2026-yil 1-sentabrdan sport maktablarini hududlarning real ehtiyoji, aholining muayyan sport turlariga qiziqishi, mavjud infratuzilma, trenerlar salohiyati hamda sportchilarning erishgan natijalari asosida ixtisoslashtirish tizimi joriy etilishi, mazkur jarayon har yili qayta ko‘rib chiqilishi qayd etildi. Shuningdek, aholini ommaviy sportga keng jalb etish, iqtidorli yoshlarni erta aniqlash va sport maktablariga seleksiya qilishning yagona tizimini joriy etish, sport maktablari xodimlarini aniq natijalar asosida har oylik ustamalar bilan rag‘batlantirish hamda ustamalarni hisoblashning yangi mezonlari yuzasidan tushuntirishlar berildi. Taqdimotda sportchilar, trenerlar va mashg‘ulotlar hisobini ERP Sport axborot tizimi orqali raqamlashtirish, ommaviy sport bilan qamrovni baholashda rasmiy demografik hamda elektron tizim ma’lumotlaridan foydalanish, mahallalarda faoliyat yuritayotgan o‘zini o‘zi band qilgan trenerlarni davlat sport tizimiga integratsiya qilish bo‘yicha belgilangan vazifalar ham atroflicha tahlil etildi. Yig‘ilish yakunida qaror ijrosini hududlarda tizimli tashkil etish, bu borada joylardagi mas’ullarga qulaylik yaratishga qaratilgan qo‘shimcha chora-tadbirlarni amalga oshirish, raqamli platformalardan foydalanish imkoniyatlarini kengaytirish kabi vazifalarni o‘z muddatida va sifatli bajarishni ta’minlash yuzasidan tegishli topshiriqlar hamda tavsiyalar berildi. Web-Sayt | Telegram | Facebook | Instagram | Youtube

O‘zbekiston davlat jismoniy tarbiya va sport universiteti — sport va sog‘lom tafakkur orqali o‘z kelajagini yaratadiganlar maskanidir.   Bugun sog‘lom avlodni tarbiyalash, sport ilm-fanini rivojlantirish yo‘lida dadil odimlayotgan Yangi O‘zbekistonning muhim tayanch maskanlaridan biri — O‘zbekiston davlat jismoniy tarbiya va sport universitetidir.

Hozirda universitetdagi 21 ta mutaxassislik kafedrasi tomonidan 64 ta sport turi bo‘yicha malakali mutaxassislar yetishib chiqmoqda. 5 ta bakalavriyat ta'lim yo‘nalishi va 5 ta magistratura mutaxassisliklari bo‘yicha mamlakatimizning turli viloyatlari tashrif buyurgan 8 ming nafarga yaqin talabaga 400 dan ortiq malakali professor-o‘qituvchilar dars berib kelmoqda.

O‘z kelajagiga befarq bo‘lmagan yurtimiz va xorijdagi barcha abituriyentlarni O‘zbekiston davlat jismoniy tarbiya va sport universitetiga o‘qishga taklif etamiz.   Murojaat uchun tel: +99877-650-41-60; +99877-650-42-60; +99877-650-43-60; +99877-650-47-60; +99877-650-49-60; 🏪 Ish vaqti: 09:00 dan 18:00 gacha Web-Sayt | Telegram | Facebook | Instagram | Youtube

📢 Hurmatli my.sport.uz foydalanuvchilari! ✔️MySport mobil ilovasining iOS (iPhone) uchun yangi versiyasi App Store'da e'lon qilindi. 📲 Agar siz iPhone foydalanuvchisi bo'lsangiz, ilovani App Store orqali yangilashingizni so'raymiz. 🟢Yangilangan versiya orqali ilovadan yanada qulay va barqaror foydalanishingiz mumkin. Web-Sayt | Telegram | Facebook | Instagram | Youtube

Xalq deputatlari Jizzax viloyati Kengashining 32-sessiyasida hududda sportni yanada rivojlantirish borasidagi ustuvor masalalar muhokama qilindi Web-Sayt | Telegram | Facebook | Instagram | Youtube

"Besh tashabbus olimpiadasi" doirasida Adaptiv sport turlari bo'yicha 2026-yilda oʻtkazilgan musobaqalar natijalariga koʻra hududlar reytingi bilan tanishing. Web-Sayt | Telegram | Facebook | Instagram | Youtube

Davlat rahbarlari suv-motor sporti boʻyicha jahon chempionatining Qirgʻizistondagi bosqichini tantanali ochib berdilar. — Главы государств торжественно открыли этап чемпионата мира по водно-моторному спорту в Кыргызстане. Prezident.uz|Facebook|Instagram|YouTube|X

Oʻzbekiston Respublikasi Prezidenti Shavkat Mirziyoyev Markaziy Osiyo va Ozarbayjon davlat rahbarlari bilan birgalikda Issiqkoʻlda suv-motor sporti boʻyicha Qirgʻiziston Gran-prisining ochilish marosimida ishtirok etdi. — Президент Республики Узбекистан Шавкат Мирзиёев вместе с главами государств Центральной Азии и Азербайджана принял участие в церемонии открытия Гран-при Кыргызстана по водно-моторному спорту на озере Иссык-Куль. #Mirziyoyev #sammit #Maslahatuchrashuvi #sport Prezident.uz|Facebook|Instagram|YouTube|X

Yakkabog‘da zamonaviy padel sport maydoni foydalanishga topshirildi Qashqadaryo viloyati, Yakkabog‘ tumanidagi 1-sonli sport maktabi hududida zamonaviy padel sport maydoni foydalanishga topshirildi. Sport vazirligi hamda Milliy olimpiya qo‘mitasi rahbariyatining Qashqadaryo viloyatiga xizmat safari davomida berilgan topshiriqlar ijrosi doirasida Milliy olimpiya qo‘mitasi mablag‘lari hisobidan bunyod etilgan mazkur sport inshooti hududda sport infratuzilmasini yanada rivojlantirishga xizmat qiladi. Padel sport turi tennis va skvosh elementlarini o‘zida mujassam etgan bo‘lib, bugungi kunda dunyoning ko‘plab mamlakatlarida tobora ommalashib bormoqda. Ushbu sport turi barcha yosh toifalari uchun mosligi hamda sog‘lom turmush tarzini targ‘ib etishdagi ahamiyati bilan ajralib turadi. Yangi sport maydonining foydalanishga topshirilishi munosabati bilan 1-sonli sport maktabi birinchiligi doirasida padel bo‘yicha ilk musobaqa o‘tkazildi. Unda yosh sportchilar o‘z mahoratini namoyish etib, g‘oliblik uchun qizg‘in bahslarda ishtirok etdi. Mazkur zamonaviy sport inshooti hududda padel sport turini keng ommalashtirish, iqtidorli yoshlarni saralash hamda ularni respublika va xalqaro musobaqalarga puxta tayyorlash uchun mustahkam zamin yaratadi. Web-Sayt | Telegram | Facebook | Instagram | Youtube

📍 Qoraqalpog‘iston Respublikasi Nukus shahrida🖐 "Besh tashabbus olimpiadasi" doirasida sportning 🏐voleybol turidan 16-21 va 22-30 yosh oralig‘idagi o‘g‘il bolalar va qizlar o‘rtasida Ichki Ishlar Vaziri kubogining Qoraqalpog‘iston Respublikasi bosqichi bo‘lib o‘tdi.

📑 Unda respublikaning barcha shahar va tuman bosqichlarida g‘olib bo‘lgan jamoalar g‘oliblik uchun bahslashdi.

🏆 Qizg‘in bahslarga boy bo‘lgan musobaqa yakunida g‘olib jamoalar tashkilotchilar tomonidan diplom va sport kiyimlari bilan taqdirlandi. Web-Sayt | Telegram | Facebook | Instagram | Youtube

Prezident Shavkat Mirziyoyev ishtirokida shu yilning iyul oyida o‘tgan asosiy tadbir va voqealar Prezident.uz|Facebook|Instagram|YouTube|X

Sirdaryoda zamonaviy sport inshootlari qurilishi nazoratda: vazirlik mas'ullari obyektlarni o‘rgandi ⚡️ Sirdaryo viloyatida sport infratuzilmasini yanada rivojlantirish va bunyodkorlik ishlarini jadallashtirish maqsadida Sport vazirligi Ijro apparati rahbari Bobur Hamrayev, vazirlik bo‘lim boshlig‘i Sherzod Olimov tomonidan qurilish hamda rekonstruksiya ishlari olib borilayotgan sport inshootlari o‘rganildi. ✔️Kun yakunida mas'ullar Guliston shahrida 5 gektar maydonda bunyod etilayotgan xalqaro Gandbol markazi, qurilish ishlari yakunlangan Badminton zali hamda mukammal ta'mirlanayotgan "Alpomish" sport majmuasi faoliyati bilan joyiga chiqib tanishdi. ➡️ O‘rganish davomida amalga oshirilayotgan qurilish va ta'mirlash ishlari sifati, obyektlarning zamonaviy talablarga muvofiqligi hamda foydalanishga topshirish jarayonlari muhokama qilindi. Web-Sayt | Telegram | Facebook | Instagram | Youtube

Jizzax va Sirdaryo viloyatlarida Vazirlar Mahkamasining “Sport maktablari faoliyatini tizimli tashkil etishning qo‘shimcha chora-tadbirlari to‘g‘risida”gi qarori mazmun-mohiyatiga bag‘ishlangan taqdimotlar o‘tkazildi Tadbirlarda Sport vazirligi Ijro apparati rahbari Bobur Hamrayev, vazirlik bo‘lim boshlig‘i Sherzod Olimov, hududiy sport boshqarmalari rahbarlari, sport maktablari direktorlari, trener-seleksionerlar hamda soha mutaxassislari ishtirok etdi. Taqdimotlar davomida qaror bilan joriy etilayotgan yangi mexanizmlar yuzasidan batafsil ma’lumot berildi. Xususan, 2026-yil 1-sentabrdan sport maktablarini hududlarning real ehtiyoji, aholining muayyan sport turlariga qiziqishi, mavjud infratuzilma, trenerlar salohiyati hamda sportchilarning erishgan natijalari asosida ixtisoslashtirish, ushbu jarayonni har yili qayta ko‘rib chiqish tartibi tushuntirildi. Shuningdek, aholini ommaviy sportga keng jalb qilish, iqtidorli yoshlarni aniqlash va sport maktablariga seleksiya qilishning yagona tizimini joriy etish, sport maktablari xodimlarini aniq natijalar asosida har oylik ustamalar bilan rag‘batlantirish hamda ustamalarni hisoblashning yangi mezonlari haqida so‘z yuritildi. Taqdimotlarda sportchilar, trenerlar va mashg‘ulotlar hisobini ERP Sport axborot tizimi orqali raqamlashtirish, ommaviy sport bilan qamrovni baholashda rasmiy demografik ma’lumotlar hamda elektron tizim ma’lumotlaridan foydalanish, mahallalarda faoliyat yuritayotgan o‘zini o‘zi band qilgan trenerlarni davlat sport tizimiga integratsiya qilish bo‘yicha belgilangan vazifalar ham atroflicha tushuntirildi. Shuningdek, sport maktablari faoliyatini hududlar ehtiyojidan kelib chiqib uxtisoslashtirish, ommaviy sport bilan qamrovni kengaytirish, iqtidorli yoshlarni erta aniqlash va seleksiya tizimini takomillashtirish, sohada raqamli boshqaruvni keng joriy etish hamda davlat mablag‘laridan natijadorlik tamoyili asosida samarali foydalanish masalalariga alohida e’tibor qaratildi. Taqdimotlar yakunida qaror ijrosini hududlarda samarali tashkil etish, belgilangan vazifalarni o‘z vaqtida va sifatli amalga oshirish yuzasidan ishtirokchilarning savollariga javob qaytarilib, tegishli tavsiyalar berildi. Web-Sayt | Telegram | Facebook | Instagram | Youtube

Olimpiya shaharchasi va Islom sivilizatsiyasi markazi bo‘ylab ma’naviy-ma’rifiy sayohat tashkil etildi O‘zbekiston Respublikasi Sport vaziri hamda Milliy Olimpiya qo‘mitasi rahbariyatining Andijon viloyatiga tashrifi chog‘ida Bo‘ston tumanida soglom turmush tarziga rioya qilgan holda sport bilan faol tarzda shugullanib kelayotgan “Pillakor” mahalla fuqarolar yig‘ini aholisi uchun poytaxt bo‘ylab ma’naviy-ma’rifiy sayohat tashkil etish belgilangan edi. Sayohat ishtirokchilari dastlab O‘zbekiston davlat sport akademiyasida kutib olinib, Olimpiya shaharchasidagi zamonaviy sport inshootlari, o‘quv-mashg‘ulot bazalari hamda sportchilar uchun yaratilgan shart-sharoitlar bilan yaqindan tanishdi. Shuningdek, akademiya mehmonxonasida mehmonlar uchun munosib sharoitlar yaratildi. Shundan so‘ng ishtirokchilar Islom sivilizatsiyasi markaziga tashrif buyurib, muzey majmuasi bo‘ylab ekskursiyada qatnashdi. Ular xalqimizning boy tarixiy, ilmiy va ma’naviy merosini aks ettiruvchi noyob eksponatlar hamda zamonaviy ekspozitsiyalar bilan tanishdi. Mazmunli sayohat davomida yoshlarning sportga qiziqishini yanada oshirish, ma’naviy-ma’rifiy dunyoqarashini kengaytirish hamda ularda vatanparvarlik tuyg‘ularini mustahkamlashga alohida e’tibor qaratildi. Web-Sayt | Telegram | Facebook | Instagram | Youtube

🖐 “Besh tashabbus olimpiadasi” doirasida voleybol bo‘yicha Andijon viloyati bosqichi g‘oliblari aniqlandi 📍 Andijon davlat tibbiyot instituti yotoqxonasining sport zalida 30–31-iyul kunlari “Besh tashabbus olimpiadasi” doirasida voleybol sport turi bo‘yicha viloyat bosqichi musobaqalari bo‘lib o‘tdi. 🔺Musobaqalarda viloyatning shahar va tumanlaridan saralab olingan jamoalar 16–21 hamda 22–30 yosh toifalarida o‘g‘il bolalar va qizlar o‘rtasida o‘zaro bahslashdi. Murosasiz va qiziqarli kechgan uchrashuvlar davomida ishtirokchilar o‘z mahorati, jismoniy tayyorgarligi va jamoaviy hamjihatligini namoyon etdi. 🏆 Musobaqa yakunlariga ko‘ra, har bir yosh toifasi va yo‘nalishida g‘olib hamda sovrindor jamoalar aniqlanib, diplom va esdalik sovg‘alari bilan taqdirlandi. ✔️ O‘z yosh toifalarida birinchi o‘rinni egallagan jamoalar “Besh tashabbus olimpiadasining respublika bosqichida Andijon viloyati sharafini himoya qilish imkoniyatini qo‘lga kiritdi. Web-Sayt | Telegram | Facebook | Instagram | Youtube

Boks bo‘yicha U-17 yosh toifasidagi sportchilar o‘rtasida O‘zbekiston kubogi musobaqasi yakunlandi 24–31-iyul kunlari Qashqadaryo viloyatining Qarshi shahrida boks bo‘yicha U-17 yosh toifasidagi sportchilar o‘rtasida O‘zbekiston kubogi musobaqasi bo‘lib o‘tdi. Musobaqaning tantanali taqdirlash marosimida Qarshi shahar hokimi, Qashqadaryo viloyati boks federatsiyasi raisi Normo‘min Xolboyev, Qashqadaryo viloyati Sport boshqarmasi boshlig‘i Vahob Ro‘ziyev, O‘zbekiston boks federatsiyasi mutasaddilari, murabbiylar, hakamlar, sportchilar hamda keng jamoatchilik vakillari ishtirok etdi. Bir hafta davomida mamlakatimizning turli hududlaridan tashrif buyurgan iqtidorli charmqo‘lqop ustalari g‘oliblik uchun murosasiz va qiziqarli bahslar olib borishdi. Musobaqa yuqori saviyada tashkil etilib, yosh bokschilarning mahoratini namoyon etish, iqtidorli sportchilarni saralash hamda O‘zbekiston boksining munosib zaxirasini shakllantirishda muhim ahamiyat kasb etdi. Musobaqa yakunlariga ko‘ra, 5 ta oltin, 3 ta kumush va 2 ta bronza medalini qo‘lga kiritgan Respublika olimpiya va paralimpiya sport turlariga tayyorlash markazi jamoasi umumjamoa hisobida birinchi o‘rinni egalladi. Ikkinchi o‘rin 2 ta oltin, 2 ta kumush va 2 ta bronza medali bilan mezbon Qashqadaryo viloyati jamoasiga nasib etdi. Faxrli uchinchi o‘rinni esa 2 ta oltin, 1 ta kumush va 1 ta bronza medal jamg‘argan Bahodir Jalolov maktabi jamoasi qo‘lga kiritdi. Web-Sayt | Telegram | Facebook | Instagram | Youtube

Farg‘ona viloyatida zamonaviy o‘q otish sport majmuasi tantanali ravishda foydalanishga topshirildi Farg‘ona viloyatida o‘q otish sport turini rivojlantirish, yoshlarni harbiy-vatanparvarlik ruhida tarbiyalash hamda zamonaviy sport infratuzilmasini yaratish borasidagi izchil ishlar o‘z samarasini bermoqda. Qariyb 5 milliard so‘m mablag‘ evaziga zamonaviy o‘q otish sport majmuasi bunyod etildi. Mazkur sport obyektining tantanali ochilish marosimi bo‘lib o‘tdi. Tadbirda O‘zbekiston Respublikasi Mudofaa vaziri, general-leytenant Shuhrat Xalmuxamedov, Farg‘ona viloyati hokimi Xayrullo Bozorov, jamoatchilik vakillari, sport faxriylari, murabbiylar hamda sportchi yoshlar ishtirok etdi. Majmuada sportchilar uchun barcha zamonaviy sharoitlar yaratilgan. Xususan, 20 yo‘nalishli 10 metrli o‘quv o‘q otish maydoni, 50 metrli amaliy o‘q otish maydoni hamda fotoelektron trenajyor zali tashkil etilgan. Ushbu infratuzilma sportchilarning nazariy va amaliy tayyorgarligini yuqori saviyada olib borish imkonini beradi. Bugungi kunda viloyatda 184 nafar sportchi o‘q otish sporti bilan muntazam shug‘ullanmoqda. Shuningdek, sport turini yanada ommalashtirish maqsadida mobil o‘q otish tirlari ham foydalanishga topshirilgan. Farg‘ona viloyati sportchilari respublika va xalqaro musobaqalarda munosib ishtirok etib, yuqori natijalarni qayd etmoqda. Yangi sport majmuasining foydalanishga topshirilishi esa o‘q otish sportini yanada rivojlantirish, iqtidorli yoshlarni qo‘llab-quvvatlash hamda xalqaro maydonlarda yurtimiz sharafini munosib himoya qiladigan sportchilar safini kengaytirishga xizmat qiladi. Web-Sayt | Telegram | Facebook | Instagram | Youtube

Xalq deputatlari Jizzax viloyati Kengashining 32-sessiyasi bo‘lib o‘tdi O‘zbekiston Respublikasi Prezidenti huzurida jismoniy tarbiya va sport sohasini yangi bosqichga olib chiqish masalalari yuzasidan o‘tkazilgan videoselektor yig‘ilishida berilgan topshiriqlar ijrosini Jizzax viloyatida tashkil etish bo‘yicha amalga oshiriladigan ishlar muhokamasiga bag‘ishlangan Xalq deputatlari Jizzax viloyati Kengashining navbatdan tashqari sessiyasi bo‘lib o‘tdi. Sessiya ishida Jizzax viloyati hokimi Ulugʻbek Mustafoyev, Sport vaziri Adkham Ikramov, Xalq deputatlari Jizzax viloyati Kengashi raisi Bayrambek Uzakov, Sport vazirligi Ijro apparati rahbari Bobur Hamrayev hamda viloyatdagi sport sohasi vakillari va deputatlar ishtirok etdi. Sessiya davomida viloyatda jismoniy tarbiya va sport sohasini rivojlantirish borasida amalga oshirilayotgan ishlar, sport ta’lim muassasalari faoliyati samaradorligi, ommaviy sportni rivojlantirish hamda milliy terma jamoalar uchun sportchilar zaxirasini shakllantirish masalalari muhokama qilindi. Qayd etilganidek, joriy yilda viloyatda “Besh tashabbus olimpiadasi” doirasida o‘tkazilgan musobaqalarda 501 ming nafardan ortiq yosh ishtirok etdi, ommaviy sport musobaqalari orqali esa 1 980 nafar iqtidorli yosh sport maktablariga seleksiya qilindi. Shu bilan birga, ayrim sport maktablarining faoliyati va milliy terma jamoalarga sportchi yetkazib berish ko‘rsatkichlari tanqidiy tahlil qilindi. Muhokamalar davomida Yaponiyaning Aichi va Nagoya shaharlarida bo‘lib o‘tadigan yozgi Osiyo va Paraosiyo o‘yinlariga viloyat sportchilarini puxta tayyorlash, ommaviy sport qamrovini kengaytirish hamda sport infratuzilmasini yanada rivojlantirish bo‘yicha ustuvor vazifalar belgilab olindi. Sessiya yakunida deputatlar tomonidan Jizzax viloyatida jismoniy tarbiya va sport sohasini rivojlantirish bo‘yicha amalga oshiriladigan chora-tadbirlar rejasi tasdiqlandi. Web-Sayt | Telegram | Facebook | Instagram | Youtube

Jizzax viloyatida sport infratuzilmasini rivojlantirish bo‘yicha izchil ishlar amalga oshirilmoqda Sport vaziri Adkham Ikramov Jizzax viloyatiga tashrifi davomida hududdagi bir qator sport obyektlarida bo‘lib, ularning faoliyati, yaratilgan shart-sharoitlar hamda sportchilarning mashg‘ulot jarayonlari bilan tanishdi. Dastlab vazir Milliy olimpiya qo‘mitasi tomonidan ajratilgan mablag‘lar hisobidan Yakkakurashga ixtisoslashtirilgan sport maktabida bunyod etilayotgan qilichbozlik zali qurilishini ko‘zdan kechirdi. Qurilish ishlarining borishi, obyektni belgilangan muddatlarda sifatli yakunlash hamda zamonaviy sport infratuzilmasini yaratish masalalari muhokama qilinib, mas’ullarga tegishli topshiriqlar berildi. Shundan so‘ng Sport vaziri So‘g‘diyona markaziy stadionida joylashgan Gimnastikaga ixtisoslashtirilgan sport maktabi faoliyati bilan tanishdi. “Prezident olimpiadasii” sport musobaqasining respublika bosqichiga yo‘llanmani qo‘lga kiritgan gimnastikachilarning mashg‘ulot jarayonlari kuzatilib, sportchilar va murabbiylar bilan muloqot qilindi. Tashrif davomida Suv sport turlariga ixtisoslashtirilgan sport maktabida ham bo‘linib, suzish havzasi va unda yaratilgan shart-sharoitlar ko‘zdan kechirildi. Mashg‘ulot jarayonlari bilan tanishgan vazir murabbiylar bilan suhbatlashib, ularning faoliyati davomida uchrayotgan muammolar, mavjud kamchiliklar hamda ularni bartaraf etish bo‘yicha takliflarini tingladi. Tashrif yakunida sport infratuzilmasidan samarali foydalanish, sport obyektlarining moddiy-texnik bazasini yanada mustahkamlash, mashg‘ulotlar sifatini oshirish hamda sportchilarni nufuzli respublika va xalqaro musobaqalarga puxta tayyorlash yuzasidan mas’ullarga tegishli topshiriqlar berildi. Web-Sayt | Telegram | Facebook | Instagram | Youtube

Shahnoza Mamajonova para o‘q otish bo‘yicha Jahon kubogi g‘olibi Serbiyaning Novi-Sad shahrida para o‘q otish bo‘yicha joriy yil hisobidan ilk Jahon kubogi turniri o‘z nihoyasiga yetdi. Turnirda 51 mamlakatdan 300 nafarga yaqin sportchilar ishtirok etishdi. Yetti kun davom etgan musobaqaning so‘nggi kunida milliy terma jamoamiz a’zosi Shahnoza Mamajonova (Sh1A klassi) P2 yo‘nalishidagi 10 metr masofaga pnevmatik to‘pponchadan otish dasturida 232.6 ochko jamg‘arib, oltin medalga ega chiqdi. Para o‘q otish, Jahon kubogi (Novi-Sad) P2, 10 m pnevmatik to‘pponchadan otish 🥇Shahnoza Mamajonova (🇺🇿O‘zbekiston) — 232.6 🥈Aysel Ozgan (🇹🇷Turkiya) — 231.5 🥉Sareh Javanmardi (🇮🇷Eron) — 213. Web-Sayt | Telegram | Facebook | Instagram | Youtube