Sport vazirligi

🗣 Olimpiya shaharchasida Sport maktablari direktorlari uchun tashkil etilgan o‘quv-seminarlar davom etmoqda 🟢 Sport maktablari direktorlari uchun tashkil etilgan o‘quv-seminarlarida Sport vaziri o‘rinbosari Shaxrillo Maxmudov tomonidan sport sohasida amalga oshirilayotgan islohotlar, tizim oldida turgan ustuvor vazifalar hamda sport maktablari faoliyati samaradorligini yanada oshirish masalalari yuzasidan ma’ruza qilindi.

📑 Shuningdek, Sport maktablari faoliyatini muvofiqlashtirish bo‘limi boshlig‘i Muzaffarxo‘ja Rahmatxo‘jayev ishtirok etib, sport maktablari faoliyatini tartibga solish bo‘yicha yangi qabul qilingan me’yoriy hujjatlar yuzasidan ma’ruza qildi.

💬 Ma’ruzalar davomida sport maktablari faoliyatini samarali tashkil etish, boshqaruv tizimini takomillashtirish, hujjat yuritish tartibi, sport ta’limi sifati hamda yangi talablarni amaliyotga to‘liq tatbiq etish masalalariga alohida e’tibor qaratildi. 🫥 Shuningdek, hududlarda sportni ommalashtirish, yoshlarni sport mashg‘ulotlariga keng jalb etish hamda sport maktablari faoliyatiga zamonaviy boshqaruv tamoyillarini joriy etish bo‘yicha fikr-mulohazalar almashildi. Web-Sayt | Telegram | Facebook | Instagram | Youtube

Vatan uchun, gʻalaba uchun, bir maqsad sari! Olgʻa Oʻzbekiston oʻgʻlonlari! Web-Sayt | Telegram | Facebook | Instagram | Youtube

Sport ta’lim muassasalarida geokollektorlar o‘rnatish ishlari izchil davom ettirilmoqda Sport vaziri Adkham Ikramovning Farg‘ona viloyatiga tashrifi davomida sport ta’lim muassasalarida geokollektorlar o‘rnatish bo‘yicha shakllangan ilg‘or tajribani respublikaning boshqa hududlarida ham joriy etish yuzasidan tegishli topshiriqlar berilgan edi. Mazkur topshiriq ijrosini ta’minlash maqsadida bugungi kunga qadar Farg‘ona viloyatidagi 12 ta sport ta’lim muassasasida umumiy sig‘imi 3800 litr bo‘lgan geokollektorlar o‘rnatildi. Mutaxassislar hisob-kitoblariga ko‘ra, ushbu geokollektorlar har biri 80 litr sig‘imga ega bo‘lgan qariyb 47–50 ta elektr suv isitkichlari o‘rnini bosish imkonini beradi. Natijada suvni isitish uchun sarflanadigan elektr energiyasi sezilarli darajada kamayadi. O‘rtacha hisobda kuniga 180–220 kVt·soat elektr energiyasi tejalib, yil davomida bu ko‘rsatkich 65–80 ming kVt·soatga yetishi kutilmoqda. Amalga oshirilayotgan ushbu ishlar sport ta’lim muassasalarida energiya samaradorligini oshirish, elektr energiyasi sarfini qisqartirish hamda sportchi va murabbiylar uchun yanada qulay shart-sharoitlar yaratishga xizmat qilmoqda. Web-Sayt | Telegram | Facebook | Instagram | Youtube

Respublika olimpiya va paralimpiya sport turlariga tayyorlash markazi tashkil etilganining 65 yilligiga bag‘ishlangan ma’rifiy tadbir bo‘lib o‘tdi. Tadbirida O‘zbekiston Respublikasi Sport vaziri oʻrinbosari Shaxrillo Maxmudov, MOQ raisi oʻrinbosari Sherzod Tashmatov, Milliy paralimpiya qo‘mitasi raisi oʻrinbosari Hikmat Toshmatov, markazning turli yillardagi bitiruvchilari, faxriy mehmonlar, taniqli sportchilar, murabbiylar hamda markaz jamoasi ishtirok etdi. Ta’kidlash joizki, respublika olimpiya va paralimpiya sport turlariga tayyorlash markazi 65 yillik faoliyati davomida mamlakatimiz sporti rivojiga salmoqli hissa qo‘shib kelmoqda. Ushbu tabarruk dargohda tahsil olgan va sport mahoratini oshirgan ko‘plab yoshlar keyinchalik Olimpiya va Paralimpiya o‘yinlari, jahon hamda Osiyo chempionatlarida yuksak natijalarga erishib, O‘zbekiston bayrog‘ini xalqaro maydonlarda baland ko‘tarib kelishmoqda. Markaz tarixida Olimpiya va Paralimpiya o‘yinlari chempionlari va sovrindorlari, jahon va Osiyo chempionlari, xalqaro hamda respublika miqyosidagi musobaqalar g‘oliblarini tarbiyalab yetishtirish alohida o‘rin tutadi. Bugungi kunda ham mazkur maskanda iqtidorli yosh sportchilarni saralash, ularning jismoniy va ma’naviy salohiyatini yuksaltirish, professional sportga tayyorlash bo‘yicha tizimli ishlar davom ettirilmoqda. Tantanali marosimda markazning ko‘p yillik samarali faoliyati, mamlakatimizda olimpiya va paralimpiya harakatini rivojlantirishdagi munosib hissasi hamda erishilgan yutuqlar alohida e’tirof etildi. Shuningdek, sport sohasida fidokorona mehnat qilib kelayotgan, yosh sportchilarni tarbiyalash va markaz faoliyatini rivojlantirishga munosib hissa qo‘shgan bir guruh jonkuyar xodimlar O‘zbekiston Respublikasi Sport vazirligining “Jismoniy tarbiya va sport aʼlochisi” ko‘krak nishonlari bilan taqdirlandi. Mukofotlanganlarga ko‘krak nishonlari va esdalik sovg‘alari tantanali ravishda topshirildi. Tadbir davomida markazning 65 yillik tarixini, erishilgan yutuqlarini va uning mashhur bitiruvchilari faoliyatini aks ettiruvchi lavhalar namoyish etildi. So‘zga chiqqan faxriylar, sport mutasaddilari va bitiruvchilar markaz bilan bog‘liq xotiralari bilan o‘rtoqlashib, jamoaga kelgusidagi faoliyatida yangi zafarlar tiladilar. Xonandalar va san’atkorlar tomonidan ijro etilgan kuy-qo‘shiqlar tadbirga o‘zgacha fayz va ko‘tarinki kayfiyat bag‘ishladi. Respublika olimpiya va paralimpiya sport turlariga tayyorlash markazining 65 yillik yubileyi nafaqat ushbu dargoh jamoasi, balki mamlakatimiz sport jamoatchiligi uchun ham muhim sana bo‘ldi. Markaz kelgusida ham yangi iste’dodlarni kashf etish, xalqaro maydonlarda yurtimiz sharafini munosib himoya qiladigan kuchli va vatanparvar sportchilarni tarbiyalash yo‘lida izchil faoliyat olib boradi. Web-Sayt | Telegram | Facebook | Instagram | Youtube

🏆 Kolumbiyaga qarshi uchrashuvda #MilliyJamoa’ni stadiondan qo‘llab-quvvatlab, Jahon chempionati timsoliga aylangan kichik muxlisimiz — Isfandiyor bugun oilasi bilan jamoamiz mashg‘ulotida ishtirok etdi. Futbolchilarimiz u bilan suratga tushib, esdalik sovg‘alarini topshirishdi. Web-Sayt | Telegram | Facebook | Instagram | Youtube

Sport gimnastikasi boʻyicha Osiyo chempionatida hamyurtlarimiz oltin va bronza medallarini qoʻlga kiritishdi Xitoyning Zunyi shahrida sport gimnastikasi boʻyicha erkaklar oʻrtasida yoshlar va kattalar toifalaridagi Osiyo chempionati boʻlib oʻtmoqda. Musobaqaning bugungi kunida hamyurtlarimiz 1 tadan oltin va bronza medallariga sazovor boʻlishdi. Har ikki medal sport otidagi mashq dasturida qoʻlga kiritildi. Kattalar oʻrtasidagi bellashuvlarda Oʻtkirbek Joʻrayev eng yuqori ballni jamgʻargan boʻlsa, yoshlar toifasida Timur Kamayev shohsupaning uchinchi pogʻonasidan joy oldi. Web-Sayt | Telegram | Facebook | Instagram | Youtube

Onix Cup ishtirokchilariga Chevrolet Onix avtomobillari topshirildi Bugun Toshkent shahridagi Olimpiya shaharchasida Onix Cup milliy poyga seriyasi ishtirokchilariga Chevrolet Onix avtomobillarini tantanali topshirish marosimi bo‘lib o‘tdi. Tadbirda O‘zbekiston Respublikasi Sport vaziri o‘rinbosarlari Shaxrillo Maxmudov, O‘zbekiston Milliy avtomobil va mototsikl federatsiyasi (NAFKU) raisi Anvar Ergashev, federatsiya bosh kotibi Aleks Tsoy, UzAuto AJ boshqaruvi raisining o‘rinbosari Davron Hidoyatov, Ralli qo’mitasi raisi Alim Axmadjonov, NAFKU ijrochi direktori Marat Xaydarov hamda sportchilar va soha mutaxassislari ishtirok etdi. Mazkur loyiha Sport vazirligi, NAFKU hamda UzAuto hamkorligida amalga oshirilib, mamlakatda avtomobil sportini rivojlantirish, yosh va istiqbolli pilotlarni qo‘llab-quvvatlash hamda xalqaro standartlarga mos sport tizimini shakllantirishga xizmat qiladi. Tadbir davomida Onix Cup musobaqalari O‘zbekistonda ishlab chiqarilgan Chevrolet Onix avtomobillarida o‘tkazilishi alohida ta’kidlandi. Ushbu tashabbus milliy avtomobil sanoati, sport hamjamiyati va davlat tashkilotlari o‘rtasidagi samarali hamkorlikning amaliy natijasi hisoblanadi. Onix Cup loyihasi yosh sportchilar uchun yangi imkoniyatlar yaratish, ularning professional mahoratini oshirish hamda O‘zbekiston avtomobil sportining xalqaro maydondagi raqobatbardoshligini kuchaytirishga qaratilgan. Web-Sayt | Telegram | Facebook | Instagram | Youtube

🏑 Chim ustida xokkey boʻyicha O‘zbekiston o‘smirlar terma jamoasi Qozog‘istonga jo‘nab ketdi 2026-yil 23-iyun – 1-iyul kunlari Qozog‘istonning Taldiqo‘rg‘on shahrida chim ustida xokkey bo‘yicha erkaklar o‘rtasidagi Junior AHF Cup musobaqasi bo‘lib o‘tadi. Mazkur nufuzli xalqaro turnirda ishtirok etish uchun O‘zbekiston o‘smirlar terma jamoasi Taldiqo‘rg‘on shahriga jo‘nab ketdi. Musobaqada yurtimiz sharafini himoya qiladigan sportchilar yuqori natijalar qayd etish va sovrinli o‘rinlar uchun kurash olib borishadi. Web-Sayt | Telegram | Facebook | Instagram | Youtube

“Besh tashabbus olimpiadasi” doirasidagi viloyat bosqichi musobaqalari o‘tkazildi Farg‘ona viloyatida “Besh tashabbus olimpiadasi” doirasida sportning shashka, shaxmat va gimnastrada turlari bo‘yicha viloyat bosqichi musobaqalari yuqori saviyada tashkil etildi. Musobaqalarda viloyatning barcha shahar va tumanlaridan ishtirokchilar qatnashib, o‘z mahorati va tayyorgarlik darajasini namoyon etdilar. Musobaqalarning ochilish marosimida Farg‘ona viloyati sport boshqarmasi boshlig‘i Nodirbek Hakimov so‘zga chiqib, yoshlarni ommaviy sportga jalb etish va sog‘lom turmush tarzini targ‘ib etish masalalariga to‘xtaldi. Musobaqalar yakunida g‘olib va sovrindorlar munosib taqdirlandi. Web-Sayt | Telegram | Facebook | Instagram | Youtube

AQSH va Kanadadagi vatandoshlar ko‘magida O‘zbekiston milliy terma jamoasi futbolchilari suratlari hamda milliy ramzlar aks ettirilgan maxsus yuk avtomobillari tayyorlandi. Mazkur avtoyurishning dastlabki bosqichi 16-iyun kuni AQSHning Pensilvaniya shtati Filadelfiya shahridan, 17-iyun kuni Kanadaning Toronto va Ottava shaharlaridan hamda 18-iyun kuni AQSHning Florida shtati Orlando shahridan boshlandi. Loyihaning birinchi bosqichida 30–35 ta brendlangan yuk avtomobili harakatga chiqarilishi ko‘zda tutilgan bo‘lib, keyinchalik ularning soni bosqichma-bosqich 100 taga yetkaziladi. Ushbu yuk avtomobillari FIFA Jahon chempionati davomida AQSH va Kanadaning yirik shaharlari, asosiy transport yo‘llari, turistik maskanlari hamda jamoat hududlarida harakatlanadi. Avtoyurish marshruti AQSHning sharqiy, markaziy va g‘arbiy hududlari, shuningdek, Kanadaning yirik provinsiyalarini qamrab oladi. Umumiy hisobda avtoyurish yo‘nalishi 30 ming kilometrdan ortiq masofani tashkil etib, Shimoliy Amerikaning o‘nlab shaharlarida O‘zbekiston terma jamoasini keng targ‘ib qilish va muxlislar qo‘llovini kuchaytirishga xizmat qiladi. Web-Sayt | Telegram | Facebook | Instagram | Youtube

AQSH va Kanadada O‘zbekiston milliy terma jamoasini qo‘llab-quvvatlash maqsadida milliy terma jamoamiz a’zolari va oq boʻri tasviri aks etgan yuk avtomobillari avtoyurishi yo‘lga qo‘yildi Web-Sayt | Telegram | Facebook | Instagram | Youtube

Poytaxtimizda “27 iyun – Matbuot va ommaviy axborot vositalari xodimlari kuni”munosabati bilan stol tennisi bo‘yicha “Jurnalistlar kubogi – 2026” turniri bo‘lib o‘tmoqda Bugun O‘zbekiston stol tennisi federatsiyasida start olgan “Jurnalistlar kubogi – 2026” turnirining ochilish marosimida Prezident Xalq qabulxonasi rahbari Farrux Omonov, O‘zbekiston Jurnalistlar uyushmasi raisi Shuhrat Orif, O‘zbekiston stol tennisi federatsiyasi Bosh kotibi Gavharxon Muqaddasova, Sport vazirining axborot siyosati bo‘yicha maslahatchisi-matbuot kotibi Nurbek Salomov, Biznesni rivojlantirish banki mutasaddilari ishtirok etdi. Bugungi kunda ommaviy axborot vositalari va ijtimoiy tarmoqlarda faoliyat ko‘rsatib kelayotgan 60 dan ziyod jurnalist va blogerlarni jamlagan mazkur turnir soha xodimlari o‘rtasida sog‘lom turmush tarzini yanada keng targ‘ib etish va stol tennisi sport turini ommalashtirishda muhim ahamiyatga ega. Tadbirda so‘z olganlar qizg‘in musobaqalarda soha xodimlariga muvaffaqiyatlar tilashdi. Web-Sayt | Telegram | Facebook | Instagram | Youtube

📝 Olimpiya shaharchasida sport maktablari va ixtisoslashtirilgan sport maktablari direktorlari uchun tashkil etilgan o‘quv-seminarlar doirasida “Jismoniy tayyorgarlik darajasi” sport sinovlari hamda test sinovlari o‘tkazildi.

📑 Dastlab seminar ishtirokchilari sport sohasi, boshqaruv faoliyati va amaldagi me’yoriy-huquqiy hujjatlarga oid test sinovlaridan o‘tishdi. Shundan so‘ng, ular qisqa masofaga yugurish, turnikda tortilish, gimnastik o‘rindiqda tayanib qo‘llarni bukib-yozish hamda turgan joydan uzunlikka sakrash kabi sport sinovlarini topshirdilar.

🟢 Shuningdek, seminar doirasida sport maktablari direktorlari o‘rtasida basketbol 3x3, sohil voleyboli va mini futbol bo‘yicha sport musobaqalari ham tashkil etildi. Web-Sayt | Telegram | Facebook | Instagram | Youtube

Poytaxtimiz Toshkent mezbonlik qiladigan 2027-yilgi para yengil atletika bo‘yicha Jahon chempionati start olishiga roppa-rosa 1 yil qoldi! Muhtasham "Olimpiya" stadioni kelgusi yilning iyun oyida 9 kun davomida dunyo birinchiligini o'zida qabul qiladi. Web-Sayt | Telegram | Facebook | Instagram | Youtube

🗣Iqtidorli yoshlarni saralash orqali yuqori natijadorlikka erishish mavzusida taqdimot o‘tkazildi 📝 Sport maktablari va ixtisoslashtirilgan sport maktablari direktorlari uchun Sport vazirligi tomonidan tashkil etilgan o‘quv-seminarda “Iqtidorli yoshlarni saralab olish orqali yuqori natijadorlikka erishish” mavzusida taqdimot o‘tkazildi.

📑 Taqdimot davomida sport turlariga saralash bosqichlari, yuqori malakali sportchilarning model ko‘rsatkichlarini aniqlash hamda sport maktablari va ixtisoslashtirilgan sport maktablari sportchi-o‘quvchilarining mobil laboratoriya orqali o‘rganish natijalari tahlili yuzasidan batafsil ma’lumotlar berildi.

🟢 Shuningdek, Sport vazirligi Oliy va professional sport ta’lim muassasalari bilan ishlash bo‘limi boshlig‘i Muqum Arzikulov tomonidan oliy ta’lim muassasalarida kadrlarga bo‘lgan ehtiyoj, kadrlar tayyorlash tizimi, sport sohasidagi oliy ta’lim muassasalarida tayyorlanayotgan mutaxassislar hamda kirish imtihonlarida sportchilarga taqdim etiladigan imtiyozlar haqida atroflicha ma’lumot berildi. ⏺ Taqdimot yakunida mamlakatimizda iqtidorli yoshlarni sport turlariga saralash va yo‘naltirish, ularni sport ta’lim muassasalari bilan uzviy hamkorlik asosida qo‘llab-quvvatlash bo‘yicha tizimli ishlarni yanada kuchaytirish yuzasidan kelgusidagi vazifalar belgilab olindi. Web-Sayt | Telegram | Facebook | Instagram | Youtube

O’zbekiston uchun qayg’urib, dunyoga mashhur bo’lgan Isfandiyor O’zbekiston — Kolumbiya o’yinidan keyin yuqoridagi video dunyo mediasida tarqalib, mashhurlikka erishmoqda. Terma jamoamiz gol o’tkazib yuborgach, jajji Isfandiyor ko’z yoshlarini tiya olmadi. Yaqin atrofda o’tirgan kolumbiyaliklar esa “O’zbekiston!”, “O’zbekiston!” deya hayqirib, bolakayning ko’nglini ko’tarishga harakat qilishdi. Bu video butun dunyo bo’ylab virus misoli tarqalmoqda. Jumladan, salkam 80 mln obunachisiga ega 433 nashri ham ushbu videoni o’z sahifasiga yuklagan, hozirgacha 10 milliondan oshiq ko’rilgan. Bitta sahifada shuncha ko’rildi, endi minglab joyda chiqqanini tasavvur qilavering. Sport millati, tili, dini, urf-odati boshqa-boshqa bo’lgan xalqlarni birlashtirish qudratiga ega! #UzbekistanGO 👉 @xushnudbek 👈

Olimpiya shaharchasida sport maktablari va ixtisoslashtirilgan sport maktablari rahbarlari uchun o‘quv-seminarlar tashkil etildi. O‘quv-seminarda ichki nazorat va korrupsiyaga qarshi kurashish sohasida amalga oshirilgan ishlar to‘g‘risida Ichki audit va nazorat boshqarmasi boshlig‘i D.Xodjayev, Korrupsiyaga qarshi kurashish va huquqiy nazorat bo‘limi boshlig‘i D.Buxarov hamda Moliya-iqtisod va buxgalteriya boshqarmasi boshligʻi Z. Gulyamov tomonidan seminar ishtirokchilariga ma’lumotlar berildi. Jumladan, sport-ta’lim muassasalarida budjet to‘g‘risidagi qonunchilik hujjatlarning buzilishi holatlari profilaktikasi va ularni oldini olish bo‘yicha o‘tkazilgan tadbirlarda aniqlanayotgan xato va kamchiliklarning kelib chiqish sabablari, ularni bartaraf etish hamda kelgusida oldini olish yuzasidan tushuntirish ishlari olib borildi.

Shuningdek, Korrupsiyaga qarshi kurashish sohasida amalga oshirilayotgan ishlar to‘g‘risida hamda korrupsiya holatlarini oldini olish bo‘yicha vakolatli davlat organlari, ular tomonidan amalga oshiriladigan chora-tadbirlar, qonunchilik doirasida pora olish va berish uchun belgilangan javobgarlik turlari bo‘yicha batafsil ma’lumotlar berib o‘tildi.

Seminar yakunida ishtirokchilar o‘zlarini qiziqtirgan savollarga batafsil javob olishdi. Web-Sayt | Telegram | Facebook | Instagram | Youtube

🖐 “Besh tashabbus olimpiadasi” doirasida shaxmat va shashka musobaqasining viloyat bosqichi bo'lib o'tdi 📍 Jizzax shahrida “Besh tashabbus olimpiadasi” doirasida shaxmat va shashka sport turidan Jizzax viloyat bosqichi musobaqasi bo‘lib o‘tdi.

📑 Mazkur musobaqada viloyatimizning barcha shahar va tumanlaridan g'oliblikni qo'lga kiritgan 7 yoshdan 70 yoshgacha bo‘lgan havaskor va proffesional shaxmatchilar g'oliblik uchun qizg'in bahs olib borishdi.

🏆 Musobaqa davomida o‘zining yuqori mahorati, puxta o‘ylangan yurishlari va qat’iyati bilan ajralib turgan shaxmatchilar faxrli o‘rinlarni egalladilar. Yakuniy natijalarga ko‘ra, eng kuchli ishtirokchilar aniqlanib, ular munosib ravishda taqdirlandi. Web-Sayt | Telegram | Facebook | Instagram | Youtube

🖐 Andijonda “Besh tashabbus olimpiadasi” doirasidagi shashka musobaqalarining viloyat bosqichi bo‘lib o‘tdi 📍 Andijon shahridagi Universal sport majmuasida “Besh tashabbus olimpiadasi” doirasida shashka sport turi bo‘yicha viloyat bosqichi musobaqalari bo‘lib o‘tdi. ✅ Mazkur musobaqada tuman va shahar bosqichlarida g‘oliblikni qo‘lga kiritgan 16–21, 22–26 hamda 27–30 yosh toifalaridagi ishtirokchilar o‘zaro kuch sinashib, intellektual salohiyati, mantiqiy fikrlashi va strategik mahoratini namoyon etdilar. ✔️ Qizg‘in va murosasiz bahslarga boy o‘tgan musobaqa davomida ishtirokchilar shashka sporti bo‘yicha o‘z bilim va ko‘nikmalarini namoyish etib, g‘oliblik uchun kurash olib bordilar. ♟ Musobaqa yakunlariga ko‘ra, yuqori natijalarni qayd etib, g‘oliblikni qo‘lga kiritgan ishtirokchilar tashkilotchilar tomonidan diplom hamda esdalik sovg‘alari bilan taqdirlandilar. Web-Sayt | Telegram | Facebook | Instagram | Youtube

🖐 “Besh tashabbus olimpiadasi” doirasida “Gimnastrada” musobaqasining Navoiy viloyati bosqichi o‘tkazildi 🔺Navoiy shahridagi “Yoshlar” sport majmuasida “Besh tashabbus olimpiadasi” doirasida gimnastrada musobaqasining Navoiy viloyati bosqichi bo‘lib o‘tdi. 🔺 Musobaqada viloyatimizning ko'plab tumanlaridan kelgan jamoalar o'zaro bellashishdi. Jarayonda ishtirokchilar o‘zlarining tayyorlagan kompozitsiyalarini namoyish etib, ijro mahorati, badiiy ifoda, raqs va gimnastika elementlarini bajarish darajasi bo‘yicha baholandi.

Natijalarga ko'ra 14–30 yosh toifasida g‘olib va sovrindorlar quyidagicha aniqlandi: 🥇 1-o'rinni Uchquduq tumani jamoasi, 🥈 2-o'rinni Xatirchi tumani jamoasi, 🥉 3-o'rinni G‘ozg‘on shahri jamoasi egalladi.

🏆 Musobaqa yakunida g‘olib va sovrindor jamoalar diplom hamda esdalik sovg‘alari bilan taqdirlandi. Web-Sayt | Telegram | Facebook | Instagram | Youtube