የጽርሐ ጽዮን ሐዋርያት ጎላ ቅዱስ ሚካኤል የፍኖተ ብርሃን ሰ/ት/ቤት (Official Channel)

#ነገረ_መስቀል ክፍል-4 ሰላም በስምምነት አብሮ ተከባብሮ ተቻችሎ መኖር ማለት ነው ፡፡ እንዲህ ያለው ሕይወት ደግሞ ፍጹም የዕረፍት ስሜትን የሰጣል ፡፡ ሰው እንዲህ ሲኾን ልክ እንደ ክረምት ወራት በራሱ ሕይወት ውስጥ የዘርእ የአበባ ወርኅ ያልፍና “ ወፍሬሁሰ ለመንፈስ ቅዱስ ተፋቅሮ ፍሥሓ ሰላም ትእግሥት ምጽዋት ኂሩት ሃይማኖት የውሃት ኢዘምዎት ይላል ፡፡” ከተባሉት ከዘጠኙ የመንፈስ ቅዱስ ፍሬያት ታላቁን ፍሬ ሰላምን ያፈራል ገላ = 5 ፥ 22 ፡፡ በእርግጥ ነቢዩ ኢሳይያስ በ9 ፥ 6 ላይ እንደሚነግረን የሰላም አለቃ ኢየሱስ ክርስቶስ ነው ፡፡ እርሱን ሰላም እንያዝ ፡፡ ምድር ክብሩን የምትናገርለትን ፤ ሰማይ የምትመሠክርለትን አይሁድ በጎልጎታ በቀበሩት መስቀል ላይ ተሰቅሎ የአዳነን የሰላምን አለቃ ለመከተል እንድንችል ፡፡ ለዚኽም ነው ቅዱስ ያሬድ “ ትነግር ምድር ፡፡ ወይዜኑ ሰማይ ፡፡ እስመ ተረክበ ዕፀ መስቀል ክቡር በጎልጎታ ዘደፈኑ አይሁድ ፡፡ ይኩን ሰላም ወዛኅን በዲበ ምድር ” ሲል የዘመረልን ፡፡ #የሰላሙ_ንጉሥ_ኢየሱስ_ክርስቶስ_ለሀገራችን_ሰላም_ያድለን! ክፍል-5 ይቀጥላል! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

#ነገረ_መስቀል ክፍል-3 ሳየገድልባት የምትኖር የንጉሥ እናት ንግሥት ናት መስቀሉን ለማግኘት ለምን ፈለገች ፡፡ ስለምንስ መጀመሪያ በዚያ የመጀመሪያው ትዳሯ ውስጥ እያለች መስቀልህን እፈልጋለሁ የሚል ስለትን ተሳለች ፡፡በእውነት የሚገርም ጉዳይ ነው ፡፡ መልሱ ግን እውነተኛ ሰላምን ለማግኘትነው ፡፡ ክርስቶስ ለሰው ልጆች ሰላምን የሰጠው ፡ የሰጠውን ይኽንኑ ሰላም የአጸናውም በመስቀሉ ነው ፡፡ ቅዱስ ጳውሎስ በቆላ = 1 ፥ 21 ፡፡ ላይ “ ወገብረ ሰላመ በመስቀሉ------በመስቀሉ ሰላምን መሠረተ ፡፡ ” ይላል ፡፡ ይኽ ዓለም ሰላም ይገባዋል ፡፡ ለዚኽ ደግሞ መስቀሉ ወደ ክርስቶስ መዳረሻ መንገድ ነው ፡፡ የሰላሙ ጌታ ክርስቶስን አማናዊ ሰላም በመስቀሉ ማግኘት ይቻላል ፡፡ መስቀሉ ራሱ ኀይልን ከሚሰጥ ክርስቶስ ኀይለ ተዐምራትን የታጠቀ ሲኾን እርሱን በክብር በመያዝና በማኖር በእርሱ ማለትም በመስቀሉ ላይ የተከፈለን ዋጋ ማስታወስ የሚቻልበት የጽድቅና የእውነት የሕይወት መንገድን መከተል ይቻላል ፡፡ የመንገድን አቅጣጫ ከሚያስቱ የጠላት ኀይሎች አጋንንት የሚጠብቅ የመዳን መንገድ አመላካች ስለኾነ ኀይሉንም በድንቅ ድንቅ ተዐምራት የሚገጽ በመኾኑ መስቀልን መያዝ አስፈላጊ መኾኑ ስለተረዳች ነው የፈለገችው ፡፡ ደግሞም መስቀሉ ማለት መንፈሳዊ ትጥቅ ነው ፡፡ ከጠላት ኀይል የምንከላከልበት ፡፡ ቅዱስ ዳዊት “ወወሀብኮሙ ትዕምርተ ለእለ ይፈርሑከ ከመ ያምሥጡ እምገጸ ቅስት ወይድኀኑ ፍቁራኒከ ...የሚፈሩህ ወዳጆችህ ከሰይፍ ስለት ከጦር ንድፈት ይድኑ ዘንድ ምልክትን ሰጠኻቸው ”ይላል ፡፡ ያ ክርስቶስን የምናይበት ምልክታችን ፤ ክርስቶስ የሰጠን ቅዱስ መሣሪ ያችን መስቀል ነው ፡፡ ስንኳን የክርስቶስ ቅዱስ ደም የፈሰሰበት መስቀሉ ቀርቶ የክርስቶስ ቅዱሳት እግሮቹ የዐረፉበት የረገጡት ስፍራ ኹሉ ቅዱስ ይባላልና ፡፡ የጌታ እግር የዐረፈበት የረገጠውን መሬት ቅዱስ ጴጥሮስ በ2 መልዕክቱ =ሀ1 ፥ 18 ላይ “ እንዘ ሀሎነ በደብረ መቅደሱ…” ሲል ይገልጸዋል ፡፡ በቅዱሱ ተራራ ሳለን የሚለው ደብረ ታቦርን ነው ፡፡ ጌታ ስምንቱን ደቀ መዛሙርቱን ከእግረ ደብር (ከተራራው ሥር) ትቶ ሦስቱን ደቀ መዛሙርቱን ማለትም እነቅዱስ ጴጥሮስን ይዞ ወደ ደብረ ታቦር ወጥቷል ፡፡ ቅዱስ ጴጥሮስ በቅዱሱ ተራራ ሳለን ያለው እንግዲህ በዚኽ ምክንያት ነው ፡፡ መስቀል ግን ከተራራውም በላይ ጌታ የሰው ልጆችን የማዳን ሥራ የፈጸመበት ታላቅ ዙፋን ታላቅ ኀይል ኀይላችን ፡፡ ታላቅ ጽንዕ ጽናችን ፡፡ ታላቅ ቤዛ ቤዛችን ፡፡ በክርስቶስ የነፍሳችን መዳኛ መድኃኒተ ነፍሳችን ነው ፡፡ ቅዱስ ነው ፡፡ቅዱስ መስቀል ያድናልና ፡፡ ሰላምንም ይሰጣልና ንግሥት ዕሌኒ ፍጹም ሰላምን ለማግኘት መስቀሉን ሽታ ስለመስቀሉ ተንከራተተች ፡፡ ያም ኾነ ይኽ ቁፋሮውን መስከረም 16 ቀን ጀምረው መጋቢት 10 ቀን መስቀሉን አገኙት ፡፡ እንደገና መጋቢት 11 ቀን ሕንፃ ቤተ ክርስቲያኑን ጀምረውና መስከረም 16 ቀን ፈጽመው ለመጀመሪያ ጊዜ በቅዱስ መስቀል ስም ሕንፃ ቤተ ክርስቲያን የተተከለበት ቀን ነው ፡፡ እንግዲህ ንግሥቲቱ ዕሌኒ የተንከራተተችበትን ቅዱስ መስቀል በፈቃደ እግዚአብሔር በአረጋዊ ኪራኮስ ጥቆማ ጢሰ ዕጣን በአመለከታት መሠረት አገኘችው አስቈፍራ አወጣችው ፡፡ የመስቀሉ ብርሃንም በዓለም ኹሉ አበራ ፡፡ዛሬም እኛም በእርሷ አምሳል ደመራ ደምረን በመስቀሉ የአገኘነውን ሰላም ለሰጠን ክርስቶስ ምስጋና እናቀርባለን ፡፡ ስለመስቀሉም እናዜማለን እናወድሳለን ፡፡ “መስቀለ ክርስቶስሰ ቤዛነ ወኀይልነ ፡፡ አግአዘ ጻድቃነ ወኀጥኣነ እምግብርናተ ሰይጣን ጸላዒነ ነሢኦ ሥልጣነ እምኀበ እግዚአብሔር አምላክነ ፡፡ ” እያልን እንመሠክራለን ፡፡ ክፍል-4 ይቀጥላል። ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

የመስቀል ደመራ በዓል በታላቅ ድምቀት ተከብሮ ዋለ። የጌታችንን መስቀል በምቀኝነት የቀበሩት አይሁድ ከተቀበረበት ለማውጣት በቅድስት እሌኒ ንግስት አማካኝነት ደመራ የተደመረበትን በዓል ቅድስት ቤተክርስቲያን መስከረም 16 አክበራ ትውላለች። የጽርሐ ጽዮን ሐዋርያት ጎላ ቅዱስ ሚካኤል ፍኖተብርሃን ሰ/ት/ቤት ዘማርያን በዓሉን በዝማሬ ከሌሎች አብያተክርስቲያናትን አህት ሰንበት ት/ቤቶች ጋር በጋራ በመሆን በዝማሬ አክብረን አምሽተናል። እግዚአብሔር ለሀገራችን ሰላሙን ሰጥቶ ለዓመቱ ያድርሰን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

#ነገረ_መስቀል ክፍል-2 አይሁድ ሊያጠፉት የማይቻላቸውን የዓለም ብርሃን ጌታን ብንገድለው እናርፋለን ብለው ሰቅለው በፈቃዱ እንደገደሉት ኹሉ አሁንም የመስቀሉን ኀይል ለመድፈን ፈልገው ቈሻሻ ከሚጣልበት አካባቢ ቈፍረው ቀበሩት ፡፡ ሦስት መቶ ዓመታት የጥራጊ መፍሰሻ ኾኖ ኖረ ፡፡ ከቈሻሻው ክምር የተነሣ ስፍራው ተራራ ኾነ ፡፡ በእርግጥ እነዚኽን የመስቀሉን ኀይል ለመድፈን የሞከሩትን አይሁድንና በእየዘመኑ የሚነሡ አጽራረ መስቀልን ቅዱስ ጳውሎስ በ1 ቆሮ = 1 ፥ 18 ፡፡ “ እስመ ነገረ መስቀሉሰ እበድ ውእቱ በኀበ ኅጉላን ፡፡ ወበኀቤነሰ ለእለ ድኅነ ኀይለ እግዚአብሔር ውእቱ----የመስቀሉ ቃል ለማያምኑት ሞኝነት ለሚያምኑት ግን የእግዚአብሔር ኀይል ነው” በማለት ያሳፍራ ቸዋል ፡፡ በዚኽ ብቻ ሳያቆም በ1 ፊል = 3 ፥ 17 ፡፡ “ ኪያየ ተመሰሉ አኃውየ ፡፡ ወተዐቀብዎሙ ለእለ ከመዝ የሐውሩ ሑረተ ካልዐ ዘከመ እብለክሙ ዘልፈ ፡፡ ወይእዜኒ ገሀደ እነግረክሙ ከመ እሙንቱ ጸላዕቱ ለመስቀለ ክርስቶስ-------ብዙዎች ለክርስቶስ መስቀል ጠላት ኾነው ይመላለሳሉ ፡፡ ” የመስቀል ጠላቶች በተለይ ከኹለት መቶ ሰማኒያ ዓመተ ምሕረት በኋላ የመካከ ለኛው ምሥራቅ ዛሬ ኢራቅ ኢራን ሶርያና የሮምም ዐላውያን ነገሥታት እንዱድያኖስ እነዲዮቅልጥያኖስ እነመክስምያኖስ ክርስቲያንን የሚያሠቃዩበት የከፋ ጊዜ ነበር ፡፡ ያ ዘመን ክርስቲያኖች ሙሉ በሙሉ ሕይወታቸውን ለክርስቶስ ክብር መሥዋዕትነት ያዘጋጁበት ጊዜ ነበር ፡፡ ደማቸው እንደ ውኃ በየትኛውም ክልል በየትኛውም ሀገር ፈሰሰ ፡፡እንደውም በዚያን ጊዜ ነው የእስክንድርያው ሊቀ ጳጳሳት ኋላም ተፍጻሜተ ሰማዕት ቅዱስ ጴጥሮስ “ ኦ እግዚኦ ረስያ ለደምየ ማኅተመ ደመ ኵሎሙ ክርስቲያን -------አቤቱ ጌታየ እባክህ ደሜን የክርስቲያን ደም ኹሉ መጨረሻ አድርግልኝ ፡፡ ” እያለ ይጸልይ ነበር ፡፡ ጸሎቱም ተሰምቶለት እርሱ በሰማዕትነት ከዐረፈ በኋላ ቆስጠንጢኖስ ነገሠ ፡፡ ጻድቁ ንጉሥ ቆስጠንጢኖስ ዛሬ ኢስታቡል የተባለው የቊስጥንጥንያ ወይም የቱርክ ንጉሥ ነው ፡፡ ያቺን ጥንታዊት ኢስታንቡል ከተማን የቀናት እርሱ ነው ፡፡በእርግጥ ቆስጠንጢኖስ ትውልዱ ሮማዊ ነበር ፡፡ እናቱ አይሁዳዊት ናት ፡፡ የመጀመሪያ ባሏ ተርቢኖስ እርሷ ዕሌኒ ትሰኛለች ፡፡ እናቱ “ልጄን ወደ ክርስትና ብትመልስልኝ የጠፋውን መስቀልህን እፈልጋለሁ ፡፡ ” የሚል ብፅዐትን ለእግዚአብሔር ተስላ ነበር ፡፡ ምክንያቱም ላይ እንደጠቀስነው አይሁድ መስቀሉን ከቀበሩት ሦስት መቶ ዓመታት ስለኾነ የት እንዳለ የት እንደተቀበረ የሚያውቅ ሰው አልነበረም ፡፡ ዕሌኒ ልትፈልግ የተነሣችው የተደበቀውን ይኽንን የመስቀሉን እውነት ነው ፡፡ ይኽ እውነት ከአልወጣ ከአልተገኘ በቀር ሰላም ሊገኝ አይችልም ፡፡ በእርግጥ ራሷ ዕሌኒ የገዛ ቤቷ ውስጥ ሳይቀር ሰላም የነሣት የባል ቅናት ገጥሞት ነበር ፡፡ በሌላ መጠርጠር ፡፡ ባሏ በሌላ ስለጠረጠራት በባሕር ጉዞ ላይ እያሉ ወደባሕሩ ወረወራት ፡፡ ነገር ግን አምላከ ግፉዓን እግዚአብሔር አጓጕል ተጠርጥራ ባሕር ላይ የተጣ ለችው ዕሌኒን ከሥጥመተ ባሕር አዳናት ፡፡ የአገኛት ሰውም ጥንት ብራንጥያ ዛሬ ብሪታንያ ለሚባላው ሀገር ንጉሥ ሰጣት ፡፡ የዚኽ ንጉሥ ሚስት ኾነች ፡፡ ከእርሱም ወንድ ልጅ ወለደች ፡፡ ስሙንም ቆስጠንጢኖስ አለችው ፡፡ቆስጠንጢኖስ አባቱ ሲሞት በአባቱ እግር ተተክቶ ነገሠ ፡፡ ንግሥት ዕሌኒም በልጇ ዘመነ መንግሥት ያንን ስለቷን ልትፈጽም ተነሣች ፡፡ ከላይ እንደተገለጸው መስቀሉ ከተቀበረ ሦስት መቶ ዓመታት ኾኖታል ፡፡ ነባሮቹን ፤ ሽማግሎቹን ፤ ዐዋቆቹን መጠየቅ ማጠያየቅ ያዘች ፡፡ በጊዜው ከነበሩት ሽማግሎች አንድኛው ኪራኮስ የተባለ ሰው “መስቀሉ የተቀበረበት ከእነዚኽ ተራሮች አንዱ ነው ይባላል ፡፡” ብሎ ነገራት ፡፡ እንግዲህ ንግሥት ዕሌኒ ካህናቱን ሰብስባ ልብሰ ተክህኖ አስለብሳ መስቀል አስይዛ ካህናቱ ዕጣን ሲወግሩ የተወገረው ዕጣን ወደሰማይ ደርሶ ተመልሶ መሬት ላይ አመለከተ ፡፡ ቅዱስ ያሬድ “ ዘዕጣን አንጸረ ሰገደ ጢስ----ዕጣኑ ወደአመለከተበት አቅጣጫ ጢሱ ሰገደ ፡፡ የዕጣኑ ጭስ አሳየ ፡፡ ጠቆመ ፡፡ ይኽ ነው ብሎ አረጋገጠ ” ማለት ነው ክፍል-3 ይቀጥላል! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

መስቀል መሠዊያ ነው ፡፡ ጌታችን ኢየሱስ ክርስቶስ በላዩ ተሰቅሎ ክርስቲያንን ከሕጉ ርግማን ነፃ የአወጣበት የሕጉ ክስ የተሰረዘበት መድኃኒት የተገኘበት ነው ፡፡ ሮሜ = 6 ፥ 1 ፡፡ ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

ማሳሰቢያ ለመስቀል ዘማርያን የመስቀል በዓል ጥናት በቅዱስ ራጉኤል ቤ/ክ ስታጠኑ የነበራችሁ የመነሻ ቦታው ቅድስት ሥላሴ ቤ/ክ ስለሆነ ዛሬ ከ4:00 ጀምሮ እንድንገኝ ስለተነገረ፤ ቀድመን በጎላ ተሰብስበን ልብሰ ስብሐት ለብሰን እንድንሄድ ለማሳሰብ እንወዳለን። መልካም የደመራ በዓል!

#ነገረ_መስቀል ክፍል 1 የበዓለ መስቀልን ታሪክ ለመረዳት እግዚአብሔር ለዘመናት ተፈጥሮ የሰጠውን ጸጋ አብዝቶ መመልከት ያስፈልጋል ፡፡ በኹሉም ዘመናት ውስጥ ዓመታት ፡፡ በዓመታት ውስጥ አውራኅ ፡፡ በአውራኅ ውስጥ ሰሙናት አሉ ፡፡ ለምሳሌ የክረምት ሰሙናት እንይ ፡፡ ወርኃ ክረምት ከሰኔ 25 እስከ መስከረም 25 ቢባልም በውስጡ ስድስት ዐይነት ዋና ዋና ክፍሎች አሉት ፡፡ የመጀመሪያ ወርኃ ዘርእ ነው ፡፡ በዚያን ጊዜ ዘርእ ፤ ዝናም ፤ ጠል የሚነኩ የምስጋና ቃላት ይቀርባሉ ፡፡ ኹለተኛው ነጐድጓድ ፤ ባሕር ፤ መብረቅ የሚሉ ቃላት እየተጠቀሱ ይመሰገንበታል ፡፡ በሦስተኛ ደረጃ ደግሞ ጎሐ ጽባሕ ፤ ዕጕለ ቋዐት ፤ እየተባለ ይዘመራል ፡፡ አራተኛው የጳጕሜኑ ቀለም ነገረ ምጽአት ነው ፡፡ አምስተኛው ርእሰ ዐውደ ዓመት ነው ፡፡ በዓለ ዮሐንስ ይባላል ፡፡ ስለዮሐንስ ከመስከረም 1------8 ይነገራል ፡፡ ስድሰተኛው ከወርኃ መስከረም 9-----15 ያለው ነው ፡፡ ወርኃ ፍሬ ይባላል ፡፡ ለምሳሌ “ ዕኩት አንተ ” በተባለው መዝሙር ውስጥ ዝቅ ብሎ “ እግዚኦ ባርክ ፍሬሃ ለምድር ፡፡ መሐሪ ወጻድቅ መኑ ከማከ ፡፡ ዘታርኁ ክረምተ በጸጋከ ነፍስ ድኅንት ወነፍስ ርኅብት እንተ ፀግበት ተዐኵተከ ፡፡ ” ሲል እናገኛለን ፡፡ ንባባቱ ኹሉ ምስባኩ ወንጌሉ ኹሉ ስለፍሬ የሚያወሱ ናቸው ፡፡ ለምሳሌ እንደ ሉቃስ ወንጌል =13 ፥ 6 ላይ ጌታ አሀዱ ብእሲ በለስ ቦቱ ውስተ ዐፀደ ወይኑ እምርት ፡፡ ወሖረ ኀቤሃ ይንሣእ ፍሬሃ እንደአለችው እንደ በለስ ዘአልባቲ ፍሬ ያሉ። እነሆ ሰባተኛው ሰሙነ በዓል ደግሞ ከመስከረም 16 ቀን ጀምሮ ያለው ነው ፡፡ ሰሙነ መስቀል ይባላል ፡፡ መስቀል በገለጠው ምሥጢር ምክንያት በአይሁድ ተቀብሮ በገለጠው ምሠጢር መልሶ የተገለጠው ድንቅ ነገር ነው ፡፡ ምክንያቱም ሐዋርያት “ ሒዱና ወንጌልን ለዓለም ስበኩ ” ያላቸውን የጌታን ቃል ይዘው በዓለም ዙሪያ ተበተኑ ፡፡ መስቀሉ ግን ኢየሩሳሌም ውስጥ ነበር ፡፡ በእግዚአብሔር ኀይል ድውይ እየፈወሰ ሙት እያስነሣ ድንቅ ድንቅ ተዐምራት ያደርግ ነበር ፡፡ ምክንያቱም መለኮታዊ የክርስቶስ ደሙ የፈሰሰበት የነካው ስለኾነ ፡፡ “ እምገቦከ ውኅዘ ነቅዐ ማይ ዘቀደሶ ለፈያታይ መስቀልከ እግዚኦ ምስካይ ለነዳይ ፡፡ ዕፅ ዘለከፎ ደሙ ክቡር ፡፡” ቅዱስ ያሬድ ክፍል 2 ይቀጥላል... ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

"‘እነሆ፥ ሰማያት ተከፍተው የሰው ልጅም በእግዚአብሔር ቀኝ ቆሞ አያለሁ’ አለ።" — የሐዋርያት ሥራ 7፥56 በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

የምድር ጌጥ ኢትዮጵያ ልዩ የልጆች እና የቤተሰብ ታሪካዊ ዐውደ ርዕይ መራዘምን አስመልክቶ በሐመረ ብርሃን የብራና መጻሕፍት ሥራ ተቋም መስከረም 13/2018ዓ.ም በርካታ ሚዲያዎች በተገኙበት ጋዜጣዊ መግለጫ ተሰጠ! ለቀናት ተዘጋጅቶ የሚያልፍ ብቻ ሳይሆን ለቀጣይ ትውልድም የሚተላለፈው ታሪካዊው «የምድር ጌጥ ኢትዮጵያ» ዓውደ ርዕይ ከዘመነ ጽጌ መጀመሪያ ቅዳሜ መስከረም 30 ጀምሮ ለ3 ተከታታይ ሳምንታት ቅዳሜ እና እሑድ ብቻ ለሕዝብ ክፍት ሆኖ እንዲጎበኝ ተራዘመ! ይህን ዓውደ ርዕይ እስካሁን ያልጎበኛችሁ ሁሉ ቅዳሜ መስከረም 30 እሑድ ጥቅምት 1 ቅዳሜ ጥቅምት 7 እሑድ ጥቅምት 8 ቅዳሜ ጥቅምት 14 እሑድ ጥቅምት 15 ከጦር ኃይሎች ወደ የሺ ደበሌ ወይም ቀራንዮ በሚወስደው መንገድ ላይ ከሆላንድ ኢምባሲ ጀርባ በሚገኘው በሆላንድ ፓርክ በመገኘት እንድትጎበኙ በአክብሮት ጋብዘናል! ሐመረ ብርሃን የሰንበት ት/ቤታችን ሕጻናት ክፍል ባሳለፍነው ነሐሴ 30/2018 ዓ.ም ይህንን ታሪካዊ አውደ ርዕይ መመልከታቸው ይታወሳል።

"ሃሌ ሉያ። እግዚአብሔርን በመቅደሱ አመስግኑት፤ በኃይሉ ጠፈር አመስግኑት። በችሎቱ አመስግኑት፤ በታላቅነቱ ብዛት አመስግኑት። በመለከት ድምፅ አመስግኑት፤ በበገናና በመሰንቆ አመስግኑት። በከበሮና በዘፈን አመስግኑት፤ በአውታርና በእምቢልታ አመስግኑት። ድምፁ መልካም በሆነ ጸናጽል አመስግኑት፤ እልልታ ባለው ጸናጽል አመስግኑት። እስትንፋስ ያለው ሁሉ እግዚአብሔርን ያመስግን፦ ሃሌ ሉያ። " መዝ 150 የመስከረም 12/2019 ዓ.ም የምሽት የአውደምሕረት ጉባኤ ማስታወሻ!

"አንደበትህን ከክፉ ከልክል፥ ከንፈሮችህም ሽንገላን እንዳይናገሩ። ከክፉ ሽሽ መልካምንም አድርግ፤ ሰላምን እሻ ተከተላትም።" መዝ 34፥13 በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

"የእግዚአብሔርን ቃል የተናገሩአችሁን ዋኖቻችሁን አስቡ፥ የኑሮአቸውንም ፍሬ እየተመለከታችሁ በእምነታቸው ምሰሉአቸው።" ዕብ 13፥7 በዚህ ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

"....ለቅዱሳን አንድ ጊዜ ፈጽሞ ስለ ተሰጠ ሃይማኖት እንድትጋደሉ እየመከርኋችሁ እጽፍላችሁ ዘንድ ግድ ሆነብኝ።" ይሁ 1፥2 በዚህችው ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc