Harari Region Water Supply and Sewerage Authority

የሀረሪ ክልል በ 331 ሚሊዮን ብር ከአለም ባንክ በውሃና ኢናርጂ ሚኒስቴር በኩል በ2ተኛ ከተሞች የመጠጥ ውሃና ሰኒቴሽን ፕሮጃክት የፍሳሽ ማጣሪያ ጣቢያ (FSTP) የማጠናቀቂያ ግንባታ ለማከነወን የውል ስምምናት መግባቱን የክልሉ ውሃና ፍሳሽ ባለስልጣን አስታወቀ። የፍሳሽ ማጣሪያ ጣቢያ (FSTP) የግንባታ የውል ስምምነቱንም በክልሉ የውሃና ፍሳሽ ባለስልጣን እና ዮሃንስ አለማየው ጠቅላላ የውሃ ስራዎች ውል ስምምነቱን ተፈራርመዋል ። የባለስልጣኑ ስራ አስኪያጅ አቶ አህመድ መሐመድ አዱሱ በወቅቱ እንደገለጹት፤ ሐረርን ለነዋሪዎቿና ለጎብኚዎች ፅዱና ምቹ የማድረግ ስራዎች በተጠናከረ መልኩ እየተከናወኑ ይገኛሉ። ከዚህ አኳያ ባለስልጣኑ በከተማው ውስጥ በተለያዩ ስፍራዎች የመጸዳጃ ቤት ገንብቶ ለአገልግሎት ከማብቃት ባለፈ ሌሎች የተለያዩ ስራዎችን እያከናወነ እንደሚገኝ ተናግረዋል። በከተማው ከሚገኙ መኖሪያ ቤቶች፣ ተቋማትና ከሌሎች መጸዳጃ ቤቶች የሚወጡ ፍሳሽ አወጋገድ ጋር በተያያዘ ውስንነት እንደሚታይና በህብረተሰቡ ዘንድም ቅሬታ ሲያስነሳ ቆይቷል ብለዋል። ችግሩን ለማቃለል በ331 ሚሊዮን ብር ከአለም ባንክ በውሃና ኢናርጂ ሚኒስቴር በኩል በ2ተኛ ከተሞች የመጠጥ ውሃና ሰኒቴሽን ፕሮጃክት በተመደበ በጀት በክልሉ ሶፊ ወረዳ ሐረዌ ቀበሌ ገበሬ ማህበር የፍሳሽ ማጣሪያ ጣቢያ ግንባታ እንደሚከናወን ተናግረዋል። የፍሳሽ ማጣሪያ ጣቢያው በህብረተሰቡ የሚነሳውን ችግር ከማቃለል ባለፈ ለወጣቶች የስራ እድል እንደሚፈጥርም ነው የገለጹት። እንዲሁም ለአካባቢው አርሶ አደር ለመስኖ ልማት የሚያገለግል ውሃና ማዳበሪያ በማመቻቸት ምርትና ምርታማነትን ለማጎልበት አስተዋጽኦ እንደሚኖረውም አስረድተዋል። የፍሳሽ ማጣሪያው አካባቢን ውብና ጽዱ ከማድረግ ባሻገር የስራ እድል እንደሚፈጥርም ገልፀዋል። ከዚህ ቀደም ፀሜክስ ግሎባል ኢንተርፕራይዝ ጋር ባለስልጣን መ/ቤቱ የውል ስምምነት በማድረግ ስራዎች ሲከናወኑ የነበረ ቢሆንም በስራ ተቋራጩ በገባው ውል መሰረት ማከናወን ባለመቻሉ የስራ ውል ተቋርጦ እንደገና ጨረታ በማውጣት ዮሃንስ አለማየው ጠቅላላ የውሃ ስራዎች ድርጅት ጋር ውል ስምምነት ተፈራርሟል፡ ፕሮጀግቱም በተባለበት ቀን እንዲያልቅ የባለስልጣኑ መ/ቤቱ ሃለፊ አቶ አህመድ መሐመድ አዱሱ ገልፃዋል::