Harari Region Water Supply and Sewerage Authority

የፌደራል ፖሊስ ጠቅላይ አዛዥ ኮሚሽነር ጀነራል ደመላሽ ገ/ሚካኤል የኢትዮጵያ ፖሊስ ሐረር ሆስፒታል ማስፋፊያና የከርሰ ምድር ውሃ ፕሮጀክቶችን ጎበኙ በኢትዮጵያ ፌደራል ፖሊስ ጠቅላይ አዛዥ ኮሚሽነር ጀነራል ደመላሽ ገ/ሚካኤል የተመራ ልዑክ የኢትዮጵያ ፌደራል ፖሊስ ሆስፒታል ሐረር ማስፋፊያ ፕሮጀክትንና በሆስፒታሉ ግቢ የሚገኘውን የከርሰ ምድር ውሃ ፕሮጀክት ጎብኝተዋል። በጉብኝቱ የሐረሪ ህዝብ ክልላዊ መንግሥት ፕሬዝዳንት አቶ ኦርዲን በድሪ፣ የፌደራል ፖሊስ፣ የሐረሪ ክልል እና የድሬዳዋ ፖሊስ አመራሮች ተገኝተዋል። በጉብኝቱ ወቅት የሐረሪ ክልል ውሃና ፍሳሽ ባለሥልጣን የቴክኒክና ኦፕሬሽን ዋና የስራ ሂዳት ክፍል ኃላፊ የሆኑት አቶ አዲል በክሪ፣ ስለ የከርሰ ምድር ውሃ ፕሮጀክቱ አፈጻጸም፣ ያለበት ደረጃና ለሆስፒታሉ የሚኖረውን ጠቀሜታ አስመልክተው ለኮሚሽነር ጀነራሉና ለተጓዳኙ ልዑክ ቡድን ሰፊ ገለጻ አቅርበዋል። በገለጻቸውም ፕሮጀክቱ ለሆስፒታሉ ቀጣይነት ያለውን የውሃ አቅርቦት በማረጋገጥ የሕክምና አገልግሎቱን የበለጠ አስተማማኝና ቀልጣፋ እንደሚያደርገው ገልጸዋል። ወቅታዊ መረጃዎችን ወዲያውኑ ለማግኘት ቻናሎቻችንን ይቀላቀሉ:- ቴሌግራም: https://t.me/Hwssa ፌስቡክ፡- https://www.facebook.com/harariwssa ቲክቶክ፡- tiktok.com/@harariwater ዌብሳይት፡- http://harariwater.gov.et #የሐረሪ_ክልል_ውሃና_ፍሳሽ_ባለስልጣን