draw media

🔻وەزارەتی رۆشنبیری نمایشی شانۆیی پیانۆی لە هەولێر راگرت " دیكۆری نمایشەكەی لە هۆڵی رۆشنبیری هەولێر كۆبكەنەوە و بگەڕێنەوە بۆ سلێمانی" درەو: 🔹سەبارەت بە بڕیارەكەی وەزارەتی رۆشنبیری رەحمان غەریب دامەزراوەكانمان وەك دورگەی لە یەكتر دوور، وەك كانتۆنی لێكترازاو، پەیوەندییان پێكەوە نەك لاوازە بەڵكوو بڕیارەكانیان بوون بە فاكتەری تۆخكردنی روحی ناوچگەری و زۆنگچێتی برەودان بە دابەشبوونی كۆمەڵایەتی و كەلتووری. ئەم دامەزراوانەمان بە شێوەیەك داڕزاوە، توشی شۆك نابم كە ئەم دابەشبوونە یەخەی ئازادی جوڵەی فەرهەنگ و هونەری شارێك بۆ ئەویتر بگرێت، سروشتی حوكمڕانی و جەمسەرگیری سیاسی و عەقڵی حوكمڕانی كوورتبین و بلۆك، ئەوەمان پێدەڵێت. ئاگاداركردنەوەی تیمی شانۆیی پیانۆ لەلایەن بریكاری وەزارەتی رۆشنبیری، كە دیكۆری نمایشەكەی لە هۆڵی رۆشنبیری هەولێر كۆبكەنەوە و بگەڕێنەوە بۆ سلێمانی، وەك ستافی پیانۆ دەیگێڕنەوە: سزایەك بووە لەپای ئەوەی ناوی وەزارەتەكەیان لە شوێنی نەگونجاوی ریكلام و دەعوەتنامەی شانۆییەكە دانراوە. رێگە نەدان بە نمایشكردنی شانۆیی (پیانۆ) نوسین و دەرهێنانی هونەمەند شوان كریم، پەیوەندی بە هەڵەیكی تەكنیكی و رێكخستن نییە كە دواتر راستكراوەتەوە، درەئەنجامی سیاسەتێكە نیشتمانەكەمانی بە ئاسۆیی و ستوونی دابەشكردووە، ئەمە رۆژانە بەرماندەكەوێت و هەستی پێدەكەین، ئازارمان دەدات و پێمان دەڵێت: نە وەزارەت و نە دەوار و نە رەشماڵێكی نیشتمانی هەیە لە سایەیدا فەهەنگی رەنگینمان كۆبكاتەوە. راگرتنی نمایش گەورەترین سزایە و ناكرێت دوای رەزامەندی ئوسوڵی (بەهەڵەكەشەوە كە زۆر ئاسان لائەبرا) رابگیرێت، چەندین لێڤڵی سووكتر لە هەڵوێست هەبوو وەزارەت بیگرێ، خێر پەڕینەوە بۆ توندترین؟ ئەمەی كردوویانە دەموچاوێكی ناشرینی دووكەرتكردنی حزبیی وەزارەتەكانی هەرێم لە بریی شانۆگەرییەكە، نمایش دەكرێت. دەموچاوێكە لەبری خۆنمایشكردن دەبوا شەرم لە خۆی بكات.