БАШАНД КИТОБЕН

МАКРИ СОЗМОНҲОИ ҶАҲОНӢ ——————————- Дили ман сард шуд аз созмонҳои ҷаҳонбонӣ, На дар кирдорашон дидам асар аз хулқи инсонӣ. Хуросонзодагонро «толибон»* карданд қатли ом, Нашуд як созмон ҳам садди ин рафтори ҳайвонӣ. Куҷо он Созмоне, ки ба номи кулли Миллал ҳаст? Чаро хомӯш буд дар қатли тифлони бадахшонӣ..?* Бубин, ин созмон монеъи роҳи хун намегардад, Ба ҳоле, ки башар ҳар дам шавад дар ҷанг қурбонӣ. Ба вақти мотами ақвоми шарқ — ин созмон кӯр аст, Вале биност — чун дар ғарб бинад нобасомонӣ. Дилам аз созмони мазҳабиву динӣ ҳам бишкаст, Дурӯғанд - ин муассисоти исломӣ ва насронӣ. Худоё, баста бодо созмони диние, ки он, Башарро мебарад аз самти доноӣ ба нодонӣ. Умед аз созмонҳои ҷаҳонӣ қатъиян баркан, Фақат бар хеш бовар кун - Аҷиби тоҷикистонӣ. ————— Аҷиб Ҷамол ШАРҲИ ВОЖАҲО: ~ Ҷаҳонбонӣ — нигаҳбониву нигоҳдорандагии кулли ҷаҳон. ~Толибон — Гурӯҳи тундгарои исломӣ, ки алъон дар Хуросон ҳукм меронанд. ~Қатли тифлони бадахшонӣ — манзурам он аст, ки «толибон» теъдоди зиёде аз бошандагони Бадахшонро барои эътиқоду урфу одоташон ба қатл расониданд, аз он ҷумла тифлону занонро низ. Вале СММ мавқеъи бетарафиро интихоб намуд.

Подписаться на группу можно по следующей ссылке. https://t.me/MadoMunojot В Telegram есть канал МУНОҶОТ~MUNOJOT. В этом канале можно послушать: МУНОҶОТ! МАДДО! ЗИКР! Подписаться на группу можно по следующей ссылке. https://t.me/MadoMunojot

Генон